നവഗ്രഹ കവചമ്

നവഗ്രഹ കവചമ്

ശ്ലോക 1

ശിരോ മേ പാതു മാര്താണ്ഡോ കപാലം രോഹിണീപതിഃ ।

മുഖമങ്ഗാരകഃ പാതു കണ്ഠശ്ച ശശിനന്ദനഃ

ശ്ലോക 2

ബുദ്ധിം ജീവഃ സദാ പാതു ഹൃദയം ഭൃഗുനന്ദനഃ ।

ജഠരം ച ശനിഃ പാതു ജിഹ്വാം മേ ദിതിനന്ദനഃ

॥ 1 ॥

ശ്ലോക 3

പാദൌ കേതുഃ സദാ പാതു വാരാഃ സര്വാങ്ഗമേവ ച ।

തിഥയോഽഷ്ടൌ ദിശഃ പാന്തു നക്ഷത്രാണി വപുഃ സദാ

॥ 2 ॥

ശ്ലോക 4

അംസൌ രാശിഃ സദാ പാതു യോഗാശ്ച സ്ഥൈര്യമേവ ച ।

ഗുഹ്യം ലിങ്ഗം സദാ പാന്തു സര്വേ ഗ്രഹാഃ ശുഭപ്രദാഃ

॥ 3 ॥

ശ്ലോക 5

അണിമാദീനി സര്വാണി ലഭതേ യഃ പഠേദ് ധൃവമ് ।

ഏതാം രക്ഷാം പഠേദ് യസ്തു ഭക്ത്യാ സ പ്രയതഃ സുധീഃ

॥ 4 ॥

ശ്ലോക 6

സ ചിരായുഃ സുഖീ പുത്രീ രണേ ച വിജയീ ഭവേത് ।

അപുത്രോ ലഭതേ പുത്രം ധനാര്ഥീ ധനമാപ്നുയാത്

॥ 5 ॥

ശ്ലോക 7

ദാരാര്ഥീ ലഭതേ ഭാര്യാം സുരൂപാം സുമനോഹരാമ് ।

രോഗീ രോഗാത്പ്രമുച്യേത ബദ്ധോ മുച്യേത ബന്ധനാത്

॥ 6 ॥

ശ്ലോക 8

ജലേ സ്ഥലേ ചാന്തരിക്ഷേ കാരാഗാരേ വിശേഷതഃ ।

യഃ കരേ ധാരയേന്നിത്യം ഭയം തസ്യ ന വിദ്യതേ

॥ 7 ॥

ശ്ലോക 9

ബ്രഹ്മഹത്യാ സുരാപാനം സ്തേയം ഗുര്വങ്ഗനാഗമഃ ।

സര്വപാപൈഃ പ്രമുച്യേത കവചസ്യ ച ധാരണാത്

॥ 8 ॥

ശ്ലോക 10

നാരീ വാമഭുജേ ധൃത്വാ സുഖൈശ്വര്യസമന്വിതാ ।

കാകവന്ധ്യാ ജന്മവന്ധ്യാ മൃതവത്സാ ച യാ ഭവേത് ।

ബഹ്വപത്യാ ജീവവത്സാ കവചസ്യ പ്രസാദതഃ

॥ 9 ॥

ശ്ലോക 11

ഇതി ഗ്രഹയാമലേ ഉത്തരഖണ്ഡേ നവഗ്രഹ കവചം സമാപ്തമ് ।