శ్రీ దుర్గా సప్త శ్లోకీ

శ్రీ దుర్గా సప్త శ్లోకీ

శ్లోక 1

శివ ఉవాచ ।

దేవీ త్వం భక్తసులభే సర్వకార్యవిధాయిని ।

కలౌ హి కార్యసిద్ధ్యర్థముపాయం బ్రూహి యత్నతః ॥

దేవ్యువాచ ।

శృణు దేవ ప్రవక్ష్యామి కలౌ సర్వేష్టసాధనమ్ ।

మయా తవైవ స్నేహేనాప్యమ్బాస్తుతిః ప్రకాశ్యతే ॥

అస్య శ్రీ దుర్గా సప్తశ్లోకీ స్తోత్రమన్త్రస్య నారాయణ ఋషిః, అనుష్టుప్ ఛన్దః, శ్రీ మహాకాలీ మహాలక్ష్మీ మహాసరస్వత్యో దేవతాః, శ్రీ దుర్గా ప్రీత్యర్థం సప్తశ్లోకీ దుర్గాపాఠే వినియోగః ।

జ్ఞానినామపి చేతాంసి దేవీ భగవతీ హి సా ।

బలాదాకృష్య మోహాయ మహామాయా ప్రయచ్ఛతి

శ్లోక 2

దుర్గే స్మృతా హరసి భీతిమశేషజన్తోః

స్వస్థైః స్మృతా మతిమతీవ శుభాం దదాసి ।

దారిద్ర్యదుఃఖ భయహారిణి కా త్వదన్యా

సర్వోపకారకరణాయ సదార్ద్ర చిత్తా

॥ 1 ॥

శ్లోక 3

సర్వమఙ్గలమాఙ్గల్యే శివే సర్వార్థసాధికే ।

శరణ్యే త్ర్యమ్బకే గౌరీ నారాయణి నమోఽస్తు తే

॥ 2 ॥

శ్లోక 4

శరణాగతదీనార్తపరిత్రాణపరాయణే ।

సర్వస్యార్తిహరే దేవి నారాయణి నమోఽస్తు తే

॥ 3 ॥

శ్లోక 5

సర్వస్వరూపే సర్వేశే సర్వశక్తిసమన్వితే ।

భయేభ్యస్త్రాహి నో దేవి దుర్గే దేవి నమోఽస్తు తే

॥ 4 ॥

శ్లోక 6

రోగానశేషానపహంసి తుష్టా-

రుష్టా తు కామాన్ సకలానభీష్టాన్ ।

త్వామాశ్రితానాం న విపన్నరాణాం

త్వామాశ్రితా హ్యాశ్రయతాం ప్రయాన్తి

॥ 5 ॥

శ్లోక 7

సర్వబాధాప్రశమనం త్రైలోక్యస్యాఖిలేశ్వరి ।

ఏవమేవ త్వయా కార్యమస్మద్వైరి వినాశనమ్

॥ 6 ॥

శ్లోక 8

ఇతి శ్రీ దుర్గా సప్తశ్లోకీ ।