શ્રી દેવ્યથર્વશીર્ષમ્

શ્રી દેવ્યથર્વશીર્ષમ્

શ્લોક 1

ૐ સર્વે વૈ દેવા દેવીમુપતસ્થુઃ કાસિ ત્વ-મ્મહાદેવીતિ

શ્લોક 2

સા-ઽબ્રવીદહ-મ્બ્રહ્મસ્વરૂપિણી ।

મત્તઃ પ્રકૃતિપુરુષાત્મક-ઞ્જગત્ ।

શૂન્ય-ઞ્ચાશૂન્ય-ઞ્ચ

॥ 1 ॥

શ્લોક 3

અહમાનન્દાનાનન્દૌ ।

અહં-વિઁજ્ઞાનાવિજ્ઞાને ।

અહ-મ્બ્રહ્માબ્રહ્મણિ વેદિતવ્યે ।

અહ-મ્પઞ્ચભૂતાન્યપઞ્ચભૂતાનિ ।

અહમખિલ-ઞ્જગત્

॥ 2 ॥

શ્લોક 4

વેદો-ઽહમવેદો-ઽહમ્ ।

વિદ્યા-ઽહમવિદ્યા-ઽહમ્ ।

અજા-ઽહમનજા-ઽહમ્ ।

અધશ્ચોર્ધ્વ-ઞ્ચ તિર્યક્ચાહમ્

॥ 3 ॥

શ્લોક 5

અહં રુદ્રેભિર્વસુભિશ્ચરામિ ।

અહમાદિત્યૈરુત વિશ્વદેવૈઃ ।

અહ-મ્મિત્રાવરુણાવુભૌ બિભર્મિ ।

અહમિન્દ્રાગ્ની અહમશ્વિનાવુભૌ

॥ 4 ॥

શ્લોક 6

અહં સોમ-ન્ત્વષ્ટાર-મ્પૂષણ-મ્ભગ-ન્દધામિ ।

અહં-વિઁષ્ણુમુરુક્રમ-મ્બ્રહ્માણમુત પ્રજાપતિ-ન્દધામિ

॥ 5 ॥

શ્લોક 7

અ॒હ-ન્દ॑ધામિ॒ દ્રવિ॑ણં હ॒વિષ્મ॑તે સુપ્રા॒વ્યે॒3 યજ॑માનાય સુન્વ॒તે ।

અ॒હં રાષ્ટ્રી॑ સ॒ઙ્ગમ॑ની॒ વસૂ॑ના-ઞ્ચિકિ॒તુષી॑ પ્રથ॒મા ય॒જ્ઞિયા॑નામ્ ।

અ॒હં સુ॑વે પિ॒તર॑મસ્ય મૂ॒ર્ધન્મમ॒ યોનિ॑ર॒પ્સ્વન્ત-સ્સ॑મુ॒દ્રે ।

ય એવં-વેઁદ । સ દેવીં સમ્પદમાપ્નોતિ

॥ 6 ॥

શ્લોક 8

તે દેવા અબ્રુવન્

નમો દેવ્યૈ મહાદેવ્યૈ શિવાયૈ સતત-ન્નમઃ ।

નમઃ પ્રકૃત્યૈ ભદ્રાયૈ નિયતાઃ પ્રણતા-સ્સ્મ તામ્

॥ 7 ॥

શ્લોક 9

તામ॒ગ્નિવ॑ર્ણા॒-ન્તપ॑સા જ્વલ॒ન્તીં-વૈઁ॑રોચ॒ની-ઙ્ક॑ર્મફ॒લેષુ॒ જુષ્ટા᳚મ્ ।

દુ॒ર્ગા-ન્દે॒વીં શર॑ણ-મ્પ્રપ॑દ્યામહે-ઽસુરાન્નાશયિત્ર્યૈ તે નમઃ

॥ 8 ॥

શ્લોક 10

(ઋ.વે.8.100.11)

