Durga Apaduddharaka Stotram

श्री दुर्गा आपदुद्धारक स्तोत्रम्

श्लोक 1

नमस्ते शरण्ये शिवे सानुकम्पे

नमस्ते जगद्व्यापिके विश्वरूपे ।

नमस्ते जगद्वन्द्यपादारविन्दे

नमस्ते जगत्तारिणि त्राहि दुर्गे

श्लोक 2

नमस्ते जगच्चिन्त्यमानस्वरूपे

नमस्ते महायोगिविज्ञानरूपे ।

नमस्ते नमस्ते सदानन्दरूपे

नमस्ते जगत्तारिणि त्राहि दुर्गे

॥ 1 ॥

श्लोक 3

अनाथस्य दीनस्य तृष्णातुरस्य

भयार्तस्य भीतस्य बद्धस्य जन्तोः ।

त्वमेका गतिर्देवि निस्तारकर्त्री

नमस्ते जगत्तारिणि त्राहि दुर्गे

॥ 2 ॥

श्लोक 4

अरण्ये रणे दारुणे शत्रुमध्ये-

ऽनले सागरे प्रान्तरे राजगेहे ।

त्वमेका गतिर्देवि निस्तारनौका

नमस्ते जगत्तारिणि त्राहि दुर्गे

॥ 3 ॥

श्लोक 5

अपारे महादुस्तरेऽत्यन्तघोरे

विपत्सागरे मज्जतां देहभाजाम् ।

त्वमेका गतिर्देवि निस्तारहेतु-

र्नमस्ते जगत्तारिणि त्राहि दुर्गे

॥ 4 ॥

श्लोक 6

नमश्चण्डिके चण्डदुर्दण्डलीला-

समुत्खण्डिता खण्डिताऽशेषशत्रोः ।

त्वमेका गतिर्देवि निस्तारबीजं

नमस्ते जगत्तारिणि त्राहि दुर्गे

॥ 5 ॥

श्लोक 7

त्वमेका सदाराधिता सत्यवादि-

न्यनेकाखिला क्रोधना क्रोधनिष्ठा ।

इडा पिङ्गला त्वं सुषुम्ना च नाडी

नमस्ते जगत्तारिणि त्राहि दुर्गे

॥ 6 ॥

श्लोक 8

नमो देवि दुर्गे शिवे भीमनादे

सदासर्वसिद्धिप्रदातृस्वरूपे ।

विभूतिः शची कालरात्रिः सती त्वं

नमस्ते जगत्तारिणि त्राहि दुर्गे

॥ 7 ॥

श्लोक 9

शरणमसि सुराणां सिद्धविद्याधराणां

मुनिमनुजपशूनां दस्युभिस्त्रासितानां

नृपतिगृहगतानां व्याधिभिः पीडितानाम् ।

त्वमसि शरणमेका देवि दुर्गे प्रसीद

॥ 8 ॥

श्लोक 10

इदं स्तोत्रं मया प्रोक्तमापदुद्धारहेतुकम् ।

त्रिसन्ध्यमेकसन्ध्यं वा पठनाद्घोरसङ्कटात्

॥ 9 ॥

श्लोक 11

मुच्यते नात्र सन्देहो भुवि स्वर्गे रसातले ।

सर्वं वा श्लोकमेकं वा यः पठेद्भक्तिमान्सदा

॥ 10 ॥

श्लोक 12

स सर्वं दुष्कृतं त्यक्त्वा प्राप्नोति परमं पदम् ।

पठनादस्य देवेशि किं न सिद्ध्यति भूतले ।

स्तवराजमिदं देवि सङ्क्षेपात्कथितं मया ॥ 12

इति श्री सिद्धेश्वरीतन्त्रे परमशिवोक्त श्री दुर्गा आपदुद्धार स्तोत्रम् ।