શ્રી દુર્ગા સપ્ત શ્લોકી

શ્રી દુર્ગા સપ્ત શ્લોકી

શ્લોક 1

શિવ ઉવાચ ।

દેવી ત્વં ભક્તસુલભે સર્વકાર્યવિધાયિનિ ।

કલૌ હિ કાર્યસિદ્ધ્યર્થમુપાયં બ્રૂહિ યત્નતઃ ॥

દેવ્યુવાચ ।

શૃણુ દેવ પ્રવક્ષ્યામિ કલૌ સર્વેષ્ટસાધનમ્ ।

મયા તવૈવ સ્નેહેનાપ્યમ્બાસ્તુતિઃ પ્રકાશ્યતે ॥

અસ્ય શ્રી દુર્ગા સપ્તશ્લોકી સ્તોત્રમન્ત્રસ્ય નારાયણ ઋષિઃ, અનુષ્ટુપ્ છન્દઃ, શ્રી મહાકાલી મહાલક્ષ્મી મહાસરસ્વત્યો દેવતાઃ, શ્રી દુર્ગા પ્રીત્યર્થં સપ્તશ્લોકી દુર્ગાપાઠે વિનિયોગઃ ।

જ્ઞાનિનામપિ ચેતાંસિ દેવી ભગવતી હિ સા ।

બલાદાકૃષ્ય મોહાય મહામાયા પ્રયચ્છતિ

શ્લોક 2

દુર્ગે સ્મૃતા હરસિ ભીતિમશેષજન્તોઃ

સ્વસ્થૈઃ સ્મૃતા મતિમતીવ શુભાં દદાસિ ।

દારિદ્ર્યદુઃખ ભયહારિણિ કા ત્વદન્યા

સર્વોપકારકરણાય સદાર્દ્ર ચિત્તા

॥ 1 ॥

શ્લોક 3

સર્વમઙ્ગલમાઙ્ગલ્યે શિવે સર્વાર્થસાધિકે ।

શરણ્યે ત્ર્યમ્બકે ગૌરી નારાયણિ નમોઽસ્તુ તે

॥ 2 ॥

શ્લોક 4

શરણાગતદીનાર્તપરિત્રાણપરાયણે ।

સર્વસ્યાર્તિહરે દેવિ નારાયણિ નમોઽસ્તુ તે

॥ 3 ॥

શ્લોક 5

સર્વસ્વરૂપે સર્વેશે સર્વશક્તિસમન્વિતે ।

ભયેભ્યસ્ત્રાહિ નો દેવિ દુર્ગે દેવિ નમોઽસ્તુ તે

॥ 4 ॥

શ્લોક 6

રોગાનશેષાનપહંસિ તુષ્ટા-

રુષ્ટા તુ કામાન્ સકલાનભીષ્ટાન્ ।

ત્વામાશ્રિતાનાં ન વિપન્નરાણાં

ત્વામાશ્રિતા હ્યાશ્રયતાં પ્રયાન્તિ

॥ 5 ॥

શ્લોક 7

સર્વબાધાપ્રશમનં ત્રૈલોક્યસ્યાખિલેશ્વરિ ।

એવમેવ ત્વયા કાર્યમસ્મદ્વૈરિ વિનાશનમ્

॥ 6 ॥

શ્લોક 8

ઇતિ શ્રી દુર્ગા સપ્તશ્લોકી ।