શ્રી રામ રક્ષા સ્તોત્રમ્

શ્રી રામ રક્ષા સ્તોત્રમ્

શ્લોક 1

ૐ અસ્ય શ્રી રામરક્ષા સ્તોત્રમન્ત્રસ્ય

બુધકૌશિક ઋષિઃ

શ્રી સીતારામ ચન્દ્રોદેવતા

અનુષ્ટુપ્ છન્દઃ

સીતા શક્તિઃ

શ્રીમદ્ હનુમાન્ કીલકમ્

શ્રીરામચન્દ્ર પ્રીત્યર્થે રામરક્ષા સ્તોત્રજપે વિનિયોગઃ ॥

ધ્યાનમ્

ધ્યાયેદાજાનુબાહું ધૃતશર ધનુષં બદ્ધ પદ્માસનસ્થં

પીતં વાસોવસાનં નવકમલ દલસ્પર્થિ નેત્રં પ્રસન્નમ્ ।

વામાઙ્કારૂઢ સીતામુખ કમલમિલલ્લોચનં નીરદાભં

નાનાલઙ્કાર દીપ્તં દધતમુરુ જટામણ્ડલં રામચન્દ્રમ્ ॥

સ્તોત્રમ્

ચરિતં રઘુનાથસ્ય શતકોટિ પ્રવિસ્તરમ્ ।

એકૈકમક્ષરં પુંસાં મહાપાતક નાશનમ્

શ્લોક 2

ધ્યાત્વા નીલોત્પલ શ્યામં રામં રાજીવલોચનમ્ ।

જાનકી લક્ષ્મણોપેતં જટામુકુટ મણ્ડિતમ્

॥ 1 ॥

શ્લોક 3

સાસિતૂણ ધનુર્બાણ પાણિં નક્તં ચરાન્તકમ્ ।

સ્વલીલયા જગત્ત્રાતુ માવિર્ભૂતમજં વિભુમ્

॥ 2 ॥

શ્લોક 4

રામરક્ષાં પઠેત્પ્રાજ્ઞઃ પાપઘ્નીં સર્વકામદામ્ ।

શિરો મે રાઘવઃ પાતુ ફાલં (ભાલં) દશરથાત્મજઃ

॥ 3 ॥

શ્લોક 5

કૌસલ્યેયો દૃશૌપાતુ વિશ્વામિત્રપ્રિયઃ શૃતી ।

ઘ્રાણં પાતુ મખત્રાતા મુખં સૌમિત્રિવત્સલઃ

॥ 4 ॥

શ્લોક 6

જિહ્વાં વિદ્યાનિધિઃ પાતુ કણ્ઠં ભરતવન્દિતઃ ।

સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ

॥ 5 ॥

શ્લોક 7

કરૌ સીતાપતિઃ પાતુ હૃદયં જામદગ્ન્યજિત્ ।

મધ્યં પાતુ ખરધ્વંસી નાભિં જામ્બવદાશ્રયઃ

॥ 6 ॥

શ્લોક 8

સુગ્રીવેશઃ કટિં પાતુ સક્થિની હનુમત્-પ્રભુઃ ।

ઊરૂ રઘૂત્તમઃ પાતુ રક્ષઃકુલ વિનાશકૃત્

॥ 7 ॥

શ્લોક 9

જાનુની સેતુકૃત્-પાતુ જઙ્ઘે દશમુખાન્તકઃ ।

પાદૌ વિભીષણશ્રીદઃ પાતુ રામોઽખિલં વપુઃ

॥ 8 ॥

શ્લોક 10

એતાં રામબલોપેતાં રક્ષાં યઃ સુકૃતી પઠેત્ ।

સ ચિરાયુઃ સુખી પુત્રી વિજયી વિનયી ભવેત્

॥ 9 ॥

શ્લોક 11

પાતાલ-ભૂતલ-વ્યોમ-ચારિણ-શ્ચદ્મ-ચારિણઃ ।

ન દ્રષ્ટુમપિ શક્તાસ્તે રક્ષિતં રામનામભિઃ

॥ 10 ॥

શ્લોક 12

રામેતિ રામભદ્રેતિ રામચન્દ્રેતિ વા સ્મરન્ ।

