ശിവ താണ്ഡവ സ്തോത്രമ്

ശിവ താണ്ഡവ സ്തോത്രമ്

ശ്ലോക 1

ജടാടവീഗലജ്ജലപ്രവാഹപാവിതസ്ഥലേ

ഗലേവലമ്ബ്യ ലമ്ബിതാം ഭുജങ്ഗതുങ്ഗമാലികാമ് ।

ഡമഡ്ഡമഡ്ഡമഡ്ഡമന്നിനാദവഡ്ഡമര്വയം

ചകാര ചണ്ഡതാണ്ഡവം തനോതു നഃ ശിവഃ ശിവമ്

ശ്ലോക 2

ജടാകടാഹസമ്ഭ്രമഭ്രമന്നിലിമ്പനിര്ഝരീ-

-വിലോലവീചിവല്ലരീവിരാജമാനമൂര്ധനി ।

ധഗദ്ധഗദ്ധഗജ്ജ്വലല്ലലാടപട്ടപാവകേ

കിശോരചന്ദ്രശേഖരേ രതിഃ പ്രതിക്ഷണം മമ

॥ 1 ॥

ശ്ലോക 3

ധരാധരേന്ദ്രനന്ദിനീവിലാസബന്ധുബന്ധുര

സ്ഫുരദ്ദിഗന്തസന്തതിപ്രമോദമാനമാനസേ ।

കൃപാകടാക്ഷധോരണീനിരുദ്ധദുര്ധരാപദി

ക്വചിദ്ദിഗമ്ബരേ മനോ വിനോദമേതു വസ്തുനി

॥ 2 ॥

ശ്ലോക 4

ജടാഭുജങ്ഗപിങ്ഗലസ്ഫുരത്ഫണാമണിപ്രഭാ

കദമ്ബകുങ്കുമദ്രവപ്രലിപ്തദിഗ്വധൂമുഖേ ।

മദാന്ധസിന്ധുരസ്ഫുരത്ത്വഗുത്തരീയമേദുരേ

മനോ വിനോദമദ്ഭുതം ബിഭര്തു ഭൂതഭര്തരി

॥ 3 ॥

ശ്ലോക 5

സഹസ്രലോചനപ്രഭൃത്യശേഷലേഖശേഖര

പ്രസൂനധൂലിധോരണീ വിധൂസരാങ്ഘ്രിപീഠഭൂഃ ।

ഭുജങ്ഗരാജമാലയാ നിബദ്ധജാടജൂടക

ശ്രിയൈ ചിരായ ജായതാം ചകോരബന്ധുശേഖരഃ

॥ 4 ॥

ശ്ലോക 6

ലലാടചത്വരജ്വലദ്ധനഞ്ജയസ്ഫുലിങ്ഗഭാ-

-നിപീതപഞ്ചസായകം നമന്നിലിമ്പനായകമ് ।

സുധാമയൂഖലേഖയാ വിരാജമാനശേഖരം

മഹാകപാലിസമ്പദേശിരോജടാലമസ്തു നഃ

॥ 5 ॥

ശ്ലോക 7

കരാലഫാലപട്ടികാധഗദ്ധഗദ്ധഗജ്ജ്വല-

ദ്ധനഞ്ജയാധരീകൃതപ്രചണ്ഡപഞ്ചസായകേ ।

ധരാധരേന്ദ്രനന്ദിനീകുചാഗ്രചിത്രപത്രക-

-പ്രകല്പനൈകശില്പിനി ത്രിലോചനേ മതിര്മമ

॥ 6 ॥

ശ്ലോക 8

നവീനമേഘമണ്ഡലീ നിരുദ്ധദുര്ധരസ്ഫുരത്-

കുഹൂനിശീഥിനീതമഃ പ്രബന്ധബന്ധുകന്ധരഃ ।

നിലിമ്പനിര്ഝരീധരസ്തനോതു കൃത്തിസിന്ധുരഃ

കലാനിധാനബന്ധുരഃ ശ്രിയം ജഗദ്ധുരന്ധരഃ

॥ 7 ॥

ശ്ലോക 9

പ്രഫുല്ലനീലപങ്കജപ്രപഞ്ചകാലിമപ്രഭാ-

-വിലമ്ബികണ്ഠകന്ദലീരുചിപ്രബദ്ധകന്ധരമ് ।

സ്മരച്ഛിദം പുരച്ഛിദം ഭവച്ഛിദം മഖച്ഛിദം

ഗജച്ഛിദാന്ധകച്ഛിദം തമന്തകച്ഛിദം ഭജേ

॥ 8 ॥

ശ്ലോക 10

അഗര്വസര്വമങ്ഗലാകലാകദമ്ബമഞ്ജരീ

രസപ്രവാഹമാധുരീ വിജൃമ്ഭണാമധുവ്രതമ് ।

സ്മരാന്തകം പുരാന്തകം ഭവാന്തകം മഖാന്തകം

ഗജാന്തകാന്ധകാന്തകം തമന്തകാന്തകം ഭജേ

॥ 9 ॥

ശ്ലോക 11

ജയത്വദഭ്രവിഭ്രമഭ്രമദ്ഭുജങ്ഗമശ്വസ-

-ദ്വിനിര്ഗമത്ക്രമസ്ഫുരത്കരാലഫാലഹവ്യവാട് ।

ധിമിദ്ധിമിദ്ധിമിധ്വനന്മൃദങ്ഗതുങ്ഗമങ്ഗല

ധ്വനിക്രമപ്രവര്തിത പ്രചണ്ഡതാണ്ഡവഃ ശിവഃ

॥ 10 ॥

ശ്ലോക 12

ദൃഷദ്വിചിത്രതല്പയോര്ഭുജങ്ഗമൌക്തികസ്രജോര്-

-ഗരിഷ്ഠരത്നലോഷ്ഠയോഃ സുഹൃദ്വിപക്ഷപക്ഷയോഃ ।

തൃഷ്ണാരവിന്ദചക്ഷുഷോഃ പ്രജാമഹീമഹേന്ദ്രയോഃ

സമം പ്രവര്തയന്മനഃ കദാ സദാശിവം ഭജേ

॥ 11 ॥

ശ്ലോക 13

കദാ നിലിമ്പനിര്ഝരീനികുഞ്ജകോടരേ വസന്

വിമുക്തദുര്മതിഃ സദാ ശിരഃസ്ഥമഞ്ജലിം വഹന് ।

വിമുക്തലോലലോചനോ ലലാടഫാലലഗ്നകഃ

ശിവേതി മന്ത്രമുച്ചരന് സദാ സുഖീ ഭവാമ്യഹമ്

॥ 12 ॥

ശ്ലോക 14

ഇമം ഹി നിത്യമേവമുക്തമുത്തമോത്തമം സ്തവം

പഠന്സ്മരന്ബ്രുവന്നരോ വിശുദ്ധിമേതിസന്തതമ് ।

ഹരേ ഗുരൌ സുഭക്തിമാശു യാതി നാന്യഥാ ഗതിം

വിമോഹനം ഹി ദേഹിനാം സുശങ്കരസ്യ ചിന്തനമ്

॥ 13 ॥

ശ്ലോക 15

പൂജാവസാനസമയേ ദശവക്ത്രഗീതം യഃ

ശമ്ഭുപൂജനപരം പഠതി പ്രദോഷേ ।

തസ്യ സ്ഥിരാം രഥഗജേന്ദ്രതുരങ്ഗയുക്താം

ലക്ഷ്മീം സദൈവ സുമുഖിം പ്രദദാതി ശമ്ഭുഃ

॥ 14 ॥

ശ്ലോക 16