Santana Gopala Stotram

सन्तान गोपाल स्तोत्रम्

श्लोक 1

ॐ गोपालाय विद्महे गोपीजन वल्लभाय धीमहि ।

तन्नो गोपालः प्रचोदयात् ॥

ॐ श्रीं ह्रीं क्लीं ग्लौं देवकी सुत गोविन्द वासुदेव जगत्पते

देहि मे तनयं कृष्ण त्वामहं शरणं गतः ॥

भूर्भुवस्सुवरोम् । इति दिग्विमोकः ॥

श्रीशं कमलपत्राक्षं देवकीनन्दनं हरिम् ।

सुतसम्प्राप्तये कृष्णं नमामि मधुसूदनम्

श्लोक 2

नमाम्यहं वासुदेवं सुतसम्प्राप्तये हरिम् ।

यशोदाङ्कगतं बालं गोपालं नन्दनन्दनम्

॥ 1 ॥

श्लोक 3

अस्माकं पुत्रलाभाय गोविन्दं मुनिवन्दितम् ।

नमाम्यहं वासुदेवं देवकीनन्दनं सदा

॥ 2 ॥

श्लोक 4

गोपालं डिम्भकं वन्दे कमलापतिमच्युतम् ।

पुत्रसम्प्राप्तये कृष्णं नमामि यदुपुङ्गवम्

॥ 3 ॥

श्लोक 5

पुत्रकामेष्टि फलदं कञ्जाक्षं कमलापतिम् ।

देवकीनन्दनं वन्दे सुतसम्प्राप्तये त्वहम् (मम)

