ಶ್ರೀ ದುರ್ಗಾ ಸಹಸ್ರ ನಾಮ ಸ್ತೋತ್ರಮ್

ಶ್ರೀ ದುರ್ಗಾ ಸಹಸ್ರ ನಾಮ ಸ್ತೋತ್ರಮ್

ಶ್ಲೋಕ 1

॥ ಅಥ ಶ್ರೀ ದುರ್ಗಾ ಸಹಸ್ರನಾಮಸ್ತೋತ್ರಮ್ ॥

ನಾರದ ಉವಾಚ -

ಕುಮಾರ ಗುಣಗಮ್ಭೀರ ದೇವಸೇನಾಪತೇ ಪ್ರಭೋ ।

ಸರ್ವಾಭೀಷ್ಟಪ್ರದಂ ಪುಂಸಾಂ ಸರ್ವಪಾಪಪ್ರಣಾಶನಮ್

ಶ್ಲೋಕ 2

ಗುಹ್ಯಾದ್ಗುಹ್ಯತರಂ ಸ್ತೋತ್ರಂ ಭಕ್ತಿವರ್ಧಕಮಞ್ಜಸಾ ।

ಮಙ್ಗಲಂ ಗ್ರಹಪೀಡಾದಿಶಾನ್ತಿದಂ ವಕ್ತುಮರ್ಹಸಿ

॥ 1॥

ಶ್ಲೋಕ 3

ಸ್ಕನ್ದ ಉವಾಚ -

ಶೃಣು ನಾರದ ದೇವರ್ಷೇ ಲೋಕಾನುಗ್ರಹಕಾಮ್ಯಯಾ ।

ಯತ್ಪೃಚ್ಛಸಿ ಪರಂ ಪುಣ್ಯಂ ತತ್ತೇ ವಕ್ಷ್ಯಾಮಿ ಕೌತುಕಾತ್

॥ 2॥

ಶ್ಲೋಕ 4

ಮಾತಾ ಮೇ ಲೋಕಜನನೀ ಹಿಮವನ್ನಗಸತ್ತಮಾತ್ ।

ಮೇನಾಯಾಂ ಬ್ರಹ್ಮವಾದಿನ್ಯಾಂ ಪ್ರಾದುರ್ಭೂತಾ ಹರಪ್ರಿಯಾ

॥ 3॥

ಶ್ಲೋಕ 5

ಮಹತಾ ತಪಸಾಽಽರಾಧ್ಯ ಶಙ್ಕರಂ ಲೋಕಶಙ್ಕರಮ್ ।

ಸ್ವಮೇವ ವಲ್ಲಭಂ ಭೇಜೇ ಕಲೇವ ಹಿ ಕಲಾನಿಧಿಮ್

॥ 4॥

ಶ್ಲೋಕ 6

ನಗಾನಾಮಧಿರಾಜಸ್ತು ಹಿಮವಾನ್ ವಿರಹಾತುರಃ ।

ಸ್ವಸುತಾಯಾಃ ಪರಿಕ್ಷೀಣೇ ವಸಿಷ್ಠೇನ ಪ್ರಬೋಧಿತಃ

॥ 5॥

ಶ್ಲೋಕ 7

ತ್ರಿಲೋಕಜನನೀ ಸೇಯಂ ಪ್ರಸನ್ನಾ ತ್ವಯಿ ಪುಣ್ಯತಃ ।

ಪ್ರಾದುರ್ಭೂತಾ ಸುತಾತ್ವೇನ ತದ್ವಿಯೋಗಂ ಶುಭಂ ತ್ಯಜ

॥ 6॥

ಶ್ಲೋಕ 8

ಬಹುರೂಪಾ ಚ ದುರ್ಗೇಯಂ ಬಹುನಾಮ್ನೀ ಸನಾತನೀ ।

ಸನಾತನಸ್ಯ ಜಾಯಾ ಸಾ ಪುತ್ರೀಮೋಹಂ ತ್ಯಜಾಧುನಾ

॥ 7॥

ಶ್ಲೋಕ 9

ಇತಿ ಪ್ರಬೋಧಿತಃ ಶೈಲಃ ತಾಂ ತುಷ್ಟಾವ ಪರಾಂ ಶಿವಾಮ್ ।

ತದಾ ಪ್ರಸನ್ನಾ ಸಾ ದುರ್ಗಾ ಪಿತರಂ ಪ್ರಾಹ ನನ್ದಿನೀ

॥ 8॥

ಶ್ಲೋಕ 10

ಮತ್ಪ್ರಸಾದಾತ್ಪರಂ ಸ್ತೋತ್ರಂ ಹೃದಯೇ ಪ್ರತಿಭಾಸತಾಮ್ ।

ತೇನ ನಾಮ್ನಾಂ ಸಹಸ್ರೇಣ ಪೂಜಯನ್ ಕಾಮಮಾಪ್ನುಹಿ

॥ 9॥

ಶ್ಲೋಕ 11

ಇತ್ಯುಕ್ತ್ವಾನ್ತರ್ಹಿತಾಯಾಂ ತು ಹೃದಯೇ ಸ್ಫುರಿತಂ ತದಾ ।

ನಾಮ್ನಾಂ ಸಹಸ್ರಂ ದುರ್ಗಾಯಾಃ ಪೃಚ್ಛತೇ ಮೇ ಯದುಕ್ತವಾನ್

॥ 10॥

ಶ್ಲೋಕ 12

ಮಙ್ಗಲಾನಾಂ ಮಙ್ಗಲಂ ತದ್ ದುರ್ಗಾನಾಮ ಸಹಸ್ರಕಮ್ ।

ಸರ್ವಾಭೀಷ್ಟಪ್ರದಾಂ ಪುಂಸಾಂ ಬ್ರವೀಮ್ಯಖಿಲಕಾಮದಮ್

॥ 11॥

ಶ್ಲೋಕ 13

ದುರ್ಗಾದೇವೀ ಸಮಾಖ್ಯಾತಾ ಹಿಮವಾನೃಷಿರುಚ್ಯತೇ ।

ಛನ್ದೋನುಷ್ಟುಪ್ ಜಪೋ ದೇವ್ಯಾಃ ಪ್ರೀತಯೇ ಕ್ರಿಯತೇ ಸದಾ

॥ 12॥

ಶ್ಲೋಕ 14

ಅಸ್ಯ ಶ್ರೀದುರ್ಗಾಸ್ತೋತ್ರಮಹಾಮನ್ತ್ರಸ್ಯ । ಹಿಮವಾನ್ ಋಷಿಃ । ಅನುಷ್ಟುಪ್ ಛನ್ದಃ ।

ದುರ್ಗಾಭಗವತೀ ದೇವತಾ । ಶ್ರೀದುರ್ಗಾಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ । ।

