শিব মহিম্না স্তোত্রম্

শিব মহিম্না স্তোত্রম্

শ্লোক 1

অথ শ্রী শিবমহিম্নস্তোত্রম্ ॥

মহিম্নঃ পারং তে পরমবিদুষো যদ্যসদৃশী

স্তুতির্ব্রহ্মাদীনামপি তদবসন্নাস্ত্বযি গিরঃ ।

অথাঽবাচ্যঃ সর্বঃ স্বমতিপরিণামাবধি গৃণন্

মমাপ্যেষ স্তোত্রে হর নিরপবাদঃ পরিকরঃ

শ্লোক 2

অতীতঃ পন্থানং তব চ মহিমা বাঙ্মনসযোঃ

অতদ্ব্যাবৃত্ত্যা যং চকিতমভিধত্তে শ্রুতিরপি ।

স কস্য স্তোতব্যঃ কতিবিধগুণঃ কস্য বিষযঃ

পদে ত্বর্বাচীনে পততি ন মনঃ কস্য ন বচঃ

॥ 1 ॥

শ্লোক 3

মধুস্ফীতা বাচঃ পরমমমৃতং নির্মিতবতঃ

তব ব্রহ্মন্​ কিং বাগপি সুরগুরোর্বিস্মযপদম্ ।

মম ত্বেতাং বাণীং গুণকথনপুণ্যেন ভবতঃ

পুনামীত্যর্থেঽস্মিন্ পুরমথন বুদ্ধির্ব্যবসিতা

॥ 2 ॥

শ্লোক 4

তবৈশ্বর্যং যত্তজ্জগদুদযরক্ষাপ্রলযকৃত্

ত্রযীবস্তু ব্যস্তং তিস্রুষু গুণভিন্নাসু তনুষু ।

অভব্যানামস্মিন্ বরদ রমণীযামরমণীং

বিহন্তুং ব্যাক্রোশীং বিদধত ইহৈকে জডধিযঃ

॥ 3 ॥

শ্লোক 5

কিমীহঃ কিঙ্কাযঃ স খলু কিমুপাযস্ত্রিভুবনং

কিমাধারো ধাতা সৃজতি কিমুপাদান ইতি চ ।

অতর্ক্যৈশ্বর্যে ত্বয্যনবসর দুঃস্থো হতধিযঃ

কুতর্কোঽযং কাংশ্চিত্ মুখরযতি মোহায জগতঃ

॥ 4 ॥

শ্লোক 6

অজন্মানো লোকাঃ কিমবযববন্তোঽপি জগতাং

অধিষ্ঠাতারং কিং ভববিধিরনাদৃত্য ভবতি ।

অনীশো বা কুর্যাদ্ ভুবনজননে কঃ পরিকরো

যতো মন্দাস্ত্বাং প্রত্যমরবর সংশেরত ইমে

॥ 5 ॥

শ্লোক 7

ত্রযী সাঙ্খ্যং যোগঃ পশুপতিমতং বৈষ্ণবমিতি

প্রভিন্নে প্রস্থানে পরমিদমদঃ পথ্যমিতি চ ।

রুচীনাং বৈচিত্র্যাদৃজুকুটিল নানাপথজুষাং

নৃণামেকো গম্যস্ত্বমসি পযসামর্ণব ইব

॥ 6 ॥

শ্লোক 8

মহোক্ষঃ খট্বাঙ্গং পরশুরজিনং ভস্ম ফণিনঃ

কপালং চেতীযত্তব বরদ তন্ত্রোপকরণম্ ।

সুরাস্তাং তামৃদ্ধিং দধতি তু ভবদ্ভূপ্রণিহিতাং

ন হি স্বাত্মারামং বিষযমৃগতৃষ্ণা ভ্রমযতি

॥ 7 ॥

শ্লোক 9

ধ্রুবং কশ্চিত্ সর্বং সকলমপরস্ত্বধ্রুবমিদং

পরো ধ্রৌব্যাঽধ্রৌব্যে জগতি গদতি ব্যস্তবিষযে ।

সমস্তেঽপ্যেতস্মিন্ পুরমথন তৈর্বিস্মিত ইব

স্তুবন্​ জিহ্রেমি ত্বাং ন খলু ননু ধৃষ্টা মুখরতা

॥ 8 ॥

শ্লোক 10

তবৈশ্বর্যং যত্নাদ্ যদুপরি বিরিঞ্চির্হরিরধঃ

পরিচ্ছেতুং যাতাবনলমনলস্কন্ধবপুষঃ ।

ততো ভক্তিশ্রদ্ধা-ভরগুরু-গৃণদ্ভ্যাং গিরিশ যত্

স্বযং তস্থে তাভ্যাং তব কিমনুবৃত্তির্ন ফলতি