॥ 4 ॥

श्लोक 6

पद्मापते पद्मनेत्र पद्मनाभ जनार्दन ।

देहि मे तनयं श्रीश वासुदेव जगत्पते

॥ 5 ॥

श्लोक 7

यशोदाङ्कगतं बालं गोविन्दं मुनिवन्दितम् ।

अनन्त (अस्माकं) पुत्रलाभाय नमामि श्रीशमच्युतम्

॥ 6 ॥

श्लोक 8

भूतकृत्-भूतभृद्भावो भुतात्मा भूतभावनः (श्रीपते देवदेवेश दीनार्तिर्हरणाच्युत) ।

गोविन्द मे सुतं देहि नमामि त्वां जनार्दन

॥ 7 ॥

श्लोक 9

भक्तकामद गोविन्द भक्तरक्ष शुभप्रद ।

देहि मे तनयं कृष्ण रुक्मिणीवल्लभ प्रभो

॥ 8 ॥

श्लोक 10

रुक्मिणीनाथ सर्वेश देहि मे तनयं सदा ।

भक्तमन्दार पद्माक्ष त्वामहं शरणं गतः

॥ 9 ॥

श्लोक 11

देवकीसुत गोविन्द वासुदेव जगत्पते ।

देहि मे तनयं कृष्ण त्वामहं शरणं गतः

॥ 10 ॥

श्लोक 12

वासुदेव जगद्वन्द्य श्रीपते पुरुषोत्तम ।

देहि मे तनयं कृष्ण त्वामहं शरणं गतः

॥ 11 ॥

श्लोक 13

कञ्जाक्ष कमलानाथ परकारुणिकोत्तम ।

देहि मे तनयं कृष्ण त्वामहं शरणं गतः

॥ 12 ॥

श्लोक 14

लक्ष्मीपते पद्मनाभ मुकुन्द मुनिवन्दित ।

देहि मे तनयं कृष्ण त्वामहं शरणं गतः

॥ 13 ॥

श्लोक 15

कार्यकारणरूपाय वासुदेवाय ते सदा ।

नमामि पुत्रलाभार्थं सुखदाय बुधाय ते

॥ 14 ॥

श्लोक 16

राजीवनेत्र श्रीराम रावणारे हरे कवे ।

तुभ्यं नमामि देवेश तनयं देहि मे हरे

॥ 15 ॥

श्लोक 17

अनन्त (अस्माकं) पुत्रलाभाय भजामि त्वां जगत्पते ।

देहि मे तनयं कृष्ण वासुदेव रमापते

॥ 16 ॥

श्लोक 18

श्रीमानिनी मानहारि (श्रीमानिनी मानचोर) गोपीवस्त्रापहारक ।

देहि मे तनयं कृष्ण वासुदेव जगत्पते

॥ 17 ॥

श्लोक 19

अस्माकं पुत्रसम्प्राप्तिं कुरुष्व यदुनन्दन ।

रमापते वासुदेव मुकुन्द मुनिवन्दित

॥ 18 ॥

श्लोक 20

वासुदेव सुतं देहि तनयं देहि माधव ।

पुत्रं मे देहि श्रीकृष्ण वत्सं देहि महाप्रभो

॥ 19 ॥

श्लोक 21

डिम्भकं देहि श्रीकृष्ण आत्मजं देहि राघव ।

भक्तमन्दार मे देहि तनयं नन्दनन्दन

॥ 20 ॥

श्लोक 22

नन्दनं देहि मे कृष्ण वासुदेव जगत्पते ।

कमलानाथ गोविन्द मुकुन्द मुनिवन्दित

॥ 21 ॥

श्लोक 23

अन्यथा शरणं नास्ति त्वमेव शरणं मम ।

सुतं देहि श्रियं देहि श्रियं पुत्रं प्रदेहि मे

॥ 22 ॥

श्लोक 24

यशोदास्तन्यपानज्ञं पिबन्तं यदुनन्दनम् ।

वन्देऽहं पुत्रलाभार्थं कपिलाक्षं हरिं सदा

॥ 23 ॥

श्लोक 25

नन्दनन्दन देवेश नन्दनं देहि मे प्रभो ।

