નવગ્રહ સૂક્તમ્

નવગ્રહ સૂક્તમ્

શ્લોક 1

ૐ શુક્લામ્બરધરં-વિઁષ્ણું શશિવર્ણ-ઞ્ચતુર્ભુજમ્।

પ્રસન્નવદન-ન્ધ્યાયેત્સર્વ વિઘ્નોપશાન્તયે ॥

ઓ-મ્ભૂઃ ઓ-મ્ભુવઃ॑ ઓગ્ં॒ સુવઃ॑ ઓ-મ્મહઃ॑ ઓ-ઞ્જનઃ ઓ-ન્તપઃ॑ ઓગ્ં સ॒ત્યં ઓ-ન્તત્સ॑વિ॒તુર્વરે᳚ણ્ય॒-મ્ભર્ગો॑દે॒વસ્ય॑ ધીમહિ ધિયો॒ યો નઃ॑

પ્રચો॒દયા᳚ત્ ॥ ૐ આપો॒ જ્યોતી॒રસો॒-ઽમૃત॒-મ્બ્રહ્મ॒ ભૂર્ભુવ॒સ્સુવ॒રોમ્ ॥

મમોપાત્ત-સમસ્ત-દુરિતક્ષયદ્વારા શ્રીપરમેશ્વર પ્રીત્યર્થં આદિત્યાદિ નવગ્રહ દેવતા પ્રસાદ સિદ્ધ્યર્થં આદિત્યાદિ નવગ્રહ નમસ્કારાન્ કરિષ્યે ॥

ૐ આસ॒ત્યેન॒ રજ॑સા॒ વર્ત॑માનો નિવે॒શય॑ન્ન॒મૃત॒-મ્મર્ત્ય॑ઞ્ચ । હિ॒ર॒ણ્યયે॑ન સવિ॒તા રથે॒ના-ઽઽદે॒વો યા॑તિ॒ભુવ॑ના વિ॒પશ્યન્॑ ॥ અ॒ગ્નિ-ન્દૂ॒તં-વૃઁ॑ણીમહે॒ હોતા॑રં-વિઁ॒શ્વવે॑દસમ્ । અ॒સ્ય ય॒જ્ઞસ્ય॑ સુ॒ક્રતુમ્᳚ ॥ યેષા॒મીશે॑ પશુ॒પતિઃ॑ પશૂ॒ના-ઞ્ચતુ॑ષ્પદામુ॒ત ચ॑ દ્વિ॒પદા᳚મ્ । નિષ્ક્રી॑તો॒-ઽયં-યઁ॒જ્ઞિય॑-મ્ભા॒ગમે॑તુ રા॒યસ્પોષા॒ યજ॑માનસ્ય સન્તુ ॥

ૐ અધિદેવતા પ્રત્યધિદેવતા સહિતાય આદિ॑ત્યાય॒ નમઃ॑

શ્લોક 2

ૐ આપ્યા॑યસ્વ॒ સમે॑તુ તે વિ॒શ્વત॑સ્સોમ॒ વૃષ્ણિ॑યમ્ । ભવા॒ વાજ॑સ્ય સઙ્ગ॒થે ॥ અ॒પ્સુમે॒ સોમો॑ અબ્રવીદ॒ન્તર્વિશ્વા॑નિ ભેષ॒જા । અ॒ગ્નિઞ્ચ॑ વિ॒શ્વશ॑મ્ભુવ॒માપ॑શ્ચ વિ॒શ્વભે॑ષજીઃ ॥ ગૌ॒રી મિ॑માય સલિ॒લાનિ॒ તક્ષ॒ત્યેક॑પદી દ્વિ॒પદી॒ સા ચતુ॑ષ્પદી । અ॒ષ્ટાપ॑દી॒ નવ॑પદી બભૂ॒વુષી॑ સ॒હસ્રા᳚ક્ષરા પર॒મે વ્યો॑મન્ન્ ॥

ૐ અધિદેવતા પ્રત્યધિદેવતા સહિતાય સોમા॑ય॒ નમઃ॑

॥ 1 ॥

શ્લોક 3

ૐ અ॒ગ્નિર્મૂ॒ર્ધા દિ॒વઃ ક॒કુત્પતિઃ॑ પૃથિ॒વ્યા અ॒યમ્ । અ॒પાગ્ંરેતાગ્ં॑સિ જિન્વતિ ॥ સ્યો॒ના પૃ॑થિવિ॒ ભવા॑-ઽનૃક્ષ॒રા નિ॒વેશ॑ની । યચ્છા॑ન॒શ્શર્મ॑ સ॒પ્રથાઃ᳚ ॥ ક્ષેત્ર॑સ્ય॒ પતિ॑ના વ॒યગ્ંહિ॒તે ને॑વ જયામસિ । ગામશ્વ॑-મ્પોષયિ॒ત્.ંવા સ નો॑ મૃડાતી॒દૃશે᳚ ॥

