પિતૃ સૂક્તમ્

પિતૃ સૂક્તમ્

શ્લોક 1

(ઋ.1.10.15.1)

ઉદી॑રતા॒મવ॑ર॒ ઉત્પરા॑સ॒ ઉન્મ॑ધ્ય॒માઃ પિ॒તરઃ॑ સો॒મ્યાસઃ॑ ।

અસું॒-યઁ ઈ॒યુર॑વૃ॒કા ઋ॑ત॒જ્ઞાસ્તે નો॑-ઽવન્તુ પિ॒તરો॒ હવે॑ષુ ॥ 01

ઇ॒દ-મ્પિ॒તૃભ્યો॒ નમો॑ અસ્ત્વ॒દ્ય યે પૂર્વા॑સો॒ ય ઉપ॑રાસ ઈ॒યુઃ ।

યે પાર્થિ॑વે॒ રજ॒સ્યા નિષ॑ત્તા॒ યે વા॑ નૂ॒નં સુ॑વૃ॒જના॑સુ વિ॒ક્ષુ ॥ 02

આહ-મ્પિ॒તૄન્સુ॑વિ॒દત્રાં॑ અવિત્સિ॒ નપા॑ત-ઞ્ચ વિ॒ક્રમ॑ણ-ઞ્ચ॒ વિષ્ણોઃ॑ ।

બ॒ર્​હિ॒ષદો॒ યે સ્વ॒ધયા॑ સુ॒તસ્ય॒ ભજ॑ન્ત પિ॒ત્વસ્ત ઇ॒હાગ॑મિષ્ઠાઃ ॥ 03

બર્​હિ॑ષદઃ પિતર ઊ॒ત્ય(1॒॑ )ર્વાગિ॒મા વો॑ હ॒વ્યા ચ॑કૃમા જુ॒ષધ્વ॑મ્ ।

ત આ ગ॒તાવ॑સા॒ શન્ત॑મે॒નાથા॑ ન॒-શ્શં-યોઁર॑ર॒પો દ॑ધાત ॥ 04

ઉપ॑હૂતાઃ પિ॒તરઃ॑ સો॒મ્યાસો॑ બર્​હિ॒ષ્યે॑ષુ નિ॒ધિષુ॑ પ્રિ॒યેષુ॑ ।

ત આ ગ॑મન્તુ॒ ત ઇ॒હ શ્રુ॑વ॒ન્ત્વધિ॑ બ્રુવન્તુ॒ તે॑-ઽવન્ત્વ॒સ્માન્ ॥ 05

આચ્યા॒ જાનુ॑ દક્ષિણ॒તો નિ॒ષદ્યે॒મં-યઁ॒જ્ઞમ॒ભિ ગૃ॑ણીત॒ વિશ્વે॑ ।

મા હિં॑સિષ્ટ પિતરઃ॒ કેન॑ ચિન્નો॒ યદ્વ॒ આગઃ॑ પુરુ॒ષતા॒ કરા॑મ ॥ 06

આસી॑નાસો અરુ॒ણીના॑મુ॒પસ્થે॑ ર॒યિ-ન્ધ॑ત્ત દા॒શુષે॒ મર્ત્યા॑ય ।

પુ॒ત્રેભ્યઃ॑ પિતર॒સ્તસ્ય॒ વસ્વઃ॒ પ્ર ય॑ચ્છત॒ ત ઇ॒હોર્જ॑-ન્દધાત ॥ 07

યે નઃ॒ પૂર્વે॑ પિ॒તરઃ॑ સો॒મ્યાસો॑-ઽનૂહિ॒રે સો॑મપી॒થં-વઁસિ॑ષ્ઠાઃ ।

તેભિ॑ર્ય॒મ-સ્સં॑રરા॒ણો હ॒વીં‍ષ્યુ॒શન્નુ॒શદ્ભિઃ॑ પ્રતિકા॒મમ॑ત્તુ ॥ 08

યે તા॑તૃ॒ષુર્દે॑વ॒ત્રા જેહ॑માના હોત્રા॒વિદ॒-સ્સ્તોમ॑તષ્ટાસો અ॒ર્કૈઃ ।

આગ્ને॑ યાહિ સુવિ॒દત્રે॑ભિર॒ર્વાઙ્‍ સ॒ત્યૈઃ ક॒વ્યૈઃ પિ॒તૃભિ॑ર્ઘર્મ॒સદ્ભિઃ॑ ॥ 09

યે સ॒ત્યાસો॑ હવિ॒રદો॑ હવિ॒ષ્પા ઇન્દ્રે॑ણ દે॒વૈ-સ્સ॒રથ॒-ન્દધા॑નાઃ ।

આગ્ને॑ યાહિ સ॒હસ્ર॑-ન્દેવવ॒ન્દૈઃ પરૈઃ॒ પૂર્વૈઃ॑ પિ॒તૃભિ॑ર્ઘર્મ॒સદ્ભિઃ॑ ॥ 10

અગ્નિ॑ષ્વાત્તાઃ પિતર॒ એહ ગ॑ચ્છત॒ સદઃ॑સદ-સ્સદત સુપ્રણીતયઃ ।

અ॒ત્તા હ॒વીંષિ॒ પ્રય॑તાનિ બ॒ર્​હિષ્યથા॑ ર॒યિં સર્વ॑વીર-ન્દધાતન ॥ 11

ત્વમ॑ગ્ન ઈલિ॒તો જા॑તવે॒દો-ઽવા॑ડ્ઢ॒વ્યાનિ॑ સુર॒ભીણિ॑ કૃ॒ત્વી ।

પ્રાદાઃ॑ પિ॒તૃભ્યઃ॑ સ્વ॒ધયા॒ તે અ॑ક્ષન્ન॒દ્ધિ ત્વ-ન્દે॑વ॒ પ્રય॑તા હ॒વીંષિ॑ ॥ 12

યે ચે॒હ પિ॒તરો॒ યે ચ॒ નેહ યાં‍શ્ચ॑ વિ॒દ્મ યાઁ ઉ॑ ચ॒ ન પ્ર॑વિ॒દ્મ ।

ત્વં-વેઁ॑ત્થ॒ યતિ॒ તે જા॑તવેદ-સ્સ્વ॒ધાભિ॑ર્ય॒જ્ઞં સુકૃ॑ત-ઞ્જુષસ્વ ॥ 13

યે અ॑ગ્નિદ॒ગ્ધા યે અન॑ગ્નિદગ્ધા॒ મધ્યે॑ દિ॒વ-સ્સ્વ॒ધયા॑ મા॒દય॑ન્તે ।

તેભિઃ॑ સ્વ॒રાલસુ॑નીતિમે॒તાં-યઁ॑થાવ॒શ-ન્ત॒ન્વ॑-ઙ્કલ્પયસ્વ ॥ 14

ૐ શાન્તિ॒-શ્શાન્તિ॒-શ્શાન્તિઃ॑ ।