ശ്രീ ദേവ്യഥര്വശീര്ഷമ്

ശ്രീ ദേവ്യഥര്വശീര്ഷമ്

ശ്ലോക 1

ഓം സര്വേ വൈ ദേവാ ദേവീമുപതസ്ഥുഃ കാസി ത്വ-മ്മഹാദേവീതി

ശ്ലോക 2

സാ-ഽബ്രവീദഹ-മ്ബ്രഹ്മസ്വരൂപിണീ ।

മത്തഃ പ്രകൃതിപുരുഷാത്മക-ഞ്ജഗത് ।

ശൂന്യ-ഞ്ചാശൂന്യ-ഞ്ച

॥ 1 ॥

ശ്ലോക 3

അഹമാനന്ദാനാനന്ദൌ ।

അഹം-വിഁജ്ഞാനാവിജ്ഞാനേ ।

അഹ-മ്ബ്രഹ്മാബ്രഹ്മണി വേദിതവ്യേ ।

അഹ-മ്പഞ്ചഭൂതാന്യപഞ്ചഭൂതാനി ।

അഹമഖില-ഞ്ജഗത്

॥ 2 ॥

ശ്ലോക 4

വേദോ-ഽഹമവേദോ-ഽഹമ് ।

വിദ്യാ-ഽഹമവിദ്യാ-ഽഹമ് ।

അജാ-ഽഹമനജാ-ഽഹമ് ।

അധശ്ചോര്ധ്വ-ഞ്ച തിര്യക്ചാഹമ്

॥ 3 ॥

ശ്ലോക 5

അഹം രുദ്രേഭിര്വസുഭിശ്ചരാമി ।

അഹമാദിത്യൈരുത വിശ്വദേവൈഃ ।

അഹ-മ്മിത്രാവരുണാവുഭൌ ബിഭര്മി ।

അഹമിന്ദ്രാഗ്നീ അഹമശ്വിനാവുഭൌ

॥ 4 ॥

ശ്ലോക 6

അഹം സോമ-ന്ത്വഷ്ടാര-മ്പൂഷണ-മ്ഭഗ-ന്ദധാമി ।

അഹം-വിഁഷ്ണുമുരുക്രമ-മ്ബ്രഹ്മാണമുത പ്രജാപതി-ന്ദധാമി

॥ 5 ॥

ശ്ലോക 7

അ॒ഹ-ന്ദ॑ധാമി॒ ദ്രവി॑ണം ഹ॒വിഷ്മ॑തേ സുപ്രാ॒വ്യേ॒3 യജ॑മാനായ സുന്വ॒തേ ।

അ॒ഹം രാഷ്ട്രീ॑ സ॒ങ്ഗമ॑നീ॒ വസൂ॑നാ-ഞ്ചികി॒തുഷീ॑ പ്രഥ॒മാ യ॒ജ്ഞിയാ॑നാമ് ।

അ॒ഹം സു॑വേ പി॒തര॑മസ്യ മൂ॒ര്ധന്മമ॒ യോനി॑ര॒പ്സ്വന്ത-സ്സ॑മു॒ദ്രേ ।

യ ഏവം-വേഁദ । സ ദേവീം സമ്പദമാപ്നോതി

॥ 6 ॥

ശ്ലോക 8

തേ ദേവാ അബ്രുവന്

നമോ ദേവ്യൈ മഹാദേവ്യൈ ശിവായൈ സതത-ന്നമഃ ।

നമഃ പ്രകൃത്യൈ ഭദ്രായൈ നിയതാഃ പ്രണതാ-സ്സ്മ താമ്

॥ 7 ॥

ശ്ലോക 9

താമ॒ഗ്നിവ॑ര്ണാ॒-ന്തപ॑സാ ജ്വല॒ന്തീം-വൈഁ॑രോച॒നീ-ങ്ക॑ര്മഫ॒ലേഷു॒ ജുഷ്ടാ᳚മ് ।

ദു॒ര്ഗാ-ന്ദേ॒വീം ശര॑ണ-മ്പ്രപ॑ദ്യാമഹേ-ഽസുരാന്നാശയിത്ര്യൈ തേ നമഃ

॥ 8 ॥

ശ്ലോക 10

(ഋ.വേ.8.100.11)

