പഞ്ചാമൃത സ്നാനാഭിഷേകമ്

പഞ്ചാമൃത സ്നാനാഭിഷേകമ്

ശ്ലോക 1

(വാ॒മ॒ദേവാ॒യ ന॑മഃ – സ്നാനം)

ഇത്യാദി നിര്മാല്യം-വിഁസൃജ്യേത്യന്ത-മ്പ്രതിവാര-ങ്കുര്യാത് ॥

॥ പഞ്ചാമൃതസ്നാനമ് ॥

അഥ (പഞ്ചാമൃത സ്നാനം) പഞ്ചാമൃതദേവതാഭ്യോ നമഃ ।

ധ്യാനാവാഹനാദി ഷോഡശോപചാരപൂജാസ്സമര്പയാമി ।

ഭവാനീശങ്കരമുദ്ദിശ്യ ഭവാനീശങ്കര പ്രീത്യര്ഥ-മ്പഞ്ചാമൃതസ്നാന-ങ്കരിഷ്യാമഃ ।

ക്ഷീരം

ആപ്യാ॑യസ്വ॒ സമേ॑തു തേ വി॒ശ്വത॑സ്സോമ॒ വൃഷ്ണി॑യമ് ।

ഭവാ॒ വാജ॑സ്യ സങ്ഗ॒ഥേ ॥

ശ്രീ ഭവാനീശങ്കരാസ്വാമിനേ നമഃ, ക്ഷീരേണ സ്നപയാമി ।

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । ക്ഷീരസ്നാനാനന്തരം ശുദ്ധോദക സ്നാനം സമര്പയാമി ।

ദധി

ദ॒ധി॒ക്രാവ്‍ണ്ണോ॑ അകാരിഷ-ഞ്ജി॒ഷ്ണോരശ്വ॑സ്യ വാ॒ജിനഃ॑ ।

സു॒ര॒ഭി നോ॒ മുഖാ॑ കര॒ത്പ്രാണ॒ ആയൂഗ്ം॑ഷി താരിഷത് ॥

ശ്രീ ഭവാനീശങ്കരാസ്വാമിനേ നമഃ । ദധ്നാ സ്നപയാമി ।

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । ദധിസ്നാനാനന്തരം ശുദ്ധോദക സ്നാനം സമര്പയാമി ।

ആജ്യം

ശു॒ക്രമ॑സി॒ ജ്യോതി॑രസി॒ തേജോ॑സി ദേ॒വോവ॑സ്സവി॒തോത്പു॑നാ॒-

ത്വച്ഛി॑ദ്രേണ പ॒വിത്രേ॑ണ॒ വസോ॒സ്സൂര്യ॑സ്യ ര॒ശ്മിഭിഃ॑ ।

ശ്രീ ഭവാനീശങ്കരാസ്വാമിനേ നമഃ । ആജ്യേന സ്നപയാമി ।

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । ആജ്യ സ്നാനാനന്തരം ശുദ്ധോദക സ്നാനം സമര്പയാമി ।

മധു

മധു॒വാതാ॑ ഋതായ॒തേ മധു॑ക്ഷരന്തി॒ സിന്ധ॑വഃ ।

മാധ്വീ᳚ര്ന-സ്സ॒ന്ത്വോഷ॑ധീഃ ।

മധു॒ നക്ത॑മു॒തോഷ॑സി॒ മധു॑മ॒ത്പാര്ഥി॑വ॒ഗ്ം॒ രജഃ॑ ।

മധു॒ദ്യൌര॑സ്തു നഃ പി॒താ ।

മധു॑മാന്നോ॒ വന॒സ്പതി॒ര്മധു॑മാഗ്‍ം അസ്തു॒ സൂര്യഃ॑ ।

മാധ്വീ॒ര്ഗാവോ॑ ഭവന്തു നഃ ।

ശ്രീ ഭവാനീശങ്കരാസ്വാമിനേ നമഃ । മധുനാ സ്നപയാമി ।

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । മധുസ്നാനാനന്തരം ശുദ്ധോദക സ്നാനം സമര്പയാമി ।

