సఙ్కట నాశన గణేశ స్తోత్రమ్

సఙ్కట నాశన గణేశ స్తోత్రమ్

శ్లోక 1

నారద ఉవాచ ।

ప్రణమ్య శిరసా దేవం గౌరీపుత్రం వినాయకమ్ ।

భక్తావాసం స్మరేన్నిత్యమాయుష్కామార్థసిద్ధయే

శ్లోక 2

ప్రథమం వక్రతుణ్డం చ, ఏకదన్తం ద్వితీయకమ్ ।

తృతీయం కృష్ణపిఙ్గాక్షం, గజవక్త్రం చతుర్థకమ్

॥ 1 ॥

శ్లోక 3

లమ్బోదరం పఞ్చమం చ, షష్ఠం వికటమేవ చ ।

సప్తమం విఘ్నరాజం చ, ధూమ్రవర్ణం తథాష్టమమ్

॥ 2 ॥

శ్లోక 4

నవమం భాలచన్ద్రం చ, దశమం తు వినాయకమ్ ।

ఏకాదశం గణపతిం, ద్వాదశం తు గజాననమ్

॥ 3 ॥

శ్లోక 5

ద్వాదశైతాని నామాని త్రిసన్ధ్యం యః పఠేన్నరః ।

న చ విఘ్నభయం తస్య సర్వసిద్ధికరం పరమ్

॥ 4 ॥

శ్లోక 6

విద్యార్థీ లభతే విద్యాం ధనార్థీ లభతే ధనమ్ ।

పుత్రార్థీ లభతే పుత్రాన్మోక్షార్థీ లభతే గతిమ్

॥ 5 ॥

శ్లోక 7

జపేద్గణపతిస్తోత్రం షడ్భిర్మాసైః ఫలం లభేత్ ।

సంవత్సరేణ సిద్ధిం చ లభతే నాత్ర సంశయః

॥ 6 ॥

శ్లోక 8

అష్టభ్యో బ్రాహ్మణేభ్యశ్చ లిఖిత్వా యః సమర్పయేత్ ।

తస్య విద్యా భవేత్సర్వా గణేశస్య ప్రసాదతః

॥ 7 ॥

శ్లోక 9

ఇతి శ్రీనారదపురాణే సఙ్కష్టనాశనం నామ గణేశ స్తోత్రమ్ ।