॥ 9 ॥

শ্লোক 11

অযত্নাদাসাদ্য ত্রিভুবনমবৈরব্যতিকরং

দশাস্যো যদ্বাহূনভৃত রণকণ্ডূ-পরবশান্ ।

শিরঃপদ্মশ্রেণী-রচিতচরণাম্ভোরুহ-বলেঃ

স্থিরাযাস্ত্বদ্ভক্তেস্ত্রিপুরহর বিস্ফূর্জিতমিদম্

॥ 10 ॥

শ্লোক 12

অমুষ্য ত্বত্সেবা-সমধিগতসারং ভুজবনং

বলাত্ কৈলাসেঽপি ত্বদধিবসতৌ বিক্রমযতঃ ।

অলভ্যা পাতালেঽপ্যলসচলিতাঙ্গুষ্ঠশিরসি

প্রতিষ্ঠা ত্বয্যাসীদ্ ধ্রুবমুপচিতো মুহ্যতি খলঃ

॥ 11 ॥

শ্লোক 13

যদৃদ্ধিং সুত্রাম্ণো বরদ পরমোচ্চৈরপি সতীং

অধশ্চক্রে বাণঃ পরিজনবিধেযত্রিভুবনঃ ।

ন তচ্চিত্রং তস্মিন্ বরিবসিতরি ত্বচ্চরণযোঃ

ন কস্যাপ্যুন্নত্যৈ ভবতি শিরসস্ত্বয্যবনতিঃ

॥ 12 ॥

শ্লোক 14

অকাণ্ড-ব্রহ্মাণ্ড-ক্ষযচকিত-দেবাসুরকৃপা

বিধেযস্যাঽঽসীদ্​ যস্ত্রিনযন বিষং সংহৃতবতঃ ।

স কল্মাষঃ কণ্ঠে তব ন কুরুতে ন শ্রিযমহো

বিকারোঽপি শ্লাঘ্যো ভুবন-ভয- ভঙ্গ- ব্যসনিনঃ

॥ 13 ॥

শ্লোক 15

অসিদ্ধার্থা নৈব ক্বচিদপি সদেবাসুরনরে

নিবর্তন্তে নিত্যং জগতি জযিনো যস্য বিশিখাঃ ।

স পশ্যন্নীশ ত্বামিতরসুরসাধারণমভূত্

স্মরঃ স্মর্তব্যাত্মা ন হি বশিষু পথ্যঃ পরিভবঃ

॥ 14 ॥

শ্লোক 16

মহী পাদাঘাতাদ্ ব্রজতি সহসা সংশযপদং

পদং বিষ্ণোর্ভ্রাম্যদ্ ভুজ-পরিঘ-রুগ্ণ-গ্রহ- গণম্ ।

মুহুর্দ্যৌর্দৌস্থ্যং যাত্যনিভৃত-জটা-তাডিত-তটা

জগদ্রক্ষাযৈ ত্বং নটসি ননু বামৈব বিভুতা

॥ 15 ॥

শ্লোক 17

বিযদ্ব্যাপী তারা-গণ-গুণিত-ফেনোদ্গম-রুচিঃ

প্রবাহো বারাং যঃ পৃষতলঘুদৃষ্টঃ শিরসি তে ।

জগদ্দ্বীপাকারং জলধিবলযং তেন কৃতমিতি

অনেনৈবোন্নেযং ধৃতমহিম দিব্যং তব বপুঃ

॥ 16 ॥

শ্লোক 18

রথঃ ক্ষোণী যন্তা শতধৃতিরগেন্দ্রো ধনুরথো

রথাঙ্গে চন্দ্রার্কৌ রথ-চরণ-পাণিঃ শর ইতি ।

দিধক্ষোস্তে কোঽযং ত্রিপুরতৃণমাডম্বর-বিধিঃ

বিধেযৈঃ ক্রীডন্ত্যো ন খলু পরতন্ত্রাঃ প্রভুধিযঃ

॥ 17 ॥

শ্লোক 19

হরিস্তে সাহস্রং কমল বলিমাধায পদযোঃ

যদেকোনে তস্মিন্​ নিজমুদহরন্নেত্রকমলম্ ।

গতো ভক্ত্যুদ্রেকঃ পরিণতিমসৌ চক্রবপুষঃ

ত্রযাণাং রক্ষাযৈ ত্রিপুরহর জাগর্তি জগতাম্

॥ 18 ॥

শ্লোক 20

ক্রতৌ সুপ্তে জাগ্রত্​ ত্বমসি ফলযোগে ক্রতুমতাং

ক্ব কর্ম প্রধ্বস্তং ফলতি পুরুষারাধনমৃতে ।

অতস্ত্বাং সম্প্রেক্ষ্য ক্রতুষু ফলদান-প্রতিভুবং

শ্রুতৌ শ্রদ্ধাং বধ্বা দৃঢপরিকরঃ কর্মসু জনঃ

