Sri Krishna Sahasra Nama Stotram

श्री कृष्ण सहस्र नाम स्तोत्रम्

श्लोक 1

ॐ अस्य श्रीकृष्णसहस्रनामस्तोत्रमन्त्रस्य पराशर ऋषिः, अनुष्टुप् छन्दः, श्रीकृष्णः परमात्मा देवता, श्रीकृष्णेति बीजम्, श्रीवल्लभेति शक्तिः, शार्ङ्गीति कीलकं, श्रीकृष्णप्रीत्यर्थे जपे विनियोगः ॥

न्यासः

पराशराय ऋषये नमः इति शिरसि,

अनुष्टुप् छन्दसे नमः इति मुखे,

गोपालकृष्णदेवतायै नमः इति हृदये,

श्रीकृष्णाय बीजाय नमः इति गुह्ये,

श्रीवल्लभाय शक्त्यै नमः इति पादयोः,

शार्ङ्गधराय कीलकाय नमः इति सर्वाङ्गे ॥

करन्यासः

श्रीकृष्ण इत्यारभ्य शूरवंशैकधीरित्यन्तानि अङ्गुष्ठाभ्यां नमः ।

शौरिरित्यारभ्य स्वभासोद्भासितव्रज इत्यन्तानि तर्जनीभ्यां नमः ।

कृतात्मविद्याविन्यास इत्यारभ्य प्रस्थानशकटारूढ इति मध्यमाभ्यां नमः,

बृन्दावनकृतालय इत्यारभ्य मधुराजनवीक्षित इत्यनामिकाभ्यां नमः,

रजकप्रतिघातक इत्यारभ्य द्वारकापुरकल्पन इति कनिष्ठिकाभ्यां नमः

द्वारकानिलय इत्यारभ्य पराशर इति करतलकरपृष्ठाभ्यां नमः,

एवं हृदयादिन्यासः ॥

ध्यानम्

केषाञ्चित्प्रेमपुंसां विगलितमनसां बाललीलाविलासं

केषां गोपाललीलाङ्कितरसिकतनुर्वेणुवाद्येन देवम् ।

केषां वामासमाजे जनितमनसिजो दैत्यदर्पापहैवं

ज्ञात्वा भिन्नाभिलाषं स जयति जगतामीश्वरस्तादृशोऽभूत्

श्लोक 2

क्षीराब्धौ कृतसंस्तवस्सुरगणैर्ब्रह्मादिभिः पण्डितैः

प्रोद्भूतो वसुदेवसद्मनि मुदा चिक्रीड यो गोकुले ।

कंसध्वंसकृते जगाम मधुरां सारामसद्वारकां

गोपालोऽखिलगोपिकाजनसखः पायादपायात् स नः

॥ 1 ॥

श्लोक 3

फुल्लेन्दीवरकान्तिमिन्दुवदनं बर्हावतंसप्रियं

श्रीवत्साङ्कमुदारकौस्तुभधरं पीताम्बरं सुन्दरम् ।

गोपीनां नयनोत्पलार्चिततनुं गोगोपसङ्घावृतं

गोविन्दं कलवेणुवादनरतं दिव्याङ्गभूषं भजे

॥ 2 ॥

श्लोक 4

ओम् ।

कृष्णः श्रीवल्लभः शार्ङ्गी विष्वक्सेनः स्वसिद्धिदः ।

क्षीरोदधामा व्यूहेशः शेषशायी जगन्मयः

॥ 3 ॥

श्लोक 5

भक्तिगम्यस्त्रयीमूर्तिर्भारार्तवसुधास्तुतः ।

देवदेवो दयासिन्धुर्देवदेवशिखामणिः

॥ 1 ॥

श्लोक 6

सुखभावस्सुखाधारो मुकुन्दो मुदिताशयः ।

अविक्रियः क्रियामूर्तिरध्यात्मस्वस्वरूपवान्

॥ 2 ॥

श्लोक 7

शिष्टाभिलक्ष्यो भूतात्मा धर्मत्राणार्थचेष्टितः ।

अन्तर्यामी कलारूपः कालावयवसाक्षिकः

॥ 3 ॥

श्लोक 8

वसुधायासहरणो नारदप्रेरणोन्मुखः ।

प्रभूष्णुर्नारदोद्गीतो लोकरक्षापरायणः

॥ 4 ॥

श्लोक 9

रौहिणेयकृतानन्दो योगज्ञाननियोजकः ।

महागुहान्तर्निक्षिप्तः पुराणवपुरात्मवान्

॥ 5 ॥

श्लोक 10

शूरवंशैकधीश्शौरिः कंसशङ्काविषादकृत् ।

वसुदेवोल्लसच्छक्तिर्देवक्यष्टमगर्भगः

॥ 6 ॥

श्लोक 11

वसुदेवसुतः श्रीमान्देवकीनन्दनो हरिः ।

आश्चर्यबालः श्रीवत्सलक्ष्मवक्षाश्चतुर्भुजः

॥ 7 ॥

श्लोक 12

स्वभावोत्कृष्टसद्भावः कृष्णाष्टम्यन्तसम्भवः ।

प्राजापत्यर्क्षसम्भूतो निशीथसमयोदितः

॥ 8 ॥

श्लोक 13

शङ्खचक्रगदापद्मपाणिः पद्मनिभेक्षणः ।

किरीटी कौस्तुभोरस्कः स्फुरन्मकरकुण्डलः

॥ 9 ॥

श्लोक 14

पीतवासा घनश्यामः कुञ्चिताञ्चितकुन्तलः ।

सुव्यक्तव्यक्ताभरणः सूतिकागृहभूषणः

॥ 10 ॥

श्लोक 15

कारागारान्धकारघ्नः पितृप्राग्जन्मसूचकः ।

वसुदेवस्तुतः स्तोत्रं तापत्रयनिवारणः

॥ 11 ॥

श्लोक 16

निरवद्यः क्रियामूर्तिर्न्यायवाक्यनियोजकः ।

अदृष्टचेष्टः कूटस्थो धृतलौकिकविग्रहः

॥ 12 ॥

