Pitru Stotram 3 (Brihaddharma Puranam)

पितृ स्तोत्रं 2 (बृहद्धर्म पुराणम्)

श्लोक 1

ब्रह्मोवाच ।

नमः पित्रे जन्मदात्रे सर्वदेवमयाय च ।

सुखदाय प्रसन्नाय सुप्रीताय महात्मने

श्लोक 2

सर्वयज्ञस्वरूपाय स्वर्गाय परमेष्ठिने ।

सर्वतीर्थावलोकाय करुणासागराय च

॥ 1 ॥

श्लोक 3

नमः सदाऽऽशुतोषाय शिवरूपाय ते नमः ।

सदाऽपराधक्षमिणे सुखाय सुखदाय च

॥ 2 ॥

श्लोक 4

दुर्लभं मानुषमिदं येन लब्धं मया वपुः ।

सम्भावनीयं धर्मार्थे तस्मै पित्रे नमो नमः

॥ 3 ॥

श्लोक 5

तीर्थस्नानतपोहोमजपादीन् यस्य दर्शनम् ।

महागुरोश्च गुरवे तस्मै पित्रे नमो नमः

॥ 4 ॥

श्लोक 6

यस्य प्रणाम स्तवनात् कोटिशः पितृतर्पणम् ।

अश्वमेधशतैस्तुल्यं तस्मै पित्रे नमो नमः

॥ 5 ॥

श्लोक 7

इदं स्तोत्रं पितृः पुण्यं यः पठेत् प्रयतो नरः ।

प्रत्यहं प्रातरुत्थाय पितृश्राद्धदिनेऽपि च

॥ 6 ॥

श्लोक 8

स्वजन्मदिवसे साक्षात् पितुरग्रे स्थितोऽपि वा ।

न तस्य दुर्लभं किञ्चित् सर्वज्ञत्वादि वाञ्छितम्

॥ 7 ॥

श्लोक 9

नानापकर्म कृत्वाऽपि यः स्तौति पितरं सुतः ।

स धृवं प्रविधायैव प्रायश्चित्तं सुखी भवेत् ।

पितृप्रीतिकरैर्नित्यं सर्वकर्माण्यथार्हति

॥ 8 ॥

श्लोक 10

इति बृहद्धर्मपुराणान्तर्गत ब्रह्मकृत पितृ स्तोत्रम् ।