॥ 19 ॥

শ্লোক 21

ক্রিযাদক্ষো দক্ষঃ ক্রতুপতিরধীশস্তনুভৃতাং

ঋষীণামার্ত্বিজ্যং শরণদ সদস্যাঃ সুর-গণাঃ ।

ক্রতুভ্রংশস্ত্বত্তঃ ক্রতুফল-বিধান-ব্যসনিনঃ

ধ্রুবং কর্তুঃ শ্রদ্ধা-বিধুরমভিচারায হি মখাঃ

॥ 20 ॥

শ্লোক 22

প্রজানাথং নাথ প্রসভমভিকং স্বাং দুহিতরং

গতং রোহিদ্​ ভূতাং রিরমযিষুমৃষ্যস্য বপুষা ।

ধনুষ্পাণের্যাতং দিবমপি সপত্রাকৃতমমুং

ত্রসন্তং তেঽদ্যাপি ত্যজতি ন মৃগব্যাধরভসঃ

॥ 21 ॥

শ্লোক 23

স্বলাবণ্যাশংসা ধৃতধনুষমহ্নায তৃণবত্

পুরঃ প্লুষ্টং দৃষ্ট্বা পুরমথন পুষ্পাযুধমপি ।

যদি স্ত্রৈণং দেবী যমনিরত-দেহার্ধ-ঘটনাত্

অবৈতি ত্বামদ্ধা বত বরদ মুগ্ধা যুবতযঃ

॥ 22 ॥

শ্লোক 24

শ্মশানেষ্বাক্রীডা স্মরহর পিশাচাঃ সহচরাঃ

চিতা-ভস্মালেপঃ স্রগপি নৃকরোটী-পরিকরঃ ।

অমঙ্গল্যং শীলং তব ভবতু নামৈবমখিলং

তথাপি স্মর্তৄণাং বরদ পরমং মঙ্গলমসি

॥ 23 ॥

শ্লোক 25

মনঃ প্রত্যক্চিত্তে সবিধমবিধাযাত্ত-মরুতঃ

প্রহৃষ্যদ্রোমাণঃ প্রমদ-সলিলোত্সঙ্গতি-দৃশঃ ।

যদালোক্যাহ্লাদং হ্রদ ইব নিমজ্যামৃতমযে

দধত্যন্তস্তত্ত্বং কিমপি যমিনস্তত্ কিল ভবান্

॥ 24 ॥

শ্লোক 26

ত্বমর্কস্ত্বং সোমস্ত্বমসি পবনস্ত্বং হুতবহঃ

ত্বমাপস্ত্বং ব্যোম ত্বমু ধরণিরাত্মা ত্বমিতি চ ।

পরিচ্ছিন্নামেবং ত্বযি পরিণতা বিভ্রতি গিরং

ন বিদ্মস্তত্তত্ত্বং বযমিহ তু যত্ ত্বং ন ভবসি

॥ 25 ॥

শ্লোক 27

ত্রযীং তিস্রো বৃত্তীস্ত্রিভুবনমথো ত্রীনপি সুরান্

অকারাদ্যৈর্বর্ণৈস্ত্রিভিরভিদধত্ তীর্ণবিকৃতি ।

তুরীযং তে ধাম ধ্বনিভিরবরুন্ধানমণুভিঃ

সমস্তং ব্যস্তং ত্বাং শরণদ গৃণাত্যোমিতি পদম্

॥ 26 ॥

শ্লোক 28

ভবঃ শর্বো রুদ্রঃ পশুপতিরথোগ্রঃ সহমহান্

তথা ভীমেশানাবিতি যদভিধানাষ্টকমিদম্ ।

অমুষ্মিন্ প্রত্যেকং প্রবিচরতি দেব শ্রুতিরপি

প্রিযাযাস্মৈধাম্নে প্রণিহিত-নমস্যোঽস্মি ভবতে

॥ 27 ॥

শ্লোক 29

নমো নেদিষ্ঠায প্রিযদব দবিষ্ঠায চ নমঃ

নমঃ ক্ষোদিষ্ঠায স্মরহর মহিষ্ঠায চ নমঃ ।

নমো বর্ষিষ্ঠায ত্রিনযন যবিষ্ঠায চ নমঃ

নমঃ সর্বস্মৈ তে তদিদমতিসর্বায চ নমঃ

॥ 28 ॥

শ্লোক 30

বহুল-রজসে বিশ্বোত্পত্তৌ ভবায নমো নমঃ

প্রবল-তমসে তত্ সংহারে হরায নমো নমঃ ।

জন-সুখকৃতে সত্ত্বোদ্রিক্তৌ মৃডায নমো নমঃ

প্রমহসি পদে নিস্ত্রৈগুণ্যে শিবায নমো নমঃ