નરો ન લિપ્યતે પાપૈર્ભુક્તિં મુક્તિં ચ વિન્દતિ

॥ 11 ॥

શ્લોક 13

જગજ્જૈત્રૈક મન્ત્રેણ રામનામ્નાભિ રક્ષિતમ્ ।

યઃ કણ્ઠે ધારયેત્તસ્ય કરસ્થાઃ સર્વસિદ્ધયઃ

॥ 12 ॥

શ્લોક 14

વજ્રપઞ્જર નામેદં યો રામકવચં સ્મરેત્ ।

અવ્યાહતાજ્ઞઃ સર્વત્ર લભતે જયમઙ્ગલમ્

॥ 13 ॥

શ્લોક 15

આદિષ્ટવાન્-યથા સ્વપ્ને રામરક્ષામિમાં હરઃ ।

તથા લિખિતવાન્-પ્રાતઃ પ્રબુદ્ધૌ બુધકૌશિકઃ

॥ 14 ॥

શ્લોક 16

આરામઃ કલ્પવૃક્ષાણાં વિરામઃ સકલાપદામ્ ।

અભિરામ-સ્ત્રિલોકાનાં રામઃ શ્રીમાન્ સ નઃ પ્રભુઃ

॥ 15 ॥

શ્લોક 17

તરુણૌ રૂપસમ્પન્નૌ સુકુમારૌ મહાબલૌ ।

પુણ્ડરીક વિશાલાક્ષૌ ચીરકૃષ્ણાજિનામ્બરૌ

॥ 16 ॥

શ્લોક 18

ફલમૂલાશિનૌ દાન્તૌ તાપસૌ બ્રહ્મચારિણૌ ।

પુત્રૌ દશરથસ્યૈતૌ ભ્રાતરૌ રામલક્ષ્મણૌ

॥ 17 ॥

શ્લોક 19

શરણ્યૌ સર્વસત્ત્વાનાં શ્રેષ્ઠૌ સર્વધનુષ્મતામ્ ।

રક્ષઃકુલ નિહન્તારૌ ત્રાયેતાં નો રઘૂત્તમૌ

॥ 18 ॥

શ્લોક 20

આત્ત સજ્ય ધનુષા વિષુસ્પૃશા વક્ષયાશુગ નિષઙ્ગ સઙ્ગિનૌ ।

રક્ષણાય મમ રામલક્ષણાવગ્રતઃ પથિ સદૈવ ગચ્છતામ્

॥ 19 ॥

શ્લોક 21

સન્નદ્ધઃ કવચી ખડ્ગી ચાપબાણધરો યુવા ।

ગચ્છન્ મનોરથાન્નશ્ચ (મનોરથોઽસ્માકં) રામઃ પાતુ સ લક્ષ્મણઃ

॥ 20 ॥

શ્લોક 22

રામો દાશરથિ શ્શૂરો લક્ષ્મણાનુચરો બલી ।

કાકુત્સઃ પુરુષઃ પૂર્ણઃ કૌસલ્યેયો રઘૂત્તમઃ

॥ 21 ॥

શ્લોક 23

વેદાન્તવેદ્યો યજ્ઞેશઃ પુરાણ પુરુષોત્તમઃ ।

જાનકીવલ્લભઃ શ્રીમાનપ્રમેય પરાક્રમઃ

॥ 22 ॥

શ્લોક 24

ઇત્યેતાનિ જપેન્નિત્યં મદ્ભક્તઃ શ્રદ્ધયાન્વિતઃ ।

અશ્વમેધાધિકં પુણ્યં સમ્પ્રાપ્નોતિ ન સંશયઃ

॥ 23 ॥

શ્લોક 25

રામં દૂર્વાદલ શ્યામં પદ્માક્ષં પીતવાસસમ્ ।

સ્તુવન્તિ નામભિ-ર્દિવ્યૈર્ન તે સંસારિણો નરાઃ

॥ 24 ॥

શ્લોક 26

રામં લક્ષ્મણ પૂર્વજં રઘુવરં સીતાપતિં સુન્દરમ્

કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ્ ।

રાજેન્દ્રં સત્યસન્ધં દશરથતનયં શ્યામલં શાન્તમૂર્તિમ્