ಶ್ರೀಭಗವತ್ಯೈ ದುರ್ಗಾಯೈ ನಮಃ ।

ದೇವೀಧ್ಯಾನಮ್

ಓಂ ಹ್ರೀಂ ಕಾಲಾಭ್ರಾಭಾಂ ಕಟಾಕ್ಷೈರರಿಕುಲಭಯದಾಂ ಮೌಲಿಬದ್ಧೇನ್ದುರೇಖಾಂ

ಶಙ್ಖಂ ಚಕ್ರಂ ಕೃಪಾಣಂ ತ್ರಿಶಿಖಮಪಿ ಕರೈರುದ್ವಹನ್ತೀಂ ತ್ರಿನೇತ್ರಾಮ್ ।

ಸಿಂಹಸ್ಕನ್ಧಾಧಿರೂಢಾಂ ತ್ರಿಭುವನಮಖಿಲಂ ತೇಜಸಾ ಪೂರಯನ್ತೀಂ

ಧ್ಯಾಯೇದ್ ದುರ್ಗಾಂ ಜಯಾಖ್ಯಾಂ ತ್ರಿದಶಪರಿವೃತಾಂ ಸೇವಿತಾಂ ಸಿದ್ಧಿಕಾಮೈಃ ॥

ಶ್ರೀ ಜಯದುರ್ಗಾಯೈ ನಮಃ ।

ಓಂ ಶಿವಾಥೋಮಾ ರಮಾ ಶಕ್ತಿರನನ್ತಾ ನಿಷ್ಕಲಾಽಮಲಾ ।

ಶಾನ್ತಾ ಮಾಹೇಶ್ವರೀ ನಿತ್ಯಾ ಶಾಶ್ವತಾ ಪರಮಾ ಕ್ಷಮಾ

॥ 13॥

ಶ್ಲೋಕ 15

ಅಚಿನ್ತ್ಯಾ ಕೇವಲಾನನ್ತಾ ಶಿವಾತ್ಮಾ ಪರಮಾತ್ಮಿಕಾ ।

ಅನಾದಿರವ್ಯಯಾ ಶುದ್ಧಾ ಸರ್ವಜ್ಞಾ ಸರ್ವಗಾಽಚಲಾ

॥ 1॥

ಶ್ಲೋಕ 16

ಏಕಾನೇಕವಿಭಾಗಸ್ಥಾ ಮಾಯಾತೀತಾ ಸುನಿರ್ಮಲಾ ।

ಮಹಾಮಾಹೇಶ್ವರೀ ಸತ್ಯಾ ಮಹಾದೇವೀ ನಿರಞ್ಜನಾ

॥ 2॥

ಶ್ಲೋಕ 17

ಕಾಷ್ಠಾ ಸರ್ವಾನ್ತರಸ್ಥಾಽಪಿ ಚಿಚ್ಛಕ್ತಿಶ್ಚಾತ್ರಿಲಾಲಿತಾ ।

ಸರ್ವಾ ಸರ್ವಾತ್ಮಿಕಾ ವಿಶ್ವಾ ಜ್ಯೋತೀರೂಪಾಕ್ಷರಾಮೃತಾ

॥ 3॥

ಶ್ಲೋಕ 18

ಶಾನ್ತಾ ಪ್ರತಿಷ್ಠಾ ಸರ್ವೇಶಾ ನಿವೃತ್ತಿರಮೃತಪ್ರದಾ ।

ವ್ಯೋಮಮೂರ್ತಿರ್ವ್ಯೋಮಸಂಸ್ಥಾ ವ್ಯೋಮಧಾರಾಽಚ್ಯುತಾಽತುಲಾ

॥ 4॥

ಶ್ಲೋಕ 19

ಅನಾದಿನಿಧನಾಽಮೋಘಾ ಕಾರಣಾತ್ಮಕಲಾಕುಲಾ ।

ಋತುಪ್ರಥಮಜಾಽನಾಭಿರಮೃತಾತ್ಮಸಮಾಶ್ರಯಾ

॥ 5॥

ಶ್ಲೋಕ 20

ಪ್ರಾಣೇಶ್ವರಪ್ರಿಯಾ ನಮ್ಯಾ ಮಹಾಮಹಿಷಘಾತಿನೀ ।

ಪ್ರಾಣೇಶ್ವರೀ ಪ್ರಾಣರೂಪಾ ಪ್ರಧಾನಪುರುಷೇಶ್ವರೀ

॥ 6॥

ಶ್ಲೋಕ 21

ಸರ್ವಶಕ್ತಿಕಲಾಽಕಾಮಾ ಮಹಿಷೇಷ್ಟವಿನಾಶಿನೀ ।

ಸರ್ವಕಾರ್ಯನಿಯನ್ತ್ರೀ ಚ ಸರ್ವಭೂತೇಶ್ವರೇಶ್ವರೀ

॥ 7॥

ಶ್ಲೋಕ 22

ಅಙ್ಗದಾದಿಧರಾ ಚೈವ ತಥಾ ಮುಕುಟಧಾರಿಣೀ ।

ಸನಾತನೀ ಮಹಾನನ್ದಾಽಽಕಾಶಯೋನಿಸ್ತಥೇಚ್ಯತೇ

॥ 8॥

ಶ್ಲೋಕ 23

ಚಿತ್ಪ್ರಕಾಶಸ್ವರೂಪಾ ಚ ಮಹಾಯೋಗೇಶ್ವರೇಶ್ವರೀ ।

ಮಹಾಮಾಯಾ ಸದುಷ್ಪಾರಾ ಮೂಲಪ್ರಕೃತಿರೀಶಿಕಾ

॥ 9॥

ಶ್ಲೋಕ 24

ಸಂಸಾರಯೋನಿಃ ಸಕಲಾ ಸರ್ವಶಕ್ತಿಸಮುದ್ಭವಾ ।

ಸಂಸಾರಪಾರಾ ದುರ್ವಾರಾ ದುರ್ನಿರೀಕ್ಷಾ ದುರಾಸದಾ

॥ 10॥

ಶ್ಲೋಕ 25

ಪ್ರಾಣಶಕ್ತಿಶ್ಚ ಸೇವ್ಯಾ ಚ ಯೋಗಿನೀ ಪರಮಾಕಲಾ ।

ಮಹಾವಿಭೂತಿರ್ದುರ್ದರ್ಶಾ ಮೂಲಪ್ರಕೃತಿಸಮ್ಭವಾ

॥ 11॥

ಶ್ಲೋಕ 26

ಅನಾದ್ಯನನ್ತವಿಭವಾ ಪರಾರ್ಥಾ ಪುರುಷಾರಣಿಃ ।

ಸರ್ಗಸ್ಥಿತ್ಯನ್ತಕೃಚ್ಚೈವ ಸುದುರ್ವಾಚ್ಯಾ ದುರತ್ಯಯಾ

॥ 12॥

ಶ್ಲೋಕ 27

ಶಬ್ದಗಮ್ಯಾ ಶಬ್ದಮಾಯಾ ಶಬ್ದಾಖ್ಯಾನನ್ದವಿಗ್ರಹಾ ।

ಪ್ರಧಾನಪುರುಷಾತೀತಾ ಪ್ರಧಾನಪುರುಷಾತ್ಮಿಕಾ

॥ 13॥

ಶ್ಲೋಕ 28

ಪುರಾಣೀ ಚಿನ್ಮಯಾ ಪುಂಸಾಮಿಷ್ಟದಾ ಪುಷ್ಟಿರೂಪಿಣೀ ।

ಪೂತಾನ್ತರಸ್ಥಾ ಕೂಟಸ್ಥಾ ಮಹಾಪುರುಷಸಞ್ಜ್ಞಿತಾ

॥ 14॥

ಶ್ಲೋಕ 29

ಜನ್ಮಮೃತ್ಯುಜರಾತೀತಾ ಸರ್ವಶಕ್ತಿಸ್ವರೂಪಿಣೀ ।

ವಾಞ್ಛಾಪ್ರದಾಽನವಚ್ಛಿನ್ನಪ್ರಧಾನಾನುಪ್ರವೇಶಿನೀ

॥ 15॥

ಶ್ಲೋಕ 30

ಕ್ಷೇತ್ರಜ್ಞಾಽಚಿನ್ತ್ಯಶಕ್ತಿಸ್ತು ಪ್ರೋಚ್ಯತೇಽವ್ಯಕ್ತಲಕ್ಷಣಾ ।

ಮಲಾಪವರ್ಜಿತಾಽಽನಾದಿಮಾಯಾ ತ್ರಿತಯತತ್ತ್ವಿಕಾ

॥ 16॥

ಶ್ಲೋಕ 31

ಪ್ರೀತಿಶ್ಚ ಪ್ರಕೃತಿಶ್ಚೈವ ಗುಹಾವಾಸಾ ತಥೋಚ್ಯತೇ ।

ಮಹಾಮಾಯಾ ನಗೋತ್ಪನ್ನಾ ತಾಮಸೀ ಚ ಧ್ರುವಾ ತಥಾ

॥ 17॥

ಶ್ಲೋಕ 32

ವ್ಯಕ್ತಾಽವ್ಯಕ್ತಾತ್ಮಿಕಾ ಕೃಷ್ಣಾ ರಕ್ತಾ ಶುಕ್ಲಾ ಹ್ಯಕಾರಣಾ ।

ಪ್ರೋಚ್ಯತೇ ಕಾರ್ಯಜನನೀ ನಿತ್ಯಪ್ರಸವಧರ್ಮಿಣೀ

॥ 18॥

ಶ್ಲೋಕ 33

ಸರ್ಗಪ್ರಲಯಮುಕ್ತಾ ಚ ಸೃಷ್ಟಿಸ್ಥಿತ್ಯನ್ತಧರ್ಮಿಣೀ ।

ಬ್ರಹ್ಮಗರ್ಭಾ ಚತುರ್ವಿಂಶಸ್ವರೂಪಾ ಪದ್ಮವಾಸಿನೀ

॥ 19॥

ಶ್ಲೋಕ 34

ಅಚ್ಯುತಾಹ್ಲಾದಿಕಾ ವಿದ್ಯುದ್ಬ್ರಹ್ಮಯೋನಿರ್ಮಹಾಲಯಾ ।

ಮಹಾಲಕ್ಷ್ಮೀ ಸಮುದ್ಭಾವಭಾವಿತಾತ್ಮಾಮಹೇಶ್ವರೀ