ശര്കര

സ്വാ॒ദുഃ പ॑വസ്വ ദി॒വ്യായ॒ ജന്മ॑നേ ।

സ്വാ॒ദുരിന്ദ്രാ॑യ സു॒ഹവീ॑തു॒ നാമ്നേ᳚ ।

സ്വാ॒ദുര്മി॒ത്രായ॒ വരു॑ണായ വാ॒യവേ॒ ।

ബൃഹ॒സ്പത॑യേ॒ മധു॑മാ॒ഗ്ം അദാ᳚ഭ്യഃ ।

ശ്രീ ഭവാനീശങ്കരാസ്വാമിനേ നമഃ । ശര്കരയാ സ്നപയാമി ।

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । ശര്കര സ്നാനാനന്തരം ശുദ്ധോദക സ്നാനം സമര്പയാമി ।

ശ്രീ ഭവാനീശങ്കരാസ്വാമിനേ നമഃ । പഞ്ചാമൃത സ്നാനം സമര്പയാമി ।

ശങ്ഖോദകം

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । ശങ്ഖോദകേന സ്നപയാമി ॥

ഫലോദകം

യാഃ ഫ॒ലിനീ॒ര്യാ അ॑ഫ॒ലാ അ॑പു॒ഷ്പായാശ്ച॑ പു॒ഷ്പിണീഃ᳚ ।

ബൃഹ॒സ്പതി॑ പ്രസൂതാ॒സ്താനോ॑ മുഞ്ച॒ന്ത്വഗ്‍ം ഹ॑സഃ ॥

ശ്രീ ഭവാനീശങ്കരാസ്വാമിനേ നമഃ । ഫലോദകേന സ്നപയാമി ।

ഗന്ധോദകം

ഗ॒ന്ധ॒ദ്വാ॒രാ-ന്ദു॑രാധ॒ര്​ഷാ॒-ന്നി॒ത്യപു॑ഷ്ടാ-ങ്കരീ॒ഷിണീ᳚മ് ।

ഈ॒ശ്വരീ॑ഗ്ം സര്വ॑ഭൂതാ॒നാ॒-ന്താമി॒ഹോപ॑ഹ്വയേ॒ ശ്രിയമ് ॥

ശ്രീ ഭവാനീശങ്കരാസ്വാമിനേ നമഃ । ഗന്ധോദകേന സ്നപയാമി ।

പുഷ്പോദകം

യോ॑-ഽപാ-മ്പുഷ്പം॒-വേഁദ॑ ।

പുഷ്പ॑വാ-ന്പ്ര॒ജാവാ॑-ന്പശു॒മാ-ന്ഭ॑വതി ।

ച॒ന്ദ്രമാ॒ വാ അ॒പാ-മ്പുഷ്പ॑മ് ।

പുഷ്പ॑വാ-ന്പ്ര॒ജാവാ॑-ന്പശു॒മാ-ന്ഭ॑വതി ।

ശ്രീ ഭവാനീശങ്കരാസ്വാമിനേ നമഃ । പുഷ്പോദകേന സ്നപയാമി ।

അക്ഷതോദകം

ആയ॑നേ തേ പ॒രായ॑ണേ॒ ദൂര്വാ॑ രോഹന്തു പു॒ഷ്പിണീഃ॑ ।

ഹ്ര॒ദാശ്ച॑ പു॒ണ്ഡരീ॑കാണി സമു॒ദ്രസ്യ॑ ഗൃ॒ഹാ ഇ॒മേ ।

ശ്രീ ഭവാനീശങ്കരാസ്വാമിനേ നമഃ । അക്ഷതോദകേന സ്നപയാമി ।

സുവര്ണോദകം

തഥ്സു॒വര്ണ॒ഗ്ം॒ ഹിര॑ണ്യമഭവത് ।

തഥ്സു॒വര്ണ॑സ്യ॒ ഹിര॑ണ്യസ്യ॒ജന്മ॑ ।

യ ഏ॒വഗ്ം സു॒വര്ണ॑സ്യ॒ ഹിര॑ണ്യസ്യ॒ ജന്മ॒വേ॑ദ ।

സു॒വര്ണ॑ ആ॒ത്മനാ॑ ഭവതി ।

ശ്രീ ഭവാനീശങ്കരാസ്വാമിനേ നമഃ । സുവര്ണോദകേന സ്നപയാമി ।

രുദ്രാക്ഷോദകം

