শ্রী স্বর্ণ আকর্ষণ ভৈরব স্তোত্রম্

শ্রী স্বর্ণ আকর্ষণ ভৈরব স্তোত্রম্

শ্লোক 1

ওঁ অস্য শ্রী স্বর্ণাকর্ষণ ভৈরব স্তোত্র মহামন্ত্রস্য ব্রহ্ম ঋষিঃ অনুষ্টুপ্ ছন্দঃ শ্রী স্বর্ণাকর্ষণ ভৈরবো দেবতা হ্রীং বীজং ক্লীং শক্তিঃ সঃ কীলকং মম দারিদ্র্য নাশার্থে পাঠে বিনিযোগঃ ॥

ঋষ্যাদি ন্যাসঃ ।

ব্রহ্মর্ষযে নমঃ শিরসি ।

অনুষ্টুপ্ ছন্দসে নমঃ মুখে ।

স্বর্ণাকর্ষণ ভৈরবায নমঃ হৃদি ।

হ্রীং বীজায নমঃ গুহ্যে ।

ক্লীং শক্তযে নমঃ পাদযোঃ ।

সঃ কীলকায নমঃ নাভৌ ।

বিনিযॊগায নমঃ সর্বাঙ্গে ।

হ্রাং হ্রীং হ্রূং ইতি কর ষডঙ্গন্যাসঃ ॥

ধ্যানম্ ।

পারিজাতদ্রুম কান্তারে স্থিতে মাণিক্যমণ্ডপে ।

সিংহাসনগতং বন্দে ভৈরবং স্বর্ণদাযকম্ ॥

গাঙ্গেয পাত্রং ডমরূং ত্রিশূলং

বরং করঃ সন্দধতং ত্রিনেত্রম্ ।

দেব্যাযুতং তপ্ত সুবর্ণবর্ণ

স্বর্ণাকর্ষণভৈরবমাশ্রযামি ॥

মন্ত্রঃ ।

ওঁ ঐং হ্রীং শ্রীং ঐং শ্রীং আপদুদ্ধারণায হ্রাং হ্রীং হ্রূং অজামলবধ্যায লোকেশ্বরায স্বর্ণাকর্ষণভৈরবায মম দারিদ্র্য বিদ্বেষণায মহাভৈরবায নমঃ শ্রীং হ্রীং ঐম্ ।