॥ 29 ॥

শ্লোক 31

কৃশ-পরিণতি-চেতঃ ক্লেশবশ্যং ক্ব চেদং

ক্ব চ তব গুণ-সীমোল্লঙ্ঘিনী শশ্বদৃদ্ধিঃ ।

ইতি চকিতমমন্দীকৃত্য মাং ভক্তিরাধাদ্

বরদ চরণযোস্তে বাক্য-পুষ্পোপহারম্

॥ 30 ॥

শ্লোক 32

অসিত-গিরি-সমং স্যাত্ কজ্জলং সিন্ধু-পাত্রে

সুর-তরুবর-শাখা লেখনী পত্রমুর্বী ।

লিখতি যদি গৃহীত্বা শারদা সর্বকালং

তদপি তব গুণানামীশ পারং ন যাতি

॥ 31 ॥

শ্লোক 33

অসুর-সুর-মুনীন্দ্রৈরর্চিতস্যেন্দু-মৌলেঃ

গ্রথিত-গুণমহিম্নো নির্গুণস্যেশ্বরস্য ।

সকল-গণ-বরিষ্ঠঃ পুষ্পদন্তাভিধানঃ

রুচিরমলঘুবৃত্তৈঃ স্তোত্রমেতচ্চকার

॥ 32 ॥

শ্লোক 34

অহরহরনবদ্যং ধূর্জটেঃ স্তোত্রমেতত্

পঠতি পরমভক্ত্যা শুদ্ধ-চিত্তঃ পুমান্ যঃ ।

স ভবতি শিবলোকে রুদ্রতুল্যস্তথাঽত্র

প্রচুরতর-ধনাযুঃ পুত্রবান্ কীর্তিমাংশ্চ

॥ 33 ॥

শ্লোক 35

মহেশান্নাপরো দেবো মহিম্নো নাপরা স্তুতিঃ ।

অঘোরান্নাপরো মন্ত্রো নাস্তি তত্ত্বং গুরোঃ পরম্

॥ 34 ॥

শ্লোক 36

দীক্ষা দানং তপস্তীর্থং জ্ঞানং যাগাদিকাঃ ক্রিযাঃ ।

মহিম্নস্তব পাঠস্য কলাং নার্হন্তি ষোডশীম্

॥ 35 ॥

শ্লোক 37

কুসুমদশন-নামা সর্ব-গন্ধর্ব-রাজঃ

শশিধরবর-মৌলের্দেবদেবস্য দাসঃ ।

স খলু নিজ-মহিম্নো ভ্রষ্ট এবাস্য রোষাত্

স্তবনমিদমকার্ষীদ্ দিব্য-দিব্যং মহিম্নঃ

॥ 36 ॥

শ্লোক 38

সুরগুরুমভিপূজ্য স্বর্গ-মোক্ষৈক-হেতুং [সুরবরমুনিপূজ্যং]

পঠতি যদি মনুষ্যঃ প্রাঞ্জলির্নান্য-চেতাঃ ।

ব্রজতি শিব-সমীপং কিন্নরৈঃ স্তূযমানঃ

স্তবনমিদমমোঘং পুষ্পদন্তপ্রণীতম্

॥ 37 ॥

শ্লোক 39

শ্রী পুষ্পদন্ত-মুখ-পঙ্কজ-নির্গতেন

স্তোত্রেণ কিল্বিষ-হরেণ হর-প্রিযেণ ।

কণ্ঠস্থিতেন পঠিতেন সমাহিতেন

সুপ্রীণিতো ভবতি ভূতপতির্মহেশঃ

॥ 38 ॥

শ্লোক 40

আসমাপ্তমিদং স্তোত্রং পুণ্যং গন্ধর্ব-ভাষিতম্ ।

অনৌপম্যং মনোহারি সর্বমীশ্বরবর্ণনম্

॥ 43 ॥

শ্লোক 41

তব তত্ত্বং ন জানামি কীদৃশোঽসি মহেশ্বর ।

যাদৃশোঽসি মহাদেব তাদৃশায নমো নমঃ

॥ 39 ॥

শ্লোক 42

এককালং দ্বিকালং বা ত্রিকালং যঃ পঠেন্নরঃ ।

সর্বপাপ-বিনির্মুক্তঃ শিব লোকে মহীযতে

॥ 41 ॥

শ্লোক 43

ইত্যেষা বাঙ্মযী পূজা শ্রীমচ্ছঙ্কর-পাদযোঃ ।

অর্পিতা তেন দেবেশঃ প্রীযতাং মে সদাশিবঃ

॥ 42 ॥

শ্লোক 44

॥ ইতি শ্রী পুষ্পদন্ত বিরচিতং শিবমহিম্ন-স্তোত্রং সমাপ্তম্ ॥