ത്ര്യ॑മ്ബകം-യഁജാമഹേ സുഗ॒ന്ധി-മ്പു॑ഷ്ടി॒ വര്ധ॑നമ് ।

ഉ॒ര്വാ॒രു॒കമി॑വ॒ ബന്ധ॑നാന്മൃ॒ത്യോര്മു॑ക്ഷീയ॒ മാ-ഽമൃതാ᳚ത് ॥

ശ്രീ ഭവാനീശങ്കരാസ്വാമിനേ നമഃ । രുദ്രാക്ഷോദകേന സ്നപയാമി ।

ഭസ്മോദകം

മാ നോ॑ മ॒ഹാന്ത॑മു॒ത മാ നോ॑ അര്ഭ॒കം

മാ ന॒ ഉക്ഷ॑ന്തമു॒ത മാ ന॑ ഉക്ഷി॒തമ് ।

മാ നോ॑-ഽവധീഃ പി॒തര॒-മ്മോത മാ॒തരം॑

പ്രി॒യാ മാ ന॑സ്ത॒നുവോ॑ രുദ്ര രീരിഷഃ ।

ശ്രീ ഭവാനീശങ്കരാസ്വാമിനേ നമഃ । ഭസ്മോദകേന സ്നപയാമി ।

ബില്വോദകം

മാ ന॑സ്തോ॒കേ തന॑യേ॒ മാ ന॒ ആയു॑ഷി॒

മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ ।

വീ॒രാന്മാ നോ॑ രുദ്ര ഭാമി॒തോ-ഽവ॑ധീര്​ഹ॒വിഷ്മ॑ന്തോ॒

നമ॑സാ വിധേമ തേ ।

ശ്രീ ഭവാനീശങ്കരാസ്വാമിനേ നമഃ । ബില്വോദകേന സ്നപയാമി ।

ദൂര്വോദകം

കാണ്ഡാ॑ത്കാണ്ഡാത്പ്ര॒രോഹ॑ന്തി പരു॑ഷഃ പരുഷഃ॒ പരി॑ ।

ഏ॒വാനോ॑ ദൂര്വേ॒ പ്രത॑നു സ॒ഹസ്രേ॑ണ ശ॒തേന॑ ച ॥

ശ്രീ ഭവാനീശങ്കരാസ്വാമിനേ നമഃ । ദൂര്വോദകേന സ്നപയാമി ।

അഥ മലാപകര്​ഷണ സ്നാനമ് ।

ഹിര॑ണ്യവര്ണാ॒ശ്ശുച॑യഃ പാവ॒കാ

യാസു॑ ജാ॒തഃ ക॒ശ്യപോ॒ യാസ്വിന്ദ്രഃ॑ ।

അ॒ഗ്നിം-യാഁ ഗര്ഭ॑-ന്ദധി॒രേ വിരൂ॑പാ॒സ്താ

ന॒ ആപ॒ശ്ശഗ്ഗ് സ്യോ॒നാ ഭ॑വന്തു ॥

യാസാ॒ഗ്ം॒ രാജാ॒ വരു॑ണോ॒ യാതി॒ മധ്യേ॑

സത്യാനൃ॒തേ അ॑വ॒പശ്യ॒ഞ്ജനാ॑നാമ് ।

മ॒ധു॒ശ്ചുത॒ശ്ശുച॑യോ॒ യാഃ പാ॑വ॒കാസ്താ

ന॒ ആപ॒ശ്ശഗ്ഗ് സ്യോ॒നാ ഭ॑വന്തു ॥

യാസാ॑-ന്ദേ॒വാ ദി॒വി കൃ॒ണ്വന്തി॑ ഭ॒ക്ഷം

യാ അ॒ന്തരി॑ക്ഷേ ബഹു॒ധാ ഭവ॑ന്തി ।

യാഃ പൃ॑ഥി॒വീ-മ്പയ॑സോ॒ന്ദന്തി॑ ശു॒ക്രാസ്താ

ന॒ ആപ॒ശ്ശഗ്ഗ് സ്യോ॒നാ ഭ॑വന്തു ॥

ശി॒വേന॑ മാ॒ ചക്ഷു॑ഷാ പശ്യതാപശ്ശി॒വയാ॑

ത॒നുവോപ॑ സ്പൃശത॒ ത്വച॑-മ്മേ ।

സര്വാഗ്ം॑ അ॒ഗ്നീഗ്ം ര॑ഫ്സു॒ഷദോ॑ ഹുവേ വോ॒ മയി॒

വര്ചോ॒ ബല॒മോജോ॒ നിധ॑ത്ത ॥

(അ.വേ., കാണ്ഡ-3, സൂക്തം-13)

