Sri Krishna Krupa Kataksha Stotram
ശ്രീ കൃഷ്ണ കൃപാ കടാക്ഷ സ്തോത്രം
Sri Krishna Krupa Kataksha Stotram
ശ്രീ കൃഷ്ണ കൃപാ കടാക്ഷ സ്തോത്രം
ശ്ലോക 1
ശ്രീകൃഷ്ണ പ്രാര്ഥനാ
മൂകം കരോതി വാചാലം പങ്ഗു ലങ്ഘയതേ ഗിരിമ്।
യത്കൃപാ തമഹം വന്ദേ പരമാനന്ദ മാധവമ്॥
നാഹം വസാമി വൈകുണ്ഠേ യോഗിനാം ഹൃദയേ ന ച।
മദ്ഭക്താ യത്ര ഗായന്തി തത്ര തിഷ്ഠാമി നാരദ॥
അഥ ശ്രീ കൃഷ്ണ കൃപാ കടാക്ഷ സ്തോത്ര ॥
ഭജേ വ്രജൈകമണ്ഡനം സമസ്തപാപഖണ്ഡനം
സ്വഭക്തചിത്തരഞ്ജനം സദൈവ നന്ദനന്ദനമ് ।
സുപിച്ഛഗുച്ഛമസ്തകം സുനാദവേണുഹസ്തകം
അനങ്ഗരങ്ഗസാഗരം നമാമി കൃഷ്ണനാഗരമ് ॥
മനോജഗര്വമോചനം വിശാലലോലലോചനം
വിധൂതഗോപശോചനം നമാമി പദ്മലോചനമ് ।
കരാരവിന്ദഭൂധരം സ്മിതാവലോകസുന്ദരം
മഹേന്ദ്രമാനദാരണം നമാമി കൃഷ്ണ വാരണമ് ॥
കദമ്ബസൂനകുണ്ഡലം സുചാരുഗണ്ഡമണ്ഡലം
വ്രജാങ്ഗനൈകവല്ലഭം നമാമി കൃഷ്ണദുര്ലഭമ് ।
യശോദയാ സമോദയാ സഗോപയാ സനന്ദയാ
യുതം സുഖൈകദായകം നമാമി ഗോപനായകമ് ॥
സദൈവ പാദപങ്കജം മദീയ മാനസേ നിജം
ദധാനമുക്തമാലകം നമാമി നന്ദബാലകമ് ।
സമസ്തദോഷശോഷണം സമസ്തലോകപോഷണം
സമസ്തഗോപമാനസം നമാമി നന്ദലാലസമ് ॥
ഭുവോ ഭരാവതാരകം ഭവാബ്ധികര്ണധാരകം
യശോമതീകിശോരകം നമാമി ചിത്തചോരകമ് ।
ദൃഗന്തകാന്തഭങ്ഗിനം സദാ സദാലിസങ്ഗിനം
ദിനേ-ദിനേ നവം-നവം നമാമി നന്ദസമ്ഭവമ് ॥
ഗുണാകരം സുഖാകരം കൃപാകരം കൃപാപരം
സുരദ്വിഷന്നികന്ദനം നമാമി ഗോപനന്ദനമ് ।
നവീന ഗോപനാഗരം നവീനകേലി-ലമ്പടം
നമാമി മേഘസുന്ദരം തഡിത്പ്രഭാലസത്പടമ് ॥
സമസ്ത ഗോപ മോഹനം, ഹൃദമ്ബുജൈക മോദനം
നമാമികുഞ്ജമധ്യഗം പ്രസന്ന ഭാനുശോഭനമ് ।
നികാമകാമദായകം ദൃഗന്തചാരുസായകം
രസാലവേണുഗായകം നമാമികുഞ്ജനായകമ് ॥
വിദഗ്ധ ഗോപികാമനോ മനോജ്ഞതല്പശായിനം
നമാമി കുഞ്ജകാനനേ പ്രവൃദ്ധവഹ്നിപായിനമ് ।
കിശോരകാന്തി രഞ്ജിതം ദൃഗഞ്ജനം സുശോഭിതം
ഗജേന്ദ്രമോക്ഷകാരിണം നമാമി ശ്രീവിഹാരിണമ് ॥
ഫലശൃതി
യദാ തദാ യഥാ തഥാ തഥൈവ കൃഷ്ണസത്കഥാ
മയാ സദൈവ ഗീയതാം തഥാ കൃപാ വിധീയതാമ് ।
പ്രമാണികാഷ്ടകദ്വയം ജപത്യധീത്യ യഃ പുമാന്
ഭവേത്സ നന്ദനന്ദനേ ഭവേ ഭവേ സുഭക്തിമാന ॥