Sri Krishna Ashtottara Sata Nama Stotram

श्रीकृष्णाष्टोत्तरशत नामस्तोत्रं

श्लोक 1

श्रीगोपालकृष्णाय नमः ॥

श्रीशेष उवाच ॥

ॐ अस्य श्रीकृष्णाष्टोत्तरशतनामस्तोत्रस्य।

श्रीशेष ऋषिः ॥ अनुष्टुप् छन्दः ॥ श्रीकृष्णोदेवता ॥

श्रीकृष्णाष्टोत्तरशतनामजपे विनियोगः ॥

ॐ श्रीकृष्णः कमलानाथो वासुदेवः सनातनः ।

वसुदेवात्मजः पुण्यो लीलामानुषविग्रहः

श्लोक 2

श्रीवत्सकौस्तुभधरो यशोदावत्सलो हरिः ।

चतुर्भुजात्तचक्रासिगदा शङ्खाद्युदायुधः

॥ 1 ॥

श्लोक 3

देवकीनन्दनः श्रीशो नन्दगोपप्रियात्मजः ।

यमुनावेगसंहारी बलभद्रप्रियानुजः

॥ 2 ॥

श्लोक 4

पूतनाजीवितहरः शकटासुरभञ्जनः ।

नन्दव्रजजनानन्दी सच्चिदानन्दविग्रहः

॥ 3 ॥

श्लोक 5

नवनीतविलिप्ताङ्गो नवनीतनटोऽनघः ।

नवनीतनवाहारो मुचुकुन्दप्रसादकः

॥ 4 ॥

श्लोक 6

षोडशस्त्री सहस्रेश स्रिभङ्गि मधुराकृतिः ।

शुकवागमृताब्धीन्दुर्गोविन्दो गोविदाम्पतिः

॥ 5 ॥

श्लोक 7

वत्सवाटचरोऽनन्तो धेनुकासुरभञ्जनः ।

तृणीकृततृणावर्तो यमलार्जुनभञ्जनः

॥ 6 ॥

श्लोक 8

उत्तानतालभेत्ता च तमालश्यामलाकृतिः ।

गोपगोपीश्वरो योगी सूर्यकोटिसमप्रभः

॥ 7 ॥

श्लोक 9

इलापतिः परञ्ज्योतिर्यादवेन्द्रो यदूद्वहः ।

वनमाली पीतवासाः पारिजातापहारकः

॥ 8 ॥

श्लोक 10

गोवर्धनाचलोद्धर्ता गोपालः सर्वपालकः ।

अजो निरञ्जनः कामजनकः कञ्जलोचनः

॥ 9 ॥

श्लोक 11

मधुहा मथुरानाथो द्वारकानायको बली ।

वृन्दावनान्तसञ्चारी तुलसीदामभूषणः

॥ 10 ॥

श्लोक 12

श्यमन्तकमणेर्हर्ता नरनारायणात्मकः ।

कुब्जाकृष्णाम्बरधरो मायी परमपूरुषः

॥ 11 ॥

श्लोक 13

मुष्टिकासुरचाणूरमहायुद्धविशारदः ।

संसारवैरी कंसारिर्मुरारिर्नरकान्तकः

॥ 12 ॥

श्लोक 14

अनादिब्रह्मचारी च कृष्णाव्यसनकर्षकः ।

शिशुपालशिरश्छेत्ता दुर्योधनकुलान्तकः

॥ 13 ॥

श्लोक 15

विदुराक्रूरवरदो विश्वरूपप्रदर्शकः ।

सत्यवाक् सत्यसङ्कल्पः सत्यभामारतो जयी

॥ 14 ॥

श्लोक 16

सुभद्रापूर्वजो विष्णुर्भीष्ममुक्तिप्रदायकः ।

जगद्गुरुर्जगन्नाथो वेणुनादविशारदः

॥ 15 ॥

श्लोक 17

वृषभासुरविध्वंसी बाणासुरबलान्तकः ।

युधिष्ठिरप्रतिष्ठाता बर्हिबर्हावतंसकः

॥ 16 ॥

श्लोक 18

पार्थसारथिरव्यक्तो गीतामृतमहोदधिः ।

कालीयफणिमाणिक्यरञ्जितश्रीपदाम्बुजः

॥ 17 ॥

श्लोक 19

दामोदरो यज्ञभोक्ता दानवेन्द्रविनाशकः ।

नारायणः परम्ब्रह्म पन्नगाशनवाहनः

॥ 18 ॥

श्लोक 20

जलक्रीडासमासक्त गोपीवस्त्रापहारकः ।

पुण्यश्लोकस्तीर्थपादो वेदवेद्यो दयानिधिः

॥ 19 ॥

श्लोक 21

सर्वतीर्थात्मकः सर्वग्रहरुपी परात्परः ।

एवं श्रीकृष्णदेवस्य नाम्नामष्टोत्तरं शतम्

॥ 20 ॥

श्लोक 22

कृष्णनामामृतं नाम परमानन्दकारकम् ।

अत्युपद्रवदोषघ्नं परमायुष्यवर्धनम्

॥ 21 ॥

श्लोक 23

॥ इति श्रीनारदपञ्चरात्रे ज्ञानामृतसारे चतुर्थरात्रे उमामहेश्वरसंवादे

धरणीशेषसंवादे श्रीकृष्णाष्टोत्तरशतनामस्तोत्रं सम्पूर्णम् ॥