ರಙ್ಗನಾಥ ಅಷ್ಟಕಂ

ರಙ್ಗನಾಥ ಅಷ್ಟಕಂ

ಶ್ಲೋಕ 1

ಆನನ್ದರೂಪೇ ನಿಜಬೋಧರೂಪೇ

ಬ್ರಹ್ಮಸ್ವರೂಪೇ ಶ್ರುತಿಮೂರ್ತಿರೂಪೇ ।

ಶಶಾಙ್ಕರೂಪೇ ರಮಣೀಯರೂಪೇ

ಶ್ರೀರಙ್ಗರೂಪೇ ರಮತಾಂ ಮನೋ ಮೇ

ಶ್ಲೋಕ 2

ಕಾವೇರಿತೀರೇ ಕರುಣಾವಿಲೋಲೇ

ಮನ್ದಾರಮೂಲೇ ಧೃತಚಾರುಕೇಲೇ ।

ದೈತ್ಯಾನ್ತಕಾಲೇಽಖಿಲಲೋಕಲೀಲೇ

ಶ್ರೀರಙ್ಗಲೀಲೇ ರಮತಾಂ ಮನೋ ಮೇ

॥ 1 ॥

ಶ್ಲೋಕ 3

ಲಕ್ಷ್ಮೀನಿವಾಸೇ ಜಗತಾಂ ನಿವಾಸೇ

ಹೃತ್ಪದ್ಮವಾಸೇ ರವಿಬಿಮ್ಬವಾಸೇ ।

ಕೃಪಾನಿವಾಸೇ ಗುಣಬೃನ್ದವಾಸೇ

ಶ್ರೀರಙ್ಗವಾಸೇ ರಮತಾಂ ಮನೋ ಮೇ

॥ 2 ॥

ಶ್ಲೋಕ 4

ಬ್ರಹ್ಮಾದಿವನ್ದ್ಯೇ ಜಗದೇಕವನ್ದ್ಯೇ

ಮುಕುನ್ದವನ್ದ್ಯೇ ಸುರನಾಥವನ್ದ್ಯೇ ।

ವ್ಯಾಸಾದಿವನ್ದ್ಯೇ ಸನಕಾದಿವನ್ದ್ಯೇ

ಶ್ರೀರಙ್ಗವನ್ದ್ಯೇ ರಮತಾಂ ಮನೋ ಮೇ

॥ 3 ॥

ಶ್ಲೋಕ 5

ಬ್ರಹ್ಮಾಧಿರಾಜೇ ಗರುಡಾಧಿರಾಜೇ

ವೈಕುಣ್ಠರಾಜೇ ಸುರರಾಜರಾಜೇ ।

ತ್ರೈಲೋಕ್ಯರಾಜೇಽಖಿಲಲೋಕರಾಜೇ

ಶ್ರೀರಙ್ಗರಾಜೇ ರಮತಾಂ ಮನೋ ಮೇ

॥ 4 ॥

ಶ್ಲೋಕ 6

ಅಮೋಘಮುದ್ರೇ ಪರಿಪೂರ್ಣನಿದ್ರೇ

ಶ್ರೀಯೋಗನಿದ್ರೇ ಸಸಮುದ್ರನಿದ್ರೇ ।

ಶ್ರಿತೈಕಭದ್ರೇ ಜಗದೇಕನಿದ್ರೇ

ಶ್ರೀರಙ್ಗಭದ್ರೇ ರಮತಾಂ ಮನೋ ಮೇ

॥ 5 ॥

ಶ್ಲೋಕ 7

ಸಚಿತ್ರಶಾಯೀ ಭುಜಗೇನ್ದ್ರಶಾಯೀ

ನನ್ದಾಙ್ಕಶಾಯೀ ಕಮಲಾಙ್ಕಶಾಯೀ ।

ಕ್ಷೀರಾಬ್ಧಿಶಾಯೀ ವಟಪತ್ರಶಾಯೀ

ಶ್ರೀರಙ್ಗಶಾಯೀ ರಮತಾಂ ಮನೋ ಮೇ

॥ 6 ॥

ಶ್ಲೋಕ 8

ಇದಂ ಹಿ ರಙ್ಗಂ ತ್ಯಜತಾಮಿಹಾಙ್ಗಂ

ಪುನರ್ನ ಚಾಙ್ಗಂ ಯದಿ ಚಾಙ್ಗಮೇತಿ ।

ಪಾಣೌ ರಥಾಙ್ಗಂ ಚರಣೇಽಮ್ಬು ಗಾಙ್ಗಂ

ಯಾನೇ ವಿಹಙ್ಗಂ ಶಯನೇ ಭುಜಙ್ಗಮ್

॥ 7 ॥

ಶ್ಲೋಕ 9

ರಙ್ಗನಾಥಾಷ್ಟಕಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।

ಸರ್ವಾನ್ಕಾಮಾನವಾಪ್ನೋತಿ ರಙ್ಗಿಸಾಯುಜ್ಯಮಾಪ್ನುಯಾತ್

॥ 8 ॥

ಶ್ಲೋಕ 10

ಇತಿ ಶ್ರೀ ರಙ್ಗನಾಥಾಷ್ಟಕಮ್ ।