യദ॒ദ-സ്സ॑മ്പ്രയ॒തീരഹാ॒വന॑ദതാ ഹ॒തേ ।

തസ്മാ॒ദാ ന॒ദ്യോ॑ നാമ॑ സ്ഥ॒ താ വോ॒ നാമാ॑നി സിന്ധവഃ ॥ 1

യത്പ്രേഷി॑താ॒ വരു॑ണേ॒നതാശ്ശീഭ॑ഗ്ം സ॒മവ॑ല്ഗത ।

തദാ॑പ്നോ॒ദിന്ദ്രോ॑ വോ യ॒തീസ്തസ്മാ॒ദാപോ॒ അനു॑സ്ഥന ॥ 2

ആ॒പ॒കാ॒മഗ്ഗ്ം സ്യന്ദ॑മാനാ॒ അവീ॑വരത വോ॒ ഹി ക॑മ് ।

ഇന്ദ്രോ॑ വ॒ശ്ശക്തി॑ഭിര്ദേവീ॒സ്തസ്മാ॒ദ്വാര്ണാമ॑ വോ ഹി॒തമ് ॥ 3

ഏകോ॑ വോ ദേ॒വോ അപ്യ॑തിഷ്ഠ॒ഥ്സ്യന്ദ॑മാനാ യഥാവ॒ശമ് ।

ഉദാ॑നിഷുര്മ॒ഹീരിതി॒ തസ്മാ॑ദുദ॒കമു॑ച്യതേ ॥ 4

ആപോ॑ ഭ॒ദ്രാ ഘൃ॒തമിദാപ॑ ആനുര॒ഗ്നീഷോമൌ॑ ബിഭ്ര॒ത്യാപ॒ ഇത്താഃ ।

തീ॒വ്രോ രസോ॑ മധു॒പൃചാം॑ അ॒ര॒ങ്ഗ॒മ ആ മാ॑ പ്രാ॒ണേന॑ സ॒ഹ വര്ച॑സാഗന്ന് ॥ 5

ആദിത്പ॑ശ്യാമ്യു॒ത വാ॑ ശൃണോ॒മ്യാ മാ॒ ഘോഷോ॑ ഗച്ഛതി॒ വാങ്മ॑ ആസാമ് ।

മന്യേ॑ ഭേജാ॒നോ അ॒മൃത॑സ്യ॒ തര്‍ഹി॒ ഹിര॑ണ്യവര്ണാ॒ അതൃ॑പം-യഁ॒ദാ വഃ॑ ॥ 6

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।

മ॒ഹേരണാ॑യ॒ ചക്ഷ॑സേ ।

യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ ।

ഉ॒ശ॒തീരി॑വ മാ॒ത॑രഃ ।

തസ്മാ॒ അര॑ങ്ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ ।

ആപോ॑ ജ॒നയ॑ഥാ ച നഃ ।

ശ്രീ ഭവാനീശങ്കരാസ്വാമിനേ നമഃ । ശുദ്ധോദകേന സ്നപയാമി ।

[ ദി॒വിശ്ര॑യസ്വാ॒ന്തരി॑ക്ഷേയതസ്വ പൃഥി॒വ്യാസമ്ഭ॑വ ബ്രഹ്മവര്ച॒സമ॑സി ബ്രഹ്മവര്ച॒സായ॑ത്വാ । അ॒പാ-ങ്ഗ്രഹാ॑ന്ഗൃഹ്ണാത്യേ॒തദ്വാപ രാ॑ജ॒സൂയം॒-യഁദേ॒തേഗ്രഹാ॑സ്സ॒വോ॑-ഽഗ്നിര്വ॑രുണസ॒വോ രാ॑ജ॒സൂയ॑മഗ്നിസ॒വശ്ചിത്യ॒സ്താഭ്യാ॑മേ॒വ സൂ॑യ॒തേ-ഽഥോ॑ ഉ॒ഭാവേ॒വലോ॒കാവ॒ഭിജ॑യതി॒ യശ്ച॑ രാജ॒സൂയേ॑നേജാ॒നസ്യ॒ യശ്ചാ॑ഗ്നി॒ചിത॒ ആപോ॑ ഭവ॒ന്ത്യാപോ॒ വാ അ॒ഗ്നേര്ഭ്രാതൃ॑വ്യാ॒ യദ॒പോ॑-ഽഗ്നേര॒ധസ്താ॑ദുപ॒ദധാ॑തി॒ ഭ്രാതൃ॑വ്യാഭിഭൂത്യൈ॒ ഭവ॑ത്യാ॒ത്മനാ॒പരാ॑-ഽസ്യ॒ഭ്രാതൃ॑വ്യോ ഭവത്യ॒മൃതം॒-വാഁ ആപ॒സ്തസ്മാ॑ദ॒ദ്ഭിരവ॑താന്തമ॒ഭിഷി॑ഞ്ചന്തി॒ നാര്തി॒മാര്ഛ॑തി॒സര്വ॒മായു॑രേതി ॥

]