श्लोक 17

महर्षिमानसोल्लासो महीमङ्गलदायकः ।

सन्तोषितसुरव्रातः साधुचित्तप्रसादकः

॥ 13 ॥

श्लोक 18

जनकोपायनिर्देष्टा देवकीनयनोत्सवः ।

पितृपाणिपरिष्कारो मोहितागाररक्षकः

॥ 14 ॥

श्लोक 19

स्वशक्त्युद्धाटिताशेषकपाटः पितृवाहकः ।

शेषोरगफणाच्छत्रश्शेषोक्ताख्यासहस्रकः

॥ 15 ॥

श्लोक 20

यमुनापूरविध्वंसी स्वभासोद्भासितव्रजः ।

कृतात्मविद्याविन्यासो योगमायाग्रसम्भवः

॥ 16 ॥

श्लोक 21

दुर्गानिवेदितोद्भावो यशोदातल्पशायकः ।

नन्दगोपोत्सवस्फूर्तिर्व्रजानन्दकरोदयः

॥ 17 ॥

श्लोक 22

सुजातजातकर्म श्रीर्गोपीभद्रोक्तिनिर्वृतः ।

अलीकनिद्रोपगमः पूतनास्तनपीडनः

॥ 18 ॥

श्लोक 23

स्तन्यात्तपूतनाप्राणः पूतनाक्रोशकारकः ।

विन्यस्तरक्षागोधूलिर्यशोदाकरलालितः

॥ 19 ॥

श्लोक 24

नन्दाघ्रातशिरोमध्यः पूतनासुगतिप्रदः ।

बालः पर्यङ्कनिद्रालुर्मुखार्पितपदाङ्गुलिः

॥ 20 ॥

श्लोक 25

अञ्जनस्निग्धनयनः पर्यायाङ्कुरितस्मितः ।

लीलाक्षस्तरलालोकश्शकटासुरभञ्जनः

॥ 21 ॥

श्लोक 26

द्विजोदितस्वस्त्ययनो मन्त्रपूतजलाप्लुतः ।

यशोदोत्सङ्गपर्यङ्को यशोदामुखवीक्षकः

॥ 22 ॥

श्लोक 27

यशोदास्तन्यमुदितस्तृणावर्तादिदुस्सहः ।

तृणावर्तासुरध्वंसी मातृविस्मयकारकः

॥ 23 ॥

श्लोक 28

प्रशस्तनामकरणो जानुचङ्क्रमणोत्सुकः ।

व्यालम्बिचूलिकारत्नो घोषगोपप्रहर्षणः

॥ 24 ॥

श्लोक 29

स्वमुखप्रतिबिम्बार्थी ग्रीवाव्याघ्रनखोज्ज्वलः ।

पङ्कानुलेपरुचिरो मांसलोरुकटीतटः

॥ 25 ॥

श्लोक 30

घृष्टजानुकरद्वन्द्वः प्रतिबिम्बानुकारकृत् ।

अव्यक्तवर्णवाग्वृत्तिः स्मितलक्ष्यरदोद्गमः

॥ 26 ॥

श्लोक 31

धात्रीकरसमालम्बी प्रस्खलच्चित्रचङ्क्रमः ।

अनुरूपवयस्याढ्यश्चारुकौमारचापलः

॥ 27 ॥

श्लोक 32

वत्सपुच्छसमाकृष्टो वत्सपुच्छविकर्षणः ।

विस्मारितान्यव्यापारो गोपगोपीमुदावहः

॥ 28 ॥

श्लोक 33

अकालवत्सनिर्मोक्ता व्रजव्याक्रोशसुस्मितः ।

नवनीतमहाचोरो दारकाहारदायकः

॥ 29 ॥

श्लोक 34

पीठोलूखलसोपानः क्षीरभाण्डविभेदनः ।

शिक्यभाण्डसमाकर्षी ध्वान्तागारप्रवेशकृत्

॥ 30 ॥

श्लोक 35

भूषारत्नप्रकाशाढ्यो गोप्युपालम्भभर्त्सितः ।

परागधूसराकारो मृद्भक्षणकृतेक्षणः

॥ 31 ॥

श्लोक 36

बालोक्तमृत्कथारम्भो मित्रान्तर्गूढविग्रहः ।

कृतसन्त्रासलोलाक्षो जननीप्रत्ययावहः

॥ 32 ॥

श्लोक 37

मातृदृश्यात्तवदनो वक्त्रलक्ष्यचराचरः ।

यशोदालालितस्वात्मा स्वयं स्वाच्छन्द्यमोहनः

॥ 33॥

श्लोक 38

सवित्रीस्नेहसंश्लिष्टः सवित्रीस्तनलोलुपः ।

नवनीतार्थनाप्रह्वो नवनीतमहाशनः

॥ 34 ॥

श्लोक 39

मृषाकोपप्रकम्पोष्ठो गोष्ठाङ्गणविलोकनः ।

दधिमन्थघटीभेत्ता किङ्किणीक्वाणसूचितः

॥ 35 ॥

श्लोक 40

हैयङ्गवीनरसिको मृषाश्रुश्चौर्यशङ्कितः ।

जननीश्रमविज्ञाता दामबन्धनियन्त्रितः

॥ 36 ॥

श्लोक 41

दामाकल्पश्चलापाङ्गो गाढोलूखलबन्धनः ।

आकृष्टोलूखलोऽनन्तः कुबेरसुतशापवित् ॥ । 38 ॥

नारदोक्तिपरामर्शी यमलार्जुनभञ्जनः ।

धनदात्मजसङ्घुष्टो नन्दमोचितबन्धनः

॥ 37 ॥

श्लोक 42

बालकोद्गीतनिरतो बाहुक्षेपोदितप्रियः ।

आत्मज्ञो मित्रवशगो गोपीगीतगुणोदयः

॥ 39 ॥

श्लोक 43

प्रस्थानशकटारूढो बृन्दावनकृतालयः ।

गोवत्सपालनैकाग्रो नानाक्रीडापरिच्छदः

॥ 40 ॥

श्लोक 44

क्षेपणीक्षेपणप्रीतो वेणुवाद्यविशारदः ।

वृषवत्सानुकरणो वृषध्वानविडम्बनः

॥ 41 ॥

श्लोक 45

