ಶ್ರೀ ಮಹಾಗಣೇಶ ಪಞ್ಚರತ್ನಮ್

ಶ್ರೀ ಮಹಾಗಣೇಶ ಪಞ್ಚರತ್ನಮ್

ಶ್ಲೋಕ 1

ಮುದಾಕರಾತ್ತ ಮೋದಕಂ ಸದಾ ವಿಮುಕ್ತಿ ಸಾಧಕಮ್ ।

ಕಲಾಧರಾವತಂಸಕಂ ವಿಲಾಸಿಲೋಕ ರಕ್ಷಕಮ್ ।

ಅನಾಯಕೈಕ ನಾಯಕಂ ವಿನಾಶಿತೇಭ ದೈತ್ಯಕಮ್ ।

ನತಾಶುಭಾಶು ನಾಶಕಂ ನಮಾಮಿ ತಂ ವಿನಾಯಕಮ್

ಶ್ಲೋಕ 2

ನತೇತರಾತಿ ಭೀಕರಂ ನವೋದಿತಾರ್ಕ ಭಾಸ್ವರಮ್ ।

ನಮತ್ಸುರಾರಿ ನಿರ್ಜರಂ ನತಾಧಿಕಾಪದುದ್ಧರಮ್ ।

ಸುರೇಶ್ವರಂ ನಿಧೀಶ್ವರಂ ಗಜೇಶ್ವರಂ ಗಣೇಶ್ವರಮ್ ।

ಮಹೇಶ್ವರಂ ತಮಾಶ್ರಯೇ ಪರಾತ್ಪರಂ ನಿರನ್ತರಮ್

॥ 1 ॥

ಶ್ಲೋಕ 3

ಸಮಸ್ತ ಲೋಕ ಶಙ್ಕರಂ ನಿರಸ್ತ ದೈತ್ಯ ಕುಞ್ಜರಮ್ ।

ದರೇತರೋದರಂ ವರಂ ವರೇಭ ವಕ್ತ್ರಮಕ್ಷರಮ್ ।

ಕೃಪಾಕರಂ ಕ್ಷಮಾಕರಂ ಮುದಾಕರಂ ಯಶಸ್ಕರಮ್ ।

ಮನಸ್ಕರಂ ನಮಸ್ಕೃತಾಂ ನಮಸ್ಕರೋಮಿ ಭಾಸ್ವರಮ್

॥ 2 ॥

ಶ್ಲೋಕ 4

ಅಕಿಞ್ಚನಾರ್ತಿ ಮಾರ್ಜನಂ ಚಿರನ್ತನೋಕ್ತಿ ಭಾಜನಮ್ ।

ಪುರಾರಿ ಪೂರ್ವ ನನ್ದನಂ ಸುರಾರಿ ಗರ್ವ ಚರ್ವಣಮ್ ।

ಪ್ರಪಞ್ಚ ನಾಶ ಭೀಷಣಂ ಧನಞ್ಜಯಾದಿ ಭೂಷಣಮ್ ।

ಕಪೋಲ ದಾನವಾರಣಂ ಭಜೇ ಪುರಾಣ ವಾರಣಮ್

॥ 3 ॥

ಶ್ಲೋಕ 5

ನಿತಾನ್ತ ಕಾನ್ತಿ ದನ್ತ ಕಾನ್ತಿ ಮನ್ತ ಕಾನ್ತಿ ಕಾತ್ಮಜಮ್ ।

ಅಚಿನ್ತ್ಯ ರೂಪಮನ್ತ ಹೀನ ಮನ್ತರಾಯ ಕೃನ್ತನಮ್ ।

ಹೃದನ್ತರೇ ನಿರನ್ತರಂ ವಸನ್ತಮೇವ ಯೋಗಿನಾಮ್ ।

ತಮೇಕದನ್ತಮೇವ ತಂ ವಿಚಿನ್ತಯಾಮಿ ಸನ್ತತಮ್

॥ 4 ॥

ಶ್ಲೋಕ 6

ಮಹಾಗಣೇಶ ಪಞ್ಚರತ್ನಮಾದರೇಣ ಯೋಽನ್ವಹಮ್ ।

ಪ್ರಜಲ್ಪತಿ ಪ್ರಭಾತಕೇ ಹೃದಿ ಸ್ಮರನ್ ಗಣೇಶ್ವರಮ್ ।

ಅರೋಗತಾಮದೋಷತಾಂ ಸುಸಾಹಿತೀಂ ಸುಪುತ್ರತಾಮ್ ।

ಸಮಾಹಿತಾಯು ರಷ್ಟಭೂತಿ ಮಭ್ಯುಪೈತಿ ಸೋಽಚಿರಾತ್ ॥