વન્દે લોકાભિરામં રઘુકુલ તિલકં રાઘવં રાવણારિમ્

॥ 25 ॥

શ્લોક 27

રામાય રામભદ્રાય રામચન્દ્રાય વેધસે ।

રઘુનાથાય નાથાય સીતાયાઃ પતયે નમઃ

॥ 26 ॥

શ્લોક 28

શ્રીરામ રામ રઘુનન્દન રામ રામ

શ્રીરામ રામ ભરતાગ્રજ રામ રામ ।

શ્રીરામ રામ રણકર્કશ રામ રામ

શ્રીરામ રામ શરણં ભવ રામ રામ

॥ 27 ॥

શ્લોક 29

શ્રીરામ ચન્દ્ર ચરણૌ મનસા સ્મરામિ

શ્રીરામ ચન્દ્ર ચરણૌ વચસા ગૃહ્ણામિ ।

શ્રીરામ ચન્દ્ર ચરણૌ શિરસા નમામિ

શ્રીરામ ચન્દ્ર ચરણૌ શરણં પ્રપદ્યે

॥ 28 ॥

શ્લોક 30

માતા રામો મત્-પિતા રામચન્દ્રઃ

સ્વામી રામો મત્-સખા રામચન્દ્રઃ ।

સર્વસ્વં મે રામચન્દ્રો દયાલુઃ

નાન્યં જાને નૈવ જાને ન જાને

॥ 29 ॥

શ્લોક 31

દક્ષિણે લક્ષ્મણો યસ્ય વામે ચ (તુ) જનકાત્મજા ।

પુરતો મારુતિર્યસ્ય તં વન્દે રઘુનન્દનમ્

॥ 30 ॥

શ્લોક 32

લોકાભિરામં રણરઙ્ગધીરં

રાજીવનેત્રં રઘુવંશનાથમ્ ।

કારુણ્યરૂપં કરુણાકરં તં

શ્રીરામચન્દ્રં શરણ્યં પ્રપદ્યે

॥ 31 ॥

શ્લોક 33

મનોજવં મારુત તુલ્ય વેગં

જિતેન્દ્રિયં બુદ્ધિમતાં વરિષ્ટમ્ ।

વાતાત્મજં વાનરયૂથ મુખ્યં

શ્રીરામદૂતં શરણં પ્રપદ્યે

॥ 32 ॥

શ્લોક 34

કૂજન્તં રામરામેતિ મધુરં મધુરાક્ષરમ્ ।

આરુહ્યકવિતા શાખાં વન્દે વાલ્મીકિ કોકિલમ્

॥ 33 ॥

શ્લોક 35

આપદામપહર્તારં દાતારં સર્વસમ્પદામ્ ।

લોકાભિરામં શ્રીરામં ભૂયોભૂયો નમામ્યહમ્

॥ 34 ॥

શ્લોક 36

ભર્જનં ભવબીજાનામર્જનં સુખસમ્પદામ્ ।

તર્જનં યમદૂતાનાં રામ રામેતિ ગર્જનમ્

॥ 35 ॥

શ્લોક 37

રામો રાજમણિઃ સદા વિજયતે રામં રમેશં ભજે

રામેણાભિહતા નિશાચરચમૂ રામાય તસ્મૈ નમઃ ।

રામાન્નાસ્તિ પરાયણં પરતરં રામસ્ય દાસોસ્મ્યહં

રામે ચિત્તલયઃ સદા ભવતુ મે ભો રામ મામુદ્ધર

॥ 36 ॥

શ્લોક 38

શ્રીરામ રામ રામેતિ રમે રામે મનોરમે ।

સહસ્રનામ તત્તુલ્યં રામ નામ વરાનને

॥ 37 ॥

શ્લોક 39

ઇતિ શ્રીબુધકૌશિકમુનિ વિરચિતં શ્રીરામ રક્ષાસ્તોત્રં સમ્પૂર્ણમ્ ।

શ્રીરામ જયરામ જયજયરામ ।