శ్రీ పఞ్చాయుధ స్తోత్రమ్

శ్రీ పఞ్చాయుధ స్తోత్రమ్

శ్లోక 1

స్ఫురత్సహస్రారశిఖాతితీవ్రం

సుదర్శనం భాస్కరకోటితుల్యమ్ ।

సురద్విషాం ప్రాణవినాశి విష్ణోః

చక్రం సదాఽహం శరణం ప్రపద్యే

శ్లోక 2

విష్ణోర్ముఖోత్థానిలపూరితస్య

యస్య ధ్వనిర్దానవదర్పహన్తా ।

తం పాఞ్చజన్యం శశికోటిశుభ్రం

శఙ్ఖం సదాఽహం శరణం ప్రపద్యే

॥ 1 ॥

శ్లోక 3

హిరణ్మయీం మేరుసమానసారాం

కౌమోదకీం దైత్యకులైకహన్త్రీమ్ ।

వైకుణ్ఠవామాగ్రకరాగ్రమృష్టాం

గదాం సదాఽహం శరణం ప్రపద్యే

॥ 2 ॥

శ్లోక 4

యజ్జ్యానినాదశ్రవణాత్సురాణాం

చేతాంసి నిర్ముక్తభయాని సద్యః ।

భవన్తి దైత్యాశనిబాణవర్షైః

శార్ఙ్గం సదాఽహం శరణం ప్రపద్యే

॥ 3 ॥

శ్లోక 5

రక్షోఽసురాణాం కఠినోగ్రకణ్ఠ-

-చ్ఛేదక్షరత్‍క్షోణిత దిగ్ధసారమ్ ।

తం నన్దకం నామ హరేః ప్రదీప్తం

ఖడ్గం సదాఽహం శరణం ప్రపద్యే

॥ 4 ॥

శ్లోక 6

ఇమం హరేః పఞ్చమహాయుధానాం

స్తవం పఠేద్యోఽనుదినం ప్రభాతే ।

సమస్త దుఃఖాని భయాని సద్యః

పాపాని నశ్యన్తి సుఖాని సన్తి

॥ 5 ॥

శ్లోక 7

వనే రణే శత్రు జలాగ్నిమధ్యే

యదృచ్ఛయాపత్సు మహాభయేషు ।

పఠేత్విదం స్తోత్రమనాకులాత్మా

సుఖీభవేత్తత్కృత సర్వరక్షః

॥ 6 ॥

శ్లోక 8

సచక్రశఙ్ఖం సగదాసిశార్ఙ్గం

పీతామ్బరం కౌస్తుభ-వత్స-చిహ్నమ్ । [కౌస్తుభ-వత్స-లాఞ్ఛితమ్]

శ్రియా సమేతోజ్జ్వల శోభితాఙ్గం

విష్ణుం సదాఽహం శరణం ప్రపద్యే ॥

జలే రక్షతు వారాహః స్థలే రక్షతు వామనః ।

అటవ్యాం నారసింహశ్చ సర్వతః పాతు కేశవః ॥

ఇతి పఞ్చాయుధ స్తోత్రమ్ ॥