દે॒વીં-વાઁચ॑મજનયન્ત દે॒વાસ્તાં-વિઁ॒શ્વરૂ॑પાઃ પ॒શવો॑ વદન્તિ ।

સા નો॑ મ॒ન્દ્રેષ॒મૂર્જ॒-ન્દુહા॑ના ધે॒નુર્વાગ॒સ્માનુપ॒ સુષ્ટુ॒તૈતુ॑

॥ 9 ॥

શ્લોક 11

કાલરાત્રી-મ્બ્રહ્મસ્તુતાં-વૈઁષ્ણવીં સ્કન્દમાતરમ્ ।

સરસ્વતીમદિતિ-ન્દક્ષદુહિતર-ન્નમામઃ પાવનાં શિવામ્

॥ 10 ॥

શ્લોક 12

મહાલક્ષ્મ્યૈ ચ વિદ્મહે સર્વશક્ત્યૈ ચ ધીમહિ ।

તન્નો દેવી પ્રચોદયાત્

॥ 11 ॥

શ્લોક 13

અદિતિર્​હ્યજનિષ્ટ દક્ષ યા દુહિતા તવ ।

તા-ન્દેવા અન્વજાયન્ત ભદ્રા અમૃતબન્ધવઃ

॥ 12 ॥

શ્લોક 14

કામો યોનિઃ કમલા વજ્રપાણિ-

ર્ગુહા હસા માતરિશ્વાભ્રમિન્દ્રઃ ।

પુનર્ગુહા સકલા માયયા ચ

પુરૂચ્યૈષા વિશ્વમાતાદિવિદ્યોમ્

॥ 13 ॥

શ્લોક 15

એષા-ઽઽત્મશક્તિઃ ।

એષા વિશ્વમોહિની ।

પાશાઙ્કુશધનુર્બાણધરા ।

એષા શ્રીમહાવિદ્યા ।

ય એવં-વેઁદ સ શોક-ન્તરતિ

॥ 14 ॥

શ્લોક 16

નમસ્તે અસ્તુ ભગવતિ માતરસ્માન્પાહિ સર્વતઃ

॥ 15 ॥

શ્લોક 17

સૈષાષ્ટૌ વસવઃ ।

સૈષૈકાદશ રુદ્રાઃ ।

સૈષા દ્વાદશાદિત્યાઃ ।

સૈષા વિશ્વેદેવા-સ્સોમપા અસોમપાશ્ચ ।

સૈષા યાતુધાના અસુરા રક્ષાંસિ પિશાચા યક્ષા સિદ્ધાઃ ।

સૈષા સત્ત્વરજસ્તમાંસિ ।

સૈષા બ્રહ્મવિષ્ણુરુદ્રરૂપિણી ।

સૈષા પ્રજાપતીન્દ્રમનવઃ ।

સૈષા ગ્રહનક્ષત્રજ્યોતીંષિ । કલાકાષ્ઠાદિકાલરૂપિણી ।

તામહ-મ્પ્રણૌમિ નિત્યમ્ ।

પાપાપહારિણી-ન્દેવી-મ્ભુક્તિમુક્તિપ્રદાયિનીમ્ ।

અનન્તાં-વિઁજયાં શુદ્ધાં શરણ્યાં શિવદાં શિવામ્

॥ 16 ॥

શ્લોક 18

વિયદીકારસં​યુઁક્તં-વીઁતિહોત્રસમન્વિતમ્ ।

અર્ધેન્દુલસિત-ન્દેવ્યા બીજં સર્વાર્થસાધકમ્

॥ 17 ॥

શ્લોક 19

એવમેકાક્ષર-મ્બ્રહ્મ યતય-શ્શુદ્ધચેતસઃ ।

ધ્યાયન્તિ પરમાનન્દમયા જ્ઞાનામ્બુરાશયઃ

॥ 18 ॥

શ્લોક 20

વાઙ્માયા બ્રહ્મસૂસ્તસ્મા-થ્ષષ્ઠં-વઁક્ત્રસમન્વિતમ્ ।

સૂર્યો-ઽવામશ્રોત્રબિન્દુસં​યુઁક્તષ્ટાત્તૃતીયકઃ ।

નારાયણેન સમ્મિશ્રો વાયુશ્ચાધરયુક્તતઃ ।

વિચ્ચે નવાર્ણકો-ઽર્ણ-સ્સ્યાન્મહદાનન્દદાયકઃ

॥ 19 ॥

