Narayana Suktam
નારાયણ સૂક્તમ્
Narayana Suktam
નારાયણ સૂક્તમ્
શ્લોક 1
ૐ સ॒હ ના॑વવતુ । સ॒હ નૌ॑ ભુનક્તુ । સ॒હ વી॒ર્ય॑-ઙ્કરવાવહૈ ।
તે॒જ॒સ્વિના॒વધી॑તમસ્તુ॒ મા વિ॑દ્વિષા॒વહૈ᳚ ॥
ૐ શાન્તિ॒-શ્શાન્તિ॒-શ્શાન્તિઃ॑ ॥
[ધા॒તા પુ॒રસ્તા॒દ્યમુ॑દાજ॒હાર॑ । શ॒ક્રઃ પ્રવિ॒દ્વાન્-પ્ર॒દિશ॒શ્ચત॑સ્રઃ ।
તમે॒વં-વિઁ॒દ્વાન॒મૃત॑ ઇ॒હ ભ॑વતિ । નાન્યઃ પન્થા॒ અય॑નાય વિદ્યતે ॥]
ઓમ્ ॥ સ॒હ॒સ્ર॒શીર્॑ષ-ન્દે॒વં॒ વિ॒શ્વાક્ષં॑-વિઁ॒શ્વશ॑મ્ભુવમ્ ।
વિશ્વ॑-ન્ના॒રાય॑ણ-ન્દે॒વ॒મ॒ક્ષર॑-મ્પર॒મ-મ્પ॒દમ્ ।
વિ॒શ્વતઃ॒ પર॑માન્નિ॒ત્યં॒-વિઁ॒શ્વ-ન્ના॑રાય॒ણગ્ં હ॑રિમ્ ।
વિશ્વ॑મે॒વેદ-મ્પુરુ॑ષ॒-સ્તદ્વિશ્વ-મુપ॑જીવતિ ।
પતિં॒-વિઁશ્વ॑સ્યા॒ત્મેશ્વ॑ર॒ગ્ં॒ શાશ્વ॑તગ્ં શિ॒વ-મ॑ચ્યુતમ્ ।
ના॒રાય॒ણ-મ્મ॑હાજ્ઞે॒યં॒-વિઁ॒શ્વાત્મા॑ન-મ્પ॒રાય॑ણમ્ ।
ના॒રાય॒ણપ॑રો જ્યો॒તિ॒રા॒ત્મા ના॑રાય॒ણઃ પ॑રઃ ।
ના॒રાય॒ણપર॑-મ્બ્ર॒હ્મ॒ તત્ત્વ-ન્ના॑રાય॒ણઃ પ॑રઃ ।
ના॒રાય॒ણપ॑રો ધ્યા॒તા॒ ધ્યા॒ન-ન્ના॑રાય॒ણઃ પ॑રઃ ।
યચ્ચ॑ કિ॒ઞ્ચિજ્જ॑ગત્સ॒ર્વ॒-ન્દૃ॒શ્યતે᳚ શ્રૂય॒તે-ઽપિ॑ વા ॥
અન્ત॑ર્બ॒હિશ્ચ॑ તત્સ॒ર્વં॒-વ્યાઁ॒પ્ય ના॑રાય॒ણ-સ્સ્થિ॑તઃ ।
અનન્ત॒મવ્યય॑-ઙ્ક॒વિગ્ં સ॑મુ॒દ્રેં-ઽતં॑-વિઁ॒શ્વશ॑મ્ભુવમ્ ।
પ॒દ્મ॒કો॒શ-પ્ર॑તીકા॒શ॒ગ્ં॒ હૃ॒દય॑-ઞ્ચાપ્ય॒ધોમુ॑ખમ્ ।
અધો॑ નિ॒ષ્ટ્યા વિ॑તસ્યા॒ન્તે॒ ના॒ભ્યામુ॑પરિ॒ તિષ્ઠ॑તિ ।
જ્વા॒લ॒મા॒લાકુ॑લ-મ્ભા॒તી॒ વિ॒શ્વસ્યા॑યત॒ન-મ્મ॑હત્ ।
સન્ત॑તગ્ં શિ॒લાભિ॑સ્તુ॒ લમ્બ॑ત્યાકોશ॒સન્નિ॑ભમ્ ।
તસ્યાન્તે॑ સુષિ॒રગ્ં સૂ॒ક્ષ્મ-ન્તસ્મિન્᳚ સ॒ર્વ-મ્પ્રતિ॑ષ્ઠિતમ્ ।
તસ્ય॒ મધ્યે॑ મ॒હાન॑ગ્નિ-ર્વિ॒શ્વાર્ચિ॑-ર્વિ॒શ્વતો॑મુખઃ ।
સો-ઽગ્ર॑ભુ॒ગ્વિભ॑જન્તિ॒ષ્ઠ॒-ન્નાહા॑રમજ॒રઃ ક॒વિઃ ।
તિ॒ર્ય॒ગૂ॒ર્ધ્વમ॑ધશ્શા॒યી॒ ર॒શ્મય॑સ્તસ્ય॒ સન્ત॑તા ।
સ॒ન્તા॒પય॑તિ સ્વ-ન્દે॒હમાપા॑દતલ॒મસ્ત॑કઃ ।
તસ્ય॒ મધ્યે॒ વહ્નિ॑શિખા અ॒ણીયો᳚ર્ધ્વા વ્ય॒વસ્થિ॑તઃ ।
ની॒લતો॑-યદ॑મધ્ય॒સ્થા॒-દ્વિ॒ધ્યુલ્લે॑ખેવ॒ ભાસ્વ॑રા ।
ની॒વાર॒શૂક॑વત્ત॒ન્વી॒ પી॒તા ભા᳚સ્વત્ય॒ણૂપ॑મા ।
તસ્યા᳚-શ્શિખા॒યા મ॑ધ્યે પ॒રમા᳚ત્મા વ્ય॒વસ્થિ॑તઃ ।
સ બ્રહ્મ॒ સ શિવ॒-સ્સ હરિ॒-સ્સેન્દ્ર॒-સ્સો-ઽક્ષ॑રઃ પર॒મ-સ્સ્વ॒રાટ્ ॥
ઋતગ્ં સ॒ત્ય-મ્પ॑ર-મ્બ્ર॒હ્મ॒ પુ॒રુષ॑-ઙ્કૃષ્ણ॒પિઙ્ગ॑લમ્ ।
ઊ॒ર્ધ્વરે॑તં-વિઁ॑રૂપા॒ક્ષં॒-વિઁ॒શ્વરૂ॑પાય॒ વૈ નમો॒ નમઃ॑ ॥
ઓ-ન્ના॒રા॒ય॒ણાય॑ વિ॒દ્મહે॑ વાસુદે॒વાય॑ ધીમહિ ।
તન્નો॑ વિષ્ણુઃ પ્રચો॒દયા᳚ત્ ॥
ૐ શાન્તિ॒-શ્શાન્તિ॒-શ્શાન્તિઃ॑ ॥