॥ 20॥

ಶ್ಲೋಕ 35

ಮಹಾವಿಮಾನಮಧ್ಯಸ್ಥಾ ಮಹಾನಿದ್ರಾ ಸಕೌತುಕಾ ।

ಸರ್ವಾರ್ಥಧಾರಿಣೀ ಸೂಕ್ಷ್ಮಾ ಹ್ಯವಿದ್ಧಾ ಪರಮಾರ್ಥದಾ

॥ 21॥

ಶ್ಲೋಕ 36

ಅನನ್ತರೂಪಾಽನನ್ತಾರ್ಥಾ ತಥಾ ಪುರುಷಮೋಹಿನೀ ।

ಅನೇಕಾನೇಕಹಸ್ತಾ ಚ ಕಾಲತ್ರಯವಿವರ್ಜಿತಾ

॥ 22॥

ಶ್ಲೋಕ 37

ಬ್ರಹ್ಮಜನ್ಮಾ ಹರಪ್ರೀತಾ ಮತಿರ್ಬ್ರಹ್ಮಶಿವಾತ್ಮಿಕಾ ।

ಬ್ರಹ್ಮೇಶವಿಷ್ಣುಸಮ್ಪೂಜ್ಯಾ ಬ್ರಹ್ಮಾಖ್ಯಾ ಬ್ರಹ್ಮಸಞ್ಜ್ಞಿತಾ

॥ 23॥

ಶ್ಲೋಕ 38

ವ್ಯಕ್ತಾ ಪ್ರಥಮಜಾ ಬ್ರಾಹ್ಮೀ ಮಹಾರಾತ್ರೀಃ ಪ್ರಕೀರ್ತಿತಾ ।

ಜ್ಞಾನಸ್ವರೂಪಾ ವೈರಾಗ್ಯರೂಪಾ ಹ್ಯೈಶ್ವರ್ಯರೂಪಿಣೀ

॥ 24॥

ಶ್ಲೋಕ 39

ಧರ್ಮಾತ್ಮಿಕಾ ಬ್ರಹ್ಮಮೂರ್ತಿಃ ಪ್ರತಿಶ್ರುತಪುಮರ್ಥಿಕಾ ।

ಅಪಾಂಯೋನಿಃ ಸ್ವಯಮ್ಭೂತಾ ಮಾನಸೀ ತತ್ತ್ವಸಮ್ಭವಾ

॥ 25॥

ಶ್ಲೋಕ 40

ಈಶ್ವರಸ್ಯ ಪ್ರಿಯಾ ಪ್ರೋಕ್ತಾ ಶಙ್ಕರಾರ್ಧಶರೀರಿಣೀ ।

ಭವಾನೀ ಚೈವ ರುದ್ರಾಣೀ ಮಹಾಲಕ್ಷ್ಮೀಸ್ತಥಾಽಮ್ಬಿಕಾ

॥ 26॥

ಶ್ಲೋಕ 41

ಮಹೇಶ್ವರಸಮುತ್ಪನ್ನಾ ಭುಕ್ತಿಮುಕ್ತಿ ಪ್ರದಾಯಿನೀ ।

ಸರ್ವೇಶ್ವರೀ ಸರ್ವವನ್ದ್ಯಾ ನಿತ್ಯಮುಕ್ತಾ ಸುಮಾನಸಾ

॥ 27॥

ಶ್ಲೋಕ 42

ಮಹೇನ್ದ್ರೋಪೇನ್ದ್ರನಮಿತಾ ಶಾಙ್ಕರೀಶಾನುವರ್ತಿನೀ ।

ಈಶ್ವರಾರ್ಧಾಸನಗತಾ ಮಾಹೇಶ್ವರಪತಿವ್ರತಾ

॥ 28॥

ಶ್ಲೋಕ 43

ಸಂಸಾರಶೋಷಿಣೀ ಚೈವ ಪಾರ್ವತೀ ಹಿಮವತ್ಸುತಾ ।

ಪರಮಾನನ್ದದಾತ್ರೀ ಚ ಗುಣಾಗ್ರ್ಯಾ ಯೋಗದಾ ತಥಾ

॥ 29॥

ಶ್ಲೋಕ 44

ಜ್ಞಾನಮೂರ್ತಿಶ್ಚ ಸಾವಿತ್ರೀ ಲಕ್ಷ್ಮೀಃ ಶ್ರೀಃ ಕಮಲಾ ತಥಾ ।

ಅನನ್ತಗುಣಗಮ್ಭೀರಾ ಹ್ಯುರೋನೀಲಮಣಿಪ್ರಭಾ

॥ 30॥

ಶ್ಲೋಕ 45

ಸರೋಜನಿಲಯಾ ಗಙ್ಗಾ ಯೋಗಿಧ್ಯೇಯಾಽಸುರಾರ್ದಿನೀ ।

ಸರಸ್ವತೀ ಸರ್ವವಿದ್ಯಾ ಜಗಜ್ಜ್ಯೇಷ್ಠಾ ಸುಮಙ್ಗಲಾ

॥ 31॥

ಶ್ಲೋಕ 46

ವಾಗ್ದೇವೀ ವರದಾ ವರ್ಯಾ ಕೀರ್ತಿಃ ಸರ್ವಾರ್ಥಸಾಧಿಕಾ ।

ವಾಗೀಶ್ವರೀ ಬ್ರಹ್ಮವಿದ್ಯಾ ಮಹಾವಿದ್ಯಾ ಸುಶೋಭನಾ

॥ 32॥

ಶ್ಲೋಕ 47

ಗ್ರಾಹ್ಯವಿದ್ಯಾ ವೇದವಿದ್ಯಾ ಧರ್ಮವಿದ್ಯಾಽಽತ್ಮಭಾವಿತಾ ।

ಸ್ವಾಹಾ ವಿಶ್ವಮ್ಭರಾ ಸಿದ್ಧಿಃ ಸಾಧ್ಯಾ ಮೇಧಾ ಧೃತಿಃ ಕೃತಿಃ

॥ 33॥

ಶ್ಲೋಕ 48

ಸುನೀತಿಃ ಸಙ್ಕೃತಿಶ್ಚೈವ ಕೀರ್ತಿತಾ ನರವಾಹಿನೀ ।

ಪೂಜಾವಿಭಾವಿನೀ ಸೌಮ್ಯಾ ಭೋಗ್ಯಭಾಗ್ ಭೋಗದಾಯಿನೀ

॥ 34॥

ಶ್ಲೋಕ 49

ಶೋಭಾವತೀ ಶಾಙ್ಕರೀ ಚ ಲೋಲಾ ಮಾಲಾವಿಭೂಷಿತಾ ।

ಪರಮೇಷ್ಠಿಪ್ರಿಯಾ ಚೈವ ತ್ರಿಲೋಕೀಸುನ್ದರೀ ಮಾತಾ

॥ 35॥

ಶ್ಲೋಕ 50

ನನ್ದಾ ಸನ್ಧ್ಯಾ ಕಾಮಧಾತ್ರೀ ಮಹಾದೇವೀ ಸುಸಾತ್ತ್ವಿಕಾ ।

ಮಹಾಮಹಿಷದರ್ಪಘ್ನೀ ಪದ್ಮಮಾಲಾಽಘಹಾರಿಣೀ

॥ 36॥

ಶ್ಲೋಕ 51

ವಿಚಿತ್ರಮುಕುಟಾ ರಾಮಾ ಕಾಮದಾತಾ ಪ್ರಕೀರ್ತಿತಾ ।

ಪಿತಾಮ್ಬರಧರಾ ದಿವ್ಯವಿಭೂಷಣ ವಿಭೂಷಿತಾ

॥ 37॥

ಶ್ಲೋಕ 52

ದಿವ್ಯಾಖ್ಯಾ ಸೋಮವದನಾ ಜಗತ್ಸಂಸೃಷ್ಟಿವರ್ಜಿತಾ ।

ನಿರ್ಯನ್ತ್ರಾ ಯನ್ತ್ರವಾಹಸ್ಥಾ ನನ್ದಿನೀ ರುದ್ರಕಾಲಿಕಾ

॥ 38॥

ಶ್ಲೋಕ 53

ಆದಿತ್ಯವರ್ಣಾ ಕೌಮಾರೀ ಮಯೂರವರವಾಹಿನೀ ।

ಪದ್ಮಾಸನಗತಾ ಗೌರೀ ಮಹಾಕಾಲೀ ಸುರಾರ್ಚಿತಾ

॥ 39॥

ಶ್ಲೋಕ 54

ಅದಿತಿರ್ನಿಯತಾ ರೌದ್ರೀ ಪದ್ಮಗರ್ಭಾ ವಿವಾಹನಾ ।

ವಿರೂಪಾಕ್ಷಾ ಕೇಶಿವಾಹಾ ಗುಹಾಪುರನಿವಾಸಿನೀ

॥ 40॥

ಶ್ಲೋಕ 55

ಮಹಾಫಲಾಽನವದ್ಯಾಙ್ಗೀ ಕಾಮರೂಪಾ ಸರಿದ್ವರಾ ।

ಭಾಸ್ವದ್ರೂಪಾ ಮುಕ್ತಿದಾತ್ರೀ ಪ್ರಣತಕ್ಲೇಶಭಞ್ಜನಾ

॥ 41॥

ಶ್ಲೋಕ 56

ಕೌಶಿಕೀ ಗೋಮಿನೀ ರಾತ್ರಿಸ್ತ್ರಿದಶಾರಿವಿನಾಶಿನೀ ।

ಬಹುರೂಪಾ ಸುರೂಪಾ ಚ ವಿರೂಪಾ ರೂಪವರ್ಜಿತಾ

॥ 42॥

ಶ್ಲೋಕ 57

ಭಕ್ತಾರ್ತಿಶಮನಾ ಭವ್ಯಾ ಭವಭಾವವಿನಾಶಿನೀ ।

ಸರ್ವಜ್ಞಾನಪರೀತಾಙ್ಗೀ ಸರ್ವಾಸುರವಿಮರ್ದಿಕಾ

॥ 43॥

ಶ್ಲೋಕ 58

ಪಿಕಸ್ವನೀ ಸಾಮಗೀತಾ ಭವಾಙ್ಕನಿಲಯಾ ಪ್ರಿಯಾ ।

