ശ്രീ പാണ്ഡുരങ്ഗ അഷ്ടകമ്

ശ്രീ പാണ്ഡുരങ്ഗ അഷ്ടകമ്

ശ്ലോക 1

മഹായോഗപീഠേ തടേ ഭീമരഥ്യാ

വരം പുണ്ഡരീകായ ദാതും മുനീന്ദ്രൈഃ ।

സമാഗത്യ തിഷ്ഠന്തമാനന്ദകന്ദം

പരബ്രഹ്മലിങ്ഗം ഭജേ പാണ്ഡുരങ്ഗമ്

ശ്ലോക 2

തടിദ്വാസസം നീലമേഘാവഭാസം

രമാമന്ദിരം സുന്ദരം ചിത്പ്രകാശമ് ।

വരം ത്വിഷ്ടകായാം സമന്യസ്തപാദം

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 1 ॥

ശ്ലോക 3

പ്രമാണം ഭവാബ്ധേരിദം മാമകാനാം

നിതമ്ബഃ കരാഭ്യാം ധൃതോ യേന തസ്മാത് ।

വിധാതുര്വസത്യൈ ധൃതോ നാഭികോശഃ

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 2 ॥

ശ്ലോക 4

സ്ഫുരത്കൌസ്തുഭാലങ്കൃതം കണ്ഠദേശേ

ശ്രിയാ ജുഷ്ടകേയൂരകം ശ്രീനിവാസമ് ।

ശിവം ശാന്തമീഡ്യം വരം ലോകപാലം

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 3 ॥

ശ്ലോക 5

ശരച്ചന്ദ്രബിമ്ബാനനം ചാരുഹാസം

ലസത്കുണ്ഡലാക്രാന്തഗണ്ഡസ്ഥലാന്തമ് ।

ജപാരാഗബിമ്ബാധരം കഞ്ജനേത്രം

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 4 ॥

ശ്ലോക 6

കിരീടോജ്ജ്വലത്സര്വദിക്പ്രാന്തഭാഗം

സുരൈരര്ചിതം ദിവ്യരത്നൈരനര്ഘൈഃ ।

ത്രിഭങ്ഗാകൃതിം ബര്ഹമാല്യാവതംസം

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 5 ॥

ശ്ലോക 7

വിഭും വേണുനാദം ചരന്തം ദുരന്തം

സ്വയം ലീലയാ ഗോപവേഷം ദധാനമ് ।

ഗവാം ബൃന്ദകാനന്ദദം ചാരുഹാസം

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 6 ॥

ശ്ലോക 8

അജം രുക്മിണീപ്രാണസഞ്ജീവനം തം

പരം ധാമ കൈവല്യമേകം തുരീയമ് ।

പ്രസന്നം പ്രപന്നാര്തിഹം ദേവദേവം

പരബ്രഹ്മലിങ്ഗം ഭജേ പാണ്ഡുരങ്ഗമ്

॥ 7 ॥

ശ്ലോക 9

സ്തവം പാണ്ഡുരങ്ഗസ്യ വൈ പുണ്യദം യേ

പഠന്ത്യേകചിത്തേന ഭക്ത്യാ ച നിത്യമ് ।

ഭവാമ്ഭോനിധിം തേഽപി തീര്ത്വാന്തകാലേ

ഹരേരാലയം ശാശ്വതം പ്രാപ്നുവന്തി

॥ 8 ॥

ശ്ലോക 10

ഇതി ശ്രീമത്പരമഹംസ പരിവ്രാജകാചാര്യ ശ്രീമച്ഛങ്കരഭഗവത്പാദാചാര്യ വിരചിതം ശ്രീ പാണ്ഡുരങ്ഗാഷ്ടകമ് ।