ദേ॒വീം-വാഁച॑മജനയന്ത ദേ॒വാസ്താം-വിഁ॒ശ്വരൂ॑പാഃ പ॒ശവോ॑ വദന്തി ।

സാ നോ॑ മ॒ന്ദ്രേഷ॒മൂര്ജ॒-ന്ദുഹാ॑നാ ധേ॒നുര്വാഗ॒സ്മാനുപ॒ സുഷ്ടു॒തൈതു॑

॥ 9 ॥

ശ്ലോക 11

കാലരാത്രീ-മ്ബ്രഹ്മസ്തുതാം-വൈഁഷ്ണവീം സ്കന്ദമാതരമ് ।

സരസ്വതീമദിതി-ന്ദക്ഷദുഹിതര-ന്നമാമഃ പാവനാം ശിവാമ്

॥ 10 ॥

ശ്ലോക 12

മഹാലക്ഷ്മ്യൈ ച വിദ്മഹേ സര്വശക്ത്യൈ ച ധീമഹി ।

തന്നോ ദേവീ പ്രചോദയാത്

॥ 11 ॥

ശ്ലോക 13

അദിതിര്​ഹ്യജനിഷ്ട ദക്ഷ യാ ദുഹിതാ തവ ।

താ-ന്ദേവാ അന്വജായന്ത ഭദ്രാ അമൃതബന്ധവഃ

॥ 12 ॥

ശ്ലോക 14

കാമോ യോനിഃ കമലാ വജ്രപാണി-

ര്ഗുഹാ ഹസാ മാതരിശ്വാഭ്രമിന്ദ്രഃ ।

പുനര്ഗുഹാ സകലാ മായയാ ച

പുരൂച്യൈഷാ വിശ്വമാതാദിവിദ്യോമ്

॥ 13 ॥

ശ്ലോക 15

ഏഷാ-ഽഽത്മശക്തിഃ ।

ഏഷാ വിശ്വമോഹിനീ ।

പാശാങ്കുശധനുര്ബാണധരാ ।

ഏഷാ ശ്രീമഹാവിദ്യാ ।

യ ഏവം-വേഁദ സ ശോക-ന്തരതി

॥ 14 ॥

ശ്ലോക 16

നമസ്തേ അസ്തു ഭഗവതി മാതരസ്മാന്പാഹി സര്വതഃ

॥ 15 ॥

ശ്ലോക 17

സൈഷാഷ്ടൌ വസവഃ ।

സൈഷൈകാദശ രുദ്രാഃ ।

സൈഷാ ദ്വാദശാദിത്യാഃ ।

സൈഷാ വിശ്വേദേവാ-സ്സോമപാ അസോമപാശ്ച ।

സൈഷാ യാതുധാനാ അസുരാ രക്ഷാംസി പിശാചാ യക്ഷാ സിദ്ധാഃ ।

സൈഷാ സത്ത്വരജസ്തമാംസി ।

സൈഷാ ബ്രഹ്മവിഷ്ണുരുദ്രരൂപിണീ ।

സൈഷാ പ്രജാപതീന്ദ്രമനവഃ ।

സൈഷാ ഗ്രഹനക്ഷത്രജ്യോതീംഷി । കലാകാഷ്ഠാദികാലരൂപിണീ ।

താമഹ-മ്പ്രണൌമി നിത്യമ് ।

പാപാപഹാരിണീ-ന്ദേവീ-മ്ഭുക്തിമുക്തിപ്രദായിനീമ് ।

അനന്താം-വിഁജയാം ശുദ്ധാം ശരണ്യാം ശിവദാം ശിവാമ്

॥ 16 ॥

ശ്ലോക 18

വിയദീകാരസം​യുഁക്തം-വീഁതിഹോത്രസമന്വിതമ് ।

അര്ധേന്ദുലസിത-ന്ദേവ്യാ ബീജം സര്വാര്ഥസാധകമ്

॥ 17 ॥

ശ്ലോക 19

ഏവമേകാക്ഷര-മ്ബ്രഹ്മ യതയ-ശ്ശുദ്ധചേതസഃ ।

ധ്യായന്തി പരമാനന്ദമയാ ജ്ഞാനാമ്ബുരാശയഃ

॥ 18 ॥

ശ്ലോക 20

വാങ്മായാ ബ്രഹ്മസൂസ്തസ്മാ-ഥ്ഷഷ്ഠം-വഁക്ത്രസമന്വിതമ് ।

സൂര്യോ-ഽവാമശ്രോത്രബിന്ദുസം​യുഁക്തഷ്ടാത്തൃതീയകഃ ।

നാരായണേന സമ്മിശ്രോ വായുശ്ചാധരയുക്തതഃ ।

വിച്ചേ നവാര്ണകോ-ഽര്ണ-സ്സ്യാന്മഹദാനന്ദദായകഃ

॥ 19 ॥