ದೀಕ್ಷಾ ವಿದ್ಯಾಧರೀ ದೀಪ್ತಾ ಮಹೇನ್ದ್ರಾಹಿತಪಾತಿನೀ

॥ 44॥

ಶ್ಲೋಕ 59

ಸರ್ವದೇವಮಯಾ ದಕ್ಷಾ ಸಮುದ್ರಾನ್ತರವಾಸಿನೀ ।

ಅಕಲಙ್ಕಾ ನಿರಾಧಾರಾ ನಿತ್ಯಸಿದ್ಧಾ ನಿರಾಮಯಾ

॥ 45॥

ಶ್ಲೋಕ 60

ಕಾಮಧೇನುಬೃಹದ್ಗರ್ಭಾ ಧೀಮತೀ ಮೌನನಾಶಿನೀ ।

ನಿಃಸಙ್ಕಲ್ಪಾ ನಿರಾತಙ್ಕಾ ವಿನಯಾ ವಿನಯಪ್ರದಾ

॥ 46॥

ಶ್ಲೋಕ 61

ಜ್ವಾಲಾಮಾಲಾ ಸಹಸ್ರಾಢ್ಯಾ ದೇವದೇವೀ ಮನೋಮಯಾ ।

ಸುಭಗಾ ಸುವಿಶುದ್ಧಾ ಚ ವಸುದೇವಸಮುದ್ಭವಾ

॥ 47॥

ಶ್ಲೋಕ 62

ಮಹೇನ್ದ್ರೋಪೇನ್ದ್ರಭಗಿನೀ ಭಕ್ತಿಗಮ್ಯಾ ಪರಾವರಾ ।

ಜ್ಞಾನಜ್ಞೇಯಾ ಪರಾತೀತಾ ವೇದಾನ್ತವಿಷಯಾ ಮತಿಃ

॥ 48॥

ಶ್ಲೋಕ 63

ದಕ್ಷಿಣಾ ದಾಹಿಕಾ ದಹ್ಯಾ ಸರ್ವಭೂತಹೃದಿಸ್ಥಿತಾ ।

ಯೋಗಮಾಯಾ ವಿಭಾಗಜ್ಞಾ ಮಹಾಮೋಹಾ ಗರೀಯಸೀ

॥ 49॥

ಶ್ಲೋಕ 64

ಸನ್ಧ್ಯಾ ಸರ್ವಸಮುದ್ಭೂತಾ ಬ್ರಹ್ಮವೃಕ್ಷಾಶ್ರಿಯಾದಿತಿಃ ।

ಬೀಜಾಙ್ಕುರಸಮುದ್ಭೂತಾ ಮಹಾಶಕ್ತಿರ್ಮಹಾಮತಿಃ

॥ 50॥

ಶ್ಲೋಕ 65

ಖ್ಯಾತಿಃ ಪ್ರಜ್ಞಾವತೀ ಸಞ್ಜ್ಞಾ ಮಹಾಭೋಗೀನ್ದ್ರಶಾಯಿನೀ ।

ಹೀಙ್ಕೃತಿಃ ಶಙ್ಕರೀ ಶಾನ್ತಿರ್ಗನ್ಧರ್ವಗಣಸೇವಿತಾ

॥ 51॥

ಶ್ಲೋಕ 66

ವೈಶ್ವಾನರೀ ಮಹಾಶೂಲಾ ದೇವಸೇನಾ ಭವಪ್ರಿಯಾ ।

ಮಹಾರಾತ್ರೀ ಪರಾನನ್ದಾ ಶಚೀ ದುಃಸ್ವಪ್ನನಾಶಿನೀ

॥ 52॥

ಶ್ಲೋಕ 67

ಈಡ್ಯಾ ಜಯಾ ಜಗದ್ಧಾತ್ರೀ ದುರ್ವಿಜ್ಞೇಯಾ ಸುರೂಪಿಣೀ ।

ಗುಹಾಮ್ಬಿಕಾ ಗಣೋತ್ಪನ್ನಾ ಮಹಾಪೀಠಾ ಮರುತ್ಸುತಾ

॥ 53॥

ಶ್ಲೋಕ 68

ಹವ್ಯವಾಹಾ ಭವಾನನ್ದಾ ಜಗದ್ಯೋನಿಃ ಪ್ರಕೀರ್ತಿತಾ ।

ಜಗನ್ಮಾತಾ ಜಗನ್ಮೃತ್ಯುರ್ಜರಾತೀತಾ ಚ ಬುದ್ಧಿದಾ

॥ 54॥

ಶ್ಲೋಕ 69

ಸಿದ್ಧಿದಾತ್ರೀ ರತ್ನಗರ್ಭಾ ರತ್ನಗರ್ಭಾಶ್ರಯಾ ಪರಾ ।

ದೈತ್ಯಹನ್ತ್ರೀ ಸ್ವೇಷ್ಟದಾತ್ರೀ ಮಙ್ಗಲೈಕಸುವಿಗ್ರಹಾ

॥ 55॥

ಶ್ಲೋಕ 70

ಪುರುಷಾನ್ತರ್ಗತಾ ಚೈವ ಸಮಾಧಿಸ್ಥಾ ತಪಸ್ವಿನೀ ।

ದಿವಿಸ್ಥಿತಾ ತ್ರಿಣೇತ್ರಾ ಚ ಸರ್ವೇನ್ದ್ರಿಯಮನಾಧೃತಿಃ

॥ 56॥

ಶ್ಲೋಕ 71

ಸರ್ವಭೂತಹೃದಿಸ್ಥಾ ಚ ತಥಾ ಸಂಸಾರತಾರಿಣೀ ।

ವೇದ್ಯಾ ಬ್ರಹ್ಮವಿವೇದ್ಯಾ ಚ ಮಹಾಲೀಲಾ ಪ್ರಕೀರ್ತಿತಾ

॥ 57॥

ಶ್ಲೋಕ 72

ಬ್ರಾಹ್ಮಣಿಬೃಹತೀ ಬ್ರಾಹ್ಮೀ ಬ್ರಹ್ಮಭೂತಾಽಘಹಾರಿಣೀ ।

ಹಿರಣ್ಮಯೀ ಮಹಾದಾತ್ರೀ ಸಂಸಾರಪರಿವರ್ತಿಕಾ

॥ 58॥

ಶ್ಲೋಕ 73

ಸುಮಾಲಿನೀ ಸುರೂಪಾ ಚ ಭಾಸ್ವಿನೀ ಧಾರಿಣೀ ತಥಾ ।

ಉನ್ಮೂಲಿನೀ ಸರ್ವಸಭಾ ಸರ್ವಪ್ರತ್ಯಯಸಾಕ್ಷಿಣೀ

॥ 59॥

ಶ್ಲೋಕ 74

ಸುಸೌಮ್ಯಾ ಚನ್ದ್ರವದನಾ ತಾಣ್ಡವಾಸಕ್ತಮಾನಸಾ ।

ಸತ್ತ್ವಶುದ್ಧಿಕರೀ ಶುದ್ಧಾ ಮಲತ್ರಯವಿನಾಶಿನೀ

॥ 60॥

ಶ್ಲೋಕ 75

ಜಗತ್ತ್ತ್ರಯೀ ಜಗನ್ಮೂರ್ತಿಸ್ತ್ರಿಮೂರ್ತಿರಮೃತಾಶ್ರಯಾ ।

ವಿಮಾನಸ್ಥಾ ವಿಶೋಕಾ ಚ ಶೋಕನಾಶಿನ್ಯನಾಹತಾ

॥ 61॥

ಶ್ಲೋಕ 76

ಹೇಮಕುಣ್ಡಲಿನೀ ಕಾಲೀ ಪದ್ಮವಾಸಾ ಸನಾತನೀ ।

ಸದಾಕೀರ್ತಿಃ ಸರ್ವಭೂತಶಯಾ ದೇವೀ ಸತಾಮ್ಪ್ರಿಯಾ

॥ 62॥

ಶ್ಲೋಕ 77

ಬ್ರಹ್ಮಮೂರ್ತಿಕಲಾ ಚೈವ ಕೃತ್ತಿಕಾ ಕಞ್ಜಮಾಲಿನೀ ।

ವ್ಯೋಮಕೇಶಾ ಕ್ರಿಯಾಶಕ್ತಿರಿಚ್ಛಾಶಕ್ತಿಃ ಪರಾಗತಿಃ

॥ 63॥

ಶ್ಲೋಕ 78

ಕ್ಷೋಭಿಕಾ ಖಣ್ಡಿಕಾಭೇದ್ಯಾ ಭೇದಾಭೇದವಿವರ್ಜಿತಾ ।

ಅಭಿನ್ನಾ ಭಿನ್ನಸಂಸ್ಥಾನಾ ವಶಿನೀ ವಂಶಧಾರಿಣೀ

॥ 64॥

ಶ್ಲೋಕ 79

ಗುಹ್ಯಶಕ್ತಿರ್ಗುಹ್ಯತತ್ತ್ವಾ ಸರ್ವದಾ ಸರ್ವತೋಮುಖೀ ।

ಭಗಿನೀ ಚ ನಿರಾಧಾರಾ ನಿರಾಹಾರಾ ಪ್ರಕೀರ್ತಿತಾ

॥ 65॥

ಶ್ಲೋಕ 80

ನಿರಙ್ಕುಶಪದೋದ್ಭೂತಾ ಚಕ್ರಹಸ್ತಾ ವಿಶೋಧಿಕಾ ।

ಸ್ರಗ್ವಿಣೀ ಪದ್ಮಸಮ್ಭೇದಕಾರಿಣೀ ಪರಿಕೀರ್ತಿತಾ

॥ 66॥

ಶ್ಲೋಕ 81

ಪರಾವರವಿಧಾನಜ್ಞಾ ಮಹಾಪುರುಷಪೂರ್ವಜಾ ।

ಪರಾವರಜ್ಞಾ ವಿದ್ಯಾ ಚ ವಿದ್ಯುಜ್ಜಿಹ್ವಾ ಜಿತಾಶ್ರಯಾ

॥ 67॥

ಶ್ಲೋಕ 82

ವಿದ್ಯಾಮಯೀ ಸಹಸ್ರಾಕ್ಷೀ ಸಹಸ್ರವದನಾತ್ಮಜಾ ।

