ശ്രീ രാമ രക്ഷാ സ്തോത്രമ്

ശ്രീ രാമ രക്ഷാ സ്തോത്രമ്

ശ്ലോക 1

ഓം അസ്യ ശ്രീ രാമരക്ഷാ സ്തോത്രമന്ത്രസ്യ

ബുധകൌശിക ഋഷിഃ

ശ്രീ സീതാരാമ ചന്ദ്രോദേവതാ

അനുഷ്ടുപ് ഛന്ദഃ

സീതാ ശക്തിഃ

ശ്രീമദ് ഹനുമാന് കീലകമ്

ശ്രീരാമചന്ദ്ര പ്രീത്യര്ഥേ രാമരക്ഷാ സ്തോത്രജപേ വിനിയോഗഃ ॥

ധ്യാനമ്

ധ്യായേദാജാനുബാഹും ധൃതശര ധനുഷം ബദ്ധ പദ്മാസനസ്ഥം

പീതം വാസോവസാനം നവകമല ദലസ്പര്ഥി നേത്രം പ്രസന്നമ് ।

വാമാങ്കാരൂഢ സീതാമുഖ കമലമിലല്ലോചനം നീരദാഭം

നാനാലങ്കാര ദീപ്തം ദധതമുരു ജടാമണ്ഡലം രാമചന്ദ്രമ് ॥

സ്തോത്രമ്

ചരിതം രഘുനാഥസ്യ ശതകോടി പ്രവിസ്തരമ് ।

ഏകൈകമക്ഷരം പുംസാം മഹാപാതക നാശനമ്

ശ്ലോക 2

ധ്യാത്വാ നീലോത്പല ശ്യാമം രാമം രാജീവലോചനമ് ।

ജാനകീ ലക്ഷ്മണോപേതം ജടാമുകുട മണ്ഡിതമ്

॥ 1 ॥

ശ്ലോക 3

സാസിതൂണ ധനുര്ബാണ പാണിം നക്തം ചരാന്തകമ് ।

സ്വലീലയാ ജഗത്ത്രാതു മാവിര്ഭൂതമജം വിഭുമ്

॥ 2 ॥

ശ്ലോക 4

രാമരക്ഷാം പഠേത്പ്രാജ്ഞഃ പാപഘ്നീം സര്വകാമദാമ് ।

ശിരോ മേ രാഘവഃ പാതു ഫാലം (ഭാലം) ദശരഥാത്മജഃ

॥ 3 ॥

ശ്ലോക 5

കൌസല്യേയോ ദൃശൌപാതു വിശ്വാമിത്രപ്രിയഃ ശൃതീ ।

ഘ്രാണം പാതു മഖത്രാതാ മുഖം സൌമിത്രിവത്സലഃ

॥ 4 ॥

ശ്ലോക 6

ജിഹ്വാം വിദ്യാനിധിഃ പാതു കണ്ഠം ഭരതവന്ദിതഃ ।

സ്കന്ധൌ ദിവ്യായുധഃ പാതു ഭുജൌ ഭഗ്നേശകാര്മുകഃ

॥ 5 ॥

ശ്ലോക 7

കരൌ സീതാപതിഃ പാതു ഹൃദയം ജാമദഗ്ന്യജിത് ।

മധ്യം പാതു ഖരധ്വംസീ നാഭിം ജാമ്ബവദാശ്രയഃ

॥ 6 ॥

ശ്ലോക 8

സുഗ്രീവേശഃ കടിം പാതു സക്ഥിനീ ഹനുമത്-പ്രഭുഃ ।

ഊരൂ രഘൂത്തമഃ പാതു രക്ഷഃകുല വിനാശകൃത്

॥ 7 ॥

ശ്ലോക 9

ജാനുനീ സേതുകൃത്-പാതു ജങ്ഘേ ദശമുഖാന്തകഃ ।

പാദൌ വിഭീഷണശ്രീദഃ പാതു രാമോഽഖിലം വപുഃ

॥ 8 ॥

ശ്ലോക 10

ഏതാം രാമബലോപേതാം രക്ഷാം യഃ സുകൃതീ പഠേത് ।

സ ചിരായുഃ സുഖീ പുത്രീ വിജയീ വിനയീ ഭവേത്

॥ 9 ॥

ശ്ലോക 11

പാതാല-ഭൂതല-വ്യോമ-ചാരിണ-ശ്ചദ്മ-ചാരിണഃ ।

ന ദ്രഷ്ടുമപി ശക്താസ്തേ രക്ഷിതം രാമനാമഭിഃ

॥ 10 ॥

ശ്ലോക 12

രാമേതി രാമഭദ്രേതി രാമചന്ദ്രേതി വാ സ്മരന് ।

