Sri Devi Atharva Sheersham
শ্রী দেব্যথর্বশীর্ষম্
Sri Devi Atharva Sheersham
শ্রী দেব্যথর্বশীর্ষম্
ওঁ সর্বে বৈ দেবা দেবীমুপতস্থুঃ কাসি ত্ব-ম্মহাদেবীতি ॥ 1 ॥
সা-ঽব্রবীদহ-ম্ব্রহ্মস্বরূপিণী ।
মত্তঃ প্রকৃতিপুরুষাত্মক-ঞ্জগত্ ।
শূন্য-ঞ্চাশূন্য-ঞ্চ ॥ 2 ॥
অহমানন্দানানন্দৌ ।
অহং-বিঁজ্ঞানাবিজ্ঞানে ।
অহ-ম্ব্রহ্মাব্রহ্মণি বেদিতব্যে ।
অহ-ম্পঞ্চভূতান্যপঞ্চভূতানি ।
অহমখিল-ঞ্জগত্ ॥ 3 ॥
বেদো-ঽহমবেদো-ঽহম্ ।
বিদ্যা-ঽহমবিদ্যা-ঽহম্ ।
অজা-ঽহমনজা-ঽহম্ ।
অধশ্চোর্ধ্ব-ঞ্চ তির্যক্চাহম্ ॥ 4 ॥
অহং রুদ্রেভির্বসুভিশ্চরামি ।
অহমাদিত্যৈরুত বিশ্বদেবৈঃ ।
অহ-ম্মিত্রাবরুণাবুভৌ বিভর্মি ।
অহমিন্দ্রাগ্নী অহমশ্বিনাবুভৌ ॥ 5 ॥
অহং সোম-ন্ত্বষ্টার-ম্পূষণ-ম্ভগ-ন্দধামি ।
অহং-বিঁষ্ণুমুরুক্রম-ম্ব্রহ্মাণমুত প্রজাপতি-ন্দধামি ॥ 6 ॥
অ॒হ-ন্দ॑ধামি॒ দ্রবি॑ণং হ॒বিষ্ম॑তে সুপ্রা॒ব্যে॒3 যজ॑মানায সুন্ব॒তে ।
অ॒হং রাষ্ট্রী॑ স॒ঙ্গম॑নী॒ বসূ॑না-ঞ্চিকি॒তুষী॑ প্রথ॒মা য॒জ্ঞিযা॑নাম্ ।
অ॒হং সু॑বে পি॒তর॑মস্য মূ॒র্ধন্মম॒ যোনি॑র॒প্স্বন্ত-স্স॑মু॒দ্রে ।
য এবং-বেঁদ । স দেবীং সম্পদমাপ্নোতি ॥ 7 ॥
তে দেবা অব্রুবন্
নমো দেব্যৈ মহাদেব্যৈ শিবাযৈ সতত-ন্নমঃ ।
নমঃ প্রকৃত্যৈ ভদ্রাযৈ নিযতাঃ প্রণতা-স্স্ম তাম্ ॥ 8 ॥
তাম॒গ্নিব॑র্ণা॒-ন্তপ॑সা জ্বল॒ন্তীং-বৈঁ॑রোচ॒নী-ঙ্ক॑র্মফ॒লেষু॒ জুষ্টা᳚ম্ ।
দু॒র্গা-ন্দে॒বীং শর॑ণ-ম্প্রপ॑দ্যামহে-ঽসুরান্নাশযিত্র্যৈ তে নমঃ ॥ 9 ॥
(ঋ.বে.8.100.11)
দে॒বীং-বাঁচ॑মজনযন্ত দে॒বাস্তাং-বিঁ॒শ্বরূ॑পাঃ প॒শবো॑ বদন্তি ।
সা নো॑ ম॒ন্দ্রেষ॒মূর্জ॒-ন্দুহা॑না ধে॒নুর্বাগ॒স্মানুপ॒ সুষ্টু॒তৈতু॑ ॥ 10 ॥
কালরাত্রী-ম্ব্রহ্মস্তুতাং-বৈঁষ্ণবীং স্কন্দমাতরম্ ।
সরস্বতীমদিতি-ন্দক্ষদুহিতর-ন্নমামঃ পাবনাং শিবাম্ ॥ 11 ॥
মহালক্ষ্ম্যৈ চ বিদ্মহে সর্বশক্ত্যৈ চ ধীমহি ।
তন্নো দেবী প্রচোদযাত্ ॥ 12 ॥
অদিতির্হ্যজনিষ্ট দক্ষ যা দুহিতা তব ।
তা-ন্দেবা অন্বজাযন্ত ভদ্রা অমৃতবন্ধবঃ ॥ 13 ॥
কামো যোনিঃ কমলা বজ্রপাণি-
র্গুহা হসা মাতরিশ্বাভ্রমিন্দ্রঃ ।
পুনর্গুহা সকলা মাযযা চ
পুরূচ্যৈষা বিশ্বমাতাদিবিদ্যোম্ ॥ 14 ॥
এষা-ঽঽত্মশক্তিঃ ।
এষা বিশ্বমোহিনী ।
পাশাঙ্কুশধনুর্বাণধরা ।
এষা শ্রীমহাবিদ্যা ।
য এবং-বেঁদ স শোক-ন্তরতি ॥ 15 ॥
নমস্তে অস্তু ভগবতি মাতরস্মান্পাহি সর্বতঃ ॥ 16 ॥
সৈষাষ্টৌ বসবঃ ।
সৈষৈকাদশ রুদ্রাঃ ।
সৈষা দ্বাদশাদিত্যাঃ ।
সৈষা বিশ্বেদেবা-স্সোমপা অসোমপাশ্চ ।
সৈষা যাতুধানা অসুরা রক্ষাংসি পিশাচা যক্ষা সিদ্ধাঃ ।
সৈষা সত্ত্বরজস্তমাংসি ।
সৈষা ব্রহ্মবিষ্ণুরুদ্ররূপিণী ।
সৈষা প্রজাপতীন্দ্রমনবঃ ।
সৈষা গ্রহনক্ষত্রজ্যোতীংষি । কলাকাষ্ঠাদিকালরূপিণী ।
তামহ-ম্প্রণৌমি নিত্যম্ ।
পাপাপহারিণী-ন্দেবী-ম্ভুক্তিমুক্তিপ্রদাযিনীম্ ।
অনন্তাং-বিঁজযাং শুদ্ধাং শরণ্যাং শিবদাং শিবাম্ ॥ 17 ॥
