రఙ్గనాథ అష్టకం

రఙ్గనాథ అష్టకం

శ్లోక 1

ఆనన్దరూపే నిజబోధరూపే

బ్రహ్మస్వరూపే శ్రుతిమూర్తిరూపే ।

శశాఙ్కరూపే రమణీయరూపే

శ్రీరఙ్గరూపే రమతాం మనో మే

శ్లోక 2

కావేరితీరే కరుణావిలోలే

మన్దారమూలే ధృతచారుకేలే ।

దైత్యాన్తకాలేఽఖిలలోకలీలే

శ్రీరఙ్గలీలే రమతాం మనో మే

॥ 1 ॥

శ్లోక 3

లక్ష్మీనివాసే జగతాం నివాసే

హృత్పద్మవాసే రవిబిమ్బవాసే ।

కృపానివాసే గుణబృన్దవాసే

శ్రీరఙ్గవాసే రమతాం మనో మే

॥ 2 ॥

శ్లోక 4

బ్రహ్మాదివన్ద్యే జగదేకవన్ద్యే

ముకున్దవన్ద్యే సురనాథవన్ద్యే ।

వ్యాసాదివన్ద్యే సనకాదివన్ద్యే

శ్రీరఙ్గవన్ద్యే రమతాం మనో మే

॥ 3 ॥

శ్లోక 5

బ్రహ్మాధిరాజే గరుడాధిరాజే

వైకుణ్ఠరాజే సురరాజరాజే ।

త్రైలోక్యరాజేఽఖిలలోకరాజే

శ్రీరఙ్గరాజే రమతాం మనో మే

॥ 4 ॥

శ్లోక 6

అమోఘముద్రే పరిపూర్ణనిద్రే

శ్రీయోగనిద్రే ససముద్రనిద్రే ।

శ్రితైకభద్రే జగదేకనిద్రే

శ్రీరఙ్గభద్రే రమతాం మనో మే

॥ 5 ॥

శ్లోక 7

సచిత్రశాయీ భుజగేన్ద్రశాయీ

నన్దాఙ్కశాయీ కమలాఙ్కశాయీ ।

క్షీరాబ్ధిశాయీ వటపత్రశాయీ

శ్రీరఙ్గశాయీ రమతాం మనో మే

॥ 6 ॥

శ్లోక 8

ఇదం హి రఙ్గం త్యజతామిహాఙ్గం

పునర్న చాఙ్గం యది చాఙ్గమేతి ।

పాణౌ రథాఙ్గం చరణేఽమ్బు గాఙ్గం

యానే విహఙ్గం శయనే భుజఙ్గమ్

॥ 7 ॥

శ్లోక 9

రఙ్గనాథాష్టకం పుణ్యం ప్రాతరుత్థాయ యః పఠేత్ ।

సర్వాన్కామానవాప్నోతి రఙ్గిసాయుజ్యమాప్నుయాత్

॥ 8 ॥

శ్లోక 10

ఇతి శ్రీ రఙ్గనాథాష్టకమ్ ।