ಸಹಸ್ರರಶ್ಮಿಃಸತ್ವಸ್ಥಾ ಮಹೇಶ್ವರಪದಾಶ್ರಯಾ

॥ 68॥

ಶ್ಲೋಕ 83

ಜ್ವಾಲಿನೀ ಸನ್ಮಯಾ ವ್ಯಾಪ್ತಾ ಚಿನ್ಮಯಾ ಪದ್ಮಭೇದಿಕಾ ।

ಮಹಾಶ್ರಯಾ ಮಹಾಮನ್ತ್ರಾ ಮಹಾದೇವಮನೋರಮಾ

॥ 69॥

ಶ್ಲೋಕ 84

ವ್ಯೋಮಲಕ್ಷ್ಮೀಃ ಸಿಂಹರಥಾ ಚೇಕಿತಾನಾಽಮಿತಪ್ರಭಾ ।

ವಿಶ್ವೇಶ್ವರೀ ಭಗವತೀ ಸಕಲಾ ಕಾಲಹಾರಿಣೀ

॥ 70॥

ಶ್ಲೋಕ 85

ಸರ್ವವೇದ್ಯಾ ಸರ್ವಭದ್ರಾ ಗುಹ್ಯಾ ದೂಢಾ ಗುಹಾರಣೀ ।

ಪ್ರಲಯಾ ಯೋಗಧಾತ್ರೀ ಚ ಗಙ್ಗಾ ವಿಶ್ವೇಶ್ವರೀ ತಥಾ

॥ 71॥

ಶ್ಲೋಕ 86

ಕಾಮದಾ ಕನಕಾ ಕಾನ್ತಾ ಕಞ್ಜಗರ್ಭಪ್ರಭಾ ತಥಾ ।

ಪುಣ್ಯದಾ ಕಾಲಕೇಶಾ ಚ ಭೋಕ್ತ್ತ್ರೀ ಪುಷ್ಕರಿಣೀ ತಥಾ

॥ 72॥

ಶ್ಲೋಕ 87

ಸುರೇಶ್ವರೀ ಭೂತಿದಾತ್ರೀ ಭೂತಿಭೂಷಾ ಪ್ರಕೀರ್ತಿತಾ ।

ಪಞ್ಚಬ್ರಹ್ಮಸಮುತ್ಪನ್ನಾ ಪರಮಾರ್ಥಾಽರ್ಥವಿಗ್ರಹಾ

॥ 73॥

ಶ್ಲೋಕ 88

ವರ್ಣೋದಯಾ ಭಾನುಮೂರ್ತಿರ್ವಾಗ್ವಿಜ್ಞೇಯಾ ಮನೋಜವಾ ।

ಮನೋಹರಾ ಮಹೋರಸ್ಕಾ ತಾಮಸೀ ವೇದರೂಪಿಣೀ

॥ 74॥

ಶ್ಲೋಕ 89

ವೇದಶಕ್ತಿರ್ವೇದಮಾತಾ ವೇದವಿದ್ಯಾಪ್ರಕಾಶಿನೀ ।

ಯೋಗೇಶ್ವರೇಶ್ವರೀ ಮಾಯಾ ಮಹಾಶಕ್ತಿರ್ಮಹಾಮಯೀ

॥ 75॥

ಶ್ಲೋಕ 90

ವಿಶ್ವಾನ್ತಃಸ್ಥಾ ವಿಯನ್ಮೂರ್ತಿರ್ಭಾರ್ಗವೀ ಸುರಸುನ್ದರೀ ।

ಸುರಭಿರ್ನನ್ದಿನೀ ವಿದ್ಯಾ ನನ್ದಗೋಪತನೂದ್ಭವಾ

॥ 76॥

ಶ್ಲೋಕ 91

ಭಾರತೀ ಪರಮಾನನ್ದಾ ಪರಾವರವಿಭೇದಿಕಾ ।

ಸರ್ವಪ್ರಹರಣೋಪೇತಾ ಕಾಮ್ಯಾ ಕಾಮೇಶ್ವರೇಶ್ವರೀ

॥ 77॥

ಶ್ಲೋಕ 92

ಅನನ್ತಾನನ್ದವಿಭವಾ ಹೃಲ್ಲೇಖಾ ಕನಕಪ್ರಭಾ ।

ಕೂಷ್ಮಾಣ್ಡಾ ಧನರತ್ನಾಢ್ಯಾ ಸುಗನ್ಧಾ ಗನ್ಧದಾಯಿನೀ

॥ 78॥

ಶ್ಲೋಕ 93

ತ್ರಿವಿಕ್ರಮಪದೋದ್ಭೂತಾ ಚತುರಾಸ್ಯಾ ಶಿವೋದಯಾ ।

ಸುದುರ್ಲಭಾ ಧನಾಧ್ಯಕ್ಷಾ ಧನ್ಯಾ ಪಿಙ್ಗಲಲೋಚನಾ

॥ 79॥

ಶ್ಲೋಕ 94

ಶಾನ್ತಾ ಪ್ರಭಾಸ್ವರೂಪಾ ಚ ಪಙ್ಕಜಾಯತಲೋಚನಾ ।

ಇನ್ದ್ರಾಕ್ಷೀ ಹೃದಯಾನ್ತಃಸ್ಥಾ ಶಿವಾ ಮಾತಾ ಚ ಸತ್ಕ್ರಿಯಾ

॥ 80॥

ಶ್ಲೋಕ 95

ಗಿರಿಜಾ ಚ ಸುಗೂಢಾ ಚ ನಿತ್ಯಪುಷ್ಟಾ ನಿರನ್ತರಾ ।

ದುರ್ಗಾ ಕಾತ್ಯಾಯನೀ ಚಣ್ಡೀ ಚನ್ದ್ರಿಕಾ ಕಾನ್ತವಿಗ್ರಹಾ

॥ 81॥

ಶ್ಲೋಕ 96

ಹಿರಣ್ಯವರ್ಣಾ ಜಗತೀ ಜಗದ್ಯನ್ತ್ರಪ್ರವರ್ತಿಕಾ ।

ಮನ್ದರಾದ್ರಿನಿವಾಸಾ ಚ ಶಾರದಾ ಸ್ವರ್ಣಮಾಲಿನೀ

॥ 82॥

ಶ್ಲೋಕ 97

ರತ್ನಮಾಲಾ ರತ್ನಗರ್ಭಾ ವ್ಯುಷ್ಟಿರ್ವಿಶ್ವಪ್ರಮಾಥಿನೀ ।

ಪದ್ಮಾನನ್ದಾ ಪದ್ಮನಿಭಾ ನಿತ್ಯಪುಷ್ಟಾ ಕೃತೋದ್ಭವಾ

॥ 83॥

ಶ್ಲೋಕ 98

ನಾರಾಯಣೀ ದುಷ್ಟಶಿಕ್ಷಾ ಸೂರ್ಯಮಾತಾ ವೃಷಪ್ರಿಯಾ ।

ಮಹೇನ್ದ್ರಭಗಿನೀ ಸತ್ಯಾ ಸತ್ಯಭಾಷಾ ಸುಕೋಮಲಾ

॥ 84॥

ಶ್ಲೋಕ 99

ವಾಮಾ ಚ ಪಞ್ಚತಪಸಾಂ ವರದಾತ್ರೀ ಪ್ರಕೀರ್ತಿತಾ ।

ವಾಚ್ಯವರ್ಣೇಶ್ವರೀ ವಿದ್ಯಾ ದುರ್ಜಯಾ ದುರತಿಕ್ರಮಾ

॥ 85॥

ಶ್ಲೋಕ 100

ಕಾಲರಾತ್ರಿರ್ಮಹಾವೇಗಾ ವೀರಭದ್ರಪ್ರಿಯಾ ಹಿತಾ ।

ಭದ್ರಕಾಲೀ ಜಗನ್ಮಾತಾ ಭಕ್ತಾನಾಂ ಭದ್ರದಾಯಿನೀ

॥ 86॥

ಶ್ಲೋಕ 101

ಕರಾಲಾ ಪಿಙ್ಗಲಾಕಾರಾ ಕಾಮಭೇತ್ತ್ರೀ ಮಹಾಮನಾಃ ।

ಯಶಸ್ವಿನೀ ಯಶೋದಾ ಚ ಷಡಧ್ವಪರಿವರ್ತಿಕಾ

॥ 87॥

ಶ್ಲೋಕ 102

ಶಙ್ಖಿನೀ ಪದ್ಮಿನೀ ಸಙ್ಖ್ಯಾ ಸಾಙ್ಖ್ಯಯೋಗಪ್ರವರ್ತಿಕಾ ।

ಚೈತ್ರಾದಿರ್ವತ್ಸರಾರೂಢಾ ಜಗತ್ಸಮ್ಪೂರಣೀನ್ದ್ರಜಾ

॥ 88॥

ಶ್ಲೋಕ 103

ಶುಮ್ಭಘ್ನೀ ಖೇಚರಾರಾಧ್ಯಾ ಕಮ್ಬುಗ್ರೀವಾ ಬಲೀಡಿತಾ ।

ಖಗಾರೂಢಾ ಮಹೈಶ್ವರ್ಯಾ ಸುಪದ್ಮನಿಲಯಾ ತಥಾ

॥ 89॥

ಶ್ಲೋಕ 104

ವಿರಕ್ತಾ ಗರುಡಸ್ಥಾ ಚ ಜಗತೀಹೃದ್ಗುಹಾಶ್ರಯಾ ।

ಶುಮ್ಭಾದಿಮಥನಾ ಭಕ್ತಹೃದ್ಗಹ್ವರನಿವಾಸಿನೀ

॥ 90॥

ಶ್ಲೋಕ 105

ಜಗತ್ತ್ತ್ರಯಾರಣೀ ಸಿದ್ಧಸಙ್ಕಲ್ಪಾ ಕಾಮದಾ ತಥಾ ।

ಸರ್ವವಿಜ್ಞಾನದಾತ್ರೀ ಚಾನಲ್ಪಕಲ್ಮಷಹಾರಿಣೀ

॥ 91॥

ಶ್ಲೋಕ 106

ಸಕಲೋಪನಿಷದ್ಗಮ್ಯಾ ದುಷ್ಟದುಷ್ಪ್ರೇಕ್ಷ್ಯಸತ್ತಮಾ ।

