శ్రీ రామ రక్షా స్తోత్రమ్

శ్రీ రామ రక్షా స్తోత్రమ్

శ్లోక 1

ఓం అస్య శ్రీ రామరక్షా స్తోత్రమన్త్రస్య

బుధకౌశిక ఋషిః

శ్రీ సీతారామ చన్ద్రోదేవతా

అనుష్టుప్ ఛన్దః

సీతా శక్తిః

శ్రీమద్ హనుమాన్ కీలకమ్

శ్రీరామచన్ద్ర ప్రీత్యర్థే రామరక్షా స్తోత్రజపే వినియోగః ॥

ధ్యానమ్

ధ్యాయేదాజానుబాహుం ధృతశర ధనుషం బద్ధ పద్మాసనస్థం

పీతం వాసోవసానం నవకమల దలస్పర్థి నేత్రం ప్రసన్నమ్ ।

వామాఙ్కారూఢ సీతాముఖ కమలమిలల్లోచనం నీరదాభం

నానాలఙ్కార దీప్తం దధతమురు జటామణ్డలం రామచన్ద్రమ్ ॥

స్తోత్రమ్

చరితం రఘునాథస్య శతకోటి ప్రవిస్తరమ్ ।

ఏకైకమక్షరం పుంసాం మహాపాతక నాశనమ్

శ్లోక 2

ధ్యాత్వా నీలోత్పల శ్యామం రామం రాజీవలోచనమ్ ।

జానకీ లక్ష్మణోపేతం జటాముకుట మణ్డితమ్

॥ 1 ॥

శ్లోక 3

సాసితూణ ధనుర్బాణ పాణిం నక్తం చరాన్తకమ్ ।

స్వలీలయా జగత్త్రాతు మావిర్భూతమజం విభుమ్

॥ 2 ॥

శ్లోక 4

రామరక్షాం పఠేత్ప్రాజ్ఞః పాపఘ్నీం సర్వకామదామ్ ।

శిరో మే రాఘవః పాతు ఫాలం (భాలం) దశరథాత్మజః

॥ 3 ॥

శ్లోక 5

కౌసల్యేయో దృశౌపాతు విశ్వామిత్రప్రియః శృతీ ।

ఘ్రాణం పాతు మఖత్రాతా ముఖం సౌమిత్రివత్సలః

॥ 4 ॥

శ్లోక 6

జిహ్వాం విద్యానిధిః పాతు కణ్ఠం భరతవన్దితః ।

స్కన్ధౌ దివ్యాయుధః పాతు భుజౌ భగ్నేశకార్ముకః

॥ 5 ॥

శ్లోక 7

కరౌ సీతాపతిః పాతు హృదయం జామదగ్న్యజిత్ ।

మధ్యం పాతు ఖరధ్వంసీ నాభిం జామ్బవదాశ్రయః

॥ 6 ॥

శ్లోక 8

సుగ్రీవేశః కటిం పాతు సక్థినీ హనుమత్-ప్రభుః ।

ఊరూ రఘూత్తమః పాతు రక్షఃకుల వినాశకృత్

॥ 7 ॥

శ్లోక 9

జానునీ సేతుకృత్-పాతు జఙ్ఘే దశముఖాన్తకః ।

పాదౌ విభీషణశ్రీదః పాతు రామోఽఖిలం వపుః

॥ 8 ॥

శ్లోక 10

ఏతాం రామబలోపేతాం రక్షాం యః సుకృతీ పఠేత్ ।

స చిరాయుః సుఖీ పుత్రీ విజయీ వినయీ భవేత్

॥ 9 ॥

శ్లోక 11

పాతాల-భూతల-వ్యోమ-చారిణ-శ్చద్మ-చారిణః ।

న ద్రష్టుమపి శక్తాస్తే రక్షితం రామనామభిః

॥ 10 ॥

శ్లోక 12

రామేతి రామభద్రేతి రామచన్ద్రేతి వా స్మరన్ ।

నరో న లిప్యతే పాపైర్భుక్తిం ముక్తిం చ విన్దతి

॥ 11 ॥

శ్లోక 13

జగజ్జైత్రైక మన్త్రేణ రామనామ్నాభి రక్షితమ్ ।

యః కణ్ఠే ధారయేత్తస్య కరస్థాః సర్వసిద్ధయః

॥ 12 ॥

శ్లోక 14

వజ్రపఞ్జర నామేదం యో రామకవచం స్మరేత్ ।

అవ్యాహతాజ్ఞః సర్వత్ర లభతే జయమఙ్గలమ్

॥ 13 ॥

శ్లోక 15

ఆదిష్టవాన్-యథా స్వప్నే రామరక్షామిమాం హరః ।

తథా లిఖితవాన్-ప్రాతః ప్రబుద్ధౌ బుధకౌశికః

॥ 14 ॥

శ్లోక 16

ఆరామః కల్పవృక్షాణాం విరామః సకలాపదామ్ ।

అభిరామ-స్త్రిలోకానాం రామః శ్రీమాన్ స నః ప్రభుః

॥ 15 ॥

శ్లోక 17

తరుణౌ రూపసమ్పన్నౌ సుకుమారౌ మహాబలౌ ।

పుణ్డరీక విశాలాక్షౌ చీరకృష్ణాజినామ్బరౌ

॥ 16 ॥

శ్లోక 18

ఫలమూలాశినౌ దాన్తౌ తాపసౌ బ్రహ్మచారిణౌ ।

పుత్రౌ దశరథస్యైతౌ భ్రాతరౌ రామలక్ష్మణౌ

॥ 17 ॥

శ్లోక 19

శరణ్యౌ సర్వసత్త్వానాం శ్రేష్ఠౌ సర్వధనుష్మతామ్ ।

రక్షఃకుల నిహన్తారౌ త్రాయేతాం నో రఘూత్తమౌ

॥ 18 ॥

శ్లోక 20

