ಶನಿ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶನಿ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶ್ಲೋಕ 1

ಶನೈಶ್ಚರಾಯ ಶಾನ್ತಾಯ ಸರ್ವಾಭೀಷ್ಟಪ್ರದಾಯಿನೇ ।

ಶರಣ್ಯಾಯ ವರೇಣ್ಯಾಯ ಸರ್ವೇಶಾಯ ನಮೋ ನಮಃ

ಶ್ಲೋಕ 2

ಸೌಮ್ಯಾಯ ಸುರವನ್ದ್ಯಾಯ ಸುರಲೋಕವಿಹಾರಿಣೇ ।

ಸುಖಾಸನೋಪವಿಷ್ಟಾಯ ಸುನ್ದರಾಯ ನಮೋ ನಮಃ

॥ 1 ॥

ಶ್ಲೋಕ 3

ಘನಾಯ ಘನರೂಪಾಯ ಘನಾಭರಣಧಾರಿಣೇ ।

ಘನಸಾರವಿಲೇಪಾಯ ಖದ್ಯೋತಾಯ ನಮೋ ನಮಃ

॥ 2 ॥

ಶ್ಲೋಕ 4

ಮನ್ದಾಯ ಮನ್ದಚೇಷ್ಟಾಯ ಮಹನೀಯಗುಣಾತ್ಮನೇ ।

ಮರ್ತ್ಯಪಾವನಪಾದಾಯ ಮಹೇಶಾಯ ನಮೋ ನಮಃ

॥ 3 ॥

ಶ್ಲೋಕ 5

ಛಾಯಾಪುತ್ರಾಯ ಶರ್ವಾಯ ಶರತೂಣೀರಧಾರಿಣೇ ।

ಚರಸ್ಥಿರಸ್ವಭಾವಾಯ ಚಞ್ಚಲಾಯ ನಮೋ ನಮಃ

॥ 4 ॥

ಶ್ಲೋಕ 6

ನೀಲವರ್ಣಾಯ ನಿತ್ಯಾಯ ನೀಲಾಞ್ಜನನಿಭಾಯ ಚ ।

ನೀಲಾಮ್ಬರವಿಭೂಷಾಯ ನಿಶ್ಚಲಾಯ ನಮೋ ನಮಃ

॥ 5 ॥

ಶ್ಲೋಕ 7

ವೇದ್ಯಾಯ ವಿಧಿರೂಪಾಯ ವಿರೋಧಾಧಾರಭೂಮಯೇ ।

ಭೇದಾಸ್ಪದಸ್ವಭಾವಾಯ ವಜ್ರದೇಹಾಯ ತೇ ನಮಃ

॥ 6 ॥

ಶ್ಲೋಕ 8

ವೈರಾಗ್ಯದಾಯ ವೀರಾಯ ವೀತರೋಗಭಯಾಯ ಚ ।

ವಿಪತ್ಪರಮ್ಪರೇಶಾಯ ವಿಶ್ವವನ್ದ್ಯಾಯ ತೇ ನಮಃ

॥ 7 ॥

ಶ್ಲೋಕ 9

ಗೃಧ್ನವಾಹಾಯ ಗೂಢಾಯ ಕೂರ್ಮಾಙ್ಗಾಯ ಕುರೂಪಿಣೇ ।

ಕುತ್ಸಿತಾಯ ಗುಣಾಢ್ಯಾಯ ಗೋಚರಾಯ ನಮೋ ನಮಃ

॥ 8 ॥

ಶ್ಲೋಕ 10

ಅವಿದ್ಯಾಮೂಲನಾಶಾಯ ವಿದ್ಯಾಽವಿದ್ಯಾಸ್ವರೂಪಿಣೇ ।

ಆಯುಷ್ಯಕಾರಣಾಯಾಽಽಪದುದ್ಧರ್ತ್ರೇ ಚ ನಮೋ ನಮಃ

॥ 9 ॥

ಶ್ಲೋಕ 11

ವಿಷ್ಣುಭಕ್ತಾಯ ವಶಿನೇ ವಿವಿಧಾಗಮವೇದಿನೇ ।

ವಿಧಿಸ್ತುತ್ಯಾಯ ವನ್ದ್ಯಾಯ ವಿರೂಪಾಕ್ಷಾಯ ತೇ ನಮಃ