रमापते वासुदेव श्रियं पुत्रं जगत्पते

॥ 24 ॥

श्लोक 26

पुत्रं श्रियं श्रियं पुत्रं पुत्रं मे देहि माधव ।

अस्माकं दीनवाक्यं च (दीनवाक्यस्य) अवधारय श्रीपते

॥ 25 ॥

श्लोक 27

गोपाल डिम्भ गोविन्द वासुदेव रमापते ।

अस्माकं डिम्भकं देहि श्रियं देहि जगत्पते

॥ 26 ॥

श्लोक 28

मद्वाञ्छितफलं देहि देवकीनन्दनाच्युत ।

मान्द (मम) पुत्रार्थितं धन्यं कुरुष्व यदुनन्दन

॥ 27 ॥

श्लोक 29

याचेऽहं त्वां श्रियं पुत्रं देहि मे पुत्रसम्पदम् ।

भक्तचिन्तामणे राम कल्पवृक्ष महाप्रभो

॥ 28 ॥

श्लोक 30

आत्मजं नन्दनं पुत्रं कुमारं डिम्भकं सुतम् ।

अर्भकं तनयं देहि सदा मे रघुनन्दन

॥ 29 ॥

श्लोक 31

वन्दे सन्तानगोपालं माधवं भक्तकामदम् ।

अस्माकं पुत्रसम्प्राप्त्यै सदा गोविन्दमच्युतम्

॥ 30 ॥

श्लोक 32

ओङ्कारयुक्तं गोपालं श्रीयुक्तं यदुनन्दनम् ।

क्लींयुक्तं देवकीपुत्रं नमामि यदुनायकम्

॥ 31 ॥

श्लोक 33

वासुदेव मुकुन्देश गोविन्द माधवाच्युत ।

देहि मे तनयं कृष्ण रमानाथ महाप्रभो

॥ 32 ॥

श्लोक 34

राजीवनेत्र गोविन्द कपिलाक्ष हरे प्रभो ।

समस्त काम्यवरद देहि मे तनयं सदा

॥ 33 ॥

श्लोक 35

पद्मनाभ श्यामपद्म बृन्दरूप जगद्पते (अब्जपद्मनिभ पद्मवृन्दरूप जगत्पते) ।

सत्पुत्रं (वरसत्पुत्रं) देहि मे देव रमानायक (रूपनायक) माधव

॥ 34 ॥

श्लोक 36

नन्दपाल धरापाल गोविन्द यदुनन्दन ।

देहि मे तनयं कृष्ण रुक्मिणीवल्लभ प्रभो

॥ 35 ॥

श्लोक 37

दासमन्दार गोविन्द मुकुन्द माधवाच्युत ।

गोपाल पुण्डरीकाक्ष देहि मे तनयं श्रियम्

॥ 36 ॥

श्लोक 38

यदुनायक पद्मेश नन्दगोपवधूसुत ।

देहि मे तनयं कृष्ण श्रीराध (श्रीधर) प्राणनायक

॥ 37 ॥

श्लोक 39

अस्माकं वाञ्छितं देहि देहि पुत्रं रमापते ।

स्तुवदाम् (भगवन्) कृष्ण सर्वेश वासुदेव जगत्पते

॥ 38 ॥

श्लोक 40

रमाहृदयसम्भार सत्यभामामनःप्रिय ।

देहि मे तनयं कृष्ण रुक्मिणीवल्लभ प्रभो

॥ 39 ॥

श्लोक 41

चन्द्रसूर्याक्ष गोविन्द पुण्डरीकाक्ष माधव ।

अस्माकं भाग्यसत्पुत्रं देहि देव जगत्पते

॥ 40 ॥

श्लोक 42

कारुण्यरूप पद्माक्ष पद्मनाभ-समर्चित ।

देहि मे तनयं कृष्ण देवकीनन्दनन्दन

॥ 41 ॥

श्लोक 43

देवकीसुत श्रीनाथ वासुदेव जगत्पते ।

समस्तकामफलद देहि मे तनयं सदा

॥ 42 ॥

श्लोक 44

भक्तमन्दार गम्भीर शङ्कराच्युत माधव ।

देहि मे तनयं गोप-बालवत्सल रमापते (श्रीपते)