പവ॑മാന॒സ്സുവ॒ര്ജനഃ॑ । പ॒വിത്രേ॑ണ॒ വിച॑ര്​ഷണിഃ ।

യഃ പോതാ॒ സ പു॑നാതു മാ । പു॒നന്തു॑ മാ ദേവജ॒നാഃ ।

പു॒നന്തു॒ മന॑വോ ധി॒യാ । പു॒നന്തു॒ വിശ്വ॑ ആ॒യവഃ॑ ।

ജാത॑വേദഃ പ॒വിത്ര॑വത് । പ॒വിത്രേ॑ണ പുനാഹി മാ ।

ശു॒ക്രേണ॑ ദേവ॒ദീദ്യ॑ത് । അഗ്നേ॒ ക്രത്വാ॒ ക്രതൂ॒ഗ്ം॒ രനു॑ ।

യത്തേ॑ പ॒വിത്ര॑മ॒ര്ചിഷി॑ । അഗ്നേ॒ വിത॑തമന്ത॒രാ ।

ബ്രഹ്മ॒ തേന॑ പുനീമഹേ । ഉ॒ഭാഭ്യാ᳚-ന്ദേവസവിതഃ ।

പ॒വിത്രേ॑ണ സ॒വേന॑ ച । ഇ॒ദ-മ്ബ്രഹ്മ॑ പുനീമഹേ ।

വൈ॒ശ്വ॒ദേ॒വീ പു॑ന॒തീ ദേ॒വ്യാഗാ᳚ത് ।

യസ്യൈ॑ ബ॒ഹ്വീസ്ത॒നുവോ॑ വീ॒തപൃ॑ഷ്ഠാഃ ।

തയാ॒ മദ॑ന്ത-സ്സധ॒മാദ്യേ॑ഷു ।

വ॒യഗ്ഗ് സ്യാ॑മ॒ പത॑യോ രയീ॒ണാമ് ।

വൈ॒ശ്വാ॒ന॒രോ ര॒ശ്മിഭി॑ര്മാ പുനാതു ।

വാതഃ॑ പ്രാ॒ണേനേ॑ഷി॒രോ മ॑യോ॒ ഭൂഃ ।

ദ്യാവാ॑പൃഥി॒വീ പയ॑സാ॒ പയോ॑ഭിഃ ।

ഋ॒താവ॑രീ യ॒ജ്ഞിയേ॑ മാ പുനീതാമ് ॥

ബൃ॒ഹദ്ഭി॑സ്സവിത॒സ്തൃഭിഃ॑ । വര്‍ഷി॑ഷ്ഠൈര്ദേവ॒മന്മ॑ഭിഃ ।

അഗ്നേ॒ ദക്ഷൈഃ᳚ പുനാഹി മാ । യേന॑ ദേ॒വാ അപു॑നത ।

യേനാപോ॑ ദി॒വ്യങ്കശഃ॑ । തേന॑ ദി॒വ്യേന॒ ബ്രഹ്മ॑ണാ ।

ഇ॒ദ-മ്ബ്രഹ്മ॑ പുനീമഹേ । യഃ പാ॑വമാ॒നീര॒ദ്ധ്യേതി॑ ।

