ശനി അഷ്ടോത്തര ശത നാമ സ്തോത്രമ്

ശനി അഷ്ടോത്തര ശത നാമ സ്തോത്രമ്

ശ്ലോക 1

ശനൈശ്ചരായ ശാന്തായ സര്വാഭീഷ്ടപ്രദായിനേ ।

ശരണ്യായ വരേണ്യായ സര്വേശായ നമോ നമഃ

ശ്ലോക 2

സൌമ്യായ സുരവന്ദ്യായ സുരലോകവിഹാരിണേ ।

സുഖാസനോപവിഷ്ടായ സുന്ദരായ നമോ നമഃ

॥ 1 ॥

ശ്ലോക 3

ഘനായ ഘനരൂപായ ഘനാഭരണധാരിണേ ।

ഘനസാരവിലേപായ ഖദ്യോതായ നമോ നമഃ

॥ 2 ॥

ശ്ലോക 4

മന്ദായ മന്ദചേഷ്ടായ മഹനീയഗുണാത്മനേ ।

മര്ത്യപാവനപാദായ മഹേശായ നമോ നമഃ

॥ 3 ॥

ശ്ലോക 5

ഛായാപുത്രായ ശര്വായ ശരതൂണീരധാരിണേ ।

ചരസ്ഥിരസ്വഭാവായ ചഞ്ചലായ നമോ നമഃ

॥ 4 ॥

ശ്ലോക 6

നീലവര്ണായ നിത്യായ നീലാഞ്ജനനിഭായ ച ।

നീലാമ്ബരവിഭൂഷായ നിശ്ചലായ നമോ നമഃ

॥ 5 ॥

ശ്ലോക 7

വേദ്യായ വിധിരൂപായ വിരോധാധാരഭൂമയേ ।

ഭേദാസ്പദസ്വഭാവായ വജ്രദേഹായ തേ നമഃ

॥ 6 ॥

ശ്ലോക 8

വൈരാഗ്യദായ വീരായ വീതരോഗഭയായ ച ।

വിപത്പരമ്പരേശായ വിശ്വവന്ദ്യായ തേ നമഃ

॥ 7 ॥

ശ്ലോക 9

ഗൃധ്നവാഹായ ഗൂഢായ കൂര്മാങ്ഗായ കുരൂപിണേ ।

കുത്സിതായ ഗുണാഢ്യായ ഗോചരായ നമോ നമഃ

॥ 8 ॥

ശ്ലോക 10

അവിദ്യാമൂലനാശായ വിദ്യാഽവിദ്യാസ്വരൂപിണേ ।

ആയുഷ്യകാരണായാഽഽപദുദ്ധര്ത്രേ ച നമോ നമഃ

॥ 9 ॥

ശ്ലോക 11

വിഷ്ണുഭക്തായ വശിനേ വിവിധാഗമവേദിനേ ।

വിധിസ്തുത്യായ വന്ദ്യായ വിരൂപാക്ഷായ തേ നമഃ

॥ 10 ॥

ശ്ലോക 12

വരിഷ്ഠായ ഗരിഷ്ഠായ വജ്രാങ്കുശധരായ ച ।

വരദാഽഭയഹസ്തായ വാമനായ നമോ നമഃ

॥ 11 ॥

ശ്ലോക 13

ജ്യേഷ്ഠാപത്നീസമേതായ ശ്രേഷ്ഠായ മിതഭാഷിണേ ।

കഷ്ടൌഘനാശകര്യായ പുഷ്ടിദായ നമോ നമഃ

॥ 12 ॥

ശ്ലോക 14

സ്തുത്യായ സ്തോത്രഗമ്യായ ഭക്തിവശ്യായ ഭാനവേ ।

ഭാനുപുത്രായ ഭവ്യായ പാവനായ നമോ നമഃ

॥ 13 ॥

ശ്ലോക 15

ധനുര്മണ്ഡലസംസ്ഥായ ധനദായ ധനുഷ്മതേ ।

തനുപ്രകാശദേഹായ താമസായ നമോ നമഃ

॥ 14 ॥

ശ്ലോക 16

അശേഷജനവന്ദ്യായ വിശേഷഫലദായിനേ ।

വശീകൃതജനേശായ പശൂനാം പതയേ നമഃ

॥ 15 ॥

ശ്ലോക 17

ഖേചരായ ഖഗേശായ ഘനനീലാമ്ബരായ ച ।

കാഠിന്യമാനസായാഽഽര്യഗണസ്തുത്യായ തേ നമഃ

॥ 16 ॥

ശ്ലോക 18

നീലച്ഛത്രായ നിത്യായ നിര്ഗുണായ ഗുണാത്മനേ ।

നിരാമയായ നിന്ദ്യായ വന്ദനീയായ തേ നമഃ

॥ 17 ॥

ശ്ലോക 19

ധീരായ ദിവ്യദേഹായ ദീനാര്തിഹരണായ ച ।

ദൈന്യനാശകരായാഽഽര്യജനഗണ്യായ തേ നമഃ

॥ 18 ॥

ശ്ലോക 20

ക്രൂരായ ക്രൂരചേഷ്ടായ കാമക്രോധകരായ ച ।

കലത്രപുത്രശത്രുത്വകാരണായ നമോ നമഃ

॥ 19 ॥

ശ്ലോക 21

പരിപോഷിതഭക്തായ പരഭീതിഹരായ ച ।

ഭക്തസങ്ഘമനോഽഭീഷ്ടഫലദായ നമോ നമഃ

॥ 20 ॥

ശ്ലോക 22

ഇത്ഥം ശനൈശ്ചരായേദം നാമ്നാമഷ്ടോത്തരം ശതമ് ।

പ്രത്യഹം പ്രജപന്മര്ത്യോ ദീര്ഘമായുരവാപ്നുയാത്

॥ 21 ॥

ശ്ലോക 23

ഇതി ശ്രീ ശനി അഷ്ടോത്തരശതനാമ സ്തോത്രമ് ।