శ్రీ సుబ్రహ్మణ్య కవచ స్తోత్రమ్

శ్రీ సుబ్రహ్మణ్య కవచ స్తోత్రమ్

శ్లోక 1

అస్య శ్రీసుబ్రహ్మణ్యకవచస్తోత్రమహామన్త్రస్య, బ్రహ్మా ఋషిః, అనుష్టుప్ఛన్దః, శ్రీసుబ్రహ్మణ్యో దేవతా, ఓం నమ ఇతి బీజం, భగవత ఇతి శక్తిః, సుబ్రహ్మణ్యాయేతి కీలకం, శ్రీసుబ్రహ్మణ్య ప్రసాదసిద్ధ్యర్థే జపే వినియోగః ॥

కరన్యాసః –

ఓం సాం అఙ్గుష్ఠాభ్యాం నమః ।

ఓం సీం తర్జనీభ్యాం నమః ।

ఓం సూం మధ్యమాభ్యాం నమః ।

ఓం సైం అనామికాభ్యాం నమః ।

ఓం సౌం కనిష్ఠికాభ్యాం నమః ।

ఓం సః కరతలకరపృష్ఠాభ్యాం నమః ॥

అఙ్గన్యాసః –

ఓం సాం హృదయాయ నమః ।

ఓం సీం శిరసే స్వాహా ।

ఓం సూం శిఖాయై వషట్ ।

ఓం సైం కవచాయ హుమ్ ।

ఓం సౌం నేత్రత్రయాయ వౌషట్ ।

ఓం సః అస్త్రాయ ఫట్ ।

భూర్భువస్సువరోమితి దిగ్బన్ధః ॥

ధ్యానమ్ ।

సిన్దూరారుణమిన్దుకాన్తివదనం కేయూరహారాదిభిః

దివ్యైరాభరణైర్విభూషితతనుం స్వర్గాదిసౌఖ్యప్రదమ్ ।

అమ్భోజాభయశక్తికుక్కుటధరం రక్తాఙ్గరాగోజ్జ్వలం

సుబ్రహ్మణ్యముపాస్మహే ప్రణమతాం సర్వార్థసిద్ధిప్రదమ్ ॥ [భీతిప్రణాశోద్యతమ్]