॥ 43 ॥

श्लोक 45

श्रीपते वासुदेवेश देवकीप्रियनन्दन ।

भक्तमन्दार मे देहि तनयं जगतां प्रभो

॥ 44 ॥

श्लोक 46

जगन्नाथ रमानाथ भूमिनाथ दयानिधे ।

वासुदेवेश सर्वेश देहि मे तनयं प्रभो

॥ 45 ॥

श्लोक 47

श्रीनाथ कमलपत्राक्ष वासुदेव जगत्पते ।

देहि मे तनयं कृष्ण त्वामहं शरणं गतः

॥ 46 ॥

श्लोक 48

दासमन्दार गोविन्द भक्तचिन्तामणे प्रभो ।

देहि मे तनयं कृष्ण त्वामहं शरणं गतः

॥ 47 ॥

श्लोक 49

गोविन्द पुण्डरीकाक्ष रमानाथ महाप्रभो ।

देहि मे तनयं कृष्ण त्वामहं शरणं गतः

॥ 48 ॥

श्लोक 50

श्रीनाथ कमलपत्राक्ष गोविन्द मधुसूदन ।

सत्पुत्रफल (मत्पुत्रफल)-सिद्ध्यर्थं भजामि त्वां जनार्दन

॥ 49 ॥

श्लोक 51

स्तन्यं पिबन्तं जननीमुखाम्बुजं

विलोक्य मन्दस्मितमुज्ज्वलाङ्गम् ।

स्पृशन्तमन्यस्तनमङ्गुलीभिः

वन्दे यशोदाङ्कगतं मुकुन्दम्

॥ 50 ॥

श्लोक 52

याचेऽहं पुत्रसन्तानं भवन्तं पद्मलोचन ।

देहि मे तनयं कृष्ण त्वामहं शरणं गतः

॥ 51 ॥

श्लोक 53

अस्माकं पुत्रसम्पत्ते-श्चिन्तयामि जगत्पते ।

शीघ्रं मे देहि दातव्यं भवता मुनिवन्दित

॥ 52 ॥

श्लोक 54

वासुदेव जगन्नाथ श्रीपते पुरुषोत्तम ।

कुरु मां पुत्रदत्तं च कृष्ण देवेन्द्रपूजितः

॥ 53 ॥

श्लोक 55

कुरु मां पुत्रदत्तं च यशोदाप्रियनन्दन ।

मह्यं च पुत्रसन्तानं दातव्यं भवता हरे

॥ 54 ॥

श्लोक 56

वासुदेव जगन्नाथ गोविन्द देवकीसुत ।

देहि मे तनयं राम कौसल्याप्रियनन्दन

॥ 55 ॥

श्लोक 57

पद्मपत्राक्ष गोविन्द विष्णो वामन माधव ।

देहि मे तनयं सीता-प्राणनायक राघव

॥ 56 ॥

श्लोक 58

कञ्जाक्ष कृष्ण देवेन्द्र-मण्डित मुनिवन्दित ।

लक्ष्मणाग्रज श्रीराम देहि मे तनयं सदा

॥ 57 ॥

श्लोक 59

देहि मे तनयं राम दशरथप्रियनन्दन ।

सीतानायक कञ्जाक्ष मुचुकुन्दवरप्रद

॥ 58 ॥

श्लोक 60

विभीषणाय या लङ्का भवता वलीयता प्रभो (विभीषणस्यया लङ्का प्रदत्ता भवता पुरा) ।

अस्माकं तत्प्रकारेण तनयं देहि माधव

॥ 59 ॥

श्लोक 61

भवदीयपदाम्भोजे चिन्तयामि निरन्तरम् ।

देहि मे तनयं सीता-प्राणवल्लभ राघव

॥ 60 ॥

श्लोक 62

राम मत्काम्यवरद पुत्रोत्पत्तिफलप्रद ।

देहि मे तनयं श्रीश कमलासनवन्दित

॥ 61 ॥

श्लोक 63

राम राघव सीतेश लक्ष्मणानुज देहि मे ।

भाग्यवत्पुत्रसन्तानं दशरथात्मज श्रीपते

॥ 62 ॥

श्लोक 64

देवकीगर्भसञ्जात यशोदाप्रियनन्दन ।

देहि मे तनयं राम कृष्ण गोपाल माधव

॥ 63 ॥

श्लोक 65

कृष्ण माधव गोविन्द वामनाच्युत शङ्कर ।

देहि मे तनयं श्रीश गोपबालकनायक

॥ 64 ॥

श्लोक 66

गोपबाल महाधन्य गोविन्दाच्युत माधव ।

देहि मे तनयं कृष्ण वासुदेव जगत्पते

॥ 65 ॥

श्लोक 67

दिशतु दिशतु पुत्रं देवकीनन्दनोऽयं

दिशतु दिशतु शीघ्रं भाग्यवत्पुत्रलाभम् ।

दिशतु दिशतु श्रीशो राघवो रामचन्द्रो

दिशतु दिशतु पुत्रं वंशविस्तारहेतोः

॥ 66 ॥

श्लोक 68

ददातु मां वासुदेवोही (दीयतां वासुदेवेन) तनयोमत्प्रियः सुतम् (सुतः) ।

कुमारो नन्दनः सीता-नायकॊ-विशदा मम (नायकेन सदा मम)

॥ 67 ॥

श्लोक 69

राम राघव गोविन्द देवकीसुत माधव ।

देहि मे तनयं श्रीश गोपबालकनायक

॥ 68 ॥

श्लोक 70

वंशविस्तारकं पुत्रं देहि मे मधुसूदन ।

सुतं देहि सुतं देहि त्वामहं शरणं गतः

॥ 69 ॥

श्लोक 71

ममाभीष्टसुतं देहि कंसारे माधवाच्युत ।

सुतं देहि सुतं देहि त्वामहं शरणं गतः

॥ 70 ॥

श्लोक 72

चन्द्रार्क-कल्पपर्यन्तं तनयं देहि माधव ।

सुतं देहि सुतं देहि त्वामहं शरणं गतः

॥ 71 ॥

श्लोक 73

विद्यावन्तं बुद्धिमन्तं श्रीमन्तं तनयं सदा ।

देहि मे तनयं कृष्ण देवकीनन्दनं सदा (देवकीनन्दन प्रभो)