বিযদীকারসংযুঁক্তং-বীঁতিহোত্রসমন্বিতম্ ।
অর্ধেন্দুলসিত-ন্দেব্যা বীজং সর্বার্থসাধকম্ ॥ 18 ॥
এবমেকাক্ষর-ম্ব্রহ্ম যতয-শ্শুদ্ধচেতসঃ ।
ধ্যাযন্তি পরমানন্দমযা জ্ঞানাম্বুরাশযঃ ॥ 19 ॥
বাঙ্মাযা ব্রহ্মসূস্তস্মা-থ্ষষ্ঠং-বঁক্ত্রসমন্বিতম্ ।
সূর্যো-ঽবামশ্রোত্রবিন্দুসংযুঁক্তষ্টাত্তৃতীযকঃ ।
নারাযণেন সম্মিশ্রো বাযুশ্চাধরযুক্ততঃ ।
বিচ্চে নবার্ণকো-ঽর্ণ-স্স্যান্মহদানন্দদাযকঃ ॥ 20 ॥
হৃত্পুণ্ডরীকমধ্যস্থা-ম্প্রাতস্সূর্যসমপ্রভাম্ ।
পাশাঙ্কুশধরাং সৌম্যাং-বঁরদাভযহস্তকাম্ ।
ত্রিনেত্রাং রক্তবসনা-ম্ভক্তকামদুঘা-ম্ভজে ॥ 21 ॥
নমামি ত্বা-ম্মহাদেবী-ম্মহাভযবিনাশিনীম্ ।
মহাদুর্গপ্রশমনী-ম্মহাকারুণ্যরূপিণীম্ ॥ 22 ॥
যস্যা-স্স্বরূপ-ম্ব্রহ্মাদযো ন জানন্তি তস্মাদুচ্যতে অজ্ঞেযা ।
যস্যা অন্তো ন লভ্যতে তস্মাদুচ্যতে অনন্তা ।
যস্যা লক্ষ্য-ন্নোপলক্ষ্যতে তস্মাদুচ্যতে অলক্ষ্যা ।
যস্যা জনন-ন্নোপলভ্যতে তস্মাদুচ্যতে অজা ।
একৈব সর্বত্র বর্ততে তস্মাদুচ্যতে একা ।
একৈব বিশ্বরূপিণী তস্মাদুচ্যতে নৈকা ।
অত এবোচ্যতে অজ্ঞেযানন্তালক্ষ্যাজৈকা নৈকেতি ॥ 23 ॥
মন্ত্রাণা-ম্মাতৃকা দেবী শব্দানা-ঞ্জ্ঞানরূপিণী ।
জ্ঞানানা-ঞ্চিন্মযাতীতা শূন্যানাং শূন্যসাক্ষিণী ।
যস্যাঃ পরতর-ন্নাস্তি সৈষা দুর্গা প্রকীর্তিতা ॥ 24 ॥
তা-ন্দুর্গা-ন্দুর্গমা-ন্দেবী-ন্দুরাচারবিঘাতিনীম্ ।
নমামি ভবভীতো-ঽহং সংসারার্ণবতারিণীম্ ॥ 25 ॥
ইদমথর্বশীর্ষং-যোঁ-ঽধীতে স পঞ্চাথর্বশীর্ষজপফলমাপ্নোতি ।
ইদমথর্বশীর্ষমজ্ঞাত্বা যো-ঽর্চাং স্থাপযতি ।
শতলক্ষ-ম্প্রজপ্ত্বা-ঽপি সো-ঽর্চাসিদ্ধি-ন্ন বিন্দতি ।
শতমষ্টোত্তর-ঞ্চাস্য পুরশ্চর্যাবিধি-স্স্মৃতঃ ।
দশবার-ম্পঠেদ্যস্তু সদ্যঃ পাপৈঃ প্রমুচ্যতে ।
মহাদুর্গাণি তরতি মহাদেব্যাঃ প্রসাদতঃ । 26 ॥
সাযমধীযানো দিবসকৃত-ম্পাপ-ন্নাশযতি ।
প্রাতরধীযানো রাত্রিকৃত-ম্পাপ-ন্নাশযতি ।
সায-ম্প্রাতঃ প্রযুঞ্জানো অপাপো ভবতি ।
নিশীথে তুরীযসন্ধ্যাযা-ঞ্জপ্ত্বা বাক্সিদ্ধির্ভবতি ।
নূতনাযা-ম্প্রতিমাযা-ঞ্জপ্ত্বা দেবতাসান্নিধ্য-ম্ভবতি ।
প্রাণপ্রতিষ্ঠাযা-ঞ্জপ্ত্বা প্রাণানা-ম্প্রতিষ্ঠা ভবতি ।
ভৌমাশ্বিন্যা-ম্মহাদেবীসন্নিধৌ জপ্ত্বা মহামৃত্যু-ন্তরতি ।
স মহামৃত্যু-ন্তরতি ।
য এবং-বেঁদ ।
ইত্যুপনিষত্ ॥ 27 ॥
ইতি দেব্যথর্বশীর্ষম্ ।
About This Stotram
Sri Devi Atharva Sheersham
Sanskrit Title: श्री देव्यथर्वशीर्षम्
IAST Transliteration:
Overview
The Sri Devi Atharva Sheersham is highly revered for its philosophical content and its role in the worship of the Goddess as the supreme Brahman. It asserts that Mahadevi is the primordial cause of the universe, encompassing both the manifest and unmanifest, the existent and non-existent, consciousness and ignorance. Reciting this hymn is believed to lead to the direct realization of the Goddess's omnipresence and omnipotence, fostering devotion and leading to spiritual liberation. It is a powerful mantra that invokes the divine feminine energy for protection, prosperity, and ultimate self-realization.
