ശ്രീ ഭൂ വരാഹ സ്തോത്രമ്

ശ്രീ ഭൂ വരാഹ സ്തോത്രമ്

ശ്ലോക 1

ഋഷയ ഊചു ।

ജിതം ജിതം തേഽജിത യജ്ഞഭാവനാ

ത്രയീം തനൂം സ്വാം പരിധുന്വതേ നമഃ ।

യദ്രോമഗര്തേഷു നിലില്യുരധ്വരാഃ

തസ്മൈ നമഃ കാരണസൂകരായ തേ

ശ്ലോക 2

രൂപം തവൈതന്നനു ദുഷ്കൃതാത്മനാം

ദുര്ദര്ശനം ദേവ യദധ്വരാത്മകമ് ।

ഛന്ദാംസി യസ്യ ത്വചി ബര്ഹിരോമ-

സ്സ്വാജ്യം ദൃശി ത്വങ്ഘ്രിഷു ചാതുര്ഹോത്രമ്

॥ 1 ॥

ശ്ലോക 3

സ്രുക്തുണ്ഡ ആസീത്സ്രുവ ഈശ നാസയോ-

രിഡോദരേ ചമസാഃ കര്ണരന്ധ്രേ ।

പ്രാശിത്രമാസ്യേ ഗ്രസനേ ഗ്രഹാസ്തു തേ

യച്ചര്വണന്തേ ഭഗവന്നഗ്നിഹോത്രമ്

॥ 2 ॥

ശ്ലോക 4

ദീക്ഷാനുജന്മോപസദഃ ശിരോധരം

ത്വം പ്രായണീയോ ദയനീയ ദംഷ്ട്രഃ ।

ജിഹ്വാ പ്രവര്ഗ്യസ്തവ ശീര്ഷകം ക്രതോഃ

സഭ്യാവസഥ്യം ചിതയോഽസവോ ഹി തേ

॥ 3 ॥

ശ്ലോക 5

സോമസ്തു രേതഃ സവനാന്യവസ്ഥിതിഃ

സംസ്ഥാവിഭേദാസ്തവ ദേവ ധാതവഃ ।

സത്രാണി സര്വാണി ശരീരസന്ധി-

സ്ത്വം സര്വയജ്ഞക്രതുരിഷ്ടിബന്ധനഃ

॥ 4 ॥

ശ്ലോക 6

നമോ നമസ്തേഽഖിലയന്ത്രദേവതാ

ദ്രവ്യായ സര്വക്രതവേ ക്രിയാത്മനേ ।

വൈരാഗ്യ ഭക്ത്യാത്മജയാഽനുഭാവിത

ജ്ഞാനായ വിദ്യാഗുരവേ നമൊ നമഃ

॥ 5 ॥

ശ്ലോക 7

ദംഷ്ട്രാഗ്രകോട്യാ ഭഗവംസ്ത്വയാ ധൃതാ

വിരാജതേ ഭൂധര ഭൂസ്സഭൂധരാ ।

യഥാ വനാന്നിസ്സരതോ ദതാ ധൃതാ

മതങ്ഗജേന്ദ്രസ്യ സ പത്രപദ്മിനീ

॥ 6 ॥

ശ്ലോക 8

ത്രയീമയം രൂപമിദം ച സൌകരം

ഭൂമണ്ഡലേ നാഥ തദാ ധൃതേന തേ ।

ചകാസ്തി ശൃങ്ഗോഢഘനേന ഭൂയസാ

കുലാചലേന്ദ്രസ്യ യഥൈവ വിഭ്രമഃ

॥ 7 ॥

ശ്ലോക 9

സംസ്ഥാപയൈനാം ജഗതാം സതസ്ഥുഷാം

ലോകായ പത്നീമസി മാതരം പിതാ ।

വിധേമ ചാസ്യൈ നമസാ സഹ ത്വയാ

യസ്യാം സ്വതേജോഽഗ്നിമിവാരണാവധാഃ

॥ 8 ॥

ശ്ലോക 10

കഃ ശ്രദ്ധധീതാന്യതമസ്തവ പ്രഭോ

രസാം ഗതായാ ഭുവ ഉദ്വിബര്ഹണമ് ।

ന വിസ്മയോഽസൌ ത്വയി വിശ്വവിസ്മയേ

യോ മായയേദം സസൃജേഽതി വിസ്മയമ്

॥ 9 ॥

ശ്ലോക 11

വിധുന്വതാ വേദമയം നിജം വപു-

ര്ജനസ്തപഃ സത്യനിവാസിനോ വയമ് ।

സടാശിഖോദ്ധൂത ശിവാമ്ബുബിന്ദുഭി-

ര്വിമൃജ്യമാനാ ഭൃശമീശ പാവിതാഃ

॥ 10 ॥

ശ്ലോക 12

സ വൈ ബത ഭ്രഷ്ടമതിസ്തവൈഷ തേ

യഃ കര്മണാം പാരമപാരകര്മണഃ ।

യദ്യോഗമായാ ഗുണ യോഗ മോഹിതം

വിശ്വം സമസ്തം ഭഗവന് വിധേഹി ശമ്

॥ 11 ॥

ശ്ലോക 13

ഇതി ശ്രീമദ്ഭാഗവതേ മഹാപുരാണേ തൃതീയസ്കന്ധേ ശ്രീ വരാഹ പ്രാദുര്ഭാവോനാമ ത്രയോദശോധ്യായഃ ।