শ্রী পাণ্ডুরঙ্গ অষ্টকম্

শ্রী পাণ্ডুরঙ্গ অষ্টকম্

শ্লোক 1

মহাযোগপীঠে তটে ভীমরথ্যা

বরং পুণ্ডরীকায দাতুং মুনীন্দ্রৈঃ ।

সমাগত্য তিষ্ঠন্তমানন্দকন্দং

পরব্রহ্মলিঙ্গং ভজে পাণ্ডুরঙ্গম্

শ্লোক 2

তটিদ্বাসসং নীলমেঘাবভাসং

রমামন্দিরং সুন্দরং চিত্প্রকাশম্ ।

বরং ত্বিষ্টকাযাং সমন্যস্তপাদং

পরব্রহ্মলিঙ্গং ভজে পাণ্ডুরঙ্গম্

॥ 1 ॥

শ্লোক 3

প্রমাণং ভবাব্ধেরিদং মামকানাং

নিতম্বঃ করাভ্যাং ধৃতো যেন তস্মাত্ ।

বিধাতুর্বসত্যৈ ধৃতো নাভিকোশঃ

পরব্রহ্মলিঙ্গং ভজে পাণ্ডুরঙ্গম্

॥ 2 ॥

শ্লোক 4

স্ফুরত্কৌস্তুভালঙ্কৃতং কণ্ঠদেশে

শ্রিযা জুষ্টকেযূরকং শ্রীনিবাসম্ ।

শিবং শান্তমীড্যং বরং লোকপালং

পরব্রহ্মলিঙ্গং ভজে পাণ্ডুরঙ্গম্

॥ 3 ॥

শ্লোক 5

শরচ্চন্দ্রবিম্বাননং চারুহাসং

লসত্কুণ্ডলাক্রান্তগণ্ডস্থলান্তম্ ।

জপারাগবিম্বাধরং কঞ্জনেত্রং

পরব্রহ্মলিঙ্গং ভজে পাণ্ডুরঙ্গম্

॥ 4 ॥

শ্লোক 6

কিরীটোজ্জ্বলত্সর্বদিক্প্রান্তভাগং

সুরৈরর্চিতং দিব্যরত্নৈরনর্ঘৈঃ ।

ত্রিভঙ্গাকৃতিং বর্হমাল্যাবতংসং

পরব্রহ্মলিঙ্গং ভজে পাণ্ডুরঙ্গম্

॥ 5 ॥

শ্লোক 7

বিভুং বেণুনাদং চরন্তং দুরন্তং

স্বযং লীলযা গোপবেষং দধানম্ ।

গবাং বৃন্দকানন্দদং চারুহাসং

পরব্রহ্মলিঙ্গং ভজে পাণ্ডুরঙ্গম্

॥ 6 ॥

শ্লোক 8

অজং রুক্মিণীপ্রাণসঞ্জীবনং তং

পরং ধাম কৈবল্যমেকং তুরীযম্ ।

প্রসন্নং প্রপন্নার্তিহং দেবদেবং

পরব্রহ্মলিঙ্গং ভজে পাণ্ডুরঙ্গম্

॥ 7 ॥

শ্লোক 9

স্তবং পাণ্ডুরঙ্গস্য বৈ পুণ্যদং যে

পঠন্ত্যেকচিত্তেন ভক্ত্যা চ নিত্যম্ ।

ভবাম্ভোনিধিং তেঽপি তীর্ত্বান্তকালে

হরেরালযং শাশ্বতং প্রাপ্নুবন্তি

॥ 8 ॥

শ্লোক 10

ইতি শ্রীমত্পরমহংস পরিব্রাজকাচার্য শ্রীমচ্ছঙ্করভগবত্পাদাচার্য বিরচিতং শ্রী পাণ্ডুরঙ্গাষ্টকম্ ।