॥ 72 ॥

श्लोक 74

नमामि त्वां पद्मनेत्र सुतलाभाय कामदम् ।

मुकुन्दं पुण्डरीकाक्षं गोविन्दं मधुसूदनम्

॥ 73 ॥

श्लोक 75

भगवन् कृष्ण गोविन्द सर्वकामफलप्रद ।

देहि मे तनयं स्वामिन् त्वामहं शरणं गतः

॥ 74 ॥

श्लोक 76

स्वामिन् त्वं भगवन् राम कृष्ण माधव कामद ।

देहि मे तनयं नित्यं त्वामहं शरणं गतः

॥ 75 ॥

श्लोक 77

तनयं देहि गोविन्द कञ्जाक्ष कमलापते ।

सुतं देहि सुतं देहि त्वामहं शरणं गतः

॥ 76 ॥

श्लोक 78

पद्मापते पद्मनेत्र पद्मजनक माधव (प्रद्युम्नजनक प्रभो) ।

सुतं देहि सुतं देहि त्वामहं शरणं गतः

॥ 77 ॥

श्लोक 79

शङ्खचक्रगदाखड्ग शार्ङ्गपाणे रमापते ।

देहि मे तनयं कृष्ण त्वामहं शरणं गतः

॥ 78 ॥

श्लोक 80

नारायण रमानाथ राजीवपत्रलोचन ।

सुतं मे देहि देवेश पद्मपद्मानुवन्दित

॥ 79 ॥

श्लोक 81

राम माधव गोविन्द देवकीवरनन्दन ।

रुक्मिणीनाथ सर्वेश नारदादिसुरार्चित

॥ 80 ॥

श्लोक 82

देवकीसुत गोविन्द वासुदेव जगत्पते ।

देहि मे तनयं श्रीश गोपबालकनायक

॥ 81 ॥

श्लोक 83

मुनिवन्दित गोविन्द रुक्मिणीवल्लभ प्रभो ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 82 ॥

श्लोक 84

गोपिका लूनपुष्पणां मकरन्द रथप्रिय (गोपिकार्जितपङ्केजमरन्दासक्तमानस)।

देहि मे तनयं श्रीश (कृष्ण) गोपबालकनायक (त्वामहं शरणं गतः )

॥ 83 ॥

श्लोक 85

र्रमा हृदय राजीव लोलमाधव कामद । (रमाहृदय पङ्केजलोल माधव कामद)

ममाभीष्टसुतं देहि त्वामहं शरणं गतः

॥ 84 ॥

श्लोक 86

वासुदेव रमानाथ दासानां मङ्गलप्रद ।

देहि मे तनयं कृष्ण त्वामहं शरणं गतः

॥ 85 ॥

श्लोक 87

कल्याणप्रद गोविन्द मुरारे मुनिवन्दित ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 86 ॥

श्लोक 88

पुत्रप्रद मुकुन्देश रुक्मिणीवल्लभ प्रभो ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 87 ॥

श्लोक 89

पुण्डरीकाक्ष गोविन्द वासुदेव जगत्पते ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 88 ॥

श्लोक 90

दयानिधे वासुदेव मुकुन्द मुनिवन्दित ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 89 ॥

श्लोक 91

पुत्रसम्पत्प्रदातारं गोविन्दं देवपूजितम् ।

वन्दामहे सदा कृष्णं पुत्रलाभप्रदायिनम्

॥ 90 ॥

श्लोक 92

कारुण्यनिधये गोपीवल्लभाय मुरारये ।

नमस्ते पुत्रलाभार्थं देहि मे तनयं विभो

॥ 91 ॥

श्लोक 93

नमस्तस्मै रमेशाय रुक्मिणीवल्लभाय ते ।

देहि मे तनयं श्रीश गोपबालकनायक

॥ 92 ॥

श्लोक 94

नमस्ते वासुदेवाय नित्यश्रीकामुकाय च ।

पुत्रदाय च सर्पेन्द्र....शायिने रङ्गशायिने

॥ 93 ॥

श्लोक 95

रङ्गशायिन् रमानाथ मङ्गलप्रद माधव ।

देहि मे तनयं श्रीश गोपबालकनायक

॥ 94 ॥

श्लोक 96

दासस्य मे सुतं देहि दीनमन्दार राघव ।

सुतं देहि सुतं देहि पुत्रं देहि रमापते

॥ 95 ॥

श्लोक 97

यशोदातनयाभीष्ट पुत्रदानरतः सदा ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 96 ॥

श्लोक 98

मदिष्टदेव गोविन्द वासुदेव जनार्दन ।

देहि मे तनयं श्रीश (कृष्ण) गोपबालकनायक (त्वामहं शरणं गतः)

॥ 97 ॥

श्लोक 99

नीतिमान् धनवान् पुत्रो विद्यावांश्च प्रजापते ।

भगवंस्त्वत्कृपायाश्च वासुदेवेन्द्रपूजित

॥ 98 ॥

श्लोक 100

यः पठेत् पुत्रशतकं सोऽपि सत्पुत्रवान् भवेत् ।

श्रीवासुदेवकथितं स्तोत्ररत्नं सुखाय च

॥ 99 ॥

श्लोक 101

जपकाले पठेन्नित्यं पुत्रलाभं धनं श्रियम् ।

ऐश्वर्यं राजसम्मानं सद्यो याति न संशयः

॥ 100 ॥

श्लोक 102