Chaurashtakam (Sri Chauragraganya Purushashtakam)

चौराष्टकम् (श्री चौराग्रगण्य पुरुषाष्टकम्)

श्लोक 1

व्रजे प्रसिद्धं नवनीतचौरं

गोपाङ्गनानां च दुकूलचौरम् ।

अनेकजन्मार्जितपापचौरं

चौराग्रगण्यं पुरुषं नमामि

श्लोक 2

श्रीराधिकाया हृदयस्य चौरं

नवाम्बुदश्यामलकान्तिचौरम् ।

पदाश्रितानां च समस्तचौरं

चौराग्रगण्यं पुरुषं नमामि

॥ 1॥

श्लोक 3

अकिञ्चनीकृत्य पदाश्रितं यः

करोति भिक्षुं पथि गेहहीनम् ।

केनाप्यहो भीषणचौर ईदृग्-

दृष्टःश्रुतो वा न जगत्त्रयेऽपि

॥ 2॥

श्लोक 4

यदीय नामापि हरत्यशेषं

गिरिप्रसारान् अपि पापराशीन् ।

आश्चर्यरूपो ननु चौर ईदृग्

दृष्टः श्रुतो वा न मया कदापि

॥ 3॥

श्लोक 5

धनं च मानं च तथेन्द्रियाणि

प्राणांश्च हृत्वा मम सर्वमेव ।

पलायसे कुत्र धृतोऽद्य चौर

त्वं भक्तिदाम्नासि मया निरुद्धः

॥ 4॥

श्लोक 6

छिनत्सि घोरं यमपाशबन्धं

भिनत्सि भीमं भवपाशबन्धम् ।

छिनत्सि सर्वस्य समस्तबन्धं

नैवात्मनो भक्तकृतं तु बन्धम्

॥ 5॥

श्लोक 7

मन्मानसे तामसराशिघोरे

कारागृहे दुःखमये निबद्धः ।

लभस्व हे चौर! हरे! चिराय

स्वचौर्यदोषोचितमेव दण्डम्

॥ 6॥

श्लोक 8

कारागृहे वस सदा हृदये मदीये

मद्भक्तिपाशदृढबन्धननिश्चलः सन् ।

त्वां कृष्ण हे! प्रलयकोटिशतान्तरेऽपि

सर्वस्वचौर! हृदयान् न हि मोचयामि

॥ 7॥

श्लोक 9

इति श्रीबिल्वमङ्गलठाकूरविरचितं चौराष्टकं सम्पूर्णम् ।

चौरग्रगण्य पुरुषाष्टकम् ।