ഋഷി॑ഭി॒സ്സമ്ഭൃ॑ത॒ഗ്ം॒ രസമ്॑ । സര്വ॒ഗ്ം॒ സ പൂ॒തമ॑ശ്നാതി ।

സ്വ॒ദി॒ത-മ്മാ॑ത॒രിശ്വ॑നാ । പാ॒വ॒മാ॒നീര്യോ അ॒ധ്യേതി॑ ।

ഋഷി॑ഭി॒സ്സമ്ഭൃ॑ത॒ഗ്ം॒ രസമ്᳚ । തസ്മൈ॒ സര॑സ്വതീ ദുഹേ ।

ക്ഷീ॒രഗ്ം സ॒ര്പിര്മധൂ॑ദ॒കമ് ॥

പാ॒വ॒മാ॒നീസ്സ്വ॒സ്ത്യയ॑നീഃ । സു॒ദുഘാ॒ഹി പയ॑സ്വതീഃ ।

ഋഷി॑ഭി॒സ്സമ്ഭൃ॑തോ॒ രസഃ॑ । ബ്രാ॒ഹ്മ॒ണേഷ്വ॒മൃതഗ്ം॑ ഹി॒തമ് ।

പാ॒വ॒മാ॒നീര്ദി॑ശന്തു നഃ । ഇ॒മം-ലോഁ॒കമഥോ॑ അ॒മുമ് ।

കാമാ॒ന്‍ഥ്സമ॑ര്ധയന്തു നഃ । ദേ॒വീ‍ര്ദേ॒വൈസ്സ॒മാഭൃ॑താഃ ।

പാ॒വ॒മാ॒നീസ്സ്വ॒സ്ത്യയ॑നീഃ । സു॒ദുഘാ॒ഹി ഘൃ॑ത॒ശ്ചുതഃ॑ ।

ഋഷി॑ഭി॒സ്സമ്ഭൃ॑തോ॒ രസഃ॑ । ബ്രാ॒ഹ്മ॒ണേഷ്വ॒മൃതഗ്ം॑ ഹി॒തമ് ।

യേന॑ ദേ॒വാഃ പ॒വിത്രേ॑ണ । ആ॒ത്മാന॑-മ്പു॒നതേ॒ സദാ᳚ ।

തേന॑ സ॒ഹസ്ര॑ധാരേണ । പാ॒വ॒മാ॒ന്യഃ പു॑നന്തു മാ ।

പ്രാ॒ജാ॒പ॒ത്യ-മ്പ॒വിത്രമ്᳚ । ശ॒തോദ്യാ॑മഗ്ം ഹിര॒ണ്മയമ്᳚ ।

തേന॑ ബ്രഹ്മ॒ വിദോ॑ വ॒യമ് । പൂ॒ത-മ്ബ്രഹ്മ॑ പുനീമഹേ ।

ഇന്ദ്ര॑സ്സുനീ॒തീ സ॒ഹമാ॑ പുനാതു । സോമ॑സ്സ്വ॒സ്ത്യാ വരു॑ണസ്സ॒മീച്യാ᳚ ।