नियुद्धलीलासंहृष्टः कूजानुकृतकोकिलः ।

उपात्तहंसगमनस्सर्वजन्तुरुतानुकृत्

॥ 42 ॥

श्लोक 46

भृङ्गानुकारी दध्यन्नचोरो वत्सपुरस्सरः ।

बली बकासुरग्राही बकतालुप्रदाहकः

॥ 43 ॥

श्लोक 47

भीतगोपार्भकाहूतो बकचञ्चुविदारणः ।

बकासुरारिर्गोपालो बालो बालाद्भुतावहः

॥ 44 ॥

श्लोक 48

बलभद्रसमाश्लिष्टः कृतक्रीडानिलायनः ।

क्रीडासेतुनिधानज्ञः प्लवङ्गोत्प्लवनोऽद्भुतः

॥ 45 ॥

श्लोक 49

कन्दुकक्रीडनो लुप्तनन्दादिभववेदनः ।

सुमनोऽलङ्कृतशिराः स्वादुस्निग्धान्नशिक्यभृत्

॥ 46 ॥

श्लोक 50

गुञ्जाप्रालम्बनच्छन्नः पिञ्छैरलकवेषकृत् ।

वन्याशनप्रियः शृङ्गरवाकारितवत्सकः

॥ 47 ॥

श्लोक 51

मनोज्ञपल्लवोत्तंसपुष्पस्वेच्छात्तषट्पदः ।

मञ्जुशिञ्जितमञ्जीरचरणः करकङ्कणः

॥ 48 ॥

श्लोक 52

अन्योन्यशासनः क्रीडापटुः परमकैतवः ।

प्रतिध्वानप्रमुदितः शाखाचतुरचङ्क्रमः

॥ 49 ॥

श्लोक 53

अघदानवसंहर्ता व्रजविघ्नविनाशनः ।

व्रजसञ्जीवनः श्रेयोनिधिर्दानवमुक्तिदः

॥ 50 ॥

श्लोक 54

कालिन्दीपुलिनासीनस्सहभुक्तव्रजार्भकः ।

कक्षाजठरविन्यस्तवेणुर्वल्लवचेष्टितः

॥ 51 ॥

श्लोक 55

भुजसन्ध्यन्तरन्यस्तशृङ्गवेत्रः शुचिस्मितः ।

वामपाणिस्थदध्यन्नकबलः कलभाषणः

॥ 52 ॥

श्लोक 56

अङ्गुल्यन्तरविन्यस्तफलः परमपावनः ।

अदृश्यतर्णकान्वेषी वल्लवार्भकभीतिहा

॥ 53 ॥

श्लोक 57

अदृष्टवत्सपव्रातो ब्रह्मविज्ञातवैभवः ।

गोवत्सवत्सपान्वेषी विराट्-पुरुषविग्रहः

॥ 54 ॥

श्लोक 58

स्वसङ्कल्पानुरूपार्थो वत्सवत्सपरूपधृक् ।

यथावत्सक्रियारूपो यथास्थाननिवेशनः

॥ 55 ॥

श्लोक 59

यथाव्रजार्भकाकारो गोगोपीस्तन्यपस्सुखी ।

चिराद्वलोहितो दान्तो ब्रह्मविज्ञातवैभवः

॥ 56 ॥

श्लोक 60

विचित्रशक्तिर्व्यालीनसृष्टगोवत्सवत्सपः ।

ब्रह्मत्रपाकरो धातृस्तुतस्सर्वार्थसाधकः

॥ 57 ॥

श्लोक 61

ब्रह्म ब्रह्ममयोऽव्यक्तस्तेजोरूपस्सुखात्मकः ।

निरुक्तं व्याकृतिर्व्यक्तो निरालम्बनभावनः

॥ 58 ॥

श्लोक 62

प्रभविष्णुरतन्त्रीको देवपक्षार्थरूपधृक् ।

अकामस्सर्ववेदादिरणीयस्थूलरूपवान्

॥ 59 ॥

श्लोक 63

व्यापी व्याप्यः कृपाकर्ता विचित्राचारसम्मतः ।

छन्दोमयः प्रधानात्मा मूर्तामूर्तिद्वयाकृतिः

॥ 60 ॥

श्लोक 64

अनेकमूर्तिरक्रोधः परः प्रकृतिरक्रमः ।

सकलावरणोपेतस्सर्वदेवो महेश्वरः

॥ 61 ॥

श्लोक 65

महाप्रभावनः पूर्ववत्सवत्सपदर्शकः ।

कृष्णयादवगोपालो गोपालोकनहर्षितः

॥ 62 ॥

श्लोक 66

स्मितेक्षाहर्षितब्रह्मा भक्तवत्सलवाक्प्रियः ।

ब्रह्मानन्दाश्रुधौताङ्घ्रिर्लीलावैचित्र्यकोविदः

॥ 63 ॥

श्लोक 67

बलभद्रैकहृदयो नामाकारितगोकुलः ।

गोपालबालको भव्यो रज्जुयज्ञोपवीतवान्

॥ 64 ॥

श्लोक 68

वृक्षच्छायाहताशान्तिर्गोपोत्सङ्गोपबर्हणः ।

गोपसंवाहितपदो गोपव्यजनवीजितः ॥ 66।

गोपगानसुखोन्निद्रः श्रीदामार्जितसौहृदः ।

सुनन्दसुहृदेकात्मा सुबलप्राणरञ्जनः

॥ 65 ॥

श्लोक 69

तालीवनकृतक्रीडो बलपातितधेनुकः ।

गोपीसौभाग्यसम्भाव्यो गोधूलिच्छुरितालकः

॥ 67 ॥

श्लोक 70

गोपीविरहसन्तप्तो गोपिकाकृतमज्जनः ।

प्रलम्बबाहुरुत्फुल्लपुण्डरीकावतंसकः

॥ 68 ॥

श्लोक 71

विलासललितस्मेरगर्भलीलावलोकनः ।

स्रग्भूषणानुलेपाढ्यो जनन्युपहृतान्नभुक्

॥ 69 ॥

श्लोक 72

वरशय्याशयो राधाप्रेमसल्लापनिर्वृतः ।

यमुनातटसञ्चारी विषार्तव्रजहर्षदः

॥ 70 ॥

श्लोक 73

कालियक्रोधजनकः वृद्धाहिकुलवेष्टितः ।