ૐ અધિદેવતા પ્રત્યધિદેવતા સહિતાય અઙ્ગા॑રકાય॒ નમઃ॑

॥ 2 ॥

શ્લોક 4

ૐ ઉદ્બુ॑ધ્યસ્વાગ્ને॒ પ્રતિ॑જાગૃહ્યેનમિષ્ટાપૂ॒ર્તે સગ્ંસૃ॑જેથામ॒યઞ્ચ॑ । પુનઃ॑ કૃ॒ણ્વગ્ગ્‍સ્ત્વા॑ પિ॒તરં॒-યુઁવા॑નમ॒ન્વાતાગ્ં॑સી॒ત્ત્વયિ॒ તન્તુ॑મે॒તમ્ ॥ ઇ॒દં-વિઁષ્ણુ॒ર્વિચ॑ક્રમે ત્રે॒ધા નિદ॑ધે પ॒દમ્ । સમૂ॑ઢમસ્યપાગ્ં સુ॒રે ॥ વિષ્ણો॑ ર॒રાટ॑મસિ॒ વિષ્ણોઃ᳚ પૃ॒ષ્ઠમ॑સિ॒ વિષ્ણો॒શ્શ્નપ્ત્રે᳚સ્થો॒ વિષ્ણો॒સ્સ્યૂર॑સિ॒ વિષ્ણો᳚ર્ધ્રુ॒વમ॑સિ વૈષ્ણ॒વમ॑સિ॒ વિષ્ણ॑વે ત્વા ॥

ૐ અધિદેવતા પ્રત્યધિદેવતા સહિતાય બુધા॑ય॒ નમઃ॑

॥ 3 ॥

શ્લોક 5

ઓ-મ્બૃહ॑સ્પતે॒ અતિ॒યદ॒ર્યો અર્​હા᳚દ્દ્યુ॒મદ્વિ॒ભાતિ॒ ક્રતુ॑મ॒જ્જને॑ષુ ।યદ્દી॒દય॒ચ્ચવ॑સર્તપ્રજાત॒ તદ॒સ્માસુ॒ દ્રવિ॑ણન્ધેહિ ચિ॒ત્રમ્ ॥ ઇન્દ્ર॑મરુત્વ ઇ॒હ પા॑હિ॒ સોમં॒-યઁથા॑ શાર્યા॒તે અપિ॑બસ્સુ॒તસ્ય॑ । તવ॒ પ્રણી॑તી॒ તવ॑ શૂર॒શર્મ॒ન્નાવિ॑વાસન્તિ ક॒વય॑સ્સુય॒જ્ઞાઃ ॥ બ્રહ્મ॑જજ્ઞા॒ન-મ્પ્ર॑થ॒મ-મ્પુ॒રસ્તા॒દ્વિસી॑મ॒તસ્સુ॒રુચો॑ વે॒ન આ॑વઃ । સબુ॒ધ્નિયા॑ ઉપ॒મા અ॑સ્ય વિ॒ષ્ઠાસ્સ॒તશ્ચ॒ યોનિ॒મસ॑તશ્ચ॒ વિવઃ॑ ॥

ૐ અધિદેવતા પ્રત્યધિદેવતા સહિતાય બૃહ॒સ્પત॑યે॒ નમઃ॑

॥ 4 ॥

શ્લોક 6

ઓ-મ્પ્રવ॑શ્શુ॒ક્રાય॑ ભા॒નવે॑ ભરધ્વમ્ । હ॒વ્ય-મ્મ॒તિ-ઞ્ચા॒ગ્નયે॒ સુપૂ॑તમ્ । યો દૈવ્યા॑નિ॒ માનુ॑ષા જ॒નૂગ્ંષિ॑ અ॒ન્તર્વિશ્વા॑નિ વિ॒દ્મ ના॒ જિગા॑તિ ॥ ઇ॒ન્દ્રા॒ણીમા॒સુ નારિ॑ષુ સુ॒પત્.ંઈ॑મ॒હમ॑શ્રવમ્ । ન હ્ય॑સ્યા અપ॒રઞ્ચ॒ન જ॒રસા॒ મર॑તે॒ પતિઃ॑ ॥ ઇન્દ્રં॑-વોઁ વિ॒શ્વત॒સ્પરિ॒ હવા॑મહે॒ જને᳚ભ્યઃ । અ॒સ્માક॑મસ્તુ॒ કેવ॑લઃ॥

