শিব তাণ্ডব স্তোত্রম্

শিব তাণ্ডব স্তোত্রম্

শ্লোক 1

জটাটবীগলজ্জলপ্রবাহপাবিতস্থলে

গলেবলম্ব্য লম্বিতাং ভুজঙ্গতুঙ্গমালিকাম্ ।

ডমড্ডমড্ডমড্ডমন্নিনাদবড্ডমর্বযং

চকার চণ্ডতাণ্ডবং তনোতু নঃ শিবঃ শিবম্

শ্লোক 2

জটাকটাহসম্ভ্রমভ্রমন্নিলিম্পনির্ঝরী-

-বিলোলবীচিবল্লরীবিরাজমানমূর্ধনি ।

ধগদ্ধগদ্ধগজ্জ্বলল্ললাটপট্টপাবকে

কিশোরচন্দ্রশেখরে রতিঃ প্রতিক্ষণং মম

॥ 1 ॥

শ্লোক 3

ধরাধরেন্দ্রনন্দিনীবিলাসবন্ধুবন্ধুর

স্ফুরদ্দিগন্তসন্ততিপ্রমোদমানমানসে ।

কৃপাকটাক্ষধোরণীনিরুদ্ধদুর্ধরাপদি

ক্বচিদ্দিগম্বরে মনো বিনোদমেতু বস্তুনি

॥ 2 ॥

শ্লোক 4

জটাভুজঙ্গপিঙ্গলস্ফুরত্ফণামণিপ্রভা

কদম্বকুঙ্কুমদ্রবপ্রলিপ্তদিগ্বধূমুখে ।

মদান্ধসিন্ধুরস্ফুরত্ত্বগুত্তরীযমেদুরে

মনো বিনোদমদ্ভুতং বিভর্তু ভূতভর্তরি

॥ 3 ॥

শ্লোক 5

সহস্রলোচনপ্রভৃত্যশেষলেখশেখর

প্রসূনধূলিধোরণী বিধূসরাঙ্ঘ্রিপীঠভূঃ ।

ভুজঙ্গরাজমালযা নিবদ্ধজাটজূটক

শ্রিযৈ চিরায জাযতাং চকোরবন্ধুশেখরঃ

॥ 4 ॥

শ্লোক 6

ললাটচত্বরজ্বলদ্ধনঞ্জযস্ফুলিঙ্গভা-

-নিপীতপঞ্চসাযকং নমন্নিলিম্পনাযকম্ ।

সুধামযূখলেখযা বিরাজমানশেখরং

মহাকপালিসম্পদেশিরোজটালমস্তু নঃ

॥ 5 ॥

শ্লোক 7

করালফালপট্টিকাধগদ্ধগদ্ধগজ্জ্বল-

দ্ধনঞ্জযাধরীকৃতপ্রচণ্ডপঞ্চসাযকে ।

ধরাধরেন্দ্রনন্দিনীকুচাগ্রচিত্রপত্রক-

-প্রকল্পনৈকশিল্পিনি ত্রিলোচনে মতির্মম

॥ 6 ॥

শ্লোক 8

নবীনমেঘমণ্ডলী নিরুদ্ধদুর্ধরস্ফুরত্-

কুহূনিশীথিনীতমঃ প্রবন্ধবন্ধুকন্ধরঃ ।

নিলিম্পনির্ঝরীধরস্তনোতু কৃত্তিসিন্ধুরঃ

কলানিধানবন্ধুরঃ শ্রিযং জগদ্ধুরন্ধরঃ

॥ 7 ॥

শ্লোক 9

প্রফুল্লনীলপঙ্কজপ্রপঞ্চকালিমপ্রভা-

-বিলম্বিকণ্ঠকন্দলীরুচিপ্রবদ্ধকন্ধরম্ ।

স্মরচ্ছিদং পুরচ্ছিদং ভবচ্ছিদং মখচ্ছিদং

গজচ্ছিদান্ধকচ্ছিদং তমন্তকচ্ছিদং ভজে

॥ 8 ॥

শ্লোক 10

অগর্বসর্বমঙ্গলাকলাকদম্বমঞ্জরী

রসপ্রবাহমাধুরী বিজৃম্ভণামধুব্রতম্ ।

স্মরান্তকং পুরান্তকং ভবান্তকং মখান্তকং

গজান্তকান্ধকান্তকং তমন্তকান্তকং ভজে

॥ 9 ॥

শ্লোক 11

জযত্বদভ্রবিভ্রমভ্রমদ্ভুজঙ্গমশ্বস-

-দ্বিনির্গমত্ক্রমস্ফুরত্করালফালহব্যবাট্ ।

ধিমিদ্ধিমিদ্ধিমিধ্বনন্মৃদঙ্গতুঙ্গমঙ্গল

ধ্বনিক্রমপ্রবর্তিত প্রচণ্ডতাণ্ডবঃ শিবঃ

॥ 10 ॥

শ্লোক 12

দৃষদ্বিচিত্রতল্পযোর্ভুজঙ্গমৌক্তিকস্রজোর্-

-গরিষ্ঠরত্নলোষ্ঠযোঃ সুহৃদ্বিপক্ষপক্ষযোঃ ।

তৃষ্ণারবিন্দচক্ষুষোঃ প্রজামহীমহেন্দ্রযোঃ

সমং প্রবর্তযন্মনঃ কদা সদাশিবং ভজে

॥ 11 ॥

শ্লোক 13

কদা নিলিম্পনির্ঝরীনিকুঞ্জকোটরে বসন্

বিমুক্তদুর্মতিঃ সদা শিরঃস্থমঞ্জলিং বহন্ ।

বিমুক্তলোললোচনো ললাটফাললগ্নকঃ

শিবেতি মন্ত্রমুচ্চরন্ সদা সুখী ভবাম্যহম্

॥ 12 ॥

শ্লোক 14

ইমং হি নিত্যমেবমুক্তমুত্তমোত্তমং স্তবং

পঠন্স্মরন্ব্রুবন্নরো বিশুদ্ধিমেতিসন্ততম্ ।

হরে গুরৌ সুভক্তিমাশু যাতি নান্যথা গতিং

বিমোহনং হি দেহিনাং সুশঙ্করস্য চিন্তনম্

॥ 13 ॥

শ্লোক 15

পূজাবসানসমযে দশবক্ত্রগীতং যঃ

শম্ভুপূজনপরং পঠতি প্রদোষে ।

তস্য স্থিরাং রথগজেন্দ্রতুরঙ্গযুক্তাং

লক্ষ্মীং সদৈব সুমুখিং প্রদদাতি শম্ভুঃ

॥ 14 ॥

শ্লোক 16