कालियाहिफणारङ्गनटः कालियमर्दनः

॥ 71 ॥

श्लोक 74

नागपत्नीस्तुतिप्रीतो नानावेषसमृद्धिकृत् ।

अविष्वक्तदृगात्मेशः स्वदृगात्मस्तुतिप्रियः

॥ 72 ॥

श्लोक 75

सर्वेश्वरस्सर्वगुणः प्रसिद्धस्सर्वसात्वतः ।

अकुण्ठधामा चन्द्रार्कदृष्टिराकाशनिर्मलः

॥ 73 ॥

श्लोक 76

अनिर्देश्यगतिर्नागवनितापतिभैक्षदः ।

स्वाङ्घ्रिमुद्राङ्कनागेन्द्रमूर्धा कालियसंस्तुतः

॥ 74 ॥

श्लोक 77

अभयो विश्वतश्चक्षुः स्तुतोत्तमगुणः प्रभुः ।

अहमात्मा मरुत्प्राणः परमात्मा द्युशीर्षवान्

॥ 75 ॥

श्लोक 78

नागोपायनहृष्टात्मा ह्रदोत्सारितकालियः ।

बलभद्रसुखालापो गोपालिङ्गननिर्वृतः

॥ 76 ॥

श्लोक 79

दावाग्निभीतगोपालगोप्ता दावाग्निनाशनः ।

नयनाच्छादनक्रीडालम्पटो नृपचेष्टितः

॥ 77 ॥

श्लोक 80

काकपक्षधरस्सौम्यो बलवाहककेलिमान् ।

बलघातितदुर्धर्षप्रलम्बो बलवत्सलः

॥ 78 ॥

श्लोक 81

मुञ्जाटव्यग्निशमनः प्रावृट्कालविनोदवान् ।

शिलान्यस्तान्नभृद्दैत्यसंहर्ता शाद्वलासनः

॥ 79 ॥

श्लोक 82

सदाप्तगोपिकोद्गीतः कर्णिकारावतंसकः ।

नटवेषधरः पद्ममालाङ्को गोपिकावृतः

॥ 80 ॥

श्लोक 83

गोपीमनोहरापाङ्गो वेणुवादनतत्परः ।

विन्यस्तवदनाम्भोजश्चारुशब्दकृताननः

॥ 81 ॥

श्लोक 84

बिम्बाधरार्पितोदारवेणुर्विश्वविमोहनः ।

व्रजसंवर्णितश्राव्यवेणुनादः श्रुतिप्रियः

॥ 82 ॥

श्लोक 85

गोगोपगोपीजन्मेप्सुर्ब्रह्मेन्द्राद्यभिवन्दितः ।

गीतस्नुतिसरित्पूरो नादनर्तितबर्हिणः

॥ 83 ॥

श्लोक 86

रागपल्लवितस्थाणुर्गीतानमितपादपः ।

विस्मारिततृणग्रासमृगो मृगविलोभितः

॥ 84 ॥

श्लोक 87

व्याघ्रादिहिंस्रसहजवैरहर्ता सुगायनः ।

गाढोदीरितगोबृन्दप्रेमोत्कर्णिततर्णकः

॥ 85 ॥

श्लोक 88

निष्पन्दयानब्रह्मादिवीक्षितो विश्ववन्दितः ।

शाखोत्कर्णशकुन्तौघश्छत्रायितबलाहकः

॥ 86 ॥

श्लोक 89

प्रसन्नः परमानन्दश्चित्रायितचराचरः ।

गोपिकामदनो गोपीकुचकुङ्कुममुद्रितः

॥ 87 ॥

श्लोक 90

गोपिकन्याजलक्रीडाहृष्टो गोप्यंशुकापहृत् ।

स्कन्धारोपितगोपस्त्रीवासाः कुन्दनिभस्मितः

॥ 88 ॥

श्लोक 91

गोपीनेत्रोत्पलशशी गोपिकायाचितांशुकः ।

गोपीनमस्क्रियादेष्टा गोप्येककरवन्दितः

॥ 89 ॥

श्लोक 92

गोप्यञ्जलिविशेषार्थी गोपक्रीडाविलोभितः ।

शान्तवासस्फुरद्गोपीकृताञ्जलिरघापहः

॥ 90 ॥

श्लोक 93

गोपीकेलिविलासार्थी गोपीसम्पूर्णकामदः ।

गोपस्त्रीवस्त्रदो गोपीचित्तचोरः कुतूहली

॥ 91 ॥

श्लोक 94

बृन्दावनप्रियो गोपबन्धुर्यज्वान्नयाचिता ।

यज्ञेशो यज्ञभावज्ञो यज्ञपत्न्यभिवाञ्छितः

॥ 92 ॥

श्लोक 95

मुनिपत्नीवितीर्णान्नतृप्तो मुनिवधूप्रियः ।

द्विजपत्न्यभिभावज्ञो द्विजपत्नीवरप्रदः

॥ 93 ॥

श्लोक 96

प्रतिरुद्धसतीमोक्षप्रदो द्विजविमोहिता ।

मुनिज्ञानप्रदो यज्वस्तुतो वासवयागवित्

॥ 94 ॥

श्लोक 97

पितृप्रोक्तक्रियारूपशक्रयागनिवारणः ।

शक्राऽमर्षकरश्शक्रवृष्टिप्रशमनोन्मुखः

॥ 95 ॥

श्लोक 98

गोवर्धनधरो गोपगोबृन्दत्राणतत्परः ।

गोवर्धनगिरिच्छत्रचण्डदण्डभुजार्गलः

॥ 96 ॥

श्लोक 99

सप्ताहविधृताद्रीन्द्रो मेघवाहनगर्वहा ।

भुजाग्रोपरिविन्यस्तक्ष्माधरक्ष्माभृदच्युतः

॥ 97 ॥

श्लोक 100

स्वस्थानस्थापितगिरिर्गोपीदध्यक्षतार्चितः ।

सुमनस्सुमनोवृष्टिहृष्टो वासववन्दितः

॥ 98 ॥

श्लोक 101

कामधेनुपयःपूराभिषिक्तस्सुरभिस्तुतः ।

धराङ्घ्रिरोषधीरोमा धर्मगोप्ता मनोमयः

॥ 99 ॥