ఆత్త సజ్య ధనుషా విషుస్పృశా వక్షయాశుగ నిషఙ్గ సఙ్గినౌ ।

రక్షణాయ మమ రామలక్షణావగ్రతః పథి సదైవ గచ్ఛతామ్

॥ 19 ॥

శ్లోక 21

సన్నద్ధః కవచీ ఖడ్గీ చాపబాణధరో యువా ।

గచ్ఛన్ మనోరథాన్నశ్చ (మనోరథోఽస్మాకం) రామః పాతు స లక్ష్మణః

॥ 20 ॥

శ్లోక 22

రామో దాశరథి శ్శూరో లక్ష్మణానుచరో బలీ ।

కాకుత్సః పురుషః పూర్ణః కౌసల్యేయో రఘూత్తమః

॥ 21 ॥

శ్లోక 23

వేదాన్తవేద్యో యజ్ఞేశః పురాణ పురుషోత్తమః ।

జానకీవల్లభః శ్రీమానప్రమేయ పరాక్రమః

॥ 22 ॥

శ్లోక 24

ఇత్యేతాని జపేన్నిత్యం మద్భక్తః శ్రద్ధయాన్వితః ।

అశ్వమేధాధికం పుణ్యం సమ్ప్రాప్నోతి న సంశయః

॥ 23 ॥

శ్లోక 25

రామం దూర్వాదల శ్యామం పద్మాక్షం పీతవాససమ్ ।

స్తువన్తి నామభి-ర్దివ్యైర్న తే సంసారిణో నరాః

॥ 24 ॥

శ్లోక 26

రామం లక్ష్మణ పూర్వజం రఘువరం సీతాపతిం సున్దరమ్

కాకుత్స్థం కరుణార్ణవం గుణనిధిం విప్రప్రియం ధార్మికమ్ ।

రాజేన్ద్రం సత్యసన్ధం దశరథతనయం శ్యామలం శాన్తమూర్తిమ్

వన్దే లోకాభిరామం రఘుకుల తిలకం రాఘవం రావణారిమ్

॥ 25 ॥

శ్లోక 27

రామాయ రామభద్రాయ రామచన్ద్రాయ వేధసే ।

రఘునాథాయ నాథాయ సీతాయాః పతయే నమః

॥ 26 ॥

శ్లోక 28

శ్రీరామ రామ రఘునన్దన రామ రామ

శ్రీరామ రామ భరతాగ్రజ రామ రామ ।

శ్రీరామ రామ రణకర్కశ రామ రామ

శ్రీరామ రామ శరణం భవ రామ రామ

॥ 27 ॥

శ్లోక 29

శ్రీరామ చన్ద్ర చరణౌ మనసా స్మరామి

శ్రీరామ చన్ద్ర చరణౌ వచసా గృహ్ణామి ।

శ్రీరామ చన్ద్ర చరణౌ శిరసా నమామి

శ్రీరామ చన్ద్ర చరణౌ శరణం ప్రపద్యే

॥ 28 ॥

శ్లోక 30

మాతా రామో మత్-పితా రామచన్ద్రః

స్వామీ రామో మత్-సఖా రామచన్ద్రః ।

సర్వస్వం మే రామచన్ద్రో దయాలుః

నాన్యం జానే నైవ జానే న జానే

॥ 29 ॥

శ్లోక 31

దక్షిణే లక్ష్మణో యస్య వామే చ (తు) జనకాత్మజా ।

పురతో మారుతిర్యస్య తం వన్దే రఘునన్దనమ్

॥ 30 ॥

శ్లోక 32

లోకాభిరామం రణరఙ్గధీరం

రాజీవనేత్రం రఘువంశనాథమ్ ।

కారుణ్యరూపం కరుణాకరం తం

శ్రీరామచన్ద్రం శరణ్యం ప్రపద్యే

॥ 31 ॥

శ్లోక 33

మనోజవం మారుత తుల్య వేగం

జితేన్ద్రియం బుద్ధిమతాం వరిష్టమ్ ।

వాతాత్మజం వానరయూథ ముఖ్యం

శ్రీరామదూతం శరణం ప్రపద్యే

॥ 32 ॥

శ్లోక 34

కూజన్తం రామరామేతి మధురం మధురాక్షరమ్ ।

ఆరుహ్యకవితా శాఖాం వన్దే వాల్మీకి కోకిలమ్

॥ 33 ॥

శ్లోక 35

ఆపదామపహర్తారం దాతారం సర్వసమ్పదామ్ ।

లోకాభిరామం శ్రీరామం భూయోభూయో నమామ్యహమ్

॥ 34 ॥

శ్లోక 36

భర్జనం భవబీజానామర్జనం సుఖసమ్పదామ్ ।

తర్జనం యమదూతానాం రామ రామేతి గర్జనమ్

॥ 35 ॥

శ్లోక 37

రామో రాజమణిః సదా విజయతే రామం రమేశం భజే

రామేణాభిహతా నిశాచరచమూ రామాయ తస్మై నమః ।

రామాన్నాస్తి పరాయణం పరతరం రామస్య దాసోస్మ్యహం

రామే చిత్తలయః సదా భవతు మే భో రామ మాముద్ధర

॥ 36 ॥

శ్లోక 38

శ్రీరామ రామ రామేతి రమే రామే మనోరమే ।

సహస్రనామ తత్తుల్యం రామ నామ వరాననే

॥ 37 ॥

శ్లోక 39

ఇతి శ్రీబుధకౌశికముని విరచితం శ్రీరామ రక్షాస్తోత్రం సమ్పూర్ణమ్ ।

శ్రీరామ జయరామ జయజయరామ ।