Arjuna Kruta Durga Stotram

अर्जुन कृत श्री दुर्गा स्तोत्रम्

श्लोक 1

अर्जुन उवाच ।

नमस्ते सिद्धसेनानि आर्ये मन्दरवासिनि ।

कुमारि कालि कापालि कपिले कृष्णपिङ्गले

श्लोक 2

भद्रकालि नमस्तुभ्यं महाकालि नमोऽस्तु ते ।

चण्डि चण्डे नमस्तुभ्यं तारिणि वरवर्णिनि

॥ 1 ॥

श्लोक 3

कात्यायनि महाभागे करालि विजये जये ।

शिखिपिञ्छध्वजधरे नानाभरणभूषिते

॥ 2 ॥

श्लोक 4

अट्टशूलप्रहरणे खड्गखेटकधारिणि ।

गोपेन्द्रस्यानुजे ज्येष्ठे नन्दगोपकुलोद्भवे

॥ 3 ॥

श्लोक 5

महिषासृक्प्रिये नित्यं कौशिकि पीतवासिनि ।

अट्टहासे कोकमुखे नमस्तेऽस्तु रणप्रिये

॥ 4 ॥

श्लोक 6

उमे शाकम्भरि श्वेते कृष्णे कैटभनाशिनि ।

हिरण्याक्षि विरूपाक्षि सुधूम्राक्षि नमोऽस्तु ते

॥ 5 ॥

श्लोक 7

वेदश्रुतिमहापुण्ये ब्रह्मण्ये जातवेदसि ।

जम्बूकटकचैत्येषु नित्यं सन्निहितालये

॥ 6 ॥

श्लोक 8

त्वं ब्रह्मविद्या विद्यानां महानिद्रा च देहिनाम् ।

स्कन्दमातर्भगवति दुर्गे कान्तारवासिनि

॥ 7 ॥

श्लोक 9

स्वाहाकारः स्वधा चैव कला काष्ठा सरस्वती ।

सावित्री वेदमाता च तथा वेदान्त उच्यते

॥ 8 ॥

श्लोक 10

स्तुतासि त्वं महादेवि विशुद्धेनान्तरात्मना ।

जयो भवतु मे नित्यं त्वत्प्रसादाद्रणाजिरे

॥ 9 ॥

श्लोक 11

कान्तारभयदुर्गेषु भक्तानां चालयेषु च ।

नित्यं वससि पाताले युद्धे जयसि दानवान्

॥ 10 ॥

श्लोक 12

त्वं जम्भनी मोहिनी च माया ह्रीः श्रीस्तथैव च ।

सन्ध्या प्रभावती चैव सावित्री जननी तथा

॥ 11 ॥

श्लोक 13

तुष्टिः पुष्टिर्धृतिर्दीप्तिश्चन्द्रादित्यविवर्धिनी ।

भूतिर्भूतिमतां सङ्ख्ये वीक्ष्यसे सिद्धचारणैः

॥ 12 ॥

श्लोक 14

इति श्रीमन्महाभारते भीष्मपर्वणि त्रयोविंशोऽध्याये अर्जुन कृत श्री दुर्गा स्तोत्रम् ।