স্তোত্রম্ ।

নমস্তেঽস্তু ভৈরবায ব্রহ্মবিষ্ণুশিবাত্মনে ।

নমস্ত্রৈলোক্যবন্দ্যায বরদায পরাত্মনে

শ্লোক 2

রত্নসিংহাসনস্থায দিব্যাভরণশোভিনে ।

দিব্যমাল্যবিভূষায নমস্তে দিব্যমূর্তযে

॥ 1 ॥

শ্লোক 3

নমস্তেঽনেকহস্তায হ্যনেকশিরসে নমঃ ।

নমস্তেঽনেকনেত্রায হ্যনেকবিভবে নমঃ

॥ 2 ॥

শ্লোক 4

নমস্তেঽনেককণ্ঠায হ্যনেকাংশায তে নমঃ ।

নমোস্ত্বনেকৈশ্বর্যায হ্যনেকদিব্যতেজসে

॥ 3 ॥

শ্লোক 5

অনেকাযুধযুক্তায হ্যনেকসুরসেবিনে ।

অনেকগুণযুক্তায মহাদেবায তে নমঃ

॥ 4 ॥

শ্লোক 6

নমো দারিদ্র্যকালায মহাসম্পত্প্রদাযিনে ।

শ্রীভৈরবীপ্রযুক্তায ত্রিলোকেশায তে নমঃ

॥ 5 ॥

শ্লোক 7

দিগম্বর নমস্তুভ্যং দিগীশায নমো নমঃ ।

নমোঽস্তু দৈত্যকালায পাপকালায তে নমঃ

॥ 6 ॥

শ্লোক 8

সর্বজ্ঞায নমস্তুভ্যং নমস্তে দিব্যচক্ষুষে ।

অজিতায নমস্তুভ্যং জিতামিত্রায তে নমঃ

॥ 7 ॥

শ্লোক 9

নমস্তে রুদ্রপুত্রায গণনাথায তে নমঃ ।

নমস্তে বীরবীরায মহাবীরায তে নমঃ

॥ 8 ॥

শ্লোক 10

নমোঽস্ত্বনন্তবীর্যায মহাঘোরায তে নমঃ ।

নমস্তে ঘোরঘোরায বিশ্বঘোরায তে নমঃ

॥ 9 ॥

শ্লোক 11

নমঃ উগ্রায শান্তায ভক্তেভ্যঃ শান্তিদাযিনে ।

গুরবে সর্বলোকানাং নমঃ প্রণব রূপিণে

॥ 10 ॥

শ্লোক 12

নমস্তে বাগ্ভবাখ্যায দীর্ঘকামায তে নমঃ ।

নমস্তে কামরাজায যোষিত্কামায তে নমঃ

॥ 11 ॥

শ্লোক 13

দীর্ঘমাযাস্বরূপায মহামাযাপতে নমঃ ।

সৃষ্টিমাযাস্বরূপায বিসর্গায সম্যাযিনে

॥ 12 ॥

শ্লোক 14

রুদ্রলোকেশপূজ্যায হ্যাপদুদ্ধারণায চ ।

নমোঽজামলবদ্ধায সুবর্ণাকর্ষণায তে

॥ 13 ॥

শ্লোক 15

নমো নমো ভৈরবায মহাদারিদ্র্যনাশিনে ।

উন্মূলনকর্মঠায হ্যলক্ষ্ম্যা সর্বদা নমঃ

॥ 14 ॥

শ্লোক 16

নমো লোকত্রযেশায স্বানন্দনিহিতায তে ।

নমঃ শ্রীবীজরূপায সর্বকামপ্রদাযিনে

॥ 15 ॥

শ্লোক 17

নমো মহাভৈরবায শ্রীরূপায নমো নমঃ ।

ধনাধ্যক্ষ নমস্তুভ্যং শরণ্যায নমো নমঃ

॥ 16 ॥

শ্লোক 18

নমঃ প্রসন্নরূপায হ্যাদিদেবায তে নমঃ ।

নমস্তে মন্ত্ররূপায নমস্তে রত্নরূপিণে

॥ 17 ॥

শ্লোক 19

নমস্তে স্বর্ণরূপায সুবর্ণায নমো নমঃ ।

নমঃ সুবর্ণবর্ণায মহাপুণ্যায তে নমঃ

॥ 18 ॥

শ্লোক 20

নমঃ শুদ্ধায বুদ্ধায নমঃ সংসারতারিণে ।

নমো দেবায গুহ্যায প্রবলায নমো নমঃ

॥ 19 ॥

শ্লোক 21

নমস্তে বলরূপায পরেষাং বলনাশিনে ।

নমস্তে স্বর্গসংস্থায নমো ভূর্লোকবাসিনে

