Sri Dattatreya Stotram

श्रि दत्तात्रेय स्तोत्रम्

श्लोक 1

जटाधरं पाण्डुराङ्गं शूलहस्तं कृपानिधिम् ।

सर्वरोगहरं देवं दत्तात्रेयमहं भजे

श्लोक 2

अस्य श्रीदत्तात्रेयस्तोत्रमन्त्रस्य भगवान्नारदृषिः । अनुष्टुप् छन्दः । श्रीदत्तः परमात्मा देवता । श्रीदत्तात्रेय प्रीत्यर्थे जपे विनियोगः ॥

नारद उवाच ।

जगदुत्पत्तिकर्त्रे च स्थितिसंहारहेतवे ।

भवपाशविमुक्ताय दत्तात्रेय नमोऽस्तु ते

॥ 1 ॥

श्लोक 3

जराजन्मविनाशाय देहशुद्धिकराय च ।

दिगम्बर दयामूर्ते दत्तात्रेय नमोऽस्तु ते

॥ 1 ॥

श्लोक 4

कर्पूरकान्तिदेहाय ब्रह्ममूर्तिधराय च ।

वेदशास्त्रपरिज्ञाय दत्तात्रेय नमोऽस्तु ते

॥ 2 ॥

श्लोक 5

ह्रस्वदीर्घकृशस्थूलनामगोत्रविवर्जित ।

पञ्चभूतैकदीप्ताय दत्तात्रेय नमोऽस्तु ते

॥ 3 ॥

श्लोक 6

यज्ञभोक्ते च यज्ञाय यज्ञरूपधराय च ।

यज्ञप्रियाय सिद्धाय दत्तात्रेय नमोऽस्तु ते

॥ 4 ॥

श्लोक 7

आदौ ब्रह्मा हरिर्मध्ये ह्यन्ते देवस्सदाशिवः ।

मूर्तित्रयस्वरूपाय दत्तात्रेय नमोऽस्तु ते

॥ 5 ॥

श्लोक 8

भोगालयाय भोगाय योगयोग्याय धारिणे ।

जितेन्द्रिय जितज्ञाय दत्तात्रेय नमोऽस्तु ते

॥ 6 ॥

श्लोक 9

दिगम्बराय दिव्याय दिव्यरूपधराय च ।

सदोदितपरब्रह्म दत्तात्रेय नमोऽस्तु ते

॥ 7 ॥

श्लोक 10

जम्बूद्वीपे महाक्षेत्रे मातापुरनिवासिने ।

जयमान सतां देव दत्तात्रेय नमोऽस्तु ते

॥ 8 ॥

श्लोक 11

भिक्षाटनं गृहे ग्रामे पात्रं हेममयं करे ।

नानास्वादमयी भिक्षा दत्तात्रेय नमोऽस्तु ते

॥ 9 ॥

श्लोक 12

ब्रह्मज्ञानमयी मुद्रा वस्त्रे चाकाशभूतले ।

प्रज्ञानघनबोधाय दत्तात्रेय नमोऽस्तु ते

॥ 10 ॥

श्लोक 13

अवधूत सदानन्द परब्रह्मस्वरूपिणे ।

विदेहदेहरूपाय दत्तात्रेय नमोऽस्तु ते

॥ 11 ॥

श्लोक 14

सत्यरूप सदाचार सत्यधर्मपरायण ।

सत्याश्रयपरोक्षाय दत्तात्रेय नमोऽस्तु ते

॥ 12 ॥

श्लोक 15

शूलहस्तगदापाणे वनमालासुकन्धर ।

यज्ञसूत्रधर ब्रह्मन् दत्तात्रेय नमोऽस्तु ते

॥ 13 ॥

श्लोक 16

क्षराक्षरस्वरूपाय परात्परतराय च ।

दत्तमुक्तिपरस्तोत्र दत्तात्रेय नमोऽस्तु ते

॥ 14 ॥

श्लोक 17

दत्त विद्याढ्य लक्ष्मीश दत्त स्वात्मस्वरूपिणे ।

गुणनिर्गुणरूपाय दत्तात्रेय नमोऽस्तु ते

॥ 15 ॥

श्लोक 18

शत्रुनाशकरं स्तोत्रं ज्ञानविज्ञानदायकम् ।

सर्वपापं शमं याति दत्तात्रेय नमोऽस्तु ते

॥ 16 ॥

श्लोक 19

इदं स्तोत्रं महद्दिव्यं दत्तप्रत्यक्षकारकम् ।

दत्तात्रेयप्रसादाच्च नारदेन प्रकीर्तितम्

॥ 17 ॥

श्लोक 20

इति श्रीनारदपुराणे नारदविरचितं श्री दत्तात्रेय स्तोत्रम् ।