શિવ તાણ્ડવ સ્તોત્રમ્

શિવ તાણ્ડવ સ્તોત્રમ્

શ્લોક 1

જટાટવીગલજ્જલપ્રવાહપાવિતસ્થલે

ગલેવલમ્બ્ય લમ્બિતાં ભુજઙ્ગતુઙ્ગમાલિકામ્ ।

ડમડ્ડમડ્ડમડ્ડમન્નિનાદવડ્ડમર્વયં

ચકાર ચણ્ડતાણ્ડવં તનોતુ નઃ શિવઃ શિવમ્

શ્લોક 2

જટાકટાહસમ્ભ્રમભ્રમન્નિલિમ્પનિર્ઝરી-

-વિલોલવીચિવલ્લરીવિરાજમાનમૂર્ધનિ ।

ધગદ્ધગદ્ધગજ્જ્વલલ્લલાટપટ્ટપાવકે

કિશોરચન્દ્રશેખરે રતિઃ પ્રતિક્ષણં મમ

॥ 1 ॥

શ્લોક 3

ધરાધરેન્દ્રનન્દિનીવિલાસબન્ધુબન્ધુર

સ્ફુરદ્દિગન્તસન્તતિપ્રમોદમાનમાનસે ।

કૃપાકટાક્ષધોરણીનિરુદ્ધદુર્ધરાપદિ

ક્વચિદ્દિગમ્બરે મનો વિનોદમેતુ વસ્તુનિ

॥ 2 ॥

શ્લોક 4

જટાભુજઙ્ગપિઙ્ગલસ્ફુરત્ફણામણિપ્રભા

કદમ્બકુઙ્કુમદ્રવપ્રલિપ્તદિગ્વધૂમુખે ।

મદાન્ધસિન્ધુરસ્ફુરત્ત્વગુત્તરીયમેદુરે

મનો વિનોદમદ્ભુતં બિભર્તુ ભૂતભર્તરિ

॥ 3 ॥

શ્લોક 5

સહસ્રલોચનપ્રભૃત્યશેષલેખશેખર

પ્રસૂનધૂલિધોરણી વિધૂસરાઙ્ઘ્રિપીઠભૂઃ ।

ભુજઙ્ગરાજમાલયા નિબદ્ધજાટજૂટક

શ્રિયૈ ચિરાય જાયતાં ચકોરબન્ધુશેખરઃ

॥ 4 ॥

શ્લોક 6

લલાટચત્વરજ્વલદ્ધનઞ્જયસ્ફુલિઙ્ગભા-

-નિપીતપઞ્ચસાયકં નમન્નિલિમ્પનાયકમ્ ।

સુધામયૂખલેખયા વિરાજમાનશેખરં

મહાકપાલિસમ્પદેશિરોજટાલમસ્તુ નઃ

॥ 5 ॥

શ્લોક 7

કરાલફાલપટ્ટિકાધગદ્ધગદ્ધગજ્જ્વલ-

દ્ધનઞ્જયાધરીકૃતપ્રચણ્ડપઞ્ચસાયકે ।

ધરાધરેન્દ્રનન્દિનીકુચાગ્રચિત્રપત્રક-

-પ્રકલ્પનૈકશિલ્પિનિ ત્રિલોચને મતિર્મમ

॥ 6 ॥

શ્લોક 8

નવીનમેઘમણ્ડલી નિરુદ્ધદુર્ધરસ્ફુરત્-

કુહૂનિશીથિનીતમઃ પ્રબન્ધબન્ધુકન્ધરઃ ।

નિલિમ્પનિર્ઝરીધરસ્તનોતુ કૃત્તિસિન્ધુરઃ

કલાનિધાનબન્ધુરઃ શ્રિયં જગદ્ધુરન્ધરઃ

॥ 7 ॥

શ્લોક 9

પ્રફુલ્લનીલપઙ્કજપ્રપઞ્ચકાલિમપ્રભા-

-વિલમ્બિકણ્ઠકન્દલીરુચિપ્રબદ્ધકન્ધરમ્ ।

સ્મરચ્છિદં પુરચ્છિદં ભવચ્છિદં મખચ્છિદં

ગજચ્છિદાન્ધકચ્છિદં તમન્તકચ્છિદં ભજે

॥ 8 ॥

શ્લોક 10

અગર્વસર્વમઙ્ગલાકલાકદમ્બમઞ્જરી

રસપ્રવાહમાધુરી વિજૃમ્ભણામધુવ્રતમ્ ।

સ્મરાન્તકં પુરાન્તકં ભવાન્તકં મખાન્તકં

ગજાન્તકાન્ધકાન્તકં તમન્તકાન્તકં ભજે

॥ 9 ॥

શ્લોક 11

જયત્વદભ્રવિભ્રમભ્રમદ્ભુજઙ્ગમશ્વસ-

-દ્વિનિર્ગમત્ક્રમસ્ફુરત્કરાલફાલહવ્યવાટ્ ।

ધિમિદ્ધિમિદ્ધિમિધ્વનન્મૃદઙ્ગતુઙ્ગમઙ્ગલ

ધ્વનિક્રમપ્રવર્તિત પ્રચણ્ડતાણ્ડવઃ શિવઃ

॥ 10 ॥

શ્લોક 12

દૃષદ્વિચિત્રતલ્પયોર્ભુજઙ્ગમૌક્તિકસ્રજોર્-

-ગરિષ્ઠરત્નલોષ્ઠયોઃ સુહૃદ્વિપક્ષપક્ષયોઃ ।

તૃષ્ણારવિન્દચક્ષુષોઃ પ્રજામહીમહેન્દ્રયોઃ

સમં પ્રવર્તયન્મનઃ કદા સદાશિવં ભજે

॥ 11 ॥

શ્લોક 13

કદા નિલિમ્પનિર્ઝરીનિકુઞ્જકોટરે વસન્

વિમુક્તદુર્મતિઃ સદા શિરઃસ્થમઞ્જલિં વહન્ ।

વિમુક્તલોલલોચનો લલાટફાલલગ્નકઃ

શિવેતિ મન્ત્રમુચ્ચરન્ સદા સુખી ભવામ્યહમ્

॥ 12 ॥

શ્લોક 14

ઇમં હિ નિત્યમેવમુક્તમુત્તમોત્તમં સ્તવં

પઠન્સ્મરન્બ્રુવન્નરો વિશુદ્ધિમેતિસન્તતમ્ ।

હરે ગુરૌ સુભક્તિમાશુ યાતિ નાન્યથા ગતિં

વિમોહનં હિ દેહિનાં સુશઙ્કરસ્ય ચિન્તનમ્

॥ 13 ॥

શ્લોક 15

પૂજાવસાનસમયે દશવક્ત્રગીતં યઃ

શમ્ભુપૂજનપરં પઠતિ પ્રદોષે ।

તસ્ય સ્થિરાં રથગજેન્દ્રતુરઙ્ગયુક્તાં

લક્ષ્મીં સદૈવ સુમુખિં પ્રદદાતિ શમ્ભુઃ

॥ 14 ॥

શ્લોક 16