॥ 20 ॥

শ্লোক 22

নমঃ পাতালবাসায নিরাধারায তে নমঃ ।

নমো নমঃ স্বতন্ত্রায হ্যনন্তায নমো নমঃ

॥ 21 ॥

শ্লোক 23

দ্বিভুজায নমস্তুভ্যং ভুজত্রযসুশোভিনে ।

নমোঽণিমাদিসিদ্ধায স্বর্ণহস্তায তে নমঃ

॥ 22 ॥

শ্লোক 24

পূর্ণচন্দ্রপ্রতীকাশবদনাম্ভোজশোভিনে ।

নমস্তে স্বর্ণরূপায স্বর্ণালঙ্কারশোভিনে

॥ 23 ॥

শ্লোক 25

নমঃ স্বর্ণাকর্ষণায স্বর্ণাভায চ তে নমঃ ।

নমস্তে স্বর্ণকণ্ঠায স্বর্ণালঙ্কারধারিণে

॥ 24 ॥

শ্লোক 26

স্বর্ণসিংহাসনস্থায স্বর্ণপাদায তে নমঃ ।

নমঃ স্বর্ণাভপারায স্বর্ণকাঞ্চীসুশোভিনে

॥ 25 ॥

শ্লোক 27

নমস্তে স্বর্ণজঙ্ঘায ভক্তকামদুঘাত্মনে ।

নমস্তে স্বর্ণভক্তানাং কল্পবৃক্ষস্বরূপিণে

॥ 26 ॥

শ্লোক 28

চিন্তামণিস্বরূপায নমো ব্রহ্মাদিসেবিনে ।

কল্পদ্রুমাধঃসংস্থায বহুস্বর্ণপ্রদাযিনে

॥ 27 ॥

শ্লোক 29

নমো হেমাদিকর্ষায ভৈরবায নমো নমঃ ।

স্তবেনানেন সন্তুষ্টো ভব লোকেশভৈরব

॥ 28 ॥

শ্লোক 30

পশ্য মাং করুণাবিষ্ট শরণাগতবত্সল ।

শ্রীভৈরব ধনাধ্যক্ষ শরণং ত্বাং ভজাম্যহম্ ।

প্রসীদ সকলান্ কামান্ প্রযচ্ছ মম সর্বদা

॥ 29 ॥

শ্লোক 31

ফলশ্রুতিঃ

শ্রীমহাভৈরবস্যেদং স্তোত্রসূক্তং সুদুর্লভম্ ।

মন্ত্রাত্মকং মহাপুণ্যং সর্বৈশ্বর্যপ্রদাযকম্

॥ 30 ॥

শ্লোক 32

যঃ পঠেন্নিত্যমেকাগ্রং পাতকৈঃ স বিমুচ্যতে ।

লভতে চামলালক্ষ্মীমষ্টৈশ্বর্যমবাপ্নুযাত্

॥ 31 ॥

শ্লোক 33

চিন্তামণিমবাপ্নোতি ধেনু কল্পতরুং ধৃবম্ ।

স্বর্ণরাশিমবাপ্নোতি সিদ্ধিমেব স মানবঃ

॥ 32 ॥

শ্লোক 34

সন্ধ্যাযাং যঃ পঠেত্ স্তোত্রং দশাবৃত্যা নরোত্তমৈঃ ।

স্বপ্নে শ্রীভৈরবস্তস্য সাক্ষাদ্ভূত্বা জগদ্গুরুঃ

॥ 33 ॥

শ্লোক 35

স্বর্ণরাশি দদাত্যেব তত্‍ক্ষণান্নাস্তি সংশযঃ ।

সর্বদা যঃ পঠেত্ স্তোত্রং ভৈরবস্য মহাত্মনঃ

॥ 34 ॥

শ্লোক 36

লোকত্রযং বশীকুর্যাদচলাং শ্রিযমবাপ্নুযাত্ ।

ন ভযং লভতে ক্বাপি বিঘ্নভূতাদিসম্ভব

॥ 35 ॥

শ্লোক 37

ম্রিযন্তে শত্রবোঽবশ্যমলক্ষ্মীনাশমাপ্নুযাত্ ।

অক্ষযং লভতে সৌখ্যং সর্বদা মানবোত্তমঃ

॥ 36 ॥

শ্লোক 38

অষ্টপঞ্চাশতাণঢ্যো মন্ত্ররাজঃ প্রকীর্তিতঃ ।

দারিদ্র্যদুঃখশমনং স্বর্ণাকর্ষণকারকঃ

॥ 37 ॥

শ্লোক 39

য যেন সঞ্জপেত্ ধীমান্ স্তোত্রং বা প্রপঠেত্ সদা ।

মহাভৈরবসাযুজ্যং স্বান্তকালে ভবেদ্ধ্রুবম্

॥ 38 ॥

শ্লোক 40

ইতি রুদ্রযামল তন্ত্রে স্বর্ণাকর্ষণ ভৈরব স্তোত্রম্ ॥