Details
| Attribute | Information |
|---|---|
| Deity | Mahadevi |
| Author | Unknown |
| Type | Sheersham |
| Category | Upanishad |
| Number of Verses | 26 |
| Origin | The Sri Devi Atharva Sheersham is a significant Upanishadic text, specifically a part of the Atharvaveda. It is considered a mantra-based hymn that extols the supreme Goddess, Mahadevi, as the ultimate reality and the source of all creation. It is often grouped with other 'Sheersham' or 'Upanishads' that focus on a particular deity, such as the Narayana Upanishad or the Ganapati Atharvashirsha. Its composition is attributed to the Vedic period, though specific dating is challenging for such ancient texts. It is believed to have been revealed to sages who sought to understand the fundamental nature of the Divine Feminine. |
Benefits of Recitation
- Attainment of spiritual knowledge
- Realization of the Divine Feminine
- Removal of obstacles and negative energies
- Granting of boons and fulfillment of desires
- Liberation from the cycle of birth and death
Best Time to Recite
Morning, evening, during Navaratri, Durga Puja, and other festivals dedicated to the Goddess.
Historical Context
As part of the Atharvaveda, the Sri Devi Atharva Sheersham belongs to the ancient Vedic tradition of India. The Atharvaveda, one of the four Vedas, contains hymns, spells, and incantations. The 'Sheersham' texts within the Vedas are typically Upanishadic in nature, offering philosophical insights and concluding portions of the Vedic corpus. The exact period of composition is difficult to pinpoint but is generally considered to be part of the later Vedic period, likely evolving over centuries. It reflects the growing importance of the Goddess in the Hindu pantheon and the philosophical exploration of the feminine principle as the ultimate source of existence.
Alternate Names
- Devi Atharva Sheersham
- Mahadevi Atharva Sheersham
Related Stotrams
- Sri Lalita Sahasranama
- Sri Durga Saptashati
- Sri Mahishasura Mardini Stotram
Last Updated: 2025-12-01