നരോ ന ലിപ്യതേ പാപൈര്ഭുക്തിം മുക്തിം ച വിന്ദതി

॥ 11 ॥

ശ്ലോക 13

ജഗജ്ജൈത്രൈക മന്ത്രേണ രാമനാമ്നാഭി രക്ഷിതമ് ।

യഃ കണ്ഠേ ധാരയേത്തസ്യ കരസ്ഥാഃ സര്വസിദ്ധയഃ

॥ 12 ॥

ശ്ലോക 14

വജ്രപഞ്ജര നാമേദം യോ രാമകവചം സ്മരേത് ।

അവ്യാഹതാജ്ഞഃ സര്വത്ര ലഭതേ ജയമങ്ഗലമ്

॥ 13 ॥

ശ്ലോക 15

ആദിഷ്ടവാന്-യഥാ സ്വപ്നേ രാമരക്ഷാമിമാം ഹരഃ ।

തഥാ ലിഖിതവാന്-പ്രാതഃ പ്രബുദ്ധൌ ബുധകൌശികഃ

॥ 14 ॥

ശ്ലോക 16

ആരാമഃ കല്പവൃക്ഷാണാം വിരാമഃ സകലാപദാമ് ।

അഭിരാമ-സ്ത്രിലോകാനാം രാമഃ ശ്രീമാന് സ നഃ പ്രഭുഃ

॥ 15 ॥

ശ്ലോക 17

തരുണൌ രൂപസമ്പന്നൌ സുകുമാരൌ മഹാബലൌ ।

പുണ്ഡരീക വിശാലാക്ഷൌ ചീരകൃഷ്ണാജിനാമ്ബരൌ

॥ 16 ॥

ശ്ലോക 18

ഫലമൂലാശിനൌ ദാന്തൌ താപസൌ ബ്രഹ്മചാരിണൌ ।

പുത്രൌ ദശരഥസ്യൈതൌ ഭ്രാതരൌ രാമലക്ഷ്മണൌ

॥ 17 ॥

ശ്ലോക 19

ശരണ്യൌ സര്വസത്ത്വാനാം ശ്രേഷ്ഠൌ സര്വധനുഷ്മതാമ് ।

രക്ഷഃകുല നിഹന്താരൌ ത്രായേതാം നോ രഘൂത്തമൌ

॥ 18 ॥

ശ്ലോക 20

ആത്ത സജ്യ ധനുഷാ വിഷുസ്പൃശാ വക്ഷയാശുഗ നിഷങ്ഗ സങ്ഗിനൌ ।

രക്ഷണായ മമ രാമലക്ഷണാവഗ്രതഃ പഥി സദൈവ ഗച്ഛതാമ്

॥ 19 ॥

ശ്ലോക 21

സന്നദ്ധഃ കവചീ ഖഡ്ഗീ ചാപബാണധരോ യുവാ ।

ഗച്ഛന് മനോരഥാന്നശ്ച (മനോരഥോഽസ്മാകം) രാമഃ പാതു സ ലക്ഷ്മണഃ

॥ 20 ॥

ശ്ലോക 22

രാമോ ദാശരഥി ശ്ശൂരോ ലക്ഷ്മണാനുചരോ ബലീ ।

കാകുത്സഃ പുരുഷഃ പൂര്ണഃ കൌസല്യേയോ രഘൂത്തമഃ

॥ 21 ॥

ശ്ലോക 23

വേദാന്തവേദ്യോ യജ്ഞേശഃ പുരാണ പുരുഷോത്തമഃ ।

ജാനകീവല്ലഭഃ ശ്രീമാനപ്രമേയ പരാക്രമഃ

॥ 22 ॥

ശ്ലോക 24

ഇത്യേതാനി ജപേന്നിത്യം മദ്ഭക്തഃ ശ്രദ്ധയാന്വിതഃ ।

അശ്വമേധാധികം പുണ്യം സമ്പ്രാപ്നോതി ന സംശയഃ

॥ 23 ॥

ശ്ലോക 25

രാമം ദൂര്വാദല ശ്യാമം പദ്മാക്ഷം പീതവാസസമ് ।

സ്തുവന്തി നാമഭി-ര്ദിവ്യൈര്ന തേ സംസാരിണോ നരാഃ

॥ 24 ॥

ശ്ലോക 26

രാമം ലക്ഷ്മണ പൂര്വജം രഘുവരം സീതാപതിം സുന്ദരമ്

കാകുത്സ്ഥം കരുണാര്ണവം ഗുണനിധിം വിപ്രപ്രിയം ധാര്മികമ് ।

രാജേന്ദ്രം സത്യസന്ധം ദശരഥതനയം ശ്യാമലം ശാന്തമൂര്തിമ്