లమిత్యాది పఞ్చపూజా ।

ఓం లం పృథివ్యాత్మనే సుబ్రహ్మణ్యాయ గన్ధం సమర్పయామి ।

ఓం హం ఆకాశాత్మనే సుబ్రహ్మణ్యాయ పుష్పాణి సమర్పయామి ।

ఓం యం వాయ్వాత్మనే సుబ్రహ్మణ్యాయ ధూపమాఘ్రాపయామి ।

ఓం రం అగ్న్యాత్మనే సుబ్రహ్మణ్యాయ దీపం దర్శయామి ।

ఓం వం అమృతాత్మనే సుబ్రహ్మణ్యాయ స్వాదన్నం నివేదయామి ।

ఓం సం సర్వాత్మనే సుబ్రహ్మణ్యాయ సర్వోపచారాన్ సమర్పయామి ।

కవచమ్ ।

సుబ్రహ్మణ్యోఽగ్రతః పాతు సేనానీః పాతు పృష్ఠతః ।

గుహో మాం దక్షిణే పాతు వహ్నిజః పాతు వామతః

శ్లోక 2

శిరః పాతు మహాసేనః స్కన్దో రక్షేల్లలాటకమ్ ।

నేత్రే మే ద్వాదశాక్షశ్చ శ్రోత్రే రక్షతు విశ్వభృత్

॥ 1 ॥

శ్లోక 3

ముఖం మే షణ్ముఖః పాతు నాసికాం శఙ్కరాత్మజః ।

ఓష్ఠౌ వల్లీపతిః పాతు జిహ్వాం పాతు షడాననః

॥ 2 ॥

శ్లోక 4

దేవసేనాపతిర్దన్తాన్ చిబుకం బహులోద్భవః ।

కణ్ఠం తారకజిత్పాతు బాహూ ద్వాదశబాహుకః

॥ 3 ॥

శ్లోక 5

హస్తౌ శక్తిధరః పాతు వక్షః పాతు శరోద్భవః ।

హృదయం వహ్నిభూః పాతు కుక్షిం పాత్వమ్బికాసుతః

॥ 4 ॥

శ్లోక 6

నాభిం శమ్భుసుతః పాతు కటిం పాతు హరాత్మజః ।

ఊరూ పాతు గజారూఢో జానూ మే జాహ్నవీసుతః

॥ 5 ॥

శ్లోక 7

జఙ్ఘే విశాఖో మే పాతు పాదౌ మే శిఖివాహనః ।

సర్వాణ్యఙ్గాని భూతేశః సర్వధాతూంశ్చ పావకిః

॥ 6 ॥

శ్లోక 8

సన్ధ్యాకాలే నిశీథిన్యాం దివా ప్రాతర్జలేఽగ్నిషు ।

దుర్గమే చ మహారణ్యే రాజద్వారే మహాభయే

॥ 7 ॥

శ్లోక 9

తుములే రణ్యమధ్యే చ సర్వదుష్టమృగాదిషు ।

చోరాదిసాధ్వసేఽభేద్యే జ్వరాదివ్యాధిపీడనే

॥ 8 ॥

శ్లోక 10

దుష్టగ్రహాదిభీతౌ చ దుర్నిమిత్తాదిభీషణే ।

అస్త్రశస్త్రనిపాతే చ పాతు మాం క్రౌఞ్చరన్ధ్రకృత్

॥ 9 ॥

శ్లోక 11

యః సుబ్రహ్మణ్యకవచం ఇష్టసిద్ధిప్రదం పఠేత్ ।

తస్య తాపత్రయం నాస్తి సత్యం సత్యం వదామ్యహమ్

॥ 10 ॥

శ్లోక 12

ధర్మార్థీ లభతే ధర్మమర్థార్థీ చార్థమాప్నుయాత్ ।

కామార్థీ లభతే కామం మోక్షార్థీ మోక్షమాప్నుయాత్

॥ 11 ॥

శ్లోక 13

యత్ర యత్ర జపేద్భక్త్యా తత్ర సన్నిహితో గుహః ।

పూజాప్రతిష్ఠాకాలే చ జపకాలే పఠేదిదమ్

॥ 12 ॥

శ్లోక 14

తేషామేవ ఫలావాప్తిః మహాపాతకనాశనమ్ ।

యః పఠేచ్ఛృణుయాద్భక్త్యా నిత్యం దేవస్య సన్నిధౌ ।

సర్వాన్కామానిహ ప్రాప్య సోఽన్తే స్కన్దపురం వ్రజేత్

॥ 13 ॥

శ్లోక 15

ఉత్తరన్యాసః ॥

కరన్యాసః –

ఓం సాం అఙ్గుష్ఠాభ్యాం నమః ।

ఓం సీం తర్జనీభ్యాం నమః ।

ఓం సూం మధ్యమాభ్యాం నమః ।

ఓం సైం అనామికాభ్యాం నమః ।

ఓం సౌం కనిష్ఠికాభ్యాం నమః ।

ఓం సః కరతలకరపృష్ఠాభ్యాం నమః ॥

అఙ్గన్యాసః –

ఓం సాం హృదయాయ నమః ।

ఓం సీం శిరసే స్వాహా ।

ఓం సూం శిఖాయై వషట్ ।

ఓం సైం కవచాయ హుమ్ ।

ఓం సౌం నేత్రత్రయాయ వౌషట్ ।

ఓం సః అస్త్రాయ ఫట్ ।

భూర్భువస్సువరోమితి దిగ్విమోకః ॥

ఇతి శ్రీ సుబ్రహ్మణ్య కవచ స్తోత్రమ్ ।