ಶ್ರೀ ಪಞ್ಚಾಯುಧ ಸ್ತೋತ್ರಮ್

ಶ್ರೀ ಪಞ್ಚಾಯುಧ ಸ್ತೋತ್ರಮ್

ಶ್ಲೋಕ 1

ಸ್ಫುರತ್ಸಹಸ್ರಾರಶಿಖಾತಿತೀವ್ರಂ

ಸುದರ್ಶನಂ ಭಾಸ್ಕರಕೋಟಿತುಲ್ಯಮ್ ।

ಸುರದ್ವಿಷಾಂ ಪ್ರಾಣವಿನಾಶಿ ವಿಷ್ಣೋಃ

ಚಕ್ರಂ ಸದಾಽಹಂ ಶರಣಂ ಪ್ರಪದ್ಯೇ

ಶ್ಲೋಕ 2

ವಿಷ್ಣೋರ್ಮುಖೋತ್ಥಾನಿಲಪೂರಿತಸ್ಯ

ಯಸ್ಯ ಧ್ವನಿರ್ದಾನವದರ್ಪಹನ್ತಾ ।

ತಂ ಪಾಞ್ಚಜನ್ಯಂ ಶಶಿಕೋಟಿಶುಭ್ರಂ

ಶಙ್ಖಂ ಸದಾಽಹಂ ಶರಣಂ ಪ್ರಪದ್ಯೇ

॥ 1 ॥

ಶ್ಲೋಕ 3

ಹಿರಣ್ಮಯೀಂ ಮೇರುಸಮಾನಸಾರಾಂ

ಕೌಮೋದಕೀಂ ದೈತ್ಯಕುಲೈಕಹನ್ತ್ರೀಮ್ ।

ವೈಕುಣ್ಠವಾಮಾಗ್ರಕರಾಗ್ರಮೃಷ್ಟಾಂ

ಗದಾಂ ಸದಾಽಹಂ ಶರಣಂ ಪ್ರಪದ್ಯೇ

॥ 2 ॥

ಶ್ಲೋಕ 4

ಯಜ್ಜ್ಯಾನಿನಾದಶ್ರವಣಾತ್ಸುರಾಣಾಂ

ಚೇತಾಂಸಿ ನಿರ್ಮುಕ್ತಭಯಾನಿ ಸದ್ಯಃ ।

ಭವನ್ತಿ ದೈತ್ಯಾಶನಿಬಾಣವರ್ಷೈಃ

ಶಾರ್ಙ್ಗಂ ಸದಾಽಹಂ ಶರಣಂ ಪ್ರಪದ್ಯೇ

॥ 3 ॥

ಶ್ಲೋಕ 5

ರಕ್ಷೋಽಸುರಾಣಾಂ ಕಠಿನೋಗ್ರಕಣ್ಠ-

-ಚ್ಛೇದಕ್ಷರತ್‍ಕ್ಷೋಣಿತ ದಿಗ್ಧಸಾರಮ್ ।

ತಂ ನನ್ದಕಂ ನಾಮ ಹರೇಃ ಪ್ರದೀಪ್ತಂ

ಖಡ್ಗಂ ಸದಾಽಹಂ ಶರಣಂ ಪ್ರಪದ್ಯೇ

॥ 4 ॥

ಶ್ಲೋಕ 6

ಇಮಂ ಹರೇಃ ಪಞ್ಚಮಹಾಯುಧಾನಾಂ

ಸ್ತವಂ ಪಠೇದ್ಯೋಽನುದಿನಂ ಪ್ರಭಾತೇ ।

ಸಮಸ್ತ ದುಃಖಾನಿ ಭಯಾನಿ ಸದ್ಯಃ

ಪಾಪಾನಿ ನಶ್ಯನ್ತಿ ಸುಖಾನಿ ಸನ್ತಿ

॥ 5 ॥

ಶ್ಲೋಕ 7

ವನೇ ರಣೇ ಶತ್ರು ಜಲಾಗ್ನಿಮಧ್ಯೇ

ಯದೃಚ್ಛಯಾಪತ್ಸು ಮಹಾಭಯೇಷು ।

ಪಠೇತ್ವಿದಂ ಸ್ತೋತ್ರಮನಾಕುಲಾತ್ಮಾ

ಸುಖೀಭವೇತ್ತತ್ಕೃತ ಸರ್ವರಕ್ಷಃ

॥ 6 ॥

ಶ್ಲೋಕ 8

ಸಚಕ್ರಶಙ್ಖಂ ಸಗದಾಸಿಶಾರ್ಙ್ಗಂ

ಪೀತಾಮ್ಬರಂ ಕೌಸ್ತುಭ-ವತ್ಸ-ಚಿಹ್ನಮ್ । [ಕೌಸ್ತುಭ-ವತ್ಸ-ಲಾಞ್ಛಿತಮ್]

ಶ್ರಿಯಾ ಸಮೇತೋಜ್ಜ್ವಲ ಶೋಭಿತಾಙ್ಗಂ

ವಿಷ್ಣುಂ ಸದಾಽಹಂ ಶರಣಂ ಪ್ರಪದ್ಯೇ ॥

ಜಲೇ ರಕ್ಷತು ವಾರಾಹಃ ಸ್ಥಲೇ ರಕ್ಷತು ವಾಮನಃ ।

ಅಟವ್ಯಾಂ ನಾರಸಿಂಹಶ್ಚ ಸರ್ವತಃ ಪಾತು ಕೇಶವಃ ॥

ಇತಿ ಪಞ್ಚಾಯುಧ ಸ್ತೋತ್ರಮ್ ॥