శ్రీ పాణ్డురఙ్గ అష్టకమ్

శ్రీ పాణ్డురఙ్గ అష్టకమ్

శ్లోక 1

మహాయోగపీఠే తటే భీమరథ్యా

వరం పుణ్డరీకాయ దాతుం మునీన్ద్రైః ।

సమాగత్య తిష్ఠన్తమానన్దకన్దం

పరబ్రహ్మలిఙ్గం భజే పాణ్డురఙ్గమ్

శ్లోక 2

తటిద్వాససం నీలమేఘావభాసం

రమామన్దిరం సున్దరం చిత్ప్రకాశమ్ ।

వరం త్విష్టకాయాం సమన్యస్తపాదం

పరబ్రహ్మలిఙ్గం భజే పాణ్డురఙ్గమ్

॥ 1 ॥

శ్లోక 3

ప్రమాణం భవాబ్ధేరిదం మామకానాం

నితమ్బః కరాభ్యాం ధృతో యేన తస్మాత్ ।

విధాతుర్వసత్యై ధృతో నాభికోశః

పరబ్రహ్మలిఙ్గం భజే పాణ్డురఙ్గమ్

॥ 2 ॥

శ్లోక 4

స్ఫురత్కౌస్తుభాలఙ్కృతం కణ్ఠదేశే

శ్రియా జుష్టకేయూరకం శ్రీనివాసమ్ ।

శివం శాన్తమీడ్యం వరం లోకపాలం

పరబ్రహ్మలిఙ్గం భజే పాణ్డురఙ్గమ్

॥ 3 ॥

శ్లోక 5

శరచ్చన్ద్రబిమ్బాననం చారుహాసం

లసత్కుణ్డలాక్రాన్తగణ్డస్థలాన్తమ్ ।

జపారాగబిమ్బాధరం కఞ్జనేత్రం

పరబ్రహ్మలిఙ్గం భజే పాణ్డురఙ్గమ్

॥ 4 ॥

శ్లోక 6

కిరీటోజ్జ్వలత్సర్వదిక్ప్రాన్తభాగం

సురైరర్చితం దివ్యరత్నైరనర్ఘైః ।

త్రిభఙ్గాకృతిం బర్హమాల్యావతంసం

పరబ్రహ్మలిఙ్గం భజే పాణ్డురఙ్గమ్

॥ 5 ॥

శ్లోక 7

విభుం వేణునాదం చరన్తం దురన్తం

స్వయం లీలయా గోపవేషం దధానమ్ ।

గవాం బృన్దకానన్దదం చారుహాసం

పరబ్రహ్మలిఙ్గం భజే పాణ్డురఙ్గమ్

॥ 6 ॥

శ్లోక 8

అజం రుక్మిణీప్రాణసఞ్జీవనం తం

పరం ధామ కైవల్యమేకం తురీయమ్ ।

ప్రసన్నం ప్రపన్నార్తిహం దేవదేవం

పరబ్రహ్మలిఙ్గం భజే పాణ్డురఙ్గమ్

॥ 7 ॥

శ్లోక 9

స్తవం పాణ్డురఙ్గస్య వై పుణ్యదం యే

పఠన్త్యేకచిత్తేన భక్త్యా చ నిత్యమ్ ।

భవామ్భోనిధిం తేఽపి తీర్త్వాన్తకాలే

హరేరాలయం శాశ్వతం ప్రాప్నువన్తి

॥ 8 ॥

శ్లోక 10

ఇతి శ్రీమత్పరమహంస పరివ్రాజకాచార్య శ్రీమచ్ఛఙ్కరభగవత్పాదాచార్య విరచితం శ్రీ పాణ్డురఙ్గాష్టకమ్ ।