॥ 10 ॥

ಶ್ಲೋಕ 12

ವರಿಷ್ಠಾಯ ಗರಿಷ್ಠಾಯ ವಜ್ರಾಙ್ಕುಶಧರಾಯ ಚ ।

ವರದಾಽಭಯಹಸ್ತಾಯ ವಾಮನಾಯ ನಮೋ ನಮಃ

॥ 11 ॥

ಶ್ಲೋಕ 13

ಜ್ಯೇಷ್ಠಾಪತ್ನೀಸಮೇತಾಯ ಶ್ರೇಷ್ಠಾಯ ಮಿತಭಾಷಿಣೇ ।

ಕಷ್ಟೌಘನಾಶಕರ್ಯಾಯ ಪುಷ್ಟಿದಾಯ ನಮೋ ನಮಃ

॥ 12 ॥

ಶ್ಲೋಕ 14

ಸ್ತುತ್ಯಾಯ ಸ್ತೋತ್ರಗಮ್ಯಾಯ ಭಕ್ತಿವಶ್ಯಾಯ ಭಾನವೇ ।

ಭಾನುಪುತ್ರಾಯ ಭವ್ಯಾಯ ಪಾವನಾಯ ನಮೋ ನಮಃ

॥ 13 ॥

ಶ್ಲೋಕ 15

ಧನುರ್ಮಣ್ಡಲಸಂಸ್ಥಾಯ ಧನದಾಯ ಧನುಷ್ಮತೇ ।

ತನುಪ್ರಕಾಶದೇಹಾಯ ತಾಮಸಾಯ ನಮೋ ನಮಃ

॥ 14 ॥

ಶ್ಲೋಕ 16

ಅಶೇಷಜನವನ್ದ್ಯಾಯ ವಿಶೇಷಫಲದಾಯಿನೇ ।

ವಶೀಕೃತಜನೇಶಾಯ ಪಶೂನಾಂ ಪತಯೇ ನಮಃ

॥ 15 ॥

ಶ್ಲೋಕ 17

ಖೇಚರಾಯ ಖಗೇಶಾಯ ಘನನೀಲಾಮ್ಬರಾಯ ಚ ।

ಕಾಠಿನ್ಯಮಾನಸಾಯಾಽಽರ್ಯಗಣಸ್ತುತ್ಯಾಯ ತೇ ನಮಃ

॥ 16 ॥

ಶ್ಲೋಕ 18

ನೀಲಚ್ಛತ್ರಾಯ ನಿತ್ಯಾಯ ನಿರ್ಗುಣಾಯ ಗುಣಾತ್ಮನೇ ।

ನಿರಾಮಯಾಯ ನಿನ್ದ್ಯಾಯ ವನ್ದನೀಯಾಯ ತೇ ನಮಃ

॥ 17 ॥

ಶ್ಲೋಕ 19

ಧೀರಾಯ ದಿವ್ಯದೇಹಾಯ ದೀನಾರ್ತಿಹರಣಾಯ ಚ ।

ದೈನ್ಯನಾಶಕರಾಯಾಽಽರ್ಯಜನಗಣ್ಯಾಯ ತೇ ನಮಃ

॥ 18 ॥

ಶ್ಲೋಕ 20

ಕ್ರೂರಾಯ ಕ್ರೂರಚೇಷ್ಟಾಯ ಕಾಮಕ್ರೋಧಕರಾಯ ಚ ।

ಕಲತ್ರಪುತ್ರಶತ್ರುತ್ವಕಾರಣಾಯ ನಮೋ ನಮಃ

॥ 19 ॥

ಶ್ಲೋಕ 21

ಪರಿಪೋಷಿತಭಕ್ತಾಯ ಪರಭೀತಿಹರಾಯ ಚ ।

ಭಕ್ತಸಙ್ಘಮನೋಽಭೀಷ್ಟಫಲದಾಯ ನಮೋ ನಮಃ

॥ 20 ॥

ಶ್ಲೋಕ 22

ಇತ್ಥಂ ಶನೈಶ್ಚರಾಯೇದಂ ನಾಮ್ನಾಮಷ್ಟೋತ್ತರಂ ಶತಮ್ ।

ಪ್ರತ್ಯಹಂ ಪ್ರಜಪನ್ಮರ್ತ್ಯೋ ದೀರ್ಘಮಾಯುರವಾಪ್ನುಯಾತ್

॥ 21 ॥

ಶ್ಲೋಕ 23

ಇತಿ ಶ್ರೀ ಶನಿ ಅಷ್ಟೋತ್ತರಶತನಾಮ ಸ್ತೋತ್ರಮ್ ।