ಸದ್ವೃತಾ ಲೋಕಸಂವ್ಯಾಪ್ತಾ ತುಷ್ಟಿಃ ಪುಷ್ಟಿಃ ಕ್ರಿಯಾವತೀ

॥ 92॥

ಶ್ಲೋಕ 107

ವಿಶ್ವಾಮರೇಶ್ವರೀ ಚೈವ ಭುಕ್ತಿಮುಕ್ತಿಪ್ರದಾಯಿನೀ ।

ಶಿವಾಧೃತಾ ಲೋಹಿತಾಕ್ಷೀ ಸರ್ಪಮಾಲಾವಿಭೂಷಣಾ

॥ 93॥

ಶ್ಲೋಕ 108

ನಿರಾನನ್ದಾ ತ್ರಿಶೂಲಾಸಿಧನುರ್ಬಾಣಾದಿಧಾರಿಣೀ ।

ಅಶೇಷಧ್ಯೇಯಮೂರ್ತಿಶ್ಚ ದೇವತಾನಾಂ ಚ ದೇವತಾ

॥ 94॥

ಶ್ಲೋಕ 109

ವರಾಮ್ಬಿಕಾ ಗಿರೇಃ ಪುತ್ರೀ ನಿಶುಮ್ಭವಿನಿಪಾತಿನೀ ।

ಸುವರ್ಣಾ ಸ್ವರ್ಣಲಸಿತಾಽನನ್ತವರ್ಣಾ ಸದಾಧೃತಾ

॥ 95॥

ಶ್ಲೋಕ 110

ಶಾಙ್ಕರೀ ಶಾನ್ತಹೃದಯಾ ಅಹೋರಾತ್ರವಿಧಾಯಿಕಾ ।

ವಿಶ್ವಗೋಪ್ತ್ರೀ ಗೂಢರೂಪಾ ಗುಣಪೂರ್ಣಾ ಚ ಗಾರ್ಗ್ಯಜಾ

॥ 96॥

ಶ್ಲೋಕ 111

ಗೌರೀ ಶಾಕಮ್ಭರೀ ಸತ್ಯಸನ್ಧಾ ಸನ್ಧ್ಯಾತ್ರಯೀಧೃತಾ ।

ಸರ್ವಪಾಪವಿನಿರ್ಮುಕ್ತಾ ಸರ್ವಬನ್ಧವಿವರ್ಜಿತಾ

॥ 97॥

ಶ್ಲೋಕ 112

ಸಾಙ್ಖ್ಯಯೋಗಸಮಾಖ್ಯಾತಾ ಅಪ್ರಮೇಯಾ ಮುನೀಡಿತಾ ।

ವಿಶುದ್ಧಸುಕುಲೋದ್ಭೂತಾ ಬಿನ್ದುನಾದಸಮಾದೃತಾ

॥ 98॥

ಶ್ಲೋಕ 113

ಶಮ್ಭುವಾಮಾಙ್ಕಗಾ ಚೈವ ಶಶಿತುಲ್ಯನಿಭಾನನಾ ।

ವನಮಾಲಾವಿರಾಜನ್ತೀ ಅನನ್ತಶಯನಾದೃತಾ

॥ 99॥

ಶ್ಲೋಕ 114

ನರನಾರಾಯಣೋದ್ಭೂತಾ ನಾರಸಿಂಹೀ ಪ್ರಕೀರ್ತಿತಾ ।

ದೈತ್ಯಪ್ರಮಾಥಿನೀ ಶಙ್ಖಚಕ್ರಪದ್ಮಗದಾಧರಾ

॥ 100॥

ಶ್ಲೋಕ 115

ಸಙ್ಕರ್ಷಣಸಮುತ್ಪನ್ನಾ ಅಮ್ಬಿಕಾ ಸಜ್ಜನಾಶ್ರಯಾ ।

ಸುವೃತಾ ಸುನ್ದರೀ ಚೈವ ಧರ್ಮಕಾಮಾರ್ಥದಾಯಿನೀ

॥ 101॥

ಶ್ಲೋಕ 116

ಮೋಕ್ಷದಾ ಭಕ್ತಿನಿಲಯಾ ಪುರಾಣಪುರುಷಾದೃತಾ ।

ಮಹಾವಿಭೂತಿದಾಽಽರಾಧ್ಯಾ ಸರೋಜನಿಲಯಾಽಸಮಾ

॥ 102॥

ಶ್ಲೋಕ 117

ಅಷ್ಟಾದಶಭುಜಾಽನಾದಿರ್ನೀಲೋತ್ಪಲದಲಾಕ್ಷಿಣೀ ।

ಸರ್ವಶಕ್ತಿಸಮಾರೂಢಾ ಧರ್ಮಾಧರ್ಮವಿವರ್ಜಿತಾ

॥ 103॥

ಶ್ಲೋಕ 118

ವೈರಾಗ್ಯಜ್ಞಾನನಿರತಾ ನಿರಾಲೋಕಾ ನಿರಿನ್ದ್ರಿಯಾ ।

ವಿಚಿತ್ರಗಹನಾಧಾರಾ ಶಾಶ್ವತಸ್ಥಾನವಾಸಿನೀ

॥ 104॥

ಶ್ಲೋಕ 119

ಜ್ಞಾನೇಶ್ವರೀ ಪೀತಚೇಲಾ ವೇದವೇದಾಙ್ಗಪಾರಗಾ ।

ಮನಸ್ವಿನೀ ಮನ್ಯುಮಾತಾ ಮಹಾಮನ್ಯುಸಮುದ್ಭವಾ

॥ 105॥

ಶ್ಲೋಕ 120

ಅಮನ್ಯುರಮೃತಾಸ್ವಾದಾ ಪುರನ್ದರಪರಿಷ್ಟುತಾ ।

ಅಶೋಚ್ಯಾ ಭಿನ್ನವಿಷಯಾ ಹಿರಣ್ಯರಜತಪ್ರಿಯಾ

॥ 106॥

ಶ್ಲೋಕ 121

ಹಿರಣ್ಯಜನನೀ ಭೀಮಾ ಹೇಮಾಭರಣಭೂಷಿತಾ ।

ವಿಭ್ರಾಜಮಾನಾ ದುರ್ಜ್ಞೇಯಾ ಜ್ಯೋತಿಷ್ಟೋಮಫಲಪ್ರದಾ

॥ 107॥

ಶ್ಲೋಕ 122

ಮಹಾನಿದ್ರಾಸಮುತ್ಪತ್ತಿರನಿದ್ರಾ ಸತ್ಯದೇವತಾ ।

ದೀರ್ಘಾ ಕಕುದ್ಮಿನೀ ಪಿಙ್ಗಜಟಾಧಾರಾ ಮನೋಜ್ಞಧೀಃ

॥ 108॥

ಶ್ಲೋಕ 123

ಮಹಾಶ್ರಯಾ ರಮೋತ್ಪನ್ನಾ ತಮಃಪಾರೇ ಪ್ರತಿಷ್ಠಿತಾ ।

ತ್ರಿತತ್ತ್ವಮಾತಾ ತ್ರಿವಿಧಾ ಸುಸೂಕ್ಷ್ಮಾ ಪದ್ಮಸಂಶ್ರಯಾ

॥ 109॥

ಶ್ಲೋಕ 124

ಶಾನ್ತ್ಯತೀತಕಲಾಽತೀತವಿಕಾರಾ ಶ್ವೇತಚೇಲಿಕಾ ।

ಚಿತ್ರಮಾಯಾ ಶಿವಜ್ಞಾನಸ್ವರೂಪಾ ದೈತ್ಯಮಾಥಿನೀ

॥ 110॥

ಶ್ಲೋಕ 125

ಕಾಶ್ಯಪೀ ಕಾಲಸರ್ಪಾಭವೇಣಿಕಾ ಶಾಸ್ತ್ರಯೋನಿಕಾ ।

ತ್ರಯೀಮೂರ್ತಿಃ ಕ್ರಿಯಾಮೂರ್ತಿಶ್ಚತುರ್ವರ್ಗಾ ಚ ದರ್ಶಿನೀ

॥ 111॥

ಶ್ಲೋಕ 126

ನಾರಾಯಣೀ ನರೋತ್ಪನ್ನಾ ಕೌಮುದೀ ಕಾನ್ತಿಧಾರಿಣೀ ।

ಕೌಶಿಕೀ ಲಲಿತಾ ಲೀಲಾ ಪರಾವರವಿಭಾವಿನೀ

॥ 112॥

ಶ್ಲೋಕ 127

ವರೇಣ್ಯಾಽದ್ಭುತಮಹಾತ್ಮ್ಯಾ ವಡವಾ ವಾಮಲೋಚನಾ ।

ಸುಭದ್ರಾ ಚೇತನಾರಾಧ್ಯಾ ಶಾನ್ತಿದಾ ಶಾನ್ತಿವರ್ಧಿನೀ

॥ 113॥

ಶ್ಲೋಕ 128

ಜಯಾದಿಶಕ್ತಿಜನನೀ ಶಕ್ತಿಚಕ್ರಪ್ರವರ್ತಿಕಾ ।

ತ್ರಿಶಕ್ತಿಜನನೀ ಜನ್ಯಾ ಷಟ್ಸೂತ್ರಪರಿವರ್ಣಿತಾ

॥ 114॥

ಶ್ಲೋಕ 129

ಸುಧೌತಕರ್ಮಣಾಽಽರಾಧ್ಯಾ ಯುಗಾನ್ತದಹನಾತ್ಮಿಕಾ ।

ಸಙ್ಕರ್ಷಿಣೀ ಜಗದ್ಧಾತ್ರೀ ಕಾಮಯೋನಿಃ ಕಿರೀಟಿನೀ

॥ 115॥

ಶ್ಲೋಕ 130

ಐನ್ದ್ರೀ ತ್ರೈಲೋಕ್ಯನಮಿತಾ ವೈಷ್ಣವೀ ಪರಮೇಶ್ವರೀ ।

