সূর্য অষ্টোত্তর শত নাম স্তোত্রম্

সূর্য অষ্টোত্তর শত নাম স্তোত্রম্

শ্লোক 1

অরুণায শরণ্যায করুণারসসিন্ধবে ।

অসমানবলাযাঽঽর্তরক্ষকায নমো নমঃ

শ্লোক 2

আদিত্যাযাঽঽদিভূতায অখিলাগমবেদিনে ।

অচ্যুতাযাঽখিলজ্ঞায অনন্তায নমো নমঃ

॥ 1 ॥

শ্লোক 3

ইনায বিশ্বরূপায ইজ্যাযৈন্দ্রায ভানবে ।

ইন্দিরামন্দিরাপ্তায বন্দনীযায তে নমঃ

॥ 2 ॥

শ্লোক 4

ঈশায সুপ্রসন্নায সুশীলায সুবর্চসে ।

বসুপ্রদায বসবে বাসুদেবায তে নমঃ

॥ 3 ॥

শ্লোক 5

উজ্জ্বলাযোগ্ররূপায ঊর্ধ্বগায বিবস্বতে ।

উদ্যত্কিরণজালায হৃষীকেশায তে নমঃ

॥ 4 ॥

শ্লোক 6

ঊর্জস্বলায বীরায নির্জরায জযায চ ।

ঊরুদ্বযাভাবরূপযুক্তসারথযে নমঃ

॥ 5 ॥

শ্লোক 7

ঋষিবন্দ্যায রুগ্ঘন্ত্রে ঋক্ষচক্রচরায চ ।

ঋজুস্বভাবচিত্তায নিত্যস্তুত্যায তে নমঃ

॥ 6 ॥

শ্লোক 8

ৠকারমাতৃকাবর্ণরূপাযোজ্জ্বলতেজসে ।

ৠক্ষাধিনাথমিত্রায পুষ্করাক্ষায তে নমঃ

॥ 7 ॥

শ্লোক 9

লুপ্তদন্তায শান্তায কান্তিদায ঘনায চ ।

কনত্কনকভূষায খদ্যোতায নমো নমঃ

॥ 8 ॥

শ্লোক 10

লূনিতাখিলদৈত্যায সত্যানন্দস্বরূপিণে ।

অপবর্গপ্রদাযাঽঽর্তশরণ্যায নমো নমঃ

॥ 9 ॥

শ্লোক 11

একাকিনে ভগবতে সৃষ্টিস্থিত্যন্তকারিণে ।

গুণাত্মনে ঘৃণিভৃতে বৃহতে ব্রহ্মণে নমঃ

॥ 10 ॥

শ্লোক 12

ঐশ্বর্যদায শর্বায হরিদশ্বায শৌরযে ।

দশদিক্সম্প্রকাশায ভক্তবশ্যায তে নমঃ

॥ 11 ॥

শ্লোক 13

ওজস্করায জযিনে জগদানন্দহেতবে ।

জন্মমৃত্যুজরাব্যাধিবর্জিতায নমো নমঃ

॥ 12 ॥

শ্লোক 14

ঔন্নত্যপদসঞ্চাররথস্থাযাত্মরূপিণে ।

কমনীযকরাযাঽব্জবল্লভায নমো নমঃ

॥ 13 ॥

শ্লোক 15

অন্তর্বহিঃপ্রকাশায অচিন্ত্যাযাঽঽত্মরূপিণে ।

অচ্যুতায সুরেশায পরস্মৈ জ্যোতিষে নমঃ

॥ 14 ॥

শ্লোক 16

অহস্করায রবযে হরযে পরমাত্মনে ।

তরুণায বরেণ্যায গ্রহাণাং পতযে নমঃ

॥ 15 ॥

শ্লোক 17

ওঁ নমো ভাস্করাযাঽঽদিমধ্যান্তরহিতায চ ।

সৌখ্যপ্রদায সকলজগতাং পতযে নমঃ

॥ 16 ॥

শ্লোক 18

নমঃ সূর্যায কবযে নমো নারাযণায চ ।

নমো নমঃ পরেশায তেজোরূপায তে নমঃ

॥ 17 ॥

শ্লোক 19

ওঁ শ্রীং হিরণ্যগর্ভায ওঁ হ্রীং সম্পত্করায চ ।

ওঁ ঐং ইষ্টার্থদাযাঽনুপ্রসন্নায নমো নমঃ

॥ 18 ॥

শ্লোক 20

শ্রীমতে শ্রেযসে ভক্তকোটিসৌখ্যপ্রদাযিনে ।

নিখিলাগমবেদ্যায নিত্যানন্দায তে নমঃ

॥ 19 ॥

শ্লোক 21

ইতি শ্রী সূর্য অষ্টোত্তরশতনাম স্তোত্রম্ ।