శ్రీ మహాగణేశ పఞ్చరత్నమ్

శ్రీ మహాగణేశ పఞ్చరత్నమ్

శ్లోక 1

ముదాకరాత్త మోదకం సదా విముక్తి సాధకమ్ ।

కలాధరావతంసకం విలాసిలోక రక్షకమ్ ।

అనాయకైక నాయకం వినాశితేభ దైత్యకమ్ ।

నతాశుభాశు నాశకం నమామి తం వినాయకమ్

శ్లోక 2

నతేతరాతి భీకరం నవోదితార్క భాస్వరమ్ ।

నమత్సురారి నిర్జరం నతాధికాపదుద్ధరమ్ ।

సురేశ్వరం నిధీశ్వరం గజేశ్వరం గణేశ్వరమ్ ।

మహేశ్వరం తమాశ్రయే పరాత్పరం నిరన్తరమ్

॥ 1 ॥

శ్లోక 3

సమస్త లోక శఙ్కరం నిరస్త దైత్య కుఞ్జరమ్ ।

దరేతరోదరం వరం వరేభ వక్త్రమక్షరమ్ ।

కృపాకరం క్షమాకరం ముదాకరం యశస్కరమ్ ।

మనస్కరం నమస్కృతాం నమస్కరోమి భాస్వరమ్

॥ 2 ॥

శ్లోక 4

అకిఞ్చనార్తి మార్జనం చిరన్తనోక్తి భాజనమ్ ।

పురారి పూర్వ నన్దనం సురారి గర్వ చర్వణమ్ ।

ప్రపఞ్చ నాశ భీషణం ధనఞ్జయాది భూషణమ్ ।

కపోల దానవారణం భజే పురాణ వారణమ్

॥ 3 ॥

శ్లోక 5

నితాన్త కాన్తి దన్త కాన్తి మన్త కాన్తి కాత్మజమ్ ।

అచిన్త్య రూపమన్త హీన మన్తరాయ కృన్తనమ్ ।

హృదన్తరే నిరన్తరం వసన్తమేవ యోగినామ్ ।

తమేకదన్తమేవ తం విచిన్తయామి సన్తతమ్

॥ 4 ॥

శ్లోక 6

మహాగణేశ పఞ్చరత్నమాదరేణ యోఽన్వహమ్ ।

ప్రజల్పతి ప్రభాతకే హృది స్మరన్ గణేశ్వరమ్ ।

అరోగతామదోషతాం సుసాహితీం సుపుత్రతామ్ ।

సమాహితాయు రష్టభూతి మభ్యుపైతి సోఽచిరాత్ ॥