ശ്ലോക 21

ഹൃത്പുണ്ഡരീകമധ്യസ്ഥാ-മ്പ്രാതസ്സൂര്യസമപ്രഭാമ് ।

പാശാങ്കുശധരാം സൌമ്യാം-വഁരദാഭയഹസ്തകാമ് ।

ത്രിനേത്രാം രക്തവസനാ-മ്ഭക്തകാമദുഘാ-മ്ഭജേ

॥ 20 ॥

ശ്ലോക 22

നമാമി ത്വാ-മ്മഹാദേവീ-മ്മഹാഭയവിനാശിനീമ് ।

മഹാദുര്ഗപ്രശമനീ-മ്മഹാകാരുണ്യരൂപിണീമ്

॥ 21 ॥

ശ്ലോക 23

യസ്യാ-സ്സ്വരൂപ-മ്ബ്രഹ്മാദയോ ന ജാനന്തി തസ്മാദുച്യതേ അജ്ഞേയാ ।

യസ്യാ അന്തോ ന ലഭ്യതേ തസ്മാദുച്യതേ അനന്താ ।

യസ്യാ ലക്ഷ്യ-ന്നോപലക്ഷ്യതേ തസ്മാദുച്യതേ അലക്ഷ്യാ ।

യസ്യാ ജനന-ന്നോപലഭ്യതേ തസ്മാദുച്യതേ അജാ ।

ഏകൈവ സര്വത്ര വര്തതേ തസ്മാദുച്യതേ ഏകാ ।

ഏകൈവ വിശ്വരൂപിണീ തസ്മാദുച്യതേ നൈകാ ।

അത ഏവോച്യതേ അജ്ഞേയാനന്താലക്ഷ്യാജൈകാ നൈകേതി

॥ 22 ॥

ശ്ലോക 24

മന്ത്രാണാ-മ്മാതൃകാ ദേവീ ശബ്ദാനാ-ഞ്ജ്ഞാനരൂപിണീ ।

ജ്ഞാനാനാ-ഞ്ചിന്മയാതീതാ ശൂന്യാനാം ശൂന്യസാക്ഷിണീ ।

യസ്യാഃ പരതര-ന്നാസ്തി സൈഷാ ദുര്ഗാ പ്രകീര്തിതാ

॥ 23 ॥

ശ്ലോക 25

താ-ന്ദുര്ഗാ-ന്ദുര്ഗമാ-ന്ദേവീ-ന്ദുരാചാരവിഘാതിനീമ് ।

നമാമി ഭവഭീതോ-ഽഹം സംസാരാര്ണവതാരിണീമ്

॥ 24 ॥

ശ്ലോക 26

ഇദമഥര്വശീര്​ഷം-യോഁ-ഽധീതേ സ പഞ്ചാഥര്വശീര്​ഷജപഫലമാപ്നോതി ।

ഇദമഥര്വശീര്​ഷമജ്ഞാത്വാ യോ-ഽര്ചാം സ്ഥാപയതി ।

ശതലക്ഷ-മ്പ്രജപ്ത്വാ-ഽപി സോ-ഽര്ചാസിദ്ധി-ന്ന വിന്ദതി ।

ശതമഷ്ടോത്തര-ഞ്ചാസ്യ പുരശ്ചര്യാവിധി-സ്സ്മൃതഃ ।

ദശവാര-മ്പഠേദ്യസ്തു സദ്യഃ പാപൈഃ പ്രമുച്യതേ ।

മഹാദുര്ഗാണി തരതി മഹാദേവ്യാഃ പ്രസാദതഃ । 26 ॥

സായമധീയാനോ ദിവസകൃത-മ്പാപ-ന്നാശയതി ।

പ്രാതരധീയാനോ രാത്രികൃത-മ്പാപ-ന്നാശയതി ।

സായ-മ്പ്രാതഃ പ്രയുഞ്ജാനോ അപാപോ ഭവതി ।

നിശീഥേ തുരീയസന്ധ്യായാ-ഞ്ജപ്ത്വാ വാക്സിദ്ധിര്ഭവതി ।

നൂതനായാ-മ്പ്രതിമായാ-ഞ്ജപ്ത്വാ ദേവതാസാന്നിധ്യ-മ്ഭവതി ।

പ്രാണപ്രതിഷ്ഠായാ-ഞ്ജപ്ത്വാ പ്രാണാനാ-മ്പ്രതിഷ്ഠാ ഭവതി ।

ഭൌമാശ്വിന്യാ-മ്മഹാദേവീസന്നിധൌ ജപ്ത്വാ മഹാമൃത്യു-ന്തരതി ।

സ മഹാമൃത്യു-ന്തരതി ।

യ ഏവം-വേഁദ ।

ഇത്യുപനിഷത്

॥ 25 ॥

ശ്ലോക 27

ഇതി ദേവ്യഥര്വശീര്​ഷമ് ।