શ્રી પઞ્ચાયુધ સ્તોત્રમ્

શ્રી પઞ્ચાયુધ સ્તોત્રમ્

શ્લોક 1

સ્ફુરત્સહસ્રારશિખાતિતીવ્રં

સુદર્શનં ભાસ્કરકોટિતુલ્યમ્ ।

સુરદ્વિષાં પ્રાણવિનાશિ વિષ્ણોઃ

ચક્રં સદાઽહં શરણં પ્રપદ્યે

શ્લોક 2

વિષ્ણોર્મુખોત્થાનિલપૂરિતસ્ય

યસ્ય ધ્વનિર્દાનવદર્પહન્તા ।

તં પાઞ્ચજન્યં શશિકોટિશુભ્રં

શઙ્ખં સદાઽહં શરણં પ્રપદ્યે

॥ 1 ॥

શ્લોક 3

હિરણ્મયીં મેરુસમાનસારાં

કૌમોદકીં દૈત્યકુલૈકહન્ત્રીમ્ ।

વૈકુણ્ઠવામાગ્રકરાગ્રમૃષ્ટાં

ગદાં સદાઽહં શરણં પ્રપદ્યે

॥ 2 ॥

શ્લોક 4

યજ્જ્યાનિનાદશ્રવણાત્સુરાણાં

ચેતાંસિ નિર્મુક્તભયાનિ સદ્યઃ ।

ભવન્તિ દૈત્યાશનિબાણવર્ષૈઃ

શાર્ઙ્ગં સદાઽહં શરણં પ્રપદ્યે

॥ 3 ॥

શ્લોક 5

રક્ષોઽસુરાણાં કઠિનોગ્રકણ્ઠ-

-ચ્છેદક્ષરત્‍ક્ષોણિત દિગ્ધસારમ્ ।

તં નન્દકં નામ હરેઃ પ્રદીપ્તં

ખડ્ગં સદાઽહં શરણં પ્રપદ્યે

॥ 4 ॥

શ્લોક 6

ઇમં હરેઃ પઞ્ચમહાયુધાનાં

સ્તવં પઠેદ્યોઽનુદિનં પ્રભાતે ।

સમસ્ત દુઃખાનિ ભયાનિ સદ્યઃ

પાપાનિ નશ્યન્તિ સુખાનિ સન્તિ

॥ 5 ॥

શ્લોક 7

વને રણે શત્રુ જલાગ્નિમધ્યે

યદૃચ્છયાપત્સુ મહાભયેષુ ।

પઠેત્વિદં સ્તોત્રમનાકુલાત્મા

સુખીભવેત્તત્કૃત સર્વરક્ષઃ

॥ 6 ॥

શ્લોક 8

સચક્રશઙ્ખં સગદાસિશાર્ઙ્ગં

પીતામ્બરં કૌસ્તુભ-વત્સ-ચિહ્નમ્ । [કૌસ્તુભ-વત્સ-લાઞ્છિતમ્]

શ્રિયા સમેતોજ્જ્વલ શોભિતાઙ્ગં

વિષ્ણું સદાઽહં શરણં પ્રપદ્યે ॥

જલે રક્ષતુ વારાહઃ સ્થલે રક્ષતુ વામનઃ ।

અટવ્યાં નારસિંહશ્ચ સર્વતઃ પાતુ કેશવઃ ॥

ઇતિ પઞ્ચાયુધ સ્તોત્રમ્ ॥