సుబ్రహ్మణ్య పఞ్చ రత్న స్తోత్రమ్

సుబ్రహ్మణ్య పఞ్చ రత్న స్తోత్రమ్

శ్లోక 1

షడాననం చన్దనలేపితాఙ్గం మహోరసం దివ్యమయూరవాహనమ్ ।

రుద్రస్యసూనుం సురలోకనాథం బ్రహ్మణ్యదేవం శరణం ప్రపద్యే

శ్లోక 2

జాజ్వల్యమానం సురవృన్దవన్ద్యం కుమార ధారాతట మన్దిరస్థమ్ ।

కన్దర్పరూపం కమనీయగాత్రం బ్రహ్మణ్యదేవం శరణం ప్రపద్యే

॥ 1 ॥

శ్లోక 3

ద్విషడ్భుజం ద్వాదశదివ్యనేత్రం త్రయీతనుం శూలమసీ దధానమ్ ।

శేషావతారం కమనీయరూపం బ్రహ్మణ్యదేవం శరణం ప్రపద్యే

॥ 2 ॥

శ్లోక 4

సురారిఘోరాహవశోభమానం సురోత్తమం శక్తిధరం కుమారమ్ ।

సుధార శక్త్యాయుధ శోభిహస్తం బ్రహ్మణ్యదేవం శరణం ప్రపద్యే

॥ 3 ॥

శ్లోక 5

ఇష్టార్థసిద్ధిప్రదమీశపుత్రం ఇష్టాన్నదం భూసురకామధేనుమ్ ।

గఙ్గోద్భవం సర్వజనానుకూలం బ్రహ్మణ్యదేవం శరణం ప్రపద్యే

॥ 4 ॥

శ్లోక 6

యః శ్లోకపఞ్చమిదం పఠతీహ భక్త్యా

బ్రహ్మణ్యదేవ వినివేశిత మానసః సన్ ।

ప్రాప్నోతి భోగమఖిలం భువి యద్యదిష్టమ్

అన్తే స గచ్ఛతి ముదా గుహసామ్యమేవ ॥