श्लोक 102

ज्ञानयज्ञप्रियश्शास्त्रनेत्रस्सर्वार्थसारथिः ।

ऐरावतकरानीतवियद्गङ्गाप्लुतो विभुः

॥ 100 ॥

श्लोक 103

ब्रह्माभिषिक्तो गोगोप्ता सर्वलोकशुभङ्करः ।

सर्ववेदमयो मग्ननन्दान्वेषिपितृप्रियः

॥ 101 ॥

श्लोक 104

वरुणोदीरितात्मेक्षाकौतुको वरुणार्चितः ।

वरुणानीतजनको गोपज्ञातात्मवैभवः

॥ 102 ॥

श्लोक 105

स्वर्लोकालोकसंहृष्टगोपवर्गत्रिवर्गदः ।

ब्रह्महृद्गोपितो गोपद्रष्टा ब्रह्मपदप्रदः

॥ 103 ॥

श्लोक 106

शरच्चन्द्रविहारोत्कः श्रीपतिर्वशको क्षमः ।

भयापहो भर्तृरुद्धगोपिकाध्यानगोचरः

॥ 104 ॥

श्लोक 107

गोपिकानयनास्वाद्यो गोपीनर्मोक्तिनिर्वृतः ।

गोपिकामानहरणो गोपिकाशतयूथपः

॥ 105 ॥

श्लोक 108

वैजयन्तीस्रगाकल्पो गोपिकामानवर्धनः ।

गोपकान्तासुनिर्देष्टा कान्तो मन्मथमन्मथः

॥ 106 ॥

श्लोक 109

स्वात्मास्यदत्तताम्बूलः फलितोत्कृष्टयौवनः ।

वल्लवीस्तनसक्ताक्षो वल्लवीप्रेमचालितः

॥ 107 ॥

श्लोक 110

गोपीचेलाञ्चलासीनो गोपीनेत्राब्जषट्पदः ।

रासक्रीडासमासक्तो गोपीमण्डलमण्डनः

॥ 108 ॥

श्लोक 111

गोपीहेममणिश्रेणिमध्येन्द्रमणिरुज्ज्वलः ।

विद्याधरेन्दुशापघ्नश्शङ्खचूडशिरोहरः

॥ 109 ॥

श्लोक 112

शङ्खचूडशिरोरत्नसम्प्रीणितबलोऽनघः ।

अरिष्टारिष्टकृद्दुष्टकेशिदैत्यनिषूदनः

॥ 110 ॥

श्लोक 113

सरसस्सस्मितमुखस्सुस्थिरो विरहाकुलः ।

सङ्कर्षणार्पितप्रीतिरक्रूरध्यानगोचरः

॥ 111 ॥

श्लोक 114

अक्रूरसंस्तुतो गूढो गुणवृत्युपलक्षितः ।

प्रमाणगम्यस्तन्मात्राऽवयवी बुद्धितत्परः

॥ 112 ॥

श्लोक 115

सर्वप्रमाणप्रमधीस्सर्वप्रत्ययसाधकः ।

पुरुषश्च प्रधानात्मा विपर्यासविलोचनः

॥ 113 ॥

श्लोक 116

मधुराजनसंवीक्ष्यो रजकप्रतिघातकः ।

विचित्राम्बरसंवीतो मालाकारवरप्रदः

॥ 114 ॥

श्लोक 117

कुब्जावक्रत्वनिर्मोक्ता कुब्जायौवनदायकः ।

कुब्जाङ्गरागसुरभिः कंसकोदण्डखण्डनः

॥ 115 ॥

श्लोक 118

धीरः कुवलयापीडमर्दनः कंसभीतिकृत् ।

दन्तिदन्तायुधो रङ्गत्रासको मल्लयुद्धवित्

॥ 116 ॥

श्लोक 119

चाणूरहन्ता कंसारिर्देवकीहर्षदायकः ।

वसुदेवपदानम्रः पितृबन्धविमोचनः

॥ 117 ॥

श्लोक 120

उर्वीभयापहो भूप उग्रसेनाधिपत्यदः ।

आज्ञास्थितशचीनाथस्सुधर्मानयनक्षमः

॥ 118 ॥

श्लोक 121

आद्यो द्विजातिसत्कर्ता शिष्टाचारप्रदर्शकः ।

सान्दीपनिकृताभ्यस्तविद्याभ्यासैकधीस्सुधीः

॥ 119 ॥

श्लोक 122

गुर्वभीष्टक्रियादक्षः पश्चिमोदधिपूजितः ।

हतपञ्चजनप्राप्तपाञ्चजन्यो यमार्चितः

॥ 120 ॥

श्लोक 123

धर्मराजजयानीतगुरुपुत्र उरुक्रमः ।

गुरुपुत्रप्रदश्शास्ता मधुराजसभासदः

॥ 121 ॥

श्लोक 124

जामदग्न्यसमभ्यर्च्यो गोमन्तगिरिसञ्चरः ।

गोमन्तदावशमनो गरुडानीतभूषणः

॥ 122 ॥

श्लोक 125

चक्राद्यायुधसंशोभी जरासन्धमदापहः ।

सृगालावनिपालघ्नस्सृगालात्मजराज्यदः

॥ 123 ॥

श्लोक 126

विध्वस्तकालयवनो मुचुकुन्दवरप्रदः ।

आज्ञापितमहाम्भोधिर्द्वारकापुरकल्पनः

॥ 124 ॥

श्लोक 127

द्वारकानिलयो रुक्मिमानहन्ता यदूद्वहः ।

रुचिरो रुक्मिणीजानिः प्रद्युम्नजनकः प्रभुः

॥ 125 ॥

श्लोक 128

अपाकृतत्रिलोकार्तिरनिरुद्धपितामहः ।

अनिरुद्धपदान्वेषी चक्री गरुडवाहनः

॥ 126 ॥

श्लोक 129

बाणासुरपुरीरोद्धा रक्षाज्वलनयन्त्रजित् ।

धूतप्रमथसंरम्भो जितमाहेश्वरज्वरः

॥ 127 ॥

श्लोक 130

षट्चक्रशक्तिनिर्जेता भूतवेतालमोहकृत् ।

