Nava Graha Stotram
നവഗ്രഹ സ്തോത്രമ്
Nava Graha Stotram
നവഗ്രഹ സ്തോത്രമ്
ശ്ലോക 1
നവഗ്രഹ ധ്യാന ശ്ലോകമ്
ആദിത്യായ ച സോമായ മങ്ഗലായ ബുധായ ച ।
ഗുരു ശുക്ര ശനിഭ്യശ്ച രാഹവേ കേതവേ നമഃ ॥
രവിഃ
ജപാകുസുമ സങ്കാശം കാശ്യപേയം മഹാദ്യുതിമ് ।
തമോഽരിം സര്വ പാപഘ്നം പ്രണതോസ്മി ദിവാകരമ് ॥
ചന്ദ്രഃ
ദധിശങ്ഖ തുഷാരാഭം ക്ഷീരാര്ണവ സമുദ്ഭവമ് (ക്ഷീരോദാര്ണവ സമ്ഭവമ്) ।
നമാമി ശശിനം സോമം ശമ്ഭോ-ര്മകുട ഭൂഷണമ് ॥
കുജഃ
ധരണീ ഗര്ഭ സമ്ഭൂതം വിദ്യുത്കാന്തി സമപ്രഭമ് ।
കുമാരം ശക്തിഹസ്തം തം കുജം [മങ്ഗലം] പ്രണമാമ്യഹമ് ॥
ബുധഃ
പ്രിയങ്ഗു കലികാശ്യാമം രൂപേണാ പ്രതിമം ബുധമ് ।
സൌമ്യം സൌമ്യ (സത്വ) ഗുണോപേതം തം ബുധം പ്രണമാമ്യഹമ് ॥
ഗുരുഃ
ദേവാനാം ച ഋഷീണാം ച ഗുരും കാഞ്ചനസന്നിഭമ് ।
ബുദ്ധിമന്തം ത്രിലോകേശം തം നമാമി ബൃഹസ്പതിമ് ॥
ശുക്രഃ
ഹിമകുന്ദ മൃണാലാഭം ദൈത്യാനം പരമം ഗുരുമ് ।
സര്വശാസ്ത്ര പ്രവക്താരം ഭാര്ഗവം പ്രണമാമ്യഹമ് ॥
ശനിഃ
നീലാഞ്ജന സമാഭാസം രവിപുത്രം യമാഗ്രജമ് ।
ഛായാ മാര്താണ്ഡ സമ്ഭൂതം തം നമാമി ശനൈശ്ചരമ് ॥
രാഹുഃ
അര്ധകായം മഹാവീരം ചന്ദ്രാദിത്യ വിമര്ധനമ് ।
സിംഹികാ ഗര്ഭ സമ്ഭൂതം തം രാഹും പ്രണമാമ്യഹമ് ॥
കേതുഃ
പലാശ പുഷ്പ സങ്കാശം താരകാഗ്രഹമസ്തകമ് ।
രൌദ്രം രൌദ്രാത്മകം ഘോരം തം കേതും പ്രണമാമ്യഹമ് ॥
ഫലശ്രുതിഃ
ഇതി വ്യാസ മുഖോദ്ഗീതം യഃ പഠേത്സു സമാഹിതഃ ।
ദിവാ വാ യദി വാ രാത്രൌ വിഘ്നശാന്തി-ര്ഭവിഷ്യതി ॥
നരനാരീ-നൃപാണാം ച ഭവേ-ദ്ദുഃസ്വപ്ന-നാശനമ് ।
ഐശ്വര്യമതുലം തേഷാമാരോഗ്യം പുഷ്ടി വര്ധനമ് ॥
ഗ്രഹനക്ഷത്രജാഃ പീഡാസ്തസ്കരാഗ്നി സമുദ്ഭവാഃ ।
താസ്സര്വാഃ പ്രശമം യാന്തി വ്യാസോ ബ്രൂതേ ന സംശയഃ ॥
ഇതി വ്യാസ വിരചിതം നവഗ്രഹ സ്തോത്രം സമ്പൂര്ണമ് ।