Sri Durga Ashtottara Sata Nama Stotram
Sri Durga Ashtottara Sata Nama Stotram
श्री दुर्गा अष्टोत्तर शत नाम स्तोत्रम्
श्लोक 1
दुर्गा शिवा महालक्ष्मी-र्महागौरी च चण्डिका ।
सर्वज्ञा सर्वलोकेशी सर्वकर्मफलप्रदा
श्लोक 2
सर्वतीर्थमयी पुण्या देवयोनि-रयोनिजा ।
भूमिजा निर्गुणाऽऽधारशक्ति श्चानीश्वरी तथा
॥ 1 ॥
श्लोक 3
निर्गुणा निरहङ्कारा सर्वगर्वविमर्दिनी ।
सर्वलोकप्रिया वाणी सर्वविद्याधिदेवता
॥ 2 ॥
श्लोक 4
पार्वती देवमाता च वनीशा विन्ध्यवासिनी ।
तेजोवती महामाता कोटिसूर्यसमप्रभा
॥ 3 ॥
श्लोक 5
देवता वह्निरूपा च सतेजा वर्णरूपिणी ।
गुणाश्रया गुणमध्या गुणत्रयविवर्जिता
॥ 4 ॥
श्लोक 6
कर्मज्ञानप्रदा कान्ता सर्वसंहारकारिणी ।
धर्मज्ञा धर्मनिष्ठा च सर्वकर्मविवर्जिता
॥ 5 ॥
श्लोक 7
कामाक्षी कामसंहर्त्री कामक्रोधविवर्जिता ।
शाङ्करी शाम्भवी शान्ता चन्द्रसूर्याग्निलोचना
॥ 6 ॥
श्लोक 8
सुजया जयभूमिष्ठा जाह्नवी जनपूजिता ।
शास्त्री शास्त्रमयी नित्या शुभा चन्द्रार्धमस्तका
॥ 7 ॥
श्लोक 9
भारती भ्रामरी कल्पा कराली कृष्णपिङ्गला ।
ब्राह्मी नारायणी रौद्री चन्द्रामृतपरिस्रुता
॥ 8 ॥
श्लोक 10
ज्येष्ठेन्दिरा महामाया जगत्सृष्ट्यधिकारिणी ।
ब्रह्माण्डकोटिसंस्थाना कामिनी कमलालया
॥ 9 ॥
श्लोक 11
कात्यायनी कलातीता कालसंहारकारिणी ।
योगनिष्ठा योगिगम्या योगिध्येया तपस्विनी
॥ 10 ॥
श्लोक 12
ज्ञानरूपा निराकारा भक्ताभीष्टफलप्रदा ।
भूतात्मिका भूतमाता भूतेशा भूतधारिणी
॥ 11 ॥
श्लोक 13
स्वधा नारीमध्यगता षडाधारादिवर्धिनी ।
मोहितांशुभवा शुभ्रा सूक्ष्मा माता निरालसा
॥ 12 ॥
श्लोक 14
निम्नगा नीलसङ्काशा नित्यानन्दा हरा परा ।
सर्वज्ञानप्रदाऽऽनन्ता सत्या दुर्लभरूपिणी
॥ 13 ॥
श्लोक 15
सरस्वती सर्वगता सर्वाभीष्टप्रदायिनी ।
इति श्रीदुर्गाष्टोत्तरशतनामस्तोत्रं समाप्तम् ॥
Related Scriptures
अर्जुन कृत श्री दुर्गा स्तोत्रम्
13 verses
दकारादि दुर्गा अष्टोत्तर शत नामावलि
108 verses
देवी माहात्म्यं दुर्गा सप्तशति प्रथमोऽध्यायः
101 verses
देवी माहात्म्यं दुर्गा सप्तशति एकादशोऽध्यायः
55 verses
देवी माहात्म्यं दुर्गा सप्तशति द्वादशोऽध्यायः
41 verses
देवी माहात्म्यं दुर्गा सप्तशति द्वितीयोऽध्यायः
68 verses