ಪ್ರದ್ಯುಮ್ನಜನನೀ ಬಿಮ್ಬಸಮೋಷ್ಠೀ ಪದ್ಮಲೋಚನಾ

॥ 116॥

ಶ್ಲೋಕ 131

ಮದೋತ್ಕಟಾ ಹಂಸಗತಿಃ ಪ್ರಚಣ್ಡಾ ಚಣ್ಡವಿಕ್ರಮಾ ।

ವೃಷಾಧೀಶಾ ಪರಾತ್ಮಾ ಚ ವಿನ್ಧ್ಯಾ ಪರ್ವತವಾಸಿನೀ

॥ 117॥

ಶ್ಲೋಕ 132

ಹಿಮವನ್ಮೇರುನಿಲಯಾ ಕೈಲಾಸಪುರವಾಸಿನೀ ।

ಚಾಣೂರಹನ್ತ್ರೀ ನೀತಿಜ್ಞಾ ಕಾಮರೂಪಾ ತ್ರಯೀತನುಃ

॥ 118॥

ಶ್ಲೋಕ 133

ವ್ರತಸ್ನಾತಾ ಧರ್ಮಶೀಲಾ ಸಿಂಹಾಸನನಿವಾಸಿನೀ ।

ವೀರಭದ್ರಾದೃತಾ ವೀರಾ ಮಹಾಕಾಲಸಮುದ್ಭವಾ

॥ 119॥

ಶ್ಲೋಕ 134

ವಿದ್ಯಾಧರಾರ್ಚಿತಾ ಸಿದ್ಧಸಾಧ್ಯಾರಾಧಿತಪಾದುಕಾ ।

ಶ್ರದ್ಧಾತ್ಮಿಕಾ ಪಾವನೀ ಚ ಮೋಹಿನೀ ಅಚಲಾತ್ಮಿಕಾ

॥ 120॥

ಶ್ಲೋಕ 135

ಮಹಾದ್ಭುತಾ ವಾರಿಜಾಕ್ಷೀ ಸಿಂಹವಾಹನಗಾಮಿನೀ ।

ಮನೀಷಿಣೀ ಸುಧಾವಾಣೀ ವೀಣಾವಾದನತತ್ಪರಾ

॥ 121॥

ಶ್ಲೋಕ 136

ಶ್ವೇತವಾಹನಿಷೇವ್ಯಾ ಚ ಲಸನ್ಮತಿರರುನ್ಧತೀ ।

ಹಿರಣ್ಯಾಕ್ಷೀ ತಥಾ ಚೈವ ಮಹಾನನ್ದಪ್ರದಾಯಿನೀ

॥ 122॥

ಶ್ಲೋಕ 137

ವಸುಪ್ರಭಾ ಸುಮಾಲ್ಯಾಪ್ತಕನ್ಧರಾ ಪಙ್ಕಜಾನನಾ ।

ಪರಾವರಾ ವರಾರೋಹಾ ಸಹಸ್ರನಯನಾರ್ಚಿತಾ

॥ 123॥

ಶ್ಲೋಕ 138

ಶ್ರೀರೂಪಾ ಶ್ರೀಮತೀ ಶ್ರೇಷ್ಠಾ ಶಿವನಾಮ್ನೀ ಶಿವಪ್ರಿಯಾ ।

ಶ್ರೀಪ್ರದಾ ಶ್ರಿತಕಲ್ಯಾಣಾ ಶ್ರೀಧರಾರ್ಧಶರೀರಿಣೀ

॥ 124॥

ಶ್ಲೋಕ 139

ಶ್ರೀಕಲಾಽನನ್ತದೃಷ್ಟಿಶ್ಚ ಹ್ಯಕ್ಷುದ್ರಾರಾತಿಸೂದನೀ ।

ರಕ್ತಬೀಜನಿಹನ್ತ್ರೀ ಚ ದೈತ್ಯಸಙ್ಗವಿಮರ್ದಿನೀ

॥ 125॥

ಶ್ಲೋಕ 140

ಸಿಂಹಾರೂಢಾ ಸಿಂಹಿಕಾಸ್ಯಾ ದೈತ್ಯಶೋಣಿತಪಾಯಿನೀ ।

ಸುಕೀರ್ತಿಸಹಿತಾಚ್ಛಿನ್ನಸಂಶಯಾ ರಸವೇದಿನೀ

॥ 126॥

ಶ್ಲೋಕ 141

ಗುಣಾಭಿರಾಮಾ ನಾಗಾರಿವಾಹನಾ ನಿರ್ಜರಾರ್ಚಿತಾ ।

ನಿತ್ಯೋದಿತಾ ಸ್ವಯಞ್ಜ್ಯೋತಿಃ ಸ್ವರ್ಣಕಾಯಾ ಪ್ರಕೀರ್ತಿತಾ

॥ 127॥

ಶ್ಲೋಕ 142

ವಜ್ರದಣ್ಡಾಙ್ಕಿತಾ ಚೈವ ತಥಾಮೃತಸಞ್ಜೀವಿನೀ ।

ವಜ್ರಚ್ಛನ್ನಾ ದೇವದೇವೀ ವರವಜ್ರಸ್ವವಿಗ್ರಹಾ

॥ 128॥

ಶ್ಲೋಕ 143

ಮಾಙ್ಗಲ್ಯಾ ಮಙ್ಗಲಾತ್ಮಾ ಚ ಮಾಲಿನೀ ಮಾಲ್ಯಧಾರಿಣೀ ।

ಗನ್ಧರ್ವೀ ತರುಣೀ ಚಾನ್ದ್ರೀ ಖಡ್ಗಾಯುಧಧರಾ ತಥಾ

॥ 129॥

ಶ್ಲೋಕ 144

ಸೌದಾಮಿನೀ ಪ್ರಜಾನನ್ದಾ ತಥಾ ಪ್ರೋಕ್ತಾ ಭೃಗೂದ್ಭವಾ ।

ಏಕಾನಙ್ಗಾ ಚ ಶಾಸ್ತ್ರಾರ್ಥಕುಶಲಾ ಧರ್ಮಚಾರಿಣೀ

॥ 130॥

ಶ್ಲೋಕ 145

ಧರ್ಮಸರ್ವಸ್ವವಾಹಾ ಚ ಧರ್ಮಾಧರ್ಮವಿನಿಶ್ಚಯಾ ।

ಧರ್ಮಶಕ್ತಿರ್ಧರ್ಮಮಯಾ ಧಾರ್ಮಿಕಾನಾಂ ಶಿವಪ್ರದಾ

॥ 131॥

ಶ್ಲೋಕ 146

ವಿಧರ್ಮಾ ವಿಶ್ವಧರ್ಮಜ್ಞಾ ಧರ್ಮಾರ್ಥಾನ್ತರವಿಗ್ರಹಾ ।

ಧರ್ಮವರ್ಷ್ಮಾ ಧರ್ಮಪೂರ್ವಾ ಧರ್ಮಪಾರಙ್ಗತಾನ್ತರಾ

॥ 132॥

ಶ್ಲೋಕ 147

ಧರ್ಮೋಪದೇಷ್ಟ್ರೀ ಧರ್ಮಾತ್ಮಾ ಧರ್ಮಗಮ್ಯಾ ಧರಾಧರಾ ।

ಕಪಾಲಿನೀ ಶಾಕಲಿನೀ ಕಲಾಕಲಿತವಿಗ್ರಹಾ

॥ 133॥

ಶ್ಲೋಕ 148

ಸರ್ವಶಕ್ತಿವಿಮುಕ್ತಾ ಚ ಕರ್ಣಿಕಾರಧರಾಽಕ್ಷರಾ।

ಕಂಸಪ್ರಾಣಹರಾ ಚೈವ ಯುಗಧರ್ಮಧರಾ ತಥಾ

॥ 134॥

ಶ್ಲೋಕ 149

ಯುಗಪ್ರವರ್ತಿಕಾ ಪ್ರೋಕ್ತಾ ತ್ರಿಸನ್ಧ್ಯಾ ಧ್ಯೇಯವಿಗ್ರಹಾ ।

ಸ್ವರ್ಗಾಪವರ್ಗದಾತ್ರೀ ಚ ತಥಾ ಪ್ರತ್ಯಕ್ಷದೇವತಾ

॥ 135॥

ಶ್ಲೋಕ 150

ಆದಿತ್ಯಾ ದಿವ್ಯಗನ್ಧಾ ಚ ದಿವಾಕರನಿಭಪ್ರಭಾ ।

ಪದ್ಮಾಸನಗತಾ ಪ್ರೋಕ್ತಾ ಖಡ್ಗಬಾಣಶರಾಸನಾ

॥ 136॥

ಶ್ಲೋಕ 151

ಶಿಷ್ಟಾ ವಿಶಿಷ್ಟಾ ಶಿಷ್ಟೇಷ್ಟಾ ಶಿಷ್ಟಶ್ರೇಷ್ಠಪ್ರಪೂಜಿತಾ ।

ಶತರೂಪಾ ಶತಾವರ್ತಾ ವಿತತಾ ರಾಸಮೋದಿನೀ

॥ 137॥

ಶ್ಲೋಕ 152

ಸೂರ್ಯೇನ್ದುನೇತ್ರಾ ಪ್ರದ್ಯುಮ್ನಜನನೀ ಸುಷ್ಠುಮಾಯಿನೀ ।

ಸೂರ್ಯಾನ್ತರಸ್ಥಿತಾ ಚೈವ ಸತ್ಪ್ರತಿಷ್ಠತವಿಗ್ರಹಾ

॥ 138॥

ಶ್ಲೋಕ 153

ನಿವೃತ್ತಾ ಪ್ರೋಚ್ಯತೇ ಜ್ಞಾನಪಾರಗಾ ಪರ್ವತಾತ್ಮಜಾ ।

ಕಾತ್ಯಾಯನೀ ಚಣ್ಡಿಕಾ ಚ ಚಣ್ಡೀ ಹೈಮವತೀ ತಥಾ

॥ 139॥

ಶ್ಲೋಕ 154

ದಾಕ್ಷಾಯಣೀ ಸತೀ ಚೈವ ಭವಾನೀ ಸರ್ವಮಙ್ಗಲಾ ।

ಧೂಮ್ರಲೋಚನಹನ್ತ್ರೀ ಚ ಚಣ್ಡಮುಣ್ಡವಿನಾಶಿನೀ

॥ 140॥

ಶ್ಲೋಕ 155

ಯೋಗನಿದ್ರಾ ಯೋಗಭದ್ರಾ ಸಮುದ್ರತನಯಾ ತಥಾ ।

ದೇವಪ್ರಿಯಙ್ಕರೀ ಶುದ್ಧಾ ಭಕ್ತಭಕ್ತಿಪ್ರವರ್ಧಿನೀ

॥ 141॥

ಶ್ಲೋಕ 156

ತ್ರಿಣೇತ್ರಾ ಚನ್ದ್ರಮುಕುಟಾ ಪ್ರಮಥಾರ್ಚಿತಪಾದುಕಾ ।

ಅರ್ಜುನಾಭೀಷ್ಟದಾತ್ರೀ ಚ ಪಾಣ್ಡವಪ್ರಿಯಕಾರಿಣೀ

॥ 142॥

ಶ್ಲೋಕ 157

ಕುಮಾರಲಾಲನಾಸಕ್ತಾ ಹರಬಾಹೂಪಧಾನಿಕಾ ।

ವಿಘ್ನೇಶಜನನೀ ಭಕ್ತವಿಘ್ನಸ್ತೋಮಪ್ರಹಾರಿಣೀ

॥ 143॥

ಶ್ಲೋಕ 158

ಸುಸ್ಮಿತೇನ್ದುಮುಖೀ ನಮ್ಯಾ ಜಯಾಪ್ರಿಯಸಖೀ ತಥಾ ।

ಅನಾದಿನಿಧನಾ ಪ್ರೇಷ್ಠಾ ಚಿತ್ರಮಾಲ್ಯಾನುಲೇಪನಾ

॥ 144॥

ಶ್ಲೋಕ 159

ಕೋಟಿಚನ್ದ್ರಪ್ರತೀಕಾಶಾ ಕೂಟಜಾಲಪ್ರಮಾಥಿನೀ ।

ಕೃತ್ಯಾಪ್ರಹಾರಿಣೀ ಚೈವ ಮಾರಣೋಚ್ಚಾಟನೀ ತಥಾ

॥ 145॥

ಶ್ಲೋಕ 160

ಸುರಾಸುರಪ್ರವನ್ದ್ಯಾಙ್ಘ್ರಿರ್ಮೋಹಘ್ನೀ ಜ್ಞಾನದಾಯಿನೀ ।

ಷಡ್ವೈರಿನಿಗ್ರಹಕರೀ ವೈರಿವಿದ್ರಾವಿಣೀ ತಥಾ

॥ 146॥

ಶ್ಲೋಕ 161

ಭೂತಸೇವ್ಯಾ ಭೂತದಾತ್ರೀ ಭೂತಪೀಡಾವಿಮರ್ದಿಕಾ ।

ನಾರದಸ್ತುತಚಾರಿತ್ರಾ ವರದೇಶಾ ವರಪ್ರದಾ

॥ 147॥

ಶ್ಲೋಕ 162

ವಾಮದೇವಸ್ತುತಾ ಚೈವ ಕಾಮದಾ ಸೋಮಶೇಖರಾ ।

ದಿಕ್ಪಾಲಸೇವಿತಾ ಭವ್ಯಾ ಭಾಮಿನೀ ಭಾವದಾಯಿನೀ

॥ 148॥

ಶ್ಲೋಕ 163

ಸ್ತ್ರೀಸೌಭಾಗ್ಯಪ್ರದಾತ್ರೀ ಚ ಭೋಗದಾ ರೋಗನಾಶಿನೀ ।

ವ್ಯೋಮಗಾ ಭೂಮಿಗಾ ಚೈವ ಮುನಿಪೂಜ್ಯಪದಾಮ್ಬುಜಾ ।

ವನದುರ್ಗಾ ಚ ದುರ್ಬೋಧಾ ಮಹಾದುರ್ಗಾ ಪ್ರಕೀರ್ತಿತಾ

॥ 149॥

ಶ್ಲೋಕ 164

ಫಲಶ್ರುತಿಃ

ಇತೀದಂ ಕೀರ್ತಿದಂ ಭದ್ರ ದುರ್ಗಾನಾಮಸಹಸ್ರಕಮ್ ।

ತ್ರಿಸನ್ಧ್ಯಂ ಯಃ ಪಠೇನ್ನಿತ್ಯಂ ತಸ್ಯ ಲಕ್ಷ್ಮೀಃ ಸ್ಥಿರಾ ಭವೇತ್

॥ 150॥

ಶ್ಲೋಕ 165

ಗ್ರಹಭೂತಪಿಶಾಚಾದಿಪೀಡಾ ನಶ್ಯತ್ಯಸಂಶಯಮ್ ।

ಬಾಲಗ್ರಹಾದಿಪೀಡಾಯಾಃ ಶಾನ್ತಿರ್ಭವತಿ ಕೀರ್ತನಾತ್

॥ 1॥

ಶ್ಲೋಕ 166

ಮಾರಿಕಾದಿಮಹಾರೋಗೇ ಪಠತಾಂ ಸೌಖ್ಯದಂ ನೃಣಾಮ್ ।

ವ್ಯವಹಾರೇ ಚ ಜಯದಂ ಶತ್ರುಬಾಧಾನಿವಾರಕಮ್

॥ 2॥

ಶ್ಲೋಕ 167

ದಮ್ಪತ್ಯೋಃ ಕಲಹೇ ಪ್ರಾಪ್ತೇ ಮಿಥಃ ಪ್ರೇಮಾಭಿವರ್ಧಕಮ್ ।

ಆಯುರಾರೋಗ್ಯದಂ ಪುಂಸಾಂ ಸರ್ವಸಮ್ಪತ್ಪ್ರದಾಯಕಮ್

॥ 3॥

ಶ್ಲೋಕ 168

ವಿದ್ಯಾಭಿವರ್ಧಕಂ ನಿತ್ಯಂ ಪಠತಾಮರ್ಥಸಾಧಕಮ್ ।

ಶುಭದಂ ಶುಭಕಾರ್ಯೇಷು ಪಠತಾಂ ಶೃಣುತಾಮಪಿ

॥ 4॥

ಶ್ಲೋಕ 169

ಯಃ ಪೂಜಯತಿ ದುರ್ಗಾಂ ತಾಂ ದುರ್ಗಾನಾಮಸಹಸ್ರಕೈಃ ।

ಪುಷ್ಪೈಃ ಕುಙ್ಕುಮಸಮ್ಮಿಶ್ರೈಃ ಸ ತು ಯತ್ಕಾಙ್ಕ್ಷತೇ ಹೃದಿ

॥ 5॥

ಶ್ಲೋಕ 170

ತತ್ಸರ್ವಂ ಸಮವಾಪ್ನೋತಿ ನಾಸ್ತಿ ನಾಸ್ತ್ಯತ್ರ ಸಂಶಯಃ ।

ಯನ್ಮುಖೇ ಧ್ರಿಯತೇ ನಿತ್ಯಂ ದುರ್ಗಾನಾಮಸಹಸ್ರಕಮ್

॥ 6॥

ಶ್ಲೋಕ 171

ಕಿಂ ತಸ್ಯೇತರಮನ್ತ್ರೌಘೈಃ ಕಾರ್ಯಂ ಧನ್ಯತಮಸ್ಯ ಹಿ ।

ದುರ್ಗಾನಾಮಸಹಸ್ರಸ್ಯ ಪುಸ್ತಕಂ ಯದ್ಗೃಹೇ ಭವೇತ್

॥ 7॥

ಶ್ಲೋಕ 172

ನ ತತ್ರ ಗ್ರಹಭೂತಾದಿಬಾಧಾ ಸ್ಯಾನ್ಮಙ್ಗಲಾಸ್ಪದೇ ।

ತದ್ಗೃಹಂ ಪುಣ್ಯದಂ ಕ್ಷೇತ್ರಂ ದೇವೀಸಾನ್ನಿಧ್ಯಕಾರಕಮ್

॥ 8॥

ಶ್ಲೋಕ 173

ಏತಸ್ಯ ಸ್ತೋತ್ರಮುಖ್ಯಸ್ಯ ಪಾಠಕಃ ಶ್ರೇಷ್ಠಮನ್ತ್ರವಿತ್ ।

ದೇವತಾಯಾಃ ಪ್ರಸಾದೇನ ಸರ್ವಪೂಜ್ಯಃ ಸುಖೀ ಭವೇತ್

॥ 9॥

ಶ್ಲೋಕ 174

ಇತ್ಯೇತನ್ನಗರಾಜೇನ ಕೀರ್ತಿತಂ ಮುನಿಸತ್ತಮ ।

ಗುಹ್ಯಾದ್ಗುಹ್ಯತರಂ ಸ್ತೋತ್ರಂ ತ್ವಯಿ ಸ್ನೇಹಾತ್ ಪ್ರಕೀರ್ತಿತಮ್

॥ 10॥

ಶ್ಲೋಕ 175

ಭಕ್ತಾಯ ಶ್ರದ್ಧಧಾನಾಯ ಕೇವಲಂ ಕೀರ್ತ್ಯತಾಮಿದಮ್ ।

ಹೃದಿ ಧಾರಯ ನಿತ್ಯಂ ತ್ವಂ ದೇವ್ಯನುಗ್ರಹಸಾಧಕಮ್

॥ 11॥

ಶ್ಲೋಕ 176

॥ 12॥ ॥

ಇತಿ ಶ್ರೀಸ್ಕಾನ್ದಪುರಾಣೇ ಸ್ಕನ್ದನಾರದಸಂವಾದೇ ದುರ್ಗಾಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