શ્લોક 21

હૃત્પુણ્ડરીકમધ્યસ્થા-મ્પ્રાતસ્સૂર્યસમપ્રભામ્ ।

પાશાઙ્કુશધરાં સૌમ્યાં-વઁરદાભયહસ્તકામ્ ।

ત્રિનેત્રાં રક્તવસના-મ્ભક્તકામદુઘા-મ્ભજે

॥ 20 ॥

શ્લોક 22

નમામિ ત્વા-મ્મહાદેવી-મ્મહાભયવિનાશિનીમ્ ।

મહાદુર્ગપ્રશમની-મ્મહાકારુણ્યરૂપિણીમ્

॥ 21 ॥

શ્લોક 23

યસ્યા-સ્સ્વરૂપ-મ્બ્રહ્માદયો ન જાનન્તિ તસ્માદુચ્યતે અજ્ઞેયા ।

યસ્યા અન્તો ન લભ્યતે તસ્માદુચ્યતે અનન્તા ।

યસ્યા લક્ષ્ય-ન્નોપલક્ષ્યતે તસ્માદુચ્યતે અલક્ષ્યા ।

યસ્યા જનન-ન્નોપલભ્યતે તસ્માદુચ્યતે અજા ।

એકૈવ સર્વત્ર વર્તતે તસ્માદુચ્યતે એકા ।

એકૈવ વિશ્વરૂપિણી તસ્માદુચ્યતે નૈકા ।

અત એવોચ્યતે અજ્ઞેયાનન્તાલક્ષ્યાજૈકા નૈકેતિ

॥ 22 ॥

શ્લોક 24

મન્ત્રાણા-મ્માતૃકા દેવી શબ્દાના-ઞ્જ્ઞાનરૂપિણી ।

જ્ઞાનાના-ઞ્ચિન્મયાતીતા શૂન્યાનાં શૂન્યસાક્ષિણી ।

યસ્યાઃ પરતર-ન્નાસ્તિ સૈષા દુર્ગા પ્રકીર્તિતા

॥ 23 ॥

શ્લોક 25

તા-ન્દુર્ગા-ન્દુર્ગમા-ન્દેવી-ન્દુરાચારવિઘાતિનીમ્ ।

નમામિ ભવભીતો-ઽહં સંસારાર્ણવતારિણીમ્

॥ 24 ॥

શ્લોક 26

ઇદમથર્વશીર્​ષં-યોઁ-ઽધીતે સ પઞ્ચાથર્વશીર્​ષજપફલમાપ્નોતિ ।

ઇદમથર્વશીર્​ષમજ્ઞાત્વા યો-ઽર્ચાં સ્થાપયતિ ।

શતલક્ષ-મ્પ્રજપ્ત્વા-ઽપિ સો-ઽર્ચાસિદ્ધિ-ન્ન વિન્દતિ ।

શતમષ્ટોત્તર-ઞ્ચાસ્ય પુરશ્ચર્યાવિધિ-સ્સ્મૃતઃ ।

દશવાર-મ્પઠેદ્યસ્તુ સદ્યઃ પાપૈઃ પ્રમુચ્યતે ।

મહાદુર્ગાણિ તરતિ મહાદેવ્યાઃ પ્રસાદતઃ । 26 ॥

સાયમધીયાનો દિવસકૃત-મ્પાપ-ન્નાશયતિ ।

પ્રાતરધીયાનો રાત્રિકૃત-મ્પાપ-ન્નાશયતિ ।

સાય-મ્પ્રાતઃ પ્રયુઞ્જાનો અપાપો ભવતિ ।

નિશીથે તુરીયસન્ધ્યાયા-ઞ્જપ્ત્વા વાક્સિદ્ધિર્ભવતિ ।

નૂતનાયા-મ્પ્રતિમાયા-ઞ્જપ્ત્વા દેવતાસાન્નિધ્ય-મ્ભવતિ ।

પ્રાણપ્રતિષ્ઠાયા-ઞ્જપ્ત્વા પ્રાણાના-મ્પ્રતિષ્ઠા ભવતિ ।

ભૌમાશ્વિન્યા-મ્મહાદેવીસન્નિધૌ જપ્ત્વા મહામૃત્યુ-ન્તરતિ ।

સ મહામૃત્યુ-ન્તરતિ ।

ય એવં-વેઁદ ।

ઇત્યુપનિષત્

॥ 25 ॥

શ્લોક 27

ઇતિ દેવ્યથર્વશીર્​ષમ્ ।