నవగ్రహ కవచమ్

నవగ్రహ కవచమ్

శ్లోక 1

శిరో మే పాతు మార్తాణ్డో కపాలం రోహిణీపతిః ।

ముఖమఙ్గారకః పాతు కణ్ఠశ్చ శశినన్దనః

శ్లోక 2

బుద్ధిం జీవః సదా పాతు హృదయం భృగునన్దనః ।

జఠరం చ శనిః పాతు జిహ్వాం మే దితినన్దనః

॥ 1 ॥

శ్లోక 3

పాదౌ కేతుః సదా పాతు వారాః సర్వాఙ్గమేవ చ ।

తిథయోఽష్టౌ దిశః పాన్తు నక్షత్రాణి వపుః సదా

॥ 2 ॥

శ్లోక 4

అంసౌ రాశిః సదా పాతు యోగాశ్చ స్థైర్యమేవ చ ।

గుహ్యం లిఙ్గం సదా పాన్తు సర్వే గ్రహాః శుభప్రదాః

॥ 3 ॥

శ్లోక 5

అణిమాదీని సర్వాణి లభతే యః పఠేద్ ధృవమ్ ।

ఏతాం రక్షాం పఠేద్ యస్తు భక్త్యా స ప్రయతః సుధీః

॥ 4 ॥

శ్లోక 6

స చిరాయుః సుఖీ పుత్రీ రణే చ విజయీ భవేత్ ।

అపుత్రో లభతే పుత్రం ధనార్థీ ధనమాప్నుయాత్

॥ 5 ॥

శ్లోక 7

దారార్థీ లభతే భార్యాం సురూపాం సుమనోహరామ్ ।

రోగీ రోగాత్ప్రముచ్యేత బద్ధో ముచ్యేత బన్ధనాత్

॥ 6 ॥

శ్లోక 8

జలే స్థలే చాన్తరిక్షే కారాగారే విశేషతః ।

యః కరే ధారయేన్నిత్యం భయం తస్య న విద్యతే

॥ 7 ॥

శ్లోక 9

బ్రహ్మహత్యా సురాపానం స్తేయం గుర్వఙ్గనాగమః ।

సర్వపాపైః ప్రముచ్యేత కవచస్య చ ధారణాత్

॥ 8 ॥

శ్లోక 10

నారీ వామభుజే ధృత్వా సుఖైశ్వర్యసమన్వితా ।

కాకవన్ధ్యా జన్మవన్ధ్యా మృతవత్సా చ యా భవేత్ ।

బహ్వపత్యా జీవవత్సా కవచస్య ప్రసాదతః

॥ 9 ॥

శ్లోక 11

ఇతి గ్రహయామలే ఉత్తరఖణ్డే నవగ్రహ కవచం సమాప్తమ్ ।