ૐ અધિદેવતા પ્રત્યધિદેવતા સહિતાય શુક્રા॑ય॒ નમઃ॑

॥ 5 ॥

શ્લોક 7

ૐ શન્નો॑ દે॒વીર॒ભિષ્ટ॑ય॒ આપો॑ ભવન્તુ પી॒તયે᳚ । શં​યોઁર॒ભિસ્ર॑વન્તુ નઃ ॥ પ્રજા॑પતે॒ ન ત્વદે॒તાન્ય॒ન્યો વિશ્વા॑ જા॒તાનિ॒ પરિ॒તા બ॑ભૂવ । યત્કા॑માસ્તે જુહુ॒મસ્તન્નો॑ અસ્તુ વ॒યગ્ગ્‍સ્યા॑મ॒ પત॑યો રયી॒ણામ્ ॥ ઇ॒મં-યઁ॑મપ્રસ્ત॒રમાહિ સીદા-ઽઙ્ગિ॑રોભિઃ પિ॒તૃભિ॑સ્સં​વિઁદા॒નઃ । આત્વા॒ મન્ત્રાઃ᳚ કવિશ॒સ્તા વ॑હન્ત્વે॒ના રા॑જન્, હ॒વિષા॑ માદયસ્વ ॥

ૐ અધિદેવતા પ્રત્યધિદેવતા સહિતાય શનૈશ્ચ॑રાય॒ નમઃ॑

॥ 6 ॥

શ્લોક 8

ઓ-ઙ્કયા॑ નશ્ચિ॒ત્ર આભુ॑વદૂ॒તી સ॒દાવૃ॑ધ॒સ્સખા᳚ । કયા॒ શચિ॑ષ્ઠયા વૃ॒તા ॥ આ-ઽયઙ્ગૌઃ પૃશ્નિ॑રક્રમી॒દસ॑નન્મા॒તર॒-મ્પુનઃ॑ । પિ॒તર॑ઞ્ચ પ્ર॒યન્ત્સુવઃ॑ ॥ યત્તે॑ દે॒વી નિર્‍ઋ॑તિરાબ॒બન્ધ॒ દામ॑ ગ્રી॒વાસ્વ॑વિચ॒ર્ત્યમ્ । ઇ॒દન્તે॒ તદ્વિષ્યા॒મ્યાયુ॑ષો॒ ન મધ્યા॒દથા॑જી॒વઃ પિ॒તુમ॑દ્ધિ॒ પ્રમુ॑ક્તઃ ॥

ૐ અધિદેવતા પ્રત્યધિદેવતા સહિતાય રાહ॑વે॒ નમઃ॑

॥ 7 ॥

શ્લોક 9

ઓ-ઙ્કે॒તુઙ્કૃ॒ણ્વન્ન॑કે॒તવે॒ પેશો॑ મર્યા અપે॒શસે᳚ । સમુ॒ષદ્ભિ॑રજાયથાઃ ॥ બ્ર॒હ્મા દે॒વાના᳚-મ્પદ॒વીઃ ક॑વી॒નામૃષિ॒ર્વિપ્રા॑ણા-મ્મહિ॒ષો મૃ॒ગાણા᳚મ્ । શ્યે॒નોગૃધ્રા॑ણા॒ગ્॒સ્વધિ॑તિ॒ર્વના॑ના॒ગ્ં॒ સોમઃ॑ પ॒વિત્ર॒મત્યે॑તિ॒ રેભન્॑ ॥ સચિ॑ત્ર ચિ॒ત્ર-ઞ્ચિ॒તયન્᳚તમ॒સ્મે ચિત્ર॑ક્ષત્ર ચિ॒ત્રત॑મં-વઁયો॒ધામ્ । ચ॒ન્દ્રં ર॒યિ-મ્પુ॑રુ॒વીરમ્᳚ બૃ॒હન્ત॒-ઞ્ચન્દ્ર॑ચ॒ન્દ્રાભિ॑ર્ગૃણ॒તે યુ॑વસ્વ ॥

ૐ અધિદેવતા પ્રત્યધિદેવતા સહિતેભ્યઃ કેતુ॑ભ્યો॒ નમઃ॑

॥ 8 ॥

શ્લોક 10

॥ ૐ આદિત્યાદિ નવગ્રહ દેવ॑તાભ્યો॒ નમો॒ નમઃ॑ ॥

॥ ૐ શાન્તિ॒-શ્શાન્તિ॒-શ્શાન્તિઃ॑ ॥