വന്ദേ ലോകാഭിരാമം രഘുകുല തിലകം രാഘവം രാവണാരിമ്

॥ 25 ॥

ശ്ലോക 27

രാമായ രാമഭദ്രായ രാമചന്ദ്രായ വേധസേ ।

രഘുനാഥായ നാഥായ സീതായാഃ പതയേ നമഃ

॥ 26 ॥

ശ്ലോക 28

ശ്രീരാമ രാമ രഘുനന്ദന രാമ രാമ

ശ്രീരാമ രാമ ഭരതാഗ്രജ രാമ രാമ ।

ശ്രീരാമ രാമ രണകര്കശ രാമ രാമ

ശ്രീരാമ രാമ ശരണം ഭവ രാമ രാമ

॥ 27 ॥

ശ്ലോക 29

ശ്രീരാമ ചന്ദ്ര ചരണൌ മനസാ സ്മരാമി

ശ്രീരാമ ചന്ദ്ര ചരണൌ വചസാ ഗൃഹ്ണാമി ।

ശ്രീരാമ ചന്ദ്ര ചരണൌ ശിരസാ നമാമി

ശ്രീരാമ ചന്ദ്ര ചരണൌ ശരണം പ്രപദ്യേ

॥ 28 ॥

ശ്ലോക 30

മാതാ രാമോ മത്-പിതാ രാമചന്ദ്രഃ

സ്വാമീ രാമോ മത്-സഖാ രാമചന്ദ്രഃ ।

സര്വസ്വം മേ രാമചന്ദ്രോ ദയാലുഃ

നാന്യം ജാനേ നൈവ ജാനേ ന ജാനേ

॥ 29 ॥

ശ്ലോക 31

ദക്ഷിണേ ലക്ഷ്മണോ യസ്യ വാമേ ച (തു) ജനകാത്മജാ ।

പുരതോ മാരുതിര്യസ്യ തം വന്ദേ രഘുനന്ദനമ്

॥ 30 ॥

ശ്ലോക 32

ലോകാഭിരാമം രണരങ്ഗധീരം

രാജീവനേത്രം രഘുവംശനാഥമ് ।

കാരുണ്യരൂപം കരുണാകരം തം

ശ്രീരാമചന്ദ്രം ശരണ്യം പ്രപദ്യേ

॥ 31 ॥

ശ്ലോക 33

മനോജവം മാരുത തുല്യ വേഗം

ജിതേന്ദ്രിയം ബുദ്ധിമതാം വരിഷ്ടമ് ।

വാതാത്മജം വാനരയൂഥ മുഖ്യം

ശ്രീരാമദൂതം ശരണം പ്രപദ്യേ

॥ 32 ॥

ശ്ലോക 34

കൂജന്തം രാമരാമേതി മധുരം മധുരാക്ഷരമ് ।

ആരുഹ്യകവിതാ ശാഖാം വന്ദേ വാല്മീകി കോകിലമ്

॥ 33 ॥

ശ്ലോക 35

ആപദാമപഹര്താരം ദാതാരം സര്വസമ്പദാമ് ।

ലോകാഭിരാമം ശ്രീരാമം ഭൂയോഭൂയോ നമാമ്യഹമ്

॥ 34 ॥

ശ്ലോക 36

ഭര്ജനം ഭവബീജാനാമര്ജനം സുഖസമ്പദാമ് ।

തര്ജനം യമദൂതാനാം രാമ രാമേതി ഗര്ജനമ്

॥ 35 ॥

ശ്ലോക 37

രാമോ രാജമണിഃ സദാ വിജയതേ രാമം രമേശം ഭജേ

രാമേണാഭിഹതാ നിശാചരചമൂ രാമായ തസ്മൈ നമഃ ।

രാമാന്നാസ്തി പരായണം പരതരം രാമസ്യ ദാസോസ്മ്യഹം

രാമേ ചിത്തലയഃ സദാ ഭവതു മേ ഭോ രാമ മാമുദ്ധര

॥ 36 ॥

ശ്ലോക 38

ശ്രീരാമ രാമ രാമേതി രമേ രാമേ മനോരമേ ।

സഹസ്രനാമ തത്തുല്യം രാമ നാമ വരാനനേ

॥ 37 ॥

ശ്ലോക 39

ഇതി ശ്രീബുധകൌശികമുനി വിരചിതം ശ്രീരാമ രക്ഷാസ്തോത്രം സമ്പൂര്ണമ് ।

ശ്രീരാമ ജയരാമ ജയജയരാമ ।