യ॒മോ രാജാ᳚ പ്രമൃ॒ണാഭിഃ॑ പുനാതു മാ । ജാ॒തവേ॑ദാ മോ॒ര്ജയ॑ന്ത്യാ പുനാതു ।

ആപോ॒ വാ ഇ॒ദഗ്ം സര്വം॒-വിഁശ്വാ॑ ഭൂ॒താന്യാപഃ॑ പ്രാ॒ണാ വാ ആപഃ॑

പ॒ശവ॒ ആപോ-ഽന്ന॒മാപോ-ഽമൃ॑ത॒മാപഃ॑ സ॒മ്രാഡാപോ॑ വി॒രാഡാപഃ॑

സ്വ॒രാഡാപ॒ശ്ഛന്ദാ॒ഗ്ം॒സ്യാപോ॒ ജ്യോതീ॒ഗ്ം॒ഷ്യാപോ॒

യജൂ॒ഗ്ം॒ഷ്യാപ॑സ്സ॒ത്യമാപ॒സ്സര്വാ॑ ദേ॒വതാ॒ ആപോ॒

ഭൂര്ഭുവ॒സ്സുവ॒രാപ॒ ഓമ് ॥

അ॒പഃ പ്രണ॑യതി । ശ്ര॒ദ്ധാവാ ആപഃ॑ ।

ശ്ര॒ദ്ധാമേ॒വാരഭ്യ॑ പ്ര॒ണീയ॒ പ്രച॑രതി ।

അ॒പഃ പ്രണ॑യതി । യ॒ജ്ഞോ വാഅ ആപഃ॑ ।

യ॒ജ്ഞമേ॒വാരഭ്യ॑ പ്ര॒ണീയ॒ പ്രച॑രതി

അ॒പഃ പ്രണ॑യതി । വ॒ജ്രോ വാ ആപഃ॑ ।

വജ്ര॑മേ॒വ ഭ്രാതൃ॑വ്യേഭ്യഃ പ്രഹൃത്യ॑ പ്ര॒ണീയ॒ പ്രച॑രതി ।

അ॒പഃ പ്രണ॑യതി । ആപോ॒ വൈ ര॑ക്ഷോ॒ഘ്നീഃ ।

രക്ഷ॑സാ॒മപ॑ഹത്യൈ ।

അ॒പഃ പ്രണ॑യതി । ആപോ॒ വൈ ദേ॒വാനാ॑-മ്പ്രി॒യന്ധാമ॑ ।

ദേ॒വാനാ॑മേ॒വ പ്രി॒യന്ധാമ॑ പ്ര॒ണീയ॒ പ്രച॑രതി ।

അ॒പഃ പ്രണ॑യതി । ആപോ॒ വൈ സര്വാ॑ ദേ॒വതാഃ॑ ।

ദേ॒വതാ॑ ഏ॒വാരഭ്യ॑ പ്ര॒ണീയ॒ പ്രച॑രതി ।

(ആപോ॒വൈശാ॒ന്താഃ । ശാ॒ന്താഭി॑രേ॒വാസ്യ॑ ശുചഗ്ം॑ശമയതി ॥)

ശ്രീ ഭവാനീശങ്കരാസ്വാമിനേ നമഃ । മലാപകര്​ഷണസ്നാനം സമര്പയാമി ।