शम्भुत्रिशूलजिच्छम्भुजृम्भणश्शम्भुसंस्तुतः

॥ 128 ॥

श्लोक 131

इन्द्रियात्मेन्दुहृदयस्सर्वयोगेश्वरेश्वरः ।

हिरण्यगर्भहृदयो मोहावर्तनिवर्तनः

॥ 129 ॥

श्लोक 132

आत्मज्ञाननिधिर्मेधा कोशस्तन्मात्ररूपवान् ।

इन्द्रोऽग्निवदनः कालनाभस्सर्वागमाध्वगः

॥ 130 ॥

श्लोक 133

तुरीयसर्वधीसाक्षी द्वन्द्वारामात्मदूरगः ।

अज्ञातपारो वश्यश्रीरव्याकृतविहारवान्

॥ 131 ॥

श्लोक 134

आत्मप्रदीपो विज्ञानमात्रात्मा श्रीनिकेतनः ।

बाणबाहुवनच्छेत्ता महेन्द्रप्रीतिवर्धनः

॥ 132 ॥

श्लोक 135

अनिरुद्धनिरोधज्ञो जलेशाहृतगोकुलः ।

जलेशविजयी वीरस्सत्राजिद्रत्नयाचकः

॥ 133 ॥

श्लोक 136

प्रसेनान्वेषणोद्युक्तो जाम्बवद्धृतरत्नदः ।

जितर्क्षराजतनयाहर्ता जाम्बवतीप्रियः

॥ 134 ॥

श्लोक 137

सत्यभामाप्रियः कामश्शतधन्वशिरोहरः ।

कालिन्दीपतिरक्रूरबन्धुरक्रूररत्नदः

॥ 135 ॥

श्लोक 138

कैकेयीरमणो भद्राभर्ता नाग्नजितीधवः ।

माद्रीमनोहरश्शैब्याप्राणबन्धुरुरुक्रमः

॥ 136 ॥

श्लोक 139

सुशीलादयितो मित्रविन्दानेत्रमहोत्सवः ।

लक्ष्मणावल्लभो रुद्धप्राग्ज्योतिषमहापुरः

॥ 137 ॥

श्लोक 140

सुरपाशावृतिच्छेदी मुरारिः क्रूरयुद्धवित् ।

हयग्रीवशिरोहर्ता सर्वात्मा सर्वदर्शनः

॥ 138 ॥

श्लोक 141

नरकासुरविच्छेत्ता नरकात्मजराज्यदः।

पृथ्वीस्तुतः प्रकाशात्मा हृद्यो यज्ञफलप्रदः

॥ 139 ॥

श्लोक 142

गुणग्राही गुणद्रष्टा गूढस्वात्मा विभूतिमान् ।

कविर्जगदुपद्रष्टा परमाक्षरविग्रहः

॥ 140 ॥

श्लोक 143

प्रपन्नपालनो माली महद्ब्रह्मविवर्धनः ।

वाच्यवाचकशक्त्यर्थस्सर्वव्याकृतसिद्धिदः

॥ 141 ॥

श्लोक 144

स्वयम्प्रभुरनिर्वेद्यस्स्वप्रकाशश्चिरन्तनः ।

नादात्मा मन्त्रकोटीशो नानावादनिरोधकः

॥ 142 ॥

श्लोक 145

कन्दर्पकोटिलावण्यः परार्थैकप्रयोजकः ।

अमरीकृतदेवौघः कन्यकाबन्धमोचनः

॥ 143 ॥

श्लोक 146

षोडशस्त्रीसहस्रेशः कान्तः कान्तामनोभवः ।

क्रीडारत्नाचलाहर्ता वरुणच्छत्रशोभितः

॥ 144 ॥

श्लोक 147

शक्राभिवन्दितश्शक्रजननीकुण्डलप्रदः ।

अदितिप्रस्तुतस्तोत्रो ब्राह्मणोद्घुष्टचेष्टनः

॥ 145 ॥

श्लोक 148

पुराणस्संयमी जन्मालिप्तः षड्विंशकोऽर्थदः ।

यशस्यनीतिराद्यन्तरहितस्सत्कथाप्रियः

॥ 146 ॥

श्लोक 149

ब्रह्मबोधः परानन्दः पारिजातापहारकः ।

पौण्ड्रकप्राणहरणः काशिराजनिषूदनः

॥ 147 ॥

श्लोक 150

कृत्यागर्वप्रशमनो विचक्रवधदीक्षितः ।

कंसविध्वंसनस्साम्बजनको डिम्भकार्दनः

॥ 148 ॥

श्लोक 151

मुनिर्गोप्ता पितृवरप्रदस्सवनदीक्षितः ।

रथी सारथ्यनिर्देष्टा फाल्गुनः फाल्गुनिप्रियः

॥ 149 ॥

श्लोक 152

सप्ताब्धिस्तम्भनोद्भातो हरिस्सप्ताब्धिभेदनः ।

आत्मप्रकाशः पूर्णश्रीरादिनारायणेक्षितः

॥ 150 ॥

श्लोक 153

विप्रपुत्रप्रदश्चैव सर्वमातृसुतप्रदः ।

पार्थविस्मयकृत्पार्थप्रणवार्थप्रबोधनः

॥ 151 ॥

श्लोक 154

कैलासयात्रासुमुखो बदर्याश्रमभूषणः ।

घण्टाकर्णक्रियामौढ्यात्तोषितो भक्तवत्सलः

॥ 152 ॥

श्लोक 155

मुनिबृन्दादिभिर्ध्येयो घण्टाकर्णवरप्रदः ।

तपश्चर्यापरश्चीरवासाः पिङ्गजटाधरः

॥ 153 ॥

श्लोक 156

प्रत्यक्षीकृतभूतेशश्शिवस्तोता शिवस्तुतः ।

कृष्णास्वयंवरालोककौतुकी सर्वसम्मतः

॥ 154 ॥

श्लोक 157

बलसंरम्भशमनो बलदर्शितपाण्डवः ।

यतिवेषार्जुनाभीष्टदायी सर्वात्मगोचरः

॥ 155 ॥

श्लोक 158

सुभद्राफाल्गुनोद्वाहकर्ता प्रीणितफाल्गुनः ।

खाण्डवप्रीणितार्चिष्मान्मयदानवमोचनः

॥ 156 ॥

श्लोक 159

सुलभो राजसूयार्हयुधिष्ठिरनियोजकः ।

भीमार्दितजरासन्धो मागधात्मजराज्यदः

॥ 157 ॥

श्लोक 160

राजबन्धननिर्मोक्ता राजसूयाग्रपूजनः ।

चैद्याद्यसहनो भीष्मस्तुतस्सात्वतपूर्वजः

॥ 158 ॥

श्लोक 161

सर्वात्मार्थसमाहर्ता मन्दराचलधारकः ।

यज्ञावतारः प्रह्लादप्रतिज्ञाप्रतिपालकः

॥ 159 ॥

श्लोक 162

बलियज्ञसभाध्वंसी दृप्तक्षत्रकुलान्तकः ।

दशग्रीवान्तको जेता रेवतीप्रेमवल्लभः

॥ 160 ॥

श्लोक 163

सर्वावताराधिष्ठाता वेदबाह्यविमोहनः ।

कलिदोषनिराकर्ता दशनामा दृढव्रतः

॥ 161 ॥

श्लोक 164

अमेयात्मा जगत्स्वामी वाग्मी चैद्यशिरोहरः ।

द्रौपदीरचितस्तोत्रः केशवः पुरुषोत्तमः

॥ 162 ॥

श्लोक 165

नारायणो मधुपतिर्माधवो दोषवर्जितः ।

गोविन्दः पुण्डरीकाक्षो विष्णुश्च मधुसूदनः

॥ 163 ॥

श्लोक 166

त्रिविक्रमस्त्रिलोकेशो वामनः श्रीधरः पुमान् ।

हृषीकेशो वासुदेवः पद्मनाभो महाह्रदः

॥ 164 ॥

श्लोक 167

दामोदरश्चतुर्व्यूहः पाञ्चालीमानरक्षणः ।

साल्वघ्नस्समरश्लाघी दन्तवक्त्रनिबर्हणः

॥ 165 ॥

श्लोक 168

दामोदरप्रियसखा पृथुकास्वादनप्रियः ॥

घृणी दामोदरः श्रीदो गोपीपुनरवेक्षकः

॥ 166 ॥

श्लोक 169

गोपिकामुक्तिदो योगी दुर्वासस्तृप्तिकारकः ।

अविज्ञातव्रजाकीर्णपाण्डवालोकनो जयी

॥ 167 ॥

श्लोक 170

पार्थसारथ्यनिरतः प्राज्ञः पाण्डवदूत्यकृत् ।

विदुरातिथ्यसन्तुष्टः कुन्तीसन्तोषदायकः

॥ 168 ॥

श्लोक 171

सुयोधनतिरस्कर्ता दुर्योधनविकारवित् ।

विदुराभिष्ठुतो नित्यो वार्ष्णेयो मङ्गलात्मकः

॥ 169 ॥

श्लोक 172

पञ्चविंशतितत्त्वेशश्चतुर्विंशतिदेहभाक् ।

सर्वानुग्राहकस्सर्वदाशार्हसततार्चितः

॥ 170 ॥

श्लोक 173

अचिन्त्यो मधुरालापस्साधुदर्शी दुरासदः ।

मनुष्यधर्मानुगतः कौरवेन्द्रक्षयेक्षिता

॥ 171 ॥

श्लोक 174

उपेन्द्रो दानवारातिरुरुगीतो महाद्युतिः ।

ब्रह्मण्यदेवः श्रुतिमान् गोब्राह्मणहिताशयः

॥ 172 ॥

श्लोक 175

वरशीलश्शिवारम्भस्सुविज्ञानविमूर्तिमान् ।

स्वभावशुद्धस्सन्मित्रस्सुशरण्यस्सुलक्षणः

॥ 173 ॥

श्लोक 176

धृतराष्ट्रगतौदृष्टिप्रदः कर्णविभेदनः ।

प्रतोदधृग्विश्वरूपविस्मारितधनञ्जयः

॥ 174 ॥

श्लोक 177

सामगानप्रियो धर्मधेनुर्वर्णोत्तमोऽव्ययः ।

चतुर्युगक्रियाकर्ता विश्वरूपप्रदर्शकः

॥ 175 ॥

श्लोक 178

ब्रह्मबोधपरित्रातपार्थो भीष्मार्थचक्रभृत् ।

अर्जुनायासविध्वंसी कालदंष्ट्राविभूषणः

॥ 176 ॥

श्लोक 179

सुजातानन्तमहिमा स्वप्नव्यापारितार्जुनः ।

अकालसन्ध्याघटनश्चक्रान्तरितभास्करः

॥ 177 ॥

श्लोक 180

दुष्टप्रमथनः पार्थप्रतिज्ञापरिपालकः ।

सिन्धुराजशिरःपातस्थानवक्ता विवेकदृक्

॥ 178 ॥

श्लोक 181

सुभद्राशोकहरणो द्रोणोत्सेकादिविस्मितः ।

पार्थमन्युनिराकर्ता पाण्डवोत्सवदायकः

॥ 179 ॥

श्लोक 182

अङ्गुष्ठाक्रान्तकौन्तेयरथश्शक्तोऽहिशीर्षजित् ।

कालकोपप्रशमनो भीमसेनजयप्रदः

॥ 180 ॥

श्लोक 183

अश्वत्थामवधायासत्रातपाण्डुसुतः कृती ।

इषीकास्त्रप्रशमनो द्रौणिरक्षाविचक्षणः

॥ 181 ॥

श्लोक 184

पार्थापहारितद्रौणिचूडामणिरभङ्गुरः ।

धृतराष्ट्रपरामृष्टभीमप्रतिकृतिस्मयः

॥ 182 ॥

श्लोक 185

भीष्मबुद्धिप्रदश्शान्तश्शरच्चन्द्रनिभाननः ।

गदाग्रजन्मा पाञ्चालीप्रतिज्ञापरिपालकः

॥ 183 ॥

श्लोक 186

गान्धारीकोपदृग्गुप्तधर्मसूनुरनामयः ।

प्रपन्नार्तिभयच्छेत्ता भीष्मशल्यव्यधावहः

॥ 184 ॥

श्लोक 187

शान्तश्शान्तनवोदीर्णसर्वधर्मसमाहितः ।

स्मारितब्रह्मविद्यार्थप्रीतपार्थो महास्त्रवित्

॥ 185 ॥

श्लोक 188

प्रसादपरमोदारो गाङ्गेयसुगतिप्रदः ।

विपक्षपक्षक्षयकृत्परीक्षित्प्राणरक्षणः

॥ 186 ॥

श्लोक 189

जगद्गुरुर्धर्मसूनोर्वाजिमेधप्रवर्तकः ।

विहितार्थाप्तसत्कारो मासकात्परिवर्तदः

॥ 187 ॥

श्लोक 190

उत्तङ्कहर्षदात्मीयदिव्यरूपप्रदर्शकः ।

जनकावगतस्वोक्तभारतस्सर्वभावनः

॥ 188 ॥

श्लोक 191

असोढयादवोद्रेको विहिताप्तादिपूजनः ॥

समुद्रस्थापिताश्चर्यमुसलो वृष्णिवाहकः

॥ 189 ॥

श्लोक 192

मुनिशापायुधः पद्मासनादित्रिदशार्थितः ।

वृष्टिप्रत्यवहारोत्कस्स्वधामगमनोत्सुकः

॥ 190 ॥

श्लोक 193

प्रभासालोकनोद्युक्तो नानाविधनिमित्तकृत् ।

सर्वयादवसंसेव्यस्सर्वोत्कृष्टपरिच्छदः

॥ 191 ॥

श्लोक 194

वेलाकाननसञ्चारी वेलानिलहृतश्रमः ।

कालात्मा यादवोऽनन्तस्स्तुतिसन्तुष्टमानसः

॥ 192 ॥

श्लोक 195

द्विजालोकनसन्तुष्टः पुण्यतीर्थमहोत्सवः ।

सत्काराह्लादिताशेषभूसुरस्सुरवल्लभः

॥ 193 ॥

श्लोक 196

पुण्यतीर्थाप्लुतः पुण्यः पुण्यदस्तीर्थपावनः ।

विप्रसात्कृतगोकोटिश्शतकोटिसुवर्णदः

॥ 194 ॥

श्लोक 197

स्वमायामोहिताऽशेषवृष्णिवीरो विशेषवित् ।

जलजायुधनिर्देष्टा स्वात्मावेशितयादवः

॥ 195 ॥

श्लोक 198

देवताभीष्टवरदः कृतकृत्यः प्रसन्नधीः ।

स्थिरशेषायुतबलस्सहस्रफणिवीक्षणः

॥ 196 ॥

श्लोक 199

ब्रह्मवृक्षवरच्छायासीनः पद्मासनस्थितः ।

प्रत्यगात्मा स्वभावार्थः प्रणिधानपरायणः

॥ 197 ॥

श्लोक 200

व्याधेषुविद्धपूज्याङ्घ्रिर्निषादभयमोचनः ।

पुलिन्दस्तुतिसन्तुष्टः पुलिन्दसुगतिप्रदः

॥ 198 ॥

श्लोक 201

दारुकार्पितपार्थादिकरणीयोक्तिरीशिता ।

दिव्यदुन्दुभिसंयुक्तः पुष्पवृष्टिप्रपूजितः

॥ 199 ॥

श्लोक 202

पुराणः परमेशानः पूर्णभूमा परिष्टुतः ।

पतिराद्यः परं ब्रह्म परमात्मा परात्परः

॥ 200 ॥

श्लोक 203

श्रीपरमात्मा परात्परः ॐ नमः इति ।

फलश्रुतिः –

इदं सहस्रं कृष्णस्य नाम्नां सर्वार्थदायकम् ।

अनन्तरूपी भगवान् व्याख्यातादौ स्वयम्भुवे

॥ 201 ॥

श्लोक 204

तेन प्रोक्तं वसिष्ठाय ततो लब्ध्वा पराशरः ।

व्यासाय तेन सम्प्रोक्तं शुको व्यासादवाप्तवान्

॥ 202 ॥

श्लोक 205

तच्छिष्यैर्बहुभिर्भूमौ ख्यापितं द्वापरे युगे ।

कृष्णाज्ञया हरिहरः कलौ प्रख्यापयद्विभुः

॥ 203 ॥

श्लोक 206

इदं पठति भक्त्या यः शृणोति च समाहितः ।

स्वसिद्ध्यै प्रार्थयन्त्येनं तीर्थक्षेत्रादिदेवताः

॥ 204 ॥

श्लोक 207

प्रायश्चित्तान्यशेषाणि नालं यानि व्यपोहितुम् ।

तानि पापानि नश्यन्ति सकृदस्य प्रशंसनात्

॥ 205 ॥

श्लोक 208

ऋणत्रयविमुक्तस्य श्रौतस्मार्तानुवर्तिनः ।

ऋषेस्त्रिमूर्तिरूपस्य फलं विन्देदिदं पठन्

॥ 206 ॥

श्लोक 209

इदं नामसहस्रं यः पठत्येतच्छृणोति च ।

शिवलिङ्गसहस्रस्य स प्रतिष्ठाफलं लभेत्

॥ 207 ॥

श्लोक 210

इदं किरीटी सञ्जप्य जयी पाशुपतास्त्रभाक् ।

कृष्णस्य प्राणभूतस्सन् कृष्णं सारथिमाप्तवान्

॥ 208 ॥

श्लोक 211

द्रौपद्या दमयन्त्या च सावित्र्या च सुशीलया ।

दुरितानि जितान्येतज्जपादाप्तं च वाञ्छितम्

॥ 209 ॥

श्लोक 212

किमिदं बहुना शंसन्मानवो मोदनिर्भरः ।

ब्रह्मानन्दमवाप्यान्ते कृष्णसायूज्यमाप्नुयात्

॥ 210 ॥

श्लोक 213