శ్రీ భూ వరాహ స్తోత్రమ్

శ్రీ భూ వరాహ స్తోత్రమ్

శ్లోక 1

ఋషయ ఊచు ।

జితం జితం తేఽజిత యజ్ఞభావనా

త్రయీం తనూం స్వాం పరిధున్వతే నమః ।

యద్రోమగర్తేషు నిలిల్యురధ్వరాః

తస్మై నమః కారణసూకరాయ తే

శ్లోక 2

రూపం తవైతన్నను దుష్కృతాత్మనాం

దుర్దర్శనం దేవ యదధ్వరాత్మకమ్ ।

ఛన్దాంసి యస్య త్వచి బర్హిరోమ-

స్స్వాజ్యం దృశి త్వఙ్ఘ్రిషు చాతుర్హోత్రమ్

॥ 1 ॥

శ్లోక 3

స్రుక్తుణ్డ ఆసీత్స్రువ ఈశ నాసయో-

రిడోదరే చమసాః కర్ణరన్ధ్రే ।

ప్రాశిత్రమాస్యే గ్రసనే గ్రహాస్తు తే

యచ్చర్వణన్తే భగవన్నగ్నిహోత్రమ్

॥ 2 ॥

శ్లోక 4

దీక్షానుజన్మోపసదః శిరోధరం

త్వం ప్రాయణీయో దయనీయ దంష్ట్రః ।

జిహ్వా ప్రవర్గ్యస్తవ శీర్షకం క్రతోః

సభ్యావసథ్యం చితయోఽసవో హి తే

॥ 3 ॥

శ్లోక 5

సోమస్తు రేతః సవనాన్యవస్థితిః

సంస్థావిభేదాస్తవ దేవ ధాతవః ।

సత్రాణి సర్వాణి శరీరసన్ధి-

స్త్వం సర్వయజ్ఞక్రతురిష్టిబన్ధనః

॥ 4 ॥

శ్లోక 6

నమో నమస్తేఽఖిలయన్త్రదేవతా

ద్రవ్యాయ సర్వక్రతవే క్రియాత్మనే ।

వైరాగ్య భక్త్యాత్మజయాఽనుభావిత

జ్ఞానాయ విద్యాగురవే నమొ నమః

॥ 5 ॥

శ్లోక 7

దంష్ట్రాగ్రకోట్యా భగవంస్త్వయా ధృతా

విరాజతే భూధర భూస్సభూధరా ।

యథా వనాన్నిస్సరతో దతా ధృతా

మతఙ్గజేన్ద్రస్య స పత్రపద్మినీ

॥ 6 ॥

శ్లోక 8

త్రయీమయం రూపమిదం చ సౌకరం

భూమణ్డలే నాథ తదా ధృతేన తే ।

చకాస్తి శృఙ్గోఢఘనేన భూయసా

కులాచలేన్ద్రస్య యథైవ విభ్రమః

॥ 7 ॥

శ్లోక 9

సంస్థాపయైనాం జగతాం సతస్థుషాం

లోకాయ పత్నీమసి మాతరం పితా ।

విధేమ చాస్యై నమసా సహ త్వయా

యస్యాం స్వతేజోఽగ్నిమివారణావధాః

॥ 8 ॥

శ్లోక 10

కః శ్రద్ధధీతాన్యతమస్తవ ప్రభో

రసాం గతాయా భువ ఉద్విబర్హణమ్ ।

న విస్మయోఽసౌ త్వయి విశ్వవిస్మయే

యో మాయయేదం ససృజేఽతి విస్మయమ్

॥ 9 ॥

శ్లోక 11

విధున్వతా వేదమయం నిజం వపు-

ర్జనస్తపః సత్యనివాసినో వయమ్ ।

సటాశిఖోద్ధూత శివామ్బుబిన్దుభి-

ర్విమృజ్యమానా భృశమీశ పావితాః

॥ 10 ॥

శ్లోక 12

స వై బత భ్రష్టమతిస్తవైష తే

యః కర్మణాం పారమపారకర్మణః ।

యద్యోగమాయా గుణ యోగ మోహితం

విశ్వం సమస్తం భగవన్ విధేహి శమ్

॥ 11 ॥

శ్లోక 13

ఇతి శ్రీమద్భాగవతే మహాపురాణే తృతీయస్కన్ధే శ్రీ వరాహ ప్రాదుర్భావోనామ త్రయోదశోధ్యాయః ।