નવગ્રહ કવચમ્

નવગ્રહ કવચમ્

શ્લોક 1

શિરો મે પાતુ માર્તાણ્ડો કપાલં રોહિણીપતિઃ ।

મુખમઙ્ગારકઃ પાતુ કણ્ઠશ્ચ શશિનન્દનઃ

શ્લોક 2

બુદ્ધિં જીવઃ સદા પાતુ હૃદયં ભૃગુનન્દનઃ ।

જઠરં ચ શનિઃ પાતુ જિહ્વાં મે દિતિનન્દનઃ

॥ 1 ॥

શ્લોક 3

પાદૌ કેતુઃ સદા પાતુ વારાઃ સર્વાઙ્ગમેવ ચ ।

તિથયોઽષ્ટૌ દિશઃ પાન્તુ નક્ષત્રાણિ વપુઃ સદા

॥ 2 ॥

શ્લોક 4

અંસૌ રાશિઃ સદા પાતુ યોગાશ્ચ સ્થૈર્યમેવ ચ ।

ગુહ્યં લિઙ્ગં સદા પાન્તુ સર્વે ગ્રહાઃ શુભપ્રદાઃ

॥ 3 ॥

શ્લોક 5

અણિમાદીનિ સર્વાણિ લભતે યઃ પઠેદ્ ધૃવમ્ ।

એતાં રક્ષાં પઠેદ્ યસ્તુ ભક્ત્યા સ પ્રયતઃ સુધીઃ

॥ 4 ॥

શ્લોક 6

સ ચિરાયુઃ સુખી પુત્રી રણે ચ વિજયી ભવેત્ ।

અપુત્રો લભતે પુત્રં ધનાર્થી ધનમાપ્નુયાત્

॥ 5 ॥

શ્લોક 7

દારાર્થી લભતે ભાર્યાં સુરૂપાં સુમનોહરામ્ ।

રોગી રોગાત્પ્રમુચ્યેત બદ્ધો મુચ્યેત બન્ધનાત્

॥ 6 ॥

શ્લોક 8

જલે સ્થલે ચાન્તરિક્ષે કારાગારે વિશેષતઃ ।

યઃ કરે ધારયેન્નિત્યં ભયં તસ્ય ન વિદ્યતે

॥ 7 ॥

શ્લોક 9

બ્રહ્મહત્યા સુરાપાનં સ્તેયં ગુર્વઙ્ગનાગમઃ ।

સર્વપાપૈઃ પ્રમુચ્યેત કવચસ્ય ચ ધારણાત્

॥ 8 ॥

શ્લોક 10

નારી વામભુજે ધૃત્વા સુખૈશ્વર્યસમન્વિતા ।

કાકવન્ધ્યા જન્મવન્ધ્યા મૃતવત્સા ચ યા ભવેત્ ।

બહ્વપત્યા જીવવત્સા કવચસ્ય પ્રસાદતઃ

॥ 9 ॥

શ્લોક 11

ઇતિ ગ્રહયામલે ઉત્તરખણ્ડે